"მოაშოროს სახელმწიფომ გურიას ვიღაც მეჩაქუჩე მეთხილე!" _ მოსახლეობის ულტიმატუმი ხელისუფლებას

საზოგადოება

"მოაშოროს სახელმწიფომ გურიას ვიღაც მეჩაქუჩე მეთხილე!" _ მოსახლეობის ულტიმატუმი ხელისუფლებას

6 სექ. 2019, 12:23:18

ოზურგეთის მუნიციპალიტეტის სოფლებში გრძელდება ხელისუფლების წარმომადგენელთა შეხვედრები მოსახლეობასთან.

გასულ კვირას, პარლამენტარები: დიმიტრი ხუნდაძე, ილია წულაია და თემურ ჭკუასელი, ოზურგეთის მუნიციპალიტეტის მერთან, საკრებულოს თავმჯდომარესთან და ადგილობრივი ხელისუფლების სხვა წარმომადგენლებთან ერთად, სოფლებში _ ცხემლისხიდსა და შემოქმედში ადგილობრივ მოსახლეობას შეხვდნენ.

შეხვედრისას, განსაკუთრებით მწვავე პრობლემების შესახებ ცხემლისხიდისა და ბაღდადის (ცხემლისხიდის თემი) მოსახლეობამ ისაუბრა. პარლამენტარები ხალხთან პირისპირ განმარტავდნენ, რომ „ეს საარჩევნო შეხვედრები არ არის, უნდა შედგეს 2020 წლის ბიუჯეტი და უამრავ პრობლემებს შორის უპირველესის დადგენაა საჭირო, რომ სწორი კლასიფიცირება და მერე მისი გადაჭრა მოხდეს“, _ ეუბნებოდნენ ხელისუფლების წარმომადგენლები სოფლების მცხოვრებლებს.

განსაკუთრებით ცხემლისხიდში შეხვედრისას ღელავდნენ ადგილობრივები:

 _ ვერ დაგიცდით _ დაპირებები არ სრულდება. სამკილომეტრიანი გზა, რომელიც უჩხუბის უბანს ცენტრთან აკავშირებს, არა და არ გაკეთდა. როდემდე გელოდოთ? ახლა გვითხრეს, 2020 წლისთვის არის დაგეგმილიო. ასე გვეუბნებოდნენ წინა წლებშიც. სანამ ვიცადოთ?! _ თქვა ცხემლისხიდის მცხოვრებმა მარინა გოგაძემ.

_ რა მიკვირს, იცით? რომ არ აკეთებდეთ, არაფერს ვიტყვი. ვხედავთ, როგორ იგება ყველგან ასფალტი, უბნებში აკეთებენ ბეტონის გზებს. რა გახდა ეს ჩვენი უბანი?! რას გვერჩით?! არსად რომ არ იგებოდეს, ვიფიქრებ, რომ არაა საშველი და მორჩა! _ გოგაძეს შეეშველა მეზობელი ხათუნა სანიკიძე.

პარლამენტარმა თემურ ჭკუასელმა პასუხად თქვა, რომ ცუდია, როცა არის დაპირება და არ სრულდება:

_ აქ არის თქვენი გუბერნატორი, რომელიც ამბობს, რომ 2020 წლისთვის აღნიშნული გზის პროექტი უკვე ჩასმულია გასაკეთებელი საქმეების ნუსხაში, _ თქვა ჭკუასელმა.

ადგილობრივი მკვიდრის, ალიკა ჯოხაძის რეპლიკამ, რომ ბევრი რამ კეთდება და ინფორმაცია იმის შესახებ, რომ არაფერი კეთდება, არასწორია, ცხემლისხიდელი ნუგზარ გიორგაძის აღშფოთება გამოიწვია (გიორგაძე ოზურგეთის მუნიციპალიტეტში „ქართული ოცნების“ ერთ-ერთი დამფუძნებელი და აქტიური წევრია. ავტ.):

_ რას ამბობ, შენ მამალო ნაციონალო?! ფული არის, დაპირება არის და გზა არ დაიგო, ამდენი ხანია. სად არის მერი, რატომ არ მოვიდა აქ? (ცხემლისხიდის შეხვედრას შარაშენიძე არ ესწრებოდა, ავტ). აგერ, თხილის საწარმო გახსნეს აქაურმა ძმებმა, ხალხი დაასაქმეს და შენობის წინა მონაკვეთზე გზა არ დაუგეს. ეს სოფლის პროგრამის ფარგლებში შეიძლებოდა, მაგრამ შარაშენიძემ ბრძანა მაშინ, ბიზნესმენია და თავად დააგოსო. ეს ბიზნესმენი ხალხს არ ასაქმებს? თანადგომა არ უნდა? თუმცა, „ქართული ოცნების “ მომხრე, ვინც შარაშენიძეს არ მისცა ხმა, არ მოსწონს მერს. ამიტომ არ აკეთებს აქ არაფერს. ჩვენ გუბერნატორს ვერ მოვთხოვთ ამას _ ის არ არის განტევების ვაცი. ბიუჯეტი არ არის მის ხელში, _ თქვა ნუგზარ გიორგაძემ.

გიორგაძის მიმართვაზე ალიკა ჯოხაძე გაბრაზდა და თავის მხრივ, გიორგაძის მისამართით უკმაყოფილო სიტყვებს ამბობდა. ადგილობრვებმა სიმშვიდისკენ მოუწოდეს მეზობლებს, თუმცა, გიორგაძე არ ცხრებოდა:

_ ხალხს ჰგონია, რომ ბიძინა ივანიშვილი არ აკეთებს საქმეს. შარაშენიძე იძახის, მე ვაკეთებო. ვინ მისცა მას ფული? რაც კეთდება დღეს, „ქართული ოცნების“ მთავრობა აკეთებს. რასაც არ აკეთებს მერი პირადი ინტერესით, მერე ამას ბიძინას აბრალებენ. ამას არავის გავუტარებ! _ ბრაზობდა ნუგზარ გიორგაძე.

მიუხედავად გიორგაძის მოწოდებისა, თხილის საწარმოში არავინ შესულა და გზა სოფელ ბაღდადისკენ გააგრძელეს.

ადგილობრივები საბავშვო ბაღის შენობაში შეიკრიბნენ.

ბაღდადელმა ნოდარ ხომერიკმა ზოგად პრობლემებზე ისაუბრა.

_ სულ „მიშა მოდის“ ძახილი არ შეიძლება _ სასაცილოა. ვიცით, რომ არ მოვა და არც არავის ეშინია. არც ისეა საქმე, ვერ ვხედავდეთ, რამდენი რამ გაკეთდა _ მარტო C ჰეპატიტის პროგრამა რად ღირს, მაგრამ ხალხს ძალიან უჭირს. თხილის ფასის პრობლემა არსად არ მოგვარდა, _ თქვა მან.

სოფელ ბაღდადის მკვიდრმა ლექსო ხომერიკმა ყურადღებით მოსმენა ითხოვა:

_ მე ქალაქი დავტოვე _ ძალიან კარგი სამსახური მქონდა. გავაშენე თხილის დიდი მეურნეობა. დავასაქმე ხალხი. აქ არიან და გეტყვიან. ყველა მადლობას მიხდის. თუმცა, რა ხდება თხილის ფასის ირგვლივ გურიაში? რატომ მიტეხს გურიაში თხილს ვიღაც მეჩაქუჩე მეთხილე? როცა ერთი კაკალი თხილი 50 თეთრად იანგარიშება, უვარგისი თუ ვარგისია, გამოდის, რომ ას კილოგრამზე 50 ლარს მართმევს? ვისი მიფიქრებული არითმეტიკაა?! ამ მიდგომით ყველა ვარიანტში გლეხი ზარალდება. ახლა სახლში შვიდი ტონა თხილი მაქვს. რა ვუყო? რა მიდგომაა, ვინ მოიფიქრა?! სადაა სახელმმწიფო! ჩაიბაროს სახელმწოფომ. ვიღაცას ჩაქუჩი რომ უჭირავს და მტეხლაობს, ვინ არის, რა უფლებით მედიდგულება, სად, როდის დადგინდა ეს წესი, გვითხარით. სახელმწიფომ ისარგებლოს, მეჩაქუჩე ვისი გამოგონებაა? თხილის საშრობი საწარმოს გახსნა მინდოდა. დავწერე პროექტი. მივმართე „აწარმოე საქართველოს“. არ გაინტერესებთ, რა პასუხი მომწერეს? მადლობა, ბატონო, რომ იღებთ მონაწილეობას, მაგრამ ახლა არაა ამის საშუალებაო, _ უთხრა მან პარლამენტარებს.

თავის მხრივ, დიმიტრი ხუნდაძემ მოკლედ მიმოიხილა პრობლემები და თქვა, რომ ეს შეხვედრები იმიტომ არის განსაზღვრული, რომ პირისპირ მოისმინონ ხალხის გასაჭირი:

_ წინათ გამარჯობაზე ადრე რომ პრობლემებზე გესაუბრათ, თან ისე, როგორც ახლა ცხემლისხიდიში ხდებოდა, მეორე დღეს სუს-ში იქნებოდა ოჯახის ყველა წევრი დაბარებული. ახლა პირიქით _ თქვით, რა გსურთ, რა გიჭირთ. ჩვენ აქ ამისთვის მოვედით და კვლავ მოვალთ. თქვენ ყველაზე უკეთ შეგიძლიათ მოგვაწოდოთ უტყუარი ინფორმაცია. თუმცა, ყოვლისშემძლე არც ჩვენ ვართ. ერთბაშად ყველა პრობლემა არ გადაიჭრება. მაქსიმუმი უნდა გავაკეთოთ. ერთგან გვითხრეს, 200 ლარი ეყოფა ბავშვსო? კი, ეს ბავშვი ჩვენია, სამშობლოსია, სახელმწიფოსია, მაგრამ მშობლებისაც ხომ არის? პენსიამაც მოიმატა. კიდევ ვაპირებთ. ამ ეტაპზე მოხდა ისე, რომ ლარმა „შეჭამა“ ეს პენსია, მაგრამ მაინც უკეთესობისკენ მიდის საქმე და ვეცდებით, მეტი გავაკეთოთ თქვენთვის, _ უთხრა დიმიტრი ხუნდაძემ ადგილობრივებს.

ადგილობრივების მიერ დასმული წყლის პრობლემის თაობაზე, საკრებულოს თავმჯდომარემ დავით დარჩიამ ისაუბრა. მან თქვა, რომ 7-მილიონიანი პროექტია მზად, რომელიც ტენდერზე 19 სექტემბერს გავა.

გურიის გუბერნატორმა ზურაბ ნასარაიამ რამდენიმე მოქალაქე მეორე დღესვე დაიბარა გუბერნიაში, აქ გამოთქმული პრობლემების მოსაგვარებლდ.

ბაღდადელებმა კიდევ ერთი კონკრეტული პრობლემის შესახებ ისაუბრეს, რაც გარე განათებას შეეხებოდა.

_ სოფელი ტყიანია, სახლები დაშორებულია ერთმანეთს. საბავშვო ბაღში ძალიან ცოტა ბავშვია. გვჭირდება გარე განათება. გვითხრეს, თუ გავაკეთებთ, ენერგიის ხარჯი თქვენ უნდა გადახადოთო.

_ თუ გაგვიკეთებენ ამ ტყეში გარე განათებას, კიდეც გადაგვიხადონ მოხმარებული ენერგიის საფასური. გადახდის თავი რომ გვქონდეს, „ფუსუსიეთ“ კი არ ვივლით ღამით, _ თქვეს ადგილობრივებმა.

ხელისუფლების წარმომადგენლები, ისევე, როგორც პარლამენტარები, შეხვედრის დასასრულს ყველაფრის მოგვარების დაპირებით დაემშვიდობნენ ადგილობრივებს.

_ ჩვენც ვიმახსოვრებთ, რას შეგვპირდნენ. უმეტესს თუ გააკეთებენ, მაინც კმაყოფილი ვიქნებით, _ თქვეს ბაღდადელებმა.




 ახალი ამბები
  • სახელმწიფო ინსპექტორმა ბავშვის ინტერესების დამრღვევი ადვოკატი სამართალდამრღვევად ცნო სახელმწიფო ინსპექტორის სამსახურმა არასრუწლოვანის და მისი ოჯახის შესახებ პერსონალური მონაცემების უკანონოდ გამავრცელებელი ადვოკატი ლ. კ. სამართალდამრღვევად ცნო და ადმინისტრაციული სახდელის სახით - 500 ლარით დააჯარიმა. აღნიშნულის შესახებ განცხადებას ორგანიზაცია „ახალგაზრდა ადვოკატები“ ავრცელებს. „ახალგაზრდა ადვოკატების“ განმარტებით, 2020 წლის 26 მარტს ტელეკომპანია „რუსთავი 2“-ის გადაცემა: „პროფილის“ ეთერით ნაჩვენები იქნა კვიპროსის რესპუბლიკიდან ჩეხეთის მოქალაქე არასრულწლოვანის საქართველოში გადადაგილების ისტორია, რაც ინიცირებული იქნა არასრულწლოვანი დედის მონაწილეობით და საზოგადოებას მიეწოდა არაერთი მცდარი ფაქტი ბავშვის ე.წ. „გატაცებისა“ და „უცნობი“ ადგილსამყოფელის თაობაზე. გადაცემის სოციალურ ქსელში განთავსების შემდგომ არასრულწლოვანის დედამ და მისმა წარმომადგენელმა - ადვოკატმა არაერთი შეტყობინება გამოაქვეყნეს გვერდზე, სადაც მოქალაქეებს მოუწოდებდნენ „დაკარგული“ არასრულწლოვანის „მოძებნას“ და ამ პროცესში აქტიურ დახმარებაზე. როგორც არასრულწლოვანის დედამ, ასევე მისმა წარმომადგენელმა - ადვოკატმა გადაცემის გვერდზე გამოაქვეყნეს ა. არასრულწლოვანის ფოტო-მასალა, ბ. მამის ფოტო-მასალა დედასთან - ბავშვის ბებიასთან ერთად, გ. მამის შესახებ გამოაქვეყნეს მცდარი განცხადებები, რომ ის არის ძებნილი პირი, დამნაშავე, ყოფილი მეუღლე და სხვა. გამოქვეყნებული ფოტოები გააზიარეს Facebook-ის მომხმარებლებმა, რომლებიც ერთმანეთს მოუწოდებდნენ, რომ ბავშვის, მამის და ბებიის თავშეყრის ადგილებში შემჩნევის შემთხვევაში, მიღებულყო გადამჭრელი ზომები. ორგანიზაცია ცალსახად განმარტავს, რომ არასრუწლოვანი დედის წარმომადგენელმა - ადვოკატმა, მხარის მოთხოვნის მიუხედავად, პირადი Facebook-ის გვერდიდან არ წაშალა 2020 წლის 11 მარტს გამოქვეყნებული არასრულწლოვანის ფოტო-მასალა, ხოლო 2020 წლის 22 მარტს გამოაქვეყნა დედა-შვილის ფოტო და გაავრცელა შემდეგი სახის ინფორმაცია, რომ მამამ დედას შვილი „წაართვა“ და „დამნაშავე“ საქართველოს „აფარებს“ თავს. ასევე, ადვოკატმა 2020 წლის 26 მარტს, გადაცემის ეთერში გასვლის შემდგომ, ასევე პირადი Facebook-ის გვერდზე, გადაცემის გაზიარებასთან ერთად, გამოაქვეყნა შემდეგი სახის ინფირმაცია, რომ „ბავშვი გადამალა მამამ“. მსგავსი შინაარსის შეტყობინებები, აგრეთვე მრავლადაა გადაცემა: „პროფილის“ Facebook-ის ოფიციალურ გვერდზე, რომლის მტკიცებულებებიც წარედგინა სახელმწიფო ინსპექტორის აპარატს. ორგანიზაციის სამართლებრივი დასაბუთებით, ადგილი ჰქონდა თანხმობის გარეშე, განსაკუთრებული პერსონალური მონაცემის დამუშავებას, გავრცელებას, რომელიც წარმოდგენილია არასრულწლოვანის, თავისი მამისა და ოჯახის კიდევ ერთი წევრის - არასრულწლოვანის ბებიის ფოტო-მასალის გავრცელებასთან. ამასთან, ადგილი ჰქონდა დასახელებულ პირთა მიმართ დაუდასტურებელი ინფორმაციის გავრცელებას - არასრულწლოვანის გატაცებაზე, მამის სისხლის სამართლის დამნაშავედ მიჩნევისა და მასზე ძებნის მიმდინარეობის თაობაზე, რაც აშკარად ლახავს მხარის პირად არაქონებრივ ინტერესებს, ლახავს მამის ღირსებას და არ ემსახურებოდა არასრულწლოვანის კანონიერ ინტერესებს, რომლის მიმართაც არსებობს მომეტებული საჯარო ინტერესი. ადგილი ჰქონდა არასრულწლოვანის დედის მიზანმიმართულ ქმედებათა ჯაჭვს, რომელსაც მხარდაჭერას უცხადებდა მისი წარმომადგენელი ადვოკატი, რომელიც თავის მხრივ ხელს უწყობს არასრულწლოვანის, მისი მამისა და ბებიის ფოტომასალის გავრცელებას სოციალური მედიის - Facebook-ის მეშვეობით. სამწუხაროდ, ადვოკატი არღვევდა სასამართლოს მითითებას და დახურული სხდომის მიუხედავად, სადაც საქმეთა მასალებით არ დასტურდება მამის ძებნის, არასრულწლოვანის დაკარგვის ან ადგილსამყოფელის მიუგნებლობის ფაქტი, ამავე საშუალებებით ავრცელებდა საწინააღმდეგო მოსაზრებებს. სახელმწიფო ინსპექტორის აპარატის 2020 წლის 6 ივლისის გადაწყვეტილებით აღნიშნულია, რომ 2020 წლის 21 აპრილის წერილით, ადვოკატს ეთხოვა მომჩივანი მხარის განცხადებაში მითითებულ გარემოებებთან დაკავშირებით ინფორმაციის წარმოდგენა არაუგვიანეს 28 აპრილისა. შემდგომში, „საქართველოს მთელ ტერიტორიაზე საგანგებო მდგომარეობის გამოცხადების შესახებ“ პრეზიდენტის ბრძანების შესაბამისად, ადვოკატს გაუხნგრძლივდა მოთხოვნილი ინფორმაციის წარმოდგენის ვადები და სახელმწიფო ინსპექტორის აპარატისთვის დოკუმენტიის წარდგენა დაევალა ქვეყანაში საგანგებო მდგომარეობის დასრულების შემდგომ. გადაწყვეტილებაში აღნიშნულია, რომ ადვოკატმა საგანგებო მდგომარეობის დასრულებიდან (2020 წლის 23 მაისიდან) გონივრული ვადის გასვლის მიუხედავად, სამსახურისთვის მოთხოვნილი ინფორმაცია არ წარუდგენია. 2020 წლის 4 და 18 ივნისს, ადვოკატს წარმოსადგენილი ინფორმაციის შესახებ ხელმეორედ ეთხოვა. ასევე, ეთხოვა დოკუმენტაციის წარმოუდგენლობის მიზეზების განმარტება. სამსახურმა დაადგინდა, რომ ადვოკატს კანონით დადგენილი წესით ჩაბარდა მოთხოვნის წერილები. 2020 წლის 30 ივნისს, ადმინისტრაციული სამართალდარღვევის ოქმის შედგენის მიზნით, ადვოკატი დაბარებულ იქნა სახელმწიფო ინსპექტორის სამსახურში. ამავე წერილით მას კიდევ ერთხელ ეთხოვა შეხვედრაზე შესაბამისი ინფორმაციის (მათ შორის დადგენილ ვადაში ინფორმაციის წარმოუდგენლობის თაობაზე განმარტების) წარმოდგენა. 2020 წლის 2 ივლისს, ადვოკატი სახელმწიფო ინსპექტორის სამსახურში არ გამოცხადებულა და არც გამოუცხადებლობის შესახებ ინფორმაცია მიუწოდებია. სახელმწიფო ინსპექტორის აპარატის გადაწყვეტილების მიხედვით, ადვოკატი გამიზნულად თავს არიდებდა მონაცემთა დამუშავებასთან დაკავშირებული ინფორმაციის წარმოდგენას, რამაც გააჭიანურა განცხადების განხილვის პროცესი და აღნიშნულის შედეგად, სახელმწიფო ინსპექტორის აპარატმა, მოცემულ დრომდე, ვერ შეძლო შეესწავლა მონაცემთა სუბიექტების მონაცემების დამუშავების კანონიერება. ადვოკატი ცნობილ იქნა სამართალდამრღვევად და მას შეეფარდა ჯარიმა 500 ლარის ოდენობით. „ახალგაზრდა ადვოკატები“ განმარტავს, რომ თბილისის სააპელაციო სასამართლოს სამოქალაქო საქმეთა პალატა, „ბავშვთა საერთაშორისო გატაცების სამოქალაქო ასპექტების შესახებ’’ 1980 წლის ჰააგის კონვენციის ფარგლებში, მსჯელობს ევროკავშირისა და ჩეხეთის მოქალაქის, არასრულწლოვანის კვიპროსის რესპუბლიკაში შესაძლო დაბრუნების ან საქართველოში საცხოვრებლად დატოვების საქმეზე. დასახელებულ საქმეზე სამართალდამრღვევი ადვოკატი სწორედ დედის - ოლივია ანტონის ინტერესებს წარმოადგენს, რომელმაც, ამავე პალატამ, 2020 წლის 5 ივნისს, ბავშვის საქართველოდან გადაადგილება (გაყვანა) აუკრძალა. 2020 წლის 30 მარტს, ადვოკატის მიერ პროფესიული მოვალეობების შესრულების პროცესში სავარაუდო დარღვევების შესახებ, წერილობით ეცნობა საქართველოს ადვოკატთა ასოციაციის თავმჯდომარეს. ასოციაციის თავმჯდომარის 2020 წლის 29 აპრილის წერილით, განმცხადებელს ეცნობა, რომ „დასაფასებელია ის სულისკვეთება, რასაც ადვოკატის პროფესიის იმიჯსა და რეპუტაციაზე ზრუნვა ჰქვია“. ასოციაციის აღმასრულებელმა საბჭომ სურვილი გამოთქვა ასოციაციის მოდავე წევრებვს შორის მომრიგებლად (მედოატორად) გამოსულიყო, თუმცა განმცხადებელმა დამატებითი წერილით ასოციაციას აცნობა, რომ საკითხი შეეხებოდა არა კოლეგებს შორის დავას, არამედ საქართველოს ადვოკატთა ასოციაციის ერთ-ერთი კომიტეტის თავმჯდომარის ქმედებებს და განმცხადებელი ვალდებული იყო პროფესიული მოვალეობების განხორციელების პროცესში დარღვევებზე, ოფიციალურად ეცნობებია საქართველოს ადვოკატთა ასოციაციისთვის.  ... ...
  • #გადაარჩინეხადა - ხადის ხეობის დასაცავად პეტიცია შეიქმნახადის ხეობის გადასარჩენად საერთაშორისო პეტიცია შეიქმნა. პეტიცია “გადავარჩინოთ უნიკალური ხადის ხეობა” საქართველოს მთავრობას და საერთაშორისო ბანკებს მოუწოდებს, რუსეთისკენ მიმავალი ქვეშეთი-კობის გზის მონაკვეთი ხადის ხეობის გავლით არ აშენდეს. “უნიკალური ისტორიულ-კულტურული ღირებულებისა და ტურისტული პოტენციალის მქონე ხადის ხეობას საფრთხე ემუქრება”, - ნათქვამია პეტიციაში, რომლის ინიციატორებიც ადგილობრივი მოსახლეობის ნაწილი, ხელოვნებათმცოდნეები, არქეოლოგები, ბიომრავალფეროვნების ექსპერტები და გარემოს დამცველები არიან. საქართველოს მთავრობასთან ერთად,  პეტიციის ადრესატები არიან: ევროპის რეკონსტრუქციისა და განვითარების ბანკი და აზიის განვითრების ბანკი - ის საერთაშორისო საფინანსო ინსტიტუტები, რომლებიც ქვეშეთი-კობის გზის მონაკვეთის პროექტს აფინანსებენ. პეტიციის ხელმომწერები ითხოვენ: დაუყოვნებლივ შეჩერდეს ქვეშეთი-კობის გზის მიმდინარე სამშენებლო სამუშაოები; საზოგადოების ფართო ჩართულობით შემუშავდეს ჩრდილოეთ-სამხრეთი დერეფნის მონაკვეთის ალტერნატივა; პროექტის შესაძლო უარყოფითი ზემოქმედების თავიდან ასაცილებლად ჩატარდეს აუცილებელი წინასწარი კვლევები; ხადის ხეობა დაცულ ლანდშაფტად გამოცხადდეს, რათა დაცული იყოს ხადის ბუნებრივ-კულტურული გარემო და ხელი შეეწყოს მდგრადი ეკოტურიზმის განვითარებას.  “ჩვენ ერთი წლის განმავლობაში ყველანაირ ოფიციალურ მეთოდს მივმართეთ იმისათვის, რომ ხადის ხეობა გადაგვერჩინა, მაგრამ იმის ნაცვლად რომ მთავრობას ჩვენთვის და სპეციალისტებისთვის მოესმინა, მშენებლობა დაიწყო. ვფიქრობთ, ეს არ  არის მხოლოდ ადგილობრივი მოსახლეობის ბრძოლა. ხადის ხეობა თუ დავკარგეთ, მას მთელი საქართველო დაკარგავს. ამიტომ, იმედი გვაქვს, რომ ხადის ისტორიული კულტურული მემკვიდრეობისა და მდიდარი ბიომრავალფეროვნების დასაცავად ყველა გავერთიანდებით”,_ ამბობს ხადის მკვიდრი გიგა ჩოხელი. ხელოვნებათმცოდნე მანანა სურამელაშვილი: „ხადის ხეობის მცირე ტერიტორიაზე თავმოყრილი კულტურული მემკვიდრეობის ძეგლების გასაოცარი სიმრავლე, ტიპოლოგიური მრავალფეროვნება და ფართო ქრონოლოგიური დიაპაზონი ცხადად ადასტურებს მის  უნიკალურობას, რომლის ახსნა ჯეროვან მეცნიერულ შესწავლას საჭიროებს. აქ შემორჩენილ ზოგიერთ ნიმუშს ანალოგი არა აქვს. მათ შორის IX-X სს-ების  ეროვნული მნიშვნელობის სამი ძეგლია. ამას ემატება ხეობის განსაცვიფრებელი ბუნებრივი ლანდშაფტი, მასში ჩაწერილი ტრადიციული სტრუქტურის მქონე  ულამაზესი სოფლებით და მაცხოვრებლებით, რომელთა ხსოვნაში აღბეჭდილი ცოდნა არამატერიალური მემკვიდრეობის ასევე შეუსწავლელი ნაწილია. ეს მთლიანობა დიდი სამეცნიერო, საგანმანათლებლო და ტურისტული პოტენციალის შემცველ კულტურულ ფენომენს შეადგენს, რომლის მნიშვნელობა სცდება ლოკალურ ფარგლებს. ამის საფუძველზე,  დაუშვებლად მიგვაჩნია, მაგისტრალის ხადის ხეობაზე გატარება, რისთვისაც  უნდა მოხდეს  სხვა, ალტერნატიული მონაკვეთის შერჩევა”. პეტიციის სრული ტექსტის გაცნობა და ხელმოწერა შეგიძლიათ აქ. ... ...
  • შვიდი დაშავებული, მათ შორის ორი არასრულწლოვანი - ავტოსაგზაო შემთხვევა ხობში შვიდი ადამიანი დაშავდა ცოტა ხნის წინ, ხობის მუნიციპალიტეტის სოფელ ჭალადიდში მომხდარი ავტოსაგზაო შემთხვევის შედეგად. თვითმხილველების ინფორმაციით, BMW-ს მარკის ავტომობილის მძღოლმა, სავარაუდოდ, საჭე ვერ დაიმორჩილა, სავალი ნაწილიდან გადავიდა და ხეს შეეჯახა. დაშავებულები სასწრაფო დახმარების ბრიგადებმა ფოთის ჰოსპიტალში გადაიყვანა. "ადგილზე მისულ სასწრაფო დახმარების ბრიგადას დახვდა 7 დაშავებული, მათ შორის ორი ბავშვია. საჭირო გახდა დამატებითი ჯგუფების გამოძახება. ერთ-ერთ დაშავებულ ქალს აღენიშნებოდა მრავლობითი ტრავმები და იყო შედარებით მძიმე. ყველა მათგანს ადგილზე გაეწია პირველადი დახმარება და გადაყავნილი არიან ფოთის ჰოსპიტალში", _ განაცხადა საგანგებო სიტუაციების კოორდინირებისა და გადაუდებელი დახმარების ფოთის ცენტრის ხელმძღვანელმა, კესო გელენიძემ. შსს-მ მომხდარ ფაქტზე გამოძება სსკ-ის 276-ე მუხლის მე-2 ნაწილით ... ...
  • „მხარდაჭერას გამოვხატავთ“ _ „პატრიოტთა ალიანსის“ ოზურგეთის რაიონულ ორგანიზაციაში ბრიფინგი გამართეს„ჩვენ არ გვინდა საკითხის პოლიტიზირება და არც ის გვსურს, ვინმემ ასე გაიგოს.   ვხედავთ, რომ საზოგადოება, ჟურნალისტები, ყველა გამოხატავს მხარდაჭერას სასიქადულო სპორტსმენისადმი   და ვერ ვიქნები გულგრილი ამ ფაქტის მიმართ“, _ განაცხადა ბრიფინგის დაწყებამდე  „პატრიოტთა  ალიანსის“ ოზურგეთის რაიონული ორგანიზაციის თავმჯდომარემ, ოზურგეთის  საკრებულოს  დეპუტატმა, შოთა გოგიბერიძემ. _ ჩვენ დღევანდელ   ბრიფინგზე   მხარდაჭერას  ვუცხადებთ  ჩვენს  სასიქადულო მამულიშვილს,  ევროპის ვიცე-ჩემპიონს ბერძნულ-რომაულ ჭიდაობში, იური ლომაძეს, რომელიც ახლა საგამოძიებო საქმის ფარგლებში  დაკავებულია, მეგობრებთან  ერთად. თანადგომას ვუცხადებთ  მის ოჯახს,  გურიის მოჭიდავეთა მთელ  თემს. როგორც ინფორმაციაა   გავრცელებული და ვიცით, საქმე  ეხება ოჯახურ კონფლიქტს, როცა ბავშვთან წაიყვანეს მამა  თავისი სურვილით.  ძალადობა  არ ყოფილა.   გარდა ამისა, ისინი არ  იმალებიან.  თავად  მივიდნენ პოლიციაში.  ამიტომ აღმკვეთ ღონისძიებად პატიმრობა არ არის საჭირო.  გვინდა, მოვუწოდოთ  ჩვენს მართლმსაჯულებას, სამართალდამცავ ორგანოებს, რომ ზედმეტად მკაცრი ნუ იქნებიან.   გაათავისუფლონ ისინი.  აღმკვეთი ღონისძიება შეეცვალოს სახელოვან სპორტსმენს  და  მიეცეს  სპორტული ცხოვრების  გაგრძელების  საშუალება.   ასეთი მიდგომა სტრესულ მდგომარეობაში აყენებს მათ და მოვუწოდებთ  სამართალდამცავებს, გაითვალისწინონ ჩვენი თხოვნა, _ თქვა შოთა გოგიბერიძემ. ბრიფინგის შემდეგ „პატრიოტთა ალიანსის“ ოზურგეთელმა წევრებმა კვლავ ისაუბრეს იური ლომაძის, როგორც ძალზე პერსპექტიული, წესიერი,  შრომისმოყვარე ახალგაზრდის  შესახებ, რომელიც არ უნდა დაიჩაგროს, მისი უფლებები  არ უნდა ... ...
  • ნიკო ნიკოლაძის დაარსებულ ისტორიულ სასწავლო დაწესებულებას რეაბილიტაცია უტარდებასამტრედიის მუნიციპალიტეტში, სოფელ დიდ ჯიხაიშში ნიკო ნიკოლაძის დაარსებული ისტორიული სასწავლო დაწესებულება  სრულ რეაბილიტაციას გაივლის. სარეაბილიტაციო სამუშაოები შემოდგომაზე დაიწყება, რომლის დასრულების შემდეგ, ჯიხაიშში  დასავლეთ საქართველოში ყველაზე მასშტაბური აგრარული პროფილის კოლეჯი ამოქმედდება. მოეწყობა თანამედროვე სასწავლო ბაზები, დაინერგება საერთაშორისო გაცვლითი პროგრამები, კერძო სექტორთან მჭიდრო თანამშრომლობით შეიქმნება სოფლის მეურნეობის დარგში ახალი ცოდნის გავრცელების მექანიზმები. დიდ ჯიხაიშში სასოფლო-სამეურნეო სასწავლებელი დიდი ქართველი მოაზროვნის, პუბლიცისტისა და საზოგადო მოღვაწის ნიკო  ნიკოლაძის თაოსნობით, 1925 წელს დაარსდა. არსებობის 95  წლის მანძილზე სასწავლებელმა სახელოვანი და  ნაყოფიერი გზა განვლო, თუმცა 1990-იან წლებში ქვეყანაში შექმნილმა მძიმე ვითარებამ, საგანმანათლებლო ინფრასტრუქტურის რღვევამ ისტორიულ სასწავლებელსაც მძიმე დაღი დაასვა. დაწესებულება 2016 წლიდან  საქართველოს ტექნიკური უნივერსიტეტის  აგრარული მეცნიერებების და ბიოსისტემების ინჟინერიის ფაკულტეტის დაქვემდებარებაშია. სწორედ ტექნიკური უნივერსიტეტის მიერ მომზადდა დიდი ჯიხაიშის ინფრასტრუქტურის განვითარების გეგმა, რომელიც პირველ ეტაპზე, განათლების, მეცნიერების, კულტურისა და სპორტის სამინისტროს მხარდაჭერით, სასწავლო კორპუსის სრულ რეაბილიტაციას ... ...

არქივი

ტესტები

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ ყველაზე, ყველაზე...

იცი თუ არა გეოგრაფია

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...

შვრიის ორცხობილა მოხალვის მეთოდით

მსუბუქი, გემრიელი და ზაფხულისთვის შესაფერი...