ქალაქ ოზურგეთში ტურიზმის ფესტივალი გაიმართა (R)

საზოგადოება

ქალაქ ოზურგეთში ტურიზმის ფესტივალი გაიმართა (R)

24 ივლ. 2017, 21:41:57

23 ივლისს ქალაქ ოზურგეთში  გურიის  ტურიზმის ფესტივალი გაიმართა. ღონისძიებას გურიის მხარის გუბერნატორი გია სალუქვაძე, ქალაქ ოზურგეთის მერი ბეგლარ სიორიძე, ევროკავშირის წარმომადგენელი დომინიკა სკუბიდა და ადგილობრივი ხელისუფლების პირველი პირები ესწრებოდნენ.

ფესტივალი   პროექტის „მონაწილეობითი პრინციპები გურიის ტურიზმის განვითარების სტრატეგიისათვის“ – ფარგლებში  გაიმართა. 3 წლიანი პროექტის მიზანი გურიის რეგიონში ტურიზმის განვითარების ხელშეწყობაა.

ღონისძიებაზე  ეთნოგრაფიული კუთხეების, ხალხური რეწვის ნიმუშებისა  და  ადგილობრივი მხატვრების გამოფენა მოეწყო.  მეწარმეებმა თავიანთი პროდუქცია  წარმოადგინეს. ასევე გურიის ტურისტული მარშრუტის მობაილ აპლიკაციის პრეზენტაცია გაიმართა. სტუმრების პატივსაცემად, ფოლკლორულმა  და ქორეოგრაფიულმა ანსამბლებმა სხვადასხვა ნომრები შეასრულეს.

 ქალაქ ოზურგეთის მერმა ბეგლარ სიორიძემ  საზოგადოებას სიტყვით მიმართა და გურიის რეგიონის ტურისტულ პოტენციალზე ისაუბრა:

,,გურიის რეგიონს მართლაც აქვს უმნიშვნელოვანესი რესურსი, რომ იგი საქართველოს ერთ-ერთ საინტერესო და ტურისტებისათვის მიმზიდველ ადგილად იქცეს. ამ მხრივ, ნამდვილად გვაქვს საამაყო, რადგან გურია რელიეფურად მთისა და ზღვის უნიკალურ კურორტებს აერთიანებს.

თითოუეული თქვენგანი დამეთანხმება, რომ ოზურგეთი არ არის ჩვეულებრივი მუნიციპალიტეტი. ეს არის გამორჩეული ქალაქი თავისი მრავალწლიანი ისტორიით, ტრადიციებით, ხალხითა და კულტურით. სწორედ ამიტომაც, ღირსეულად ერგო ოზურგეთს ფოლკლორის ქალაქის სტატუსი.

თქვენ ხედავთ, რომ ამჟამად ოზურგეთში ფოლკლორის ცენტრის მშენებლობა მიმდინარეობს, ასევე ხედავთ, რომ ხორციელდება უდიდესი პროექტი - ოზურგეთის სახელმწიფო დრამატული თეატრის მასშტაბური რეაბილიტაცია. ოზურგეთი ყოველთვის გამოირჩეოდა არაჩვეულებრივი თეატრალური ცხოვრებით, მსახიობებითა და ტრადიციით, რაც ამ ქალაქის სავიზიტო ბარათია.

ოზურგეთი ასევე ამაყობს ისტორიული მუზეუმით და ექვთიმე თაყაიშვილის სახელობის მუზეუმ-ნაკრძალით, სადაც ჩვენი წარსულის უნიკალური ექსპონატებია დაცული. აქვე უნდა აღვნიშნო, რომ მალე ოზურგეთში ისტორიული მუზეუმის რეაბილიტაცია დაიწყება, რაც ადგილობრივი მოსახლეობის ინიციატივაა. ზემოთხსენებული პროექტებიც სწორედ, ხალხის ინტერესების გათვალისწინებით ხორციელდება. მნიშვნელოვანი ამ პროცესებში ის არის, რომ საზოგადოებამ კარგად იცის, ტურიზმის განვითარების ერთ-ერთი წინაპირობა სწორედ კულტურული ობიექტების განახლებაა. საზოაგადოება მჭიდროდ თანამშრომლობს თვითმმართველობასთან და პროექტებიც მათი უშუალო ჩართულობით ხორციელდება. ჩვენ ერთად ვავითარებთ ქალაქს.

რეგიონში ტურიზმის განვითარებისათვის, ჩვენ გვჭირდება მეტი პოპულარიზაცია. აღნიშნული პროექტი სწორედ ამ მიზანს ემსახურება, რომ კარგად იქნეს გურიის სტრატეგიული განვითარების საკითხები შესწავლილი. სამომავლოდ სახელმწიფომ ინვესტორებთან ერთად უნდა განავითაროს გურიის რეგიონში ტურისტული ინფრასტრუქტურა. და ბოლოს, დავასრულებ, იმით, რომ გურულებმა გამორჩეული სტუმარ-მასპინძლობა ვიცით და ყველა ის ტურისტი, ვინც კი გურიას ოდესმე ეწვევა, დარწმუნებული ვარ, გურულების მასპინძლობით აუცილებლად დარჩება განცვიფრებული".

ევროკავშირის ფინანსური მხარდაჭერით, აღნიშნულ პროექტს    ერთად ახორციელებენ ოზურგეთის, ლანჩხუთის, ჩოხატაურის და ქალაქ ოზურგეთის მუნიციპალიტეტები, ასევე საზოგადოებრივი ორგანიზაციები: ოზურგეთის ახალგაზრდა მეცნიერთა კლუბი და  სამოქალაქო საზოგადოების ინსტიტუტი.

24–26 ივლისს,  კოლეჯ „ჰორიზონტში“ გურიის რეგიონში ტურიზმის განვითარების პერსპექტივების ფართომასშტაბიანი  განხილვა  გაიმართება.   (R)




 ახალი ამბები
  • "ლელოს" დეპუტატობის კანდიდატი გურიაში გიორგი სიორიძე იქნებალელოს დეპუტატობის კანდიდატი გურიაში გიორგი სიორიძე იქნება. სიორიძე სხვა კანდიდატებთან ერთად პოლიტიკურმა მოძრაობა "ლელომ" ამ წუთებში მცხეთაში წარადგინა. გიორგი სიორიძე – ოზურგეთის, ლანჩხუთისა და ჩოხატაურის რაიონების მაჟორიტარი დეპუტატობის კანდიდატი. კონსტიტუციონალისტი. კიოლნის უნივერსიტეტის სამართლის ფაკულტეტის კურსდამთავრებული, გერმანიაში ფედერალური მასშტაბით ლიცენზირებული იურისტი. არის საქართველოს მეცნიერებათა აკადემიის ახალგაზრდა მეცნიერთა საბჭოს თავმჯდომარე. უკანასკნელ წლებში მუშაობდა ერთ-ერთ უმსხვილეს საინვესტიციო ... ...
  • "15 სექტემბერს ვიწყებთ სწავლას" _ მიხეილ ჩხენკელისასწავლო წლის დაწყებას არანაირი საფრთხე არ შეექმნება. ჩვენ, როგორც განვაცხადეთ, 15 სექტემბერს ვიწყებთ სწავლას, - ამის შესახებ საქართველოს განათლების, მეცნიერების, კულტურისა და სპორტის მინისტრმა, მიხეილ ჩხენკელმა ქუთაისის საერთაშორისო უნივერსიტეტში ვიზიტისას განაცხადა. „სასწავლო წლის დაწყებას არანაირი საფრთხე არ შეექმნება. ჩვენ, როგორც განვაცხადეთ, 15 სექტემბერს ვიწყებთ სწავლას. რეკომენდაციები გამოქვეყნდება და ყველას გექნებათ საშუალება დეტალურად იხილოთ. სამედიცინო პროტოკოლი ზედმიწევნით იქნება დაცული, რადგანაც ჩვენთვის მთავარია ბავშვების ჯანმრთელობა. მინდა გითხრათ, რომ ყოველ ეტაპზე სამედიცინო პროტოკოლი ასახავს ეპიდ-სიტუაციას, რომელიც იმ მომენტისთვის არის აქტუალური. დღევანდელი ეპიდ-ვითარებიდან გამომდინარე, ჩვენ შეგვიძლია ვთქვათ, რომ არანაირი საფრთხე 15 სექტემბერს სწავლის დაწყებას არ ემუქრება. თუმცა, ყველამ უნდა გავაცნობიეროთ ის ამბავი, რომ თითოეული მოქალაქის ვალია გავუფრთხილდეთ ერთმანეთს. ჩვენი ყველას სურვილია, რომ ეს ვითარება არ გაუარესდეს და ამისთვის თითოეული მოქალაქის ძალისხმევა არის უაღრესად მნიშვნელოვანი. ჩვენ მზად ვართ ყველა სცენარისთვის“, - განაცხადა მიხეილ ... ...
  • IRI: უჭერს თუ არა მოსახლეობა მხარს განხორციელებულ საარჩევნო რეფორმას IRI-ს მიერ ჩატარებული კვლევის მიხედვით, საპარლამენტო არჩევნების წინ, მოქალაქეთა 54 პროცენტი ინფორმირებულია 8 მარტის შეთანხმებისა და ქვეყნის საარჩევნო სისტემის ცვლილების შესახებ. მათგან   77 პროცენტი - 41 % „ძლიერ“, ხოლო 36 % „მეტნაკლებად“, მხარს უჭერს განხორციელებულ საარჩევნო რეფორმას.  ცნობისთვის, საქართველოს პარლამენტმა დაამტკიცა საკონსტიტუციო ცვლილებები, რომელიც 2020 წლის საპარლამენტო არჩევნების მაჟორიტარული სისტემის მაგიერ პროპორციული სისტემით ჩატარებას ითვალისწინებს.  ოპოზიციური პარტიებიდან ერთიანმა მაციონალურმა მოძრაობამ და ევროპულმა საქართველომ, გასულ წელშიც დღის წესრიგში ჩამდგარი საარჩევნო სისტემის გამო მთავრობასთან წარმოებულ მოლაპარაკებებზე მიღებული დაპირებების არ შესრულების მიზეზის გამო კენჭისყრაში მონაწილეობა არ მიიღეს. მიღებული ცვლილების თანახმად, მომდევნო საპარლამენტო არჩევნებში 120 დეპუტატი პროპორციული, 30 კი მაჟორიტარული სისტემით იქნება არჩეული. არჩევნებში 40,54 პროცენტზე ნაკლები ხმის მიმღები პარტია მარტო ვერ შესძლებს მთავრობის ფორმირებას. ცვლილება ასევე მოიცავს პარლამენტში პარტიების ადგილების განაწილების და არჩევნების ბარიერთან დაკავშირებულ ... ...
  • IRI: მოსახლეობის 82 პროცენტი თვლის, რომ ეკონომიკური მდგომარეობა მნიშვნელოვნად გაუარესდაIRI-ს კვლევის მიხედვით, მიუხედავად სახელმწიფოს მხრიდან COVID-19-ის წარმატებული მართვისა, საქართველოს მოსახლეობის 82 პროცენტი თვლის, რომ ეკონომიკური მდგომარეობა მნიშვნელოვნად გაუარესდა პანდემიის გავრცელების შემდეგ. 65 პროცენტი მიიჩნევს, რომ ეკონომიკური მდგომარეობა მათ ოჯახში „ძალიან“ (22 %) ან „მნიშვნელოვნად“ (43 %) მძიმეა, ხოლო 67 % თვლის, რომ კორონავირუსის შედეგად, კიდევ უფრო გაუარესდა.  შეგახსენებთ, რომ საქართველოში კორონავირუსის პირველი შემთხვევა თებერვალში დაფიქსირდა. ამ დროისთვის, დაინფიცირებულთა სრული რაოდენობა 1278-ს შეადგენს, რომელთაგან  გამოჯანმრთელდა - 1058, ხოლო 17 ადამიანი გარდაიცვალა. კორონავირუსი ჯანმომ გლობალურ პანდემიად გამოცხადა და ვირუსთან საბრძოლველად სხვადასხვა შეზღუდვები დაწედა. ამავე თემაზე: IRI-ს კვლევა: კმაყოფილია თუ არა მოსახლეობა მთავრობის მოქმედებით პანდემიასთან ... ...
  • IRI-ს კვლევა: კმაყოფილია თუ არა მოსახლეობა მთავრობის მოქმედებით პანდემიასთან ბრძოლაშიIRI-ს მიერ ჩატარებული კვლევის მიხედვით მოსახლეობის 79 პროცენტი არის კმაყოფილი, მათ შორის „ძალიან კმაყოფილი“ (41 %) და „მეტნაკლებად“ კმაყოფილი (38 %) მთავრობის მოქმედებით პანდემიასთან ბრძოლაში. "მოსახლეობის 58 პროცენტი, მათ შორის 21 % „ძალიან“, ხოლო 37 პროცენტი „მეტნაკლებად“, კმაყოფილია იმ სოციალური პროგრამებით, რომელიც მთავრობამ შეიმუშავა პანდემიის მიერ გამოწვეული პრობლემების შესამსბუქებლად.  მოქალაქეთა აბსოლუტური უმრავლესობა ეთანხმება(94%) რომ დაავადებათა კონტროლისა და საზოგადოებრივი ჯანმრთელობის ეროვნული ცენტრის, საქართველოს ოკუპირებული ტერიტორიებიდან დევნილთა, შრომის ჯანმრთელობისა და სოციალური დაცვის სამინისტროს (91 %) და პრემიერ-მინისტრის ოფისის (81 %) მუშაობა პანდემიასთან ბრძოლაში იყო ეფექტური",_ ნათქვამია კვლევაში. ცნობისთვის, კვლევა ჩატარდა საერთაშორისო რესპუბლიკური ინსტიტუტის კვლევების ცენტრის სახელით, ბალტიის კვლევებისა და გელაპის ორგანიზაციის წარმომადგენლის დოქტორი რასა ალიშაუსკინეს მიერ, 2020 წლის 4 ივნისი - 2 ივლისის პერიოდში. საველე სამუშაოები ჩატარდა „აიფიემის“ მიერ. მონაცემები შეგროვდა სტრატიფიცირებული მრავალსაფეხურიანი შემთხვევითი შერჩევის მეთოდის გამოყენებით, პირისპირ ინტერვიუს გზით.  შერჩევა მოიცავდა საარჩევნო ხმის უფლებისა და ასაკის მქონე 1500 რესპონდენტს. მონაცემები შეწონილ იქნა ასაკის, გენდერის, რეგიონისა და დასახლების ზომის შესაბამისად.  ცდომილების ზღვარი წარმოადგენს +/- 2.5 პროცენტს, გამოპასუხების მაჩვენებელი - 66 პროცენტი. კვლევის განხორციელება შესაძლებელი გახდა ამერიკელი ხალხის მხარდაჭერით, აშშ-ის საერთაშორისო განვითარების სააგენტოს ... ...

არქივი

ტესტები

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ ყველაზე, ყველაზე...

იცი თუ არა გეოგრაფია

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...