ლანჩხუთის საკრებულომ გრიგოლეთის მდგრადი განვითარების სტრატეგიული გეგმა დაამტკიცა

საზოგადოება

ლანჩხუთის საკრებულომ გრიგოლეთის მდგრადი განვითარების სტრატეგიული გეგმა დაამტკიცა

2019 ოქტ 8 12:59:42

ლანჩხუთის საკრებულომ დაამტკიცა გრიგოლეთის მდგრადი განვითარების სტრატეგიული გეგმა, რომელიც 50-გვერდიანია და საკრებულოს დროებითმა სამუშაო ჯგუფმა შეიმუშავა დეპუტატ ამირან გიგინეიშვილის თაოსნობით. აღნიშნული სტრატეგიის ზოგადი მიზანია, გრიგოლეთის სოციალურ-ეკონომიკური პოტენციალის ამაღლება საშუალოვადიან პერსპექტივაში ადგილობრივი თვითმმართველობებისა და მოსახლეობის უშუალო მონაწილეობითა და ძალისხმევით, ადგილებზე სამოქალაქო საზოგადოების პოტენციალის ზრდის შედეგად.

როგორც ცნობილია, გრიგოლეთის საზღვაო სანაპირო ზოლის კვლევა, თავის დროზე, პროექტით "გურიის რეგიონის სამკურნალო ტურიზმის პოტენციალის ზრდა გრიგოლეთის პლაჟის ქვიშის ანომალური მაგნიტური რუკის ფორმირების საფუძვლების" ფარგლებში დაიწყო. პროექტის ორგანიზატორი ლანჩხუთის მუნიციპალიტეტი და საქართველოს სასოფლო დარბაზი გახლდათ, ხოლო დონორ ორგანიზაციად ნორვეგიის მთავრობა მოგვევლინა.
კვლევა ითვალისწინებდა გრიგოლეთის ზღვისპირა ორკილომეტრიანი სანაპირო ზოლის მაგნიტური ველის და ქვიშის მაგნიტური შემთვისებლობის გამოკვლევას სამ პარალელურ პროფილზე და ქვიშის სინჯების აღებას ლითოლოგიური და მინერალოგიური ანალიზის ჩასატარებლად.

აღნიშნულ საკვლევ სამუშაოებს აწარმოებდნენ ივანე ჯავახიშვილის სახელობის თბილისის სახელმწიფო უნივერსიტეტის მიხეილ ნოდიას სახელობის გეოფიზიკის ინსტიტუტის დუშეთის გეოფიზიკური ობსერვატორიის ხელმძღვანელი, აკადემიური დოქტორი რ. გოგუა; აკადემიური დოქტორი, პროფესორი ჯ. ქირია; აკადემიური დოქტორი ნ. ღლონტი და აკადემიური დოქტორი, პროფესორი შ. თავართქილაძე.

როგორც სტრატეგიულ გეგმაზე მომუშავე ჯგუფის ხელმძღვანელი ამბობს, გრიგოლეთში ჩატარებულმა კვლევებმა ყოველგვარ მოლოდინს გადააჭარბა _ თავისი ანომალიიდან გამომდინარე, ამ სანაპირო ზოლს ალტერნატივა არ აქვს, რაც წინაპირობაა იმისა, რომ ეს საკურორტო ზოლი დაფიქსირდეს, როგორც სამედიცინო მნიშვნელობის და მოხდეს მისი პოპულარიზაცია.

"აღმოჩნდა, რომ ანომალური ველის მინიმალური მაჩვენებელი 250 ნანოტესლას შეადგენდა, ხოლო მაქსიმალური _ 615 ნანოტესლას. ეს მაშინ, როცა მაგნიტოთერაპიის განვითარების თანამედროვე ეტაპზე ითვლება, რომ თუ ანომალური ველი აჭარბებს 120 ნანოტესლას, იგი იძლევა შესაძლებლობას, ვუმკურნალოთ ადამიანების გულსისხლძარღვთა და საყრდენ-მამოძრავებელი სისტემის მრავალ დაავადებას მედიკამენტოზური ჩარევების გარეშე. ვინაიდან გრიგოლეთის ანომალური მაგნიტური ველის ინტენსივობა 400-500 ნანოტესლის ფარგლებშია, ის სამ-ოთხჯერ აღემატება მინიმალურ სამკურნალო ზღვარს, რაც ამ კვლევის მთავარი მნიშვნელოვანი შედეგია", _ ამბობს ამირან გიგინეიშვილი. მისივე ინფორმაციით, სტრატეგიულ გეგმაში დეტალურადაა გაწერილი მომდევნო ხუთი წლის განმავლობაში რა ღონისძიებებია გასატარებელი და რა განვითარება შეიძლება მოხდეს გრიგოლეთში.

 "მაქვს ინფორმაცია, რომ აპირებენ სანაპირო ზოლზე ქვა-ღორღის ისევ დაყრას, როგორც ეს რამდენიმე წლის წინ მოხდა, რაც დაუშვებელია. ამით უნიკალურ შესაძლებლობას გავუშვებთ ხელიდან, რომ გრიგოლეთი განვითარდეს, როგორც კურორტი და იქ მოხდეს ინვესტიციების მოზიდვა. ამიტომ, მინდა ყველას გასაგონად ვთქვა, რომ მსგავსი ქმედებები დამღუპველია", _ დასძენს გიგინეიშვილი.




 ახალი ამბები
  • ოზურგეთის მეცხრე სავბავშვო ბაღის აღმზრდელი „მწვანე ჯილდოს“ ფინალშიაგარემოს დაცვითი  ინფორმაციისა და განათლების ცენტრის მიერ  გამოცხადებულ “მწვანე ჯილდოს” კონკურსში, რომელმაც  2019 წლის საუკეთესო აღმზრდელი/მეთოდისტი უნდა გამოავლინოს, მომდევნო ეტაპზე ოზურგეთიდან მხოლოდ ერთი, მეცხრე საბავშვო ბაღის აღმზრდელი, ჟანა გორდელაძე იყო გადასული. დღეს, ჟანა გორდელაძემ მიიღო შეტყობინება, რომ ის ფინალში   გადავიდა ათ საუკეთესოს შორის, საქართველოს  მასშტაბით. დაჯილდოება 17 დეკემბერს, თბილისში შედგება! ჩვენს მკითხველებს შევახსენებთ,  რომ „მწვანე ჯილდოს“ კონკურსზე განიხილება აღმზრდელი ან პედაგოგი, რომელიც დასაქმებულია სკოლამდელ დაწესებულებაში და სააღმზრდელო პროცესში,   გარემოს დაცვითი საკითხების სწავლებისას იყენებს სახელმძღვანელოს „სკოლამდელი გარემოს დაცვითი განათლება“. სულ დასავლეთ საქართველოდან  კონკურსში  250 აღმზრდელი და მეთოდისტი მონაწილეობდა. მომდევნო ეტაპზე კი 17 გადავიდა. ფინალში კი საუკეთესო ათეული უნდა გამოვლენილიყო და ოზურგეთელი აღმზრდელი მათ  შორისაა. „გურია ნიუსი“ ულოცავს ქალბატონ  ჟანას ამ მნიშვნელოვან ... ...
  • გადადგა თუ გადააყენეს? “საპენსიო რეფორმა არის ქვაკუთხედი როგორც სოციალური სტაბილურობისა ქვეყანაში, ასევე ქვეყნის ეკონომიკისთვის გრძელვადიანი, ძალზე პრინციპული რეფორმა," - ამის შესახებ საქართველოს პრემიერ-მინისტრმა გიორგი გახარიამ ჟურნალისტებს თემის კომენტირებისას განუცხადა. მისი შეფასებით, ლევან სურგულაძემ საწყის ეტაპზე საკმაოდ კარგად შეასრულა თავისი ფუნქციები, თანამდებობა კი პირადი გადაწყვეტილებით დატოვა. „მის პირად გადაწყვეტილებაზე მე კომენტარს ვერ გავაკეთებ. სააგენტოს სხვადასხვა დონეზე სხვადასხვა სახე ჰყავს. სააგენტოს წესდებიდან გამომდინარე, ის იყო ფაქტობრივად მენეჯერი. სააგენტოს ჰყავს ბორდი და ბევრი სხვა მმართველი, ასევე ძალზე პატივსაცემი და მაღალი რეპუტაციის მქონე", - განაცხადა პრემიერმა. “ლელოს“ ეკონომიკური გუნდის ერთ-ერთი ლიდერი გიგლა მიქაუტაძე კი თვლის, რომ „სახელმწიფოს და „ოცნების“ ჩინოვნიკებს არ აქვთ წარმოდგენა, როგორ მართონ ეფექტურად ფული, რომელმაც ჩვენი მოქალაქეების ღირსეული პენსია უნდა უზრუნველყოს.“ სურგულაძის გადადგომას კი, საპენსიო რეფორმაში გაჩენილ ბზარს უწოდებს: “საპენსიო სააგენტოს დირექტორის მოულოდნელი გადადგომა ეჭვებს ბადებს იმასთან დაკავშირებით, რომ ის აიძულეს ეს ნაბიჯი გადაედგა. სურგულაძე ისევე გაურკვევლად მიდის, როგორც იმართება საქართველოს მოქალაქეებისგან ფული. ლევან სურგულაძემ უნდა განუმარტოს საზოგადოებას მისი გადადგომის რეალური მიზეზები ან დაასახელოს თანამდებობის პირი, ვისგანაც მიიღო გადადგომის მითითება. ფაქტია, რომ საპენსიო რეფორმა ჯერჯერობით ვერ შედგა და შეიძლება ჩავარდეს, თუ სასწრაფოდ არ გაიმართა სააგენტოს მენეჯმენტი. ამის თქმის საფუძველს გვაძლევს ის ფაქტი, რომ სააგენტოს მიერ ნახევარი მილიარდი ლარია მობილიზებული, თუმცა მისი ინვესტირება, ფაქტობრივად, არსად მომხდარა. სახელმწიფოს და „ოცნების“ ჩინოვნიკებს არ აქვთ წარმოდგენა, როგორ მართონ ეფექტურად ფული, რომელმაც ჩვენი მოქალაქეების ღირსეული პენსია უნდა უზრუნველყოს.“ მიქაუტაძის თქმით, ერთი წლის თავზე, სააგენტოს საინვესტიციო საბჭოსა და უფროს საინვესტიციო ოფიცერს კვლავ არ შეუმუშავებია საინვესტიციო პოლიტიკის დოკუმენტი, რის გამოც ფონდში მობილიზებულ საპენსიო დანაზოგს ერიცხება სულ რაღაც 8.5 %, იმ ფონზე, როცა ინფლაციის მაჩვენებლმა უკვე 7 %-ს მიაღწია. “სამწუხაროდ, ისევე, როგორც ბევრი სხვა რეფორმა, საპენსიო რეფორმაც წარუმატებლობის საფრთხის წინაშე დგას "ქართული ოცნების" ხელში, რბილად რომ ვთქვათ, ინსტიტუციური მშენებლობა მმართველი ძალის ძლიერი მხარე ნამდვილად არ არის,’’ - განაცხადა “ლელოს“ ეკონომიკური გუნდის ერთ-ერთმა ლიდერმა გიგლა მიქაუტაძემ. შეგახსენებთ, რომ დღეს გამართულ ბრიფინგზე საპენსიო სააგენტოს ხელმძღვანელმა ლევან სურგულაძემ განაცხადა: "თხოვნა გავუგზავნე სამეთვალყურეო საბჭოს და გადაწყვეტილება მათ უნდა მიღონ. თუ საჭიროა, რომ დავრჩე ამ პოსტზე, დავრჩები". სურგულაძე თანამდებობის დატოვების მიზეზად სხვა გეგმებისა და გამოწვევების გაჩენას ასახელებს.   ... ...
  • “ჩვენ ვიკითხოთ, თორემ ეგეთი ადამიანები კი დაიმკვიდრებენ ადგილს სასუფეველში“ ნინო ჟვანია, საქართველოს ყოფილი პრემიერ-მინისტრის ზურაბ ჟვანიას მეუღლე სოციალურ ქსელში ზაზა ურუშაძის გარდაცვალებაზე შემდეგი სახის სტატუსს წერს. “ზაზა ურუშაძე მიყვებოდა, ზურას მკვლელოაზე გადაღებული "ცხელი ძაღლის" სეზონის ტელევიზიიდან ამოსაღებად მიშამ ზონდერები როგორ გამოაგზავნა და ამათმა კოპიო ღამით ჩუმად როგორ გამოიტანეს. ჩვენ ვიკითხოთ, თორემ ეგეთი ადამიანები კი დაიმკვიდრებენ ადგილს სასუფეველში“- წერს ნინო ჟვანია. 2013 წელს ზაზა ურუშაძემ “ცხელ ძაღლთან“ დაკავშირებით “გურია ნიუსს“ ინტერვიუ მისცა. გთავაზობთ სტატიას “გურია ნიუსის“ არქივიდან: ზაზა ურუშაძე: "რადგან "ცხელი ძაღლის" მეოთხე ნაწილი არ გასულა და მეხუთე ნაწილის გადაღებაზე უარი ვთქვი, მეხუთე ნაწილი გადაიღო ერეკლე ბადურაშვილმა. ვითომ ეს მეოთხე ნაწილი არ არსებობდა, ისე გააქრეს. მეოთხე ნაწილის 12 სერია არის გადაღებული, რომელიც ეხებოდა საქართველოს ყოფილი პრემიერ-მინისტრის, ზურაბ ჟვანიას სიკვდილის არაოფიციალურ ვერსიას. ჩვენ არ გვქონდა არანაირი ჩანაფიქრი, რომ ამას რამე პოლიტიკური სახე ჰქონოდა. უბრალოდ, საინტერესო იყო კომერციულად, ძალიან საინტერესო თემა იყო და გავაკეთე ეს ყველაფერი. 2007 წელს მოხდა ფილმის დასრულება, სწორედ ამ წელს მოხდა 7 ნოემბრის შემზარავი დარბევა, შემდეგ ტელეკომპანია "იმედშიც" შეიჭრნენ და საშინელი ამბავი მოხდა. საბედნიეროდ, სანამდე დარბევა მოხდებოდა, მანამდე მოვახერხე  ორიგანალების გამოტანა. არ მქონდა იმის განცდა, რომ ტელევიზიაში შეიჭრებოდნენ, მაგრამ რატომღაც გადავწყვიტე, ფირები წამომეღო "იმედიდან", რაღაც ცუდი შეგრძნება მქონდა. შემდეგ, ვიღაც ორი ჰალსტუხიანი მისულა და 75 საათიანი მასალა წაუშლია მთლიანად, რატომ გააკეთეს ეს, არ ვიცი.  ჩემთვის გაუგებარია მხატვრულმა ფილმმა რატომ გამოიწვია ასეთი რეაგირება, ეს ხომ დოკუმენტური ფილმი არ იყო. სრულ პირობას გაძლევთ, რომ ამ ფილმის შეკვეთა ბადრი პატარკაციშვილისგან არ მოდიოდა. ეს იყო მოგონილი სცენარი, რომელიც მე და ნუგზარ შატაიძემ, რომელიც გარდაცვლილია და კოტე ჯანდიერმა მოვიფიქრეთ ერთად. ძალიან კარგია, რომ ტელევიზია დაუბრუნდა პატარკაციშვილების ოჯახს და მე მაშინვე გადავეცი ... ...
  • "ოცნების" ოფისში სხდომა აქციის ფონზე მიმდინარეობს„ქართული ოცნების“ ოფისში უმრავლესობის სხდომა მიმდინარეობს. სხდომაზე დასასწრებად მისულ პარტიის წევრებს სამოქალაქო აქტივისტები აქციით დახვდნენ.  ადგილზე მობილიზებულია პოლიცია. აქციის მონაწილეები ოფისში შესულ მანქანებს სასტვენებითა და ხმამაღალი შეძახილებით ... ...
  • "უზენაესი სასამრთლოს თავმჯდომარის მოვალეობის შემსრულებელი კანონს არღვევს"უზენაესი სასამართლოს თავმჯდომარის მოვალეობის შემსრულებელი, მზია თოდუა კანონს არღვევს და კანონით გათვალისწინებულ ვადაში ახალ მოსამართლეს არ ირჩევს - ამის შესახებ განცხადებას კოალიცია დამოუკიდებელი და გამჭვირვალე მართლმსაჯულებისთვის ავრცელებს. კოალიციის თოდუას მხრიდან კანოდარღვევაზე საკონსტიტუციო სასამართლოს ორგანულ კანონზე დაყრდნობით საუბრობს. კანონის თანახმად, საკონსტიტუციო სასამართლოს წევრის უფლებამოსილების ვადის ამოწურვამდე არაუადრეს 1 თვისა და არაუგვიანეს 10 დღისა უნდა გამწესდეს ახალი მოსამართლე. მზია თოდუას ახალი მოსამართლით საკონსტიტუციო სასამართლოს მოსამართლე მაია კოპალეიშვილი უნდა ჩაენაცვლებინა. კოპალეიშვილს უფლებამოსილების ვადა 5 დეკემბერს ამოეწურა. "უზენაეს სასამართლოს ქალბატონი მაია კოპალეიშვილის შემცვლელი დღემდე არ აურჩევია, რითაც ის კანონის მოთხოვნებს არღვევს. ამაზე კი პასუხისმგებლობა უპირველესად უზენაესი სასამართლოს თავმჯდომარის მოვალეობის შემსრულებელს, ქალბატონ მზია თოდუას ეკისრება. სწორედ მისი ვალდებულებაა უზენაესი სასამართლოს პლენუმს წარუდგინოს ახალი მოსამართლის კანდიდატურა", - ნათქვამია კოალიციის ... ...

არქივი

ზაფრანი

როგორ ვებრძოლოთ დაღლილობას

თუ ხშირად გრძნობთ დაღლილობას, გტანჯავთ...

ჯენიფერ ლოპესის სილამაზის საიდუმლო

ცოტა ხნის წინ უბერებელმა კინომსახიობმა...

რა დაავადებისგან იცავს ვარჯიში მამაკაცებს

რეგულარული ვარჯიში კონკრეტული დაავადებების რისკს...

დღეში, რამდენი ფინჯანი ყავის დალევა შეიძლება

რამდენიმე თვის წინ ამერიკელმა მკვლევარებმა...
კარმიდამო ჩემი

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...

საშიშია თუ არა ჯანმრთელობისთვის ლამინატის იატაკი

დღეს მოჭიმული იატაკი და ლამინატი...

როგორ ამოვიცნოთ ნატურალური თაფლი

ნამდვილი თაფლი არომატით გამოირჩევა ხელოვნურად...

უებარი საშუალება სიბერის შესაჩერებლად

მწვანილი ანელებს დაბერების პროცესს, აუმჯობესებს...

უებარი საშუალება გაციების წინააღმდეგ

ზამთრის მოახლოებასთან ერთად ვირუსებისა და...

მარილი _ უნიკალური გამაყუჩებელი საშუალება

თავის ტკივილით უამრავი ადამიანი იტანჯება....

ხურმა _ ჯადოსნური ხილი

ხურმა - ჩვენში დასავლეთ საქართველოში...

საშუალება, რომელიც კიბოს ამარცხებს

ლიკოპენს, რომელიც ბუნებრივი ძლიერი ანტიოქსიდანტია,...

უნიკალური მკურნალი მცენარე

მიუხედავად არაერთი მედიკამენტისა, საზოგადოების გარკვეული...

რას კურნავს მრავალძარღვა

მრავალძარღლვას საუკუნეების განმავლობაში იყენებდნენ, როგორ...

საპარლამენტო არჩევნების რომელ მოდელს უჭერთ მხარს