ღია კარის დღე საკრებულოში და მერიის მოხელეთა ცარიელი სკამები

საზოგადოება

ღია კარის დღე საკრებულოში და მერიის მოხელეთა ცარიელი სკამები

2019 აპრ 18 10:38:14

16 აპრილს, ოზურგეთის მუნიციპალიტეტის საკრებულოს სხდომათა დარბაზში ღია კარის დღე მოეწყო, რაც თვითმმართველობის პროცესში მოქალაქეთა აქტიურ ჩართულობას გულისხმობს.

ღონისძიებას, მუნიციპალიტეტის მერიის თანამდებობის პირთაგან არავინ ესწრებოდა და ცარიელი სკამების და მაგიდების ფონს უფრო დემონსტრაციული უარის ელფერი დაჰკრავდა.

ეს ცარიელი სკამები მერიის ჩინოვნიკებისთვის იყო გათვლილი

მოქალაქეებს დღის განმავლობაში საკრებულოს თავმჯდომარე დავით დარჩია და საკრებულოს ყველა თანამდებობის პირი უსმენდა. მომსვლელთა უმეტესობა ითხოვდა სახლისთვის სახურავს, ხოლო რაოდენ გასაკვირიც უნდა იყოს, მოქალაქეთა საკმაო ნაწილი ისეთიც იყო, ვისაც სახლები გადაუხურეს და ახლა, ითხოვდნენ, თუნდაც იატაკის დაგებას.

_ "სახლის შესასვლელში ცემენტი აყრილია"; "სახლი კი დამიხურეს, მაგრამ "პატალოკი" არ აქვს; "ადიალა" მაქვს აფარებული"; "ჭიშკართან "კანაოა"... _ არა ერთი ასეთი მოთხოვნაც გაჟღერდა.

"გურია ნიუსი" ესწრებოდა მიღების პროცესს და უსმენდა მოქალაქეებს, რომელთაგან ბევრის გასაჭირი მართლაც უმძიმესია. ამიტომ სწორედ მათზე ვამახვილებთ ყურადღებას, ვინც შეჭირვებულთა შორის კიდევ უფრო შეჭირვებულია და სასწრაფო დახმარებას საჭიროებს.

შეხვედრის დაწყებისთანავე, მოქალაქემ სოფელ დვაბზუდან, რომელიც სოფელში გზის პრობლემების შესახებ საუბრობდა, იკითხა, სად არიან ადამიანები აღმასრულებელი ხელისუფლებიდან, რომლებსაც მათი პრობლემების შესახებ უნდა მოესმინათ.

სოფელ ასკანის თემში, მზიანში მცხოვრები ჟუჟუნა ჯინჭარაძის ერთადერთი შვილი, 22 წლის ასაკიდან საწოლს არის მიჯაჭვული.

_1992 წელს, როცა ქვეყანაში სრული განუკითხაობა იყო, მეზობელი დააყაჩაღეს. ჩემი შვილი მაშინ 22 წლის იყო. მისაშველებლად გაიქცა. ყაჩაღებმა ტყვია შეაგებეს და ხერხემალი დაუზიანდა. მას შემდეგ საწოლს არის მიჯაჭვული. ერთი წუთით ვერ ძლებს უჩემოდ. სოციალურ დახმარებას ხან დაგვინიშნავენ, ხან _ მოგვიხსნიან, გვიშველეთ რამე, _ ტიროდა ქალბატონი, რომელსაც დახმარება აღუთქვეს.

სოფელ დვაბზუს წარმომადგენლები მერის წარმომადგენლის სასწრაფოდ დანიშვნას მოითხოვენ სოფელში.

_ გამაგებინეთ, სოფელს გამგებელი რომ არ ჰყავს, რა გახდა სოფელში ერთი კაცის დანიშვნა?! რა დავაშავეთ?! არის იქ ვასო ღლონტი, რომელიც ვითომ მოვალეობას ასრულებს. ვინ არის ეს ჰაერში გამოკიდებული ვასო?! არ გვინდა ჩვენ ის. დროზე დანიშნოს მერმა წარმომადგენელი, თორემ გზას გადავკეტავთ. ეს არის ხალხის მიმართ აგდებული დამოკიდებულება, _ თქვა სოფელ დვაბზუს მკვიდრმა ლია ღლონტმა.

სოფელ კონჭკათის მკვიდრმა, მზიური ქარცივაძემ საკუთარი ძალიან ძველი სახლის შესახებ ისაუბრა. მისი თქმით, სახლს სახურავიც არ აქვს.

_ მოვიდნენ, დაასურათეს, განცხადებაც დავწერე, მაგრამ შინ შევინახე. მერიიდან მითხრეს, ჯერ არ შემოიტანო, თანხების მოძიებაა საჭიროო, _ თქვა მან.

_ კი მაგრამ, სახლში რომ გიდევს განცხადება, რად გინდა? უნდა შემოიტანო. თუ სახლი ავარიულია და სიცოცხლისთვის საფრთხის შემცველი, იქნებ, ფართი დაგიქირაონ, _ უთხრა მას დეპუტატმა ლავრენტი ბიგვავამ.

ტირილით დაიწყო თავისი გასაჭირის მოყოლა ნატანებელმა თამუნა ქარდავამ:

_ ექვსი წლის ბიჭი გულის მანკით მყავს ავად. ახლახან გაუკეთდა ოპერაცია. დაბადებიდან საავადმყოფოში მყავს. კვლავ ოპერაციას საჭიროებს და როგორმე მიშველეთ, გზაზე დამაყენეთ, _ ითხოვა მან.

ნატანების დეპუტატმა, რომელიც ახლდა ქალბატონს, განმარტა, რომ ოჯახი დღემდე არავის აწუხებდა, ახლა კი აუცილებლად საჭიროებს თანადგომას.

საკრებულოს თავმჯდომარის მოადგილემ გიორგი ღურჯუმელიძემ უთხრა თამუნა ქარდავას, რომ ის დღემდე არ მოსულა ხელისუფლებასთან.

_ დიახ, არ გაწუხებდით, მერიდება, მაგრამ გავყიდეთ ყველაფერი, რაც გაგვაჩნდა. ახლა ასეთ დღეში ვართ, ამიტომ მოგადექით და ესეც მერიდება, _ ტიროდა ის.

ქარდავას მაქსიმალურ თანადგომას შეჰპირდნენ.

სოფელ ასკანის მკვიდრმა ცისანა ზარდიაშვილმა განაცხადა, რომ სამი შვილის მარტოხელა დედაა. სახლი არ აქვს და დროებით მეზობლის სახლში ცხოვრობს:

_ ძალადობის მსხვერპლი ვარ. ყოფილი ქმარი ამის გამო, ერთი წელია, დაკავებულია. სახლის პატრონთან დროებით ვარ, სოფლის გამგებელმა შემასახლა, მაგრამ ხვალ რომ მომთხოვოს, სახლიდან გამოდიო, სად წავიდე სამი შვილით? იქნებ, დამეხმაროთ, _ ითხოვა მან.

დეპუტატმა ლელა საჯაიამ განუმარტა მას, რომ შესაძლებელია დახმარება და მალე შეატყობინებენ ამის შესახებ.

_ გულსისხლძარღვთა დაავადება მაწუხებს. ორი მცირეწლოვანი შვილი მყავს. თითქმის, უსახლკარო ვარ. დანგრეულია ყველაფერი. ქვეწარმავალი შემოვიდა სახლში და პირდაპირ აკვანს დაეხვია. იქნებ, სამშენებლო მასალით დამეხმაროთ, რომ ორი ოთახი მაინც მქონდეს და ქვეწარმავლები არ შემოძვრნენ სახლში, _ თქვა სილაურის მცხოვრებმა ელგუჯა გირკელიძემ.

დავით დარჩიამ ჰკითხა მას, სამშენებლო მასალით რომ დაეხმარონ, თუ შეძლებდა დანარჩენი საქმის გაკეთებას. გირკელიძემ განაცხადა, რომ მეზობლების დახმარებით შეძლებს საჭირო სამუშაოების ჩატარებას.

სოფელ ჭანიეთის მკვიდრმა გულნარა შავიშვილმა, ასევე, ტირილით დაიწყო მოყოლა, თუ როგორ დაეწვა ერთი პატარა "ქუხნა" სახლი, რომლის მეტი არც არაფერი გააჩნდა.

_ მოვიდნენ, გადაიღეს სურათები, დამპირდნენ დახმარებას, მაგრამ დღემდე მოლოდინში ვარ. სანამ ცოცხალი ვარ, იქნებ, მომეშველოთ, _ ითხოვა მან.

ჯუმათელმა ლიანა ჩხარტიშვილმა ღია კარის დღის ყველა მონაწილეს მიმართა:

_ ჩემ დღეში ქვეყნად ნურავინ ჩააგდოს, დედებს აშოროს ღმერთმა ის, რაც მე გავიარე. სამი შვილი ადრე მყავს გარდაცვლილი. მეუღლე ავადმყოფი მყავს, არაფრის კეთება არ შეუძლია, ინსულტიანი 55 წლის შვილი ლოგინადაა ჩავარდნილი. სამი წელია, დახმარება მომიხსნეს. ვინმე ჩემზე უარეს დღეშია? ასეთ გასაჭირში მყოფს თუ არ დამეხმარებიან, ვის ეხმარებიან?! _ იკითხა ქალბატონმა.

დავით დარჩიამ აღუთქვა, რომ მაქსიმალურ ღონისძიებას გაატარებენ.

ღია კარის დღეზე ოცდაათამდე მოქალაქე მიიღეს და მოუსმინეს. მოსულთაგან უპასუხოდ არავინ წასულა და უკლებლივ ყველას აღუთქვეს, რომ დაეხმარებიან. თუ რამდენად დროულად შესრულდება ეს დახმარება, უახლოესი მომავალი გვიჩვენებს. "გურია ნიუსი" პროცესებს თვალს მიადევნებს.

რაც შეეხება იმ ფაქტს, რომ ღია კარის დღეზე მუნიციპალიტეტის მერიის არც ერთი წარმომადგენელი არ მისულა, მერიაში განმარტეს, რომ შეტყობინება გვიან მიიღეს:

_ შეტყობინება გვიან გამოაგზავნეს. მერიამ ერთი დღით გადადება ითხოვა, რადგან უკვე დაგეგმილი იყო სხვადასხვა ღონისძიება და გასაკეთებელი საქმეები. ხოლო მერი და პირველი მოადგილე ადგილზე საერთოდ არ იმყოფებოდნენ, _ გვითხრეს მერიაში.

_ ტრენინგებია, საქმე გვაქვს, _ უთხრა "გურია ნიუსს" საფინანსო სამსახურის უფროსმა გია მამაკაიშვილმა.

კულტურის სამსახურის უფროსმა მარინა ჯაფარიძემ გვითხრა, რომ მას საერთოდ არ ჰქონდა ინფორმაცია და ამ წუთებში ახდენდა ვაჟა აზარაშვილის კონცერტის ორგანიზებას (ოზურგეთის ფოლკლორის ცენტრში კომპოზიტორის შემოქმედებითი საღამო გაიმართა).

იურიდიული სამსახურის უფროსმა, ლაშა თავაძემ "გურია ნიუსს" უთხრა, რომ უფროსის დავალებით საქმეზე იყო წასული, ზედამხედველობის სამსახურის უფროსი კი კაბინეტში საერთოდ არ დაგვხვდა.




 ახალი ამბები
  • ერთად დავეხმაროთ ძმებს დედის გადარჩენაში _ მაიასთვის დავამარცხოთ ლეიკემიაქართველი ძმების _ ნიკა და რატი ქართველიშვილების შესახებ საზოგადოებამ კარგად იცის _ ისინი, დედის გადასარჩენად მოქალაქეებს ტაქსის სერვისს სთავაზობენ. მათ დედას, მაიას ლეიკეიმია აქვს და ძმები ასე ცდილობენ მისი მკურნალობის თანხის შეგროვებას. ამჟამად, ძმები ბათუმში არიან და როგორც გვითხრეს, სეზონის დასრულებამდე ზღვისპირა კურორტზე იმუშავებენ. ნიკა ქართველიშვილის თქმით, დედის ოპერაცია, რომლისთვისაც საჭირო თანხა ჯერ არ აქვთ, 5 სექტემბერს არის დაგეგმილი. "გარკვეული თანხა მოგვიგროვდა, თუმცა, ჯერჯერობით, მთლიანი თანხის შეგროვება ვერ მოვახერხეთ. ყველანაირად ვცდილობთ, რომ ეს თანხა შევაგროვოთ. როგორც იცით, თბილისიდან ადამიანები დასასვენებლად არიან წასულები და მე და ჩემმა ძმამ გადავწყვიტეთ, რომ მე აჭარაში წამოვსულიყავი და აქ გამემგრძელებინა ჩვენი საქმიანობა. დედასთან ყოველდღიურად გვაქვს კონტაქტი. ის საბრძოლო განწყობაზეა, შემართებით არის, ჩვენი იმედი აქვს... თავიდან არ ვეუბნებოდით, რომ ასე ვცდილობთ ფულის შეგროვებას, თუმცა შემდეგ სადღაც უნახავს რეპორტაჟი ჩვენს შესახებ და ძალიან მადლიერია ყველა ადამიანის, ისევე, როგორც ჩვენ მადლიერები ვართ, მათი ვინც კი ამ ხნის განმავლობაში გვეხმარება“, _ - განაცხადა ნიკა ქართველიშვილმა. ძმები ქართველიშვილების დახმარების სურვილის შემთხვევაში მათი აბანკო რეკვიზიტებია: თიბისი ბანკი GE28თB7739345064300013 საქ.ბანკი GE95BG0000000161310779 მიმღები: რატი ქართველიშვილი პ/ნ 01019072195.მაგთის და ბილაინის აბონენტებისათვის: ... ...
  • გვაქვს ფული და "რუსთავი 2"-ზე უკეთესი შენობა, აწი ხვეწნას არ ვაპირებ - ნიკა გვარამიარუსთავი 2-ის ყოფილი გენერალური დირექტორი, ნიკა გვარამია რუსთავი 2-ის გუნდს მიმართავს. მისი თქმით, მას ჰყავს ინვესტორები და აქვს ფული, ასევე, რუსთავი 2-ზე უკეთესი შენობა. "მეგობრებო, მე ჩემი სათქმელი ყველას ვუთხარი: ვაკეთებ ამბიციურ ტვს, ინვესტორები - არის, ანუ ფული გვაქვს, შენობა - რ2ზე უკეთესი, ტექნიკაზე ხო ლაპარაკი ზედმეტია. კრიტიკული და საუკეთესო არხი ცხვება. მთავარი ხალხი, ვინც რ2ს აკეთებდა, ბორტზეა და გავდივართ. აწი ხვეწნას არ ვაპირებ. ვინც აახტებით მიმავალ გემს და გამარჯვებულ ნავში ყოფნას ისურვებთ, თქვენი გადასაწყვეტია. მეორე არჩევანი - ივანიშვილის ტვა. მერე არ თქვათ, რომ არჩევანი არ გქონდათ და კრედიტი და შვილებს რა ვაჭამო არ მოიმიზეზოთ. მოკლედ, იყავით ჩვენთან ერთად და მოიპოვეთჩვენთან ერთადთავისუფლება ps ბოლო ოთხი სიტყვა მთავარი არხის სლოგანია pps ორშაბათიდან ვიწყებთ დაკონტრაქტებას. ვისაც უნდა პატასალია - რჩება, ვისაც თავისუფლება - მოდის. as simple as that", _ წერს ... ...
  • საქართველოში მიწისძვრა მოხდასაქართველოში მიწისძვრა მოხდა. ბიძგები თბილისის დროით 14:20 საათზე დაფიქსირდა. პირველადი ინფორმაციით, მიწისძვრის ეპიცენტრი დმანისთან იყო. სეისმური მონიტორინგის ეროვნული ცენტრის ინფორმაციით, სიმძლავრემ 3.3 მაგნიტუდა ... ...
  • ჟურნალისტების პროტესტი - კურიერი ეთერში არ გადის“რუსთავი 2-ის” ეთერში საინფორმაციო გამოშვება “კურიერი” დღეს ეთერში არ გასულა. ეთერში მხატვრული ფილმები გადის. გავრცელებული ინფორმაციით, 3 საათზე რ2 ის გენერალურ დირექტორს, მაყურებლისთვის უნდა მიემართა, თუმცა, ბოლო მომენტში, პაატა სალიამ გადაწყვეტილება შეცვალა. ახალი ამბები არცვებ გვერდზე ქვეყნდება. ამ ფორმით ჟურნალისტები პაატა სალიას საკადრო წმენდას აპროტესტებენ. საინფორმაციო სამსახურის ხელმძღვანელის გარეშე დარჩენილმა თანამშრომლებმა უარი თქვეს გასულიყვნენ გადაღებაზე. ისინი ასევე აპროტესტებენ საინფორმაციოს ახალი ხელმძღვანელის კანდიდატურას და ნინო შუბლაძესთან შეხვედრას არ აპირებენ. "რუსთავის 2"- ს ჟურნალისტები ტოვებენ, გუშინ, 20 აგვისტოს, წამყვანებმა, დიანა ჯოჯუამ და მიხეილ სესიაშვილმა არხის დატოვების შესახებ პირდაპირ ეთერში განაცხადეს, ტელეკოპანია დატოვეს პატა იაკობაშვილმა, გიგლა თუმანიშვილმა, ეკა გაგუამ და მაია ლომიძემ. ჟურნალისტებმა რუსთავი 2 მას შემდეგ დატოვეს, რაც რამდენიმე მათგანი არხის ახალმა გენერალურმა დირექტორმა, პაატა სალიამ  გიორგი გაბუნია, ნოდარ მელაძე, ნანუკა ჟორჟოლიანი, ეკა კვესიტაძე "ინტერესთა კონფლიქტის" მოტივით ... ...
  • 23 და 25 აგვისტოს „Black Sea Arena“ -ს მიმართულებით დამატებითი მატარებელი ინიშნება (R) 23  და 25 აგვისტოს, ჯუზეპე ვერის ფესტივალის ფარგლებში, ოპერა  „აიდა“ და „გალა“-ზე დასწრების მსურველთათვის, თბილისიდან ბათუმის მიმართულებით   დამატებითი მატარებელი  ინიშნება, რომელიც რეისებს ორივე მიმართულებით შეასრულებს და  „Black Sea Arena“ -ს  ბაქანზე   გაჩერდება.     მატარებელი   შემდეგი განრიგით იმოძრავებს: 23-25/ 08/2019    თბილისი-Black Sea Arena- ბათუმი- Black Sea Arena-  თბილისი   #884/883 გასვლა- თბილისი ჩასვლა-Black Sea Arena ჩასვლა-ბათუმი გამოსვლა-ბათუმი გამოსვლა-Black Sea Arena ჩამოსვლა- თბილისი 12:40 17:25 18:23 23:50 0:38 5:15  ამასთანავე, თბილისიდან და ბათუმიდან 23 და 25 აგვისტოს მატ№802/807, 805/806, 852/851, 808/801, 804 თბილისი-ბათუმს და 24 და 26 აგვისტოს მატ№811 ბათუმი-თბილისს გაჩერებები   „Black Sea Arena“-ს  ბაქანზეც  ექნებათ.  ბილეთების შეძენა შესაძლებელია Georgian Railway Tickets-ის მობილური აპლიკაციით. მობილურ აპლიკაციას აქვს უნიკალური შესაძლებლობა, აირჩიოთ სასურველი ადგილები მატარებელში. ბილეთები იყიდება  ასევე  ვებ გვერდებზე  (Railway.ge;tkt.ge;Biletebi.ge;matarebeli.ge); სწრაფი გადახდის აპარატებსა  და საბილეთო სალაროებში.  “საქართველოს რკინიგზა” ბედნიერ და კომფორტულ მგზავრობას  გისურვებთ! (R)   ... ...

არქივი

ზაფრანი

როგორ ზრუნავენ სილამაზეზე ზოდიაქოს ნიშნის ქალები

ალბათ, დაკვირვებიხართ, რომ სუსტი სქესის...

როგორი ცოლი სჭირდება მამაკაცს ზოდიაქოს ნიშნის მიხედვით

სრულიად საქალეთი და მამაკაცური სამყაროს...

ბავშვი, მშობელი, ასტროლოგია

ალბათ დაკვირვებიხართ იმ ფაქტს, რომ...

რეკორდული წაგება

იშვიათად მოიძებნება ადამიანი, რომლის გარემოცვაში...

ხუთი ყველაზე უცნაური პროფესია

ქოქოსის პალმის სპეციალისტი მისი დანიშნულებაა...
კარმიდამო ჩემი

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...

უნდა გავაჩაღოთ ხელოვნურად შექმნილი დამღუპველი ტენიანობის წინააღმდეგ ბრძოლა

არაერთხელ გამოთქმულ თვალსაზრისს, ბუნებაში ადამიანის...

მოვამზადოთ მოხარშული ატმის წვენი

 ზაფხულში ხილის წვენის და კომპოტების...

ზაფხული და სალათები

სალათს, რომლის სეზონი განსაკუთრებით ზაფხულშია,...

აკეთე მარტივად _ 10 საყოფაცხოვრებო ხრიკი დიასახლისებისთვის

სახლის გენერალური დალაგება-დასუფთავება საკმაოდ დიდ...

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...