რა ღირს ბახმაროში დასვენება და მარადიული პრობლემა, რომელიც "გურია ნიუსის" ჩართულობით მოგვარდა

საზოგადოება

რა ღირს ბახმაროში დასვენება და მარადიული პრობლემა, რომელიც "გურია ნიუსის" ჩართულობით მოგვარდა

25 ივლ. 2018, 13:25:46

მედიით მრავალჯერ გაპიარებულ ბახმაროში ძირითადი პრობლემები ამ დრომდე მოუგვარებელია _ კურორტზე, სადაც ამ დროისთვის დაახლოებით 5 000 დამსვენებელია, ისევ უამრავი პრობლემაა.

_ ვერა და ვერ გადაწყდა დადებითად წყლის საკითხი. წლებია, ასეთი მდგომარეობაა. დღეები ისე გადის, რომ წყალი ერთი საათითაც არ მოდის, _ აღნიშნავენ ჩვენთან საუბრისას მოაგარაკეები.

მათივე თქმით, ისევ მოუწესრიგებელია შიდა გზები:

_ არის ქუჩები, სადაც მხოლოდ ორხიდიანი ავტომანქანით არის გავლა შესაძლებელი. ჯერ კიდევ შარშან გვპირდებოდნენ გაკეთებას, მაგრამ ესეც გაზეთის ფურცლებს შემორჩა, _ ამბობენ დამსვენებლები, რომლებიც ერთ-ერთ ყველაზე მნიშვნელოვან პრობლემაზე _ სასწრაფო სამედიცინო დახმარების ხელმიუწვდომლობაზე აკეთებენ აქცენტს:

_ ადამიანი რომ ცუდად გახდება, სასწრაფოს ამოსვლას ჩოხატაურიდან უნდა ელოდოს, რასაც 2 საათი მაინც დასჭირდება. ამ ორ საათში კი შეიძლება მოკვდეს. წლებია ვითხოვთ, რომ სეზონზე ერთი ბრიგადა მაინც დააყენონ აქ, თუმცა, ესეც ვერ მოხერხდა, _ ამბობენ დამსვენებლები.

მიუხედავად ამისა, კურორტი დამსვენებლების ნაკლებობას არ უჩივის, თუმცა, ხალხი უკმაყოფილებას გამოთქვამს, როგორც პროდუქტის, ასევე, დასასვენებელი სახლების საკმაოდ მაღალი ფასების გამო.

ბახმაროში კეთილმოწყობილი კოტეჯის 20 დღით ქირაობა 2 000-დან 3 000 დოლარამდე ჯდება. თუმცა, არის სახლები, რომელიც გაცილებით ძვირად ფასობს და 4 000 დოლარადაც კი ქირავდება.

შედარებით მოუწესრიგებელი ოთახების ფასები, რომლებსაც საპირფარეშო ეზოში ან მეზობელთან საერთო აქვთ, 600 ლარიდან იწყება და 1 500 ლარამდე ადის.

ამ თანხაში არ შედის ელექტროენერგიის გადასახადი, რომელიც კეთილმოწყობილი კოტეჯების შემთხვევაში 200 ლარამდეა, ხოლო შედარებით მოუწესრიგებელ სახლებში _ 100 ლარამდე.

კურორტზე ამ ეტაპზე მხოლოდ ერთი სასტუმროა, რომელიც კონკურენციის არარსებობის გამო სრული დატვირთვით მუშაობს და სადაც ფასები ცნობილი ბრენდის სასტუმროებზე ძვირია _ ერთი ოთახი, რომელიც 4 საწოლი დგას, 130 დოლარი ღირს. ამ ფასში მხოლოდ დილის შვედური მაგიდა შედის.

ბახმაროში რამდენიმე საოჯახო სასტუმროცაა, სადაც ერთი საწოლის ფასი ერთი ღამით 50-დან 70 ლარის ფარგლებში მერყეობს.

_ კურორტზე, სადაც ყოველ წელს ათასობით ადამიანი ისვენებს და რომელსაც მთავრობა სულ აპიარებს, განსაკუთრებით კი არჩევნების წინ, უამრავი პრობლემაა და ეს არავის ადარდებს. აქ არ არსებობს ბანკის ფილიალი, სწრაფი გადარიცხვის აპარატი, არ არის ბენზინგასამართი სადგური. ნორმალური საპირფარეშოც კი არ დგას. სამაგიეროდ, ქუჩებში ბევრი პირუტყვია და კატასტროფული სიძვირე. ევროპის ნებისმიერ კურორტზე უფრო იაფი ჯდება დასვენება, ვიდრე ბახმაროში. ბაზარში ყველაფერს ორმაგი ფასი აქვს, _ აღნიშნავენ ჩვენთან საუბრისას დამსვენებლები.

მათივე თქმით, ხელისუფლების წარმომადგენლების განცხადებები და კურორტის დაანონსებული განვითარება იმის საფუძველს აძლევდათ, რომ წელს ბახმაროში განსხვავებული სიტუაცია დახვდებოდათ, თუმცა, როგორც ზემოთ აღვნიშნეთ, რეალობა არ შეცვლილა.

_ 6 წლის წინ გააკეთეს კინოთეატრი და ამ დრომდე უფუნქციოდაა. მოუვლელობისგან ფუჭდება და პატრონი არ ჰყავს, _ აღნიშნავენ დამსვენებლები.

კურორტზე რომ ბევრი პრობლემაა, ჩვენთან საუბრისას ადასტურებს ა(ა)იპ "ბახმაროს" დირექტორი დავით საჯაია:

_ პრობლემები რომ არის, არ უარვყოფთ, მაგრამ იმ საშუალებით, რაც მუნიციპალიტეტს და ა(აი)იპ-ს გააჩნია, ყველაფერი კეთდება. უკვე დაწყებულია ელექტროენერგიის პრობლემის მოსაგვარებლად მასშტაბური სამუშაოები და მომავალ წელს 24-საათიანი შუქი ექნება დამსვენებელს. რაც შეეხება წყალს _ მოხმარება გაიზარდა, დებეტმა მოიკლო და ამის გამო, პრაქტიკულად ყველა ქუჩაზე შეიქმნა პრობლემა _ სამყოფი წყალი არ გვაქვს. სავარაუდოდ, მალე გრაფიკი დაწესდება სატყეოს, ვაკიჯვრის, ინგოროყვას და ბაზრის დაღმართის ქუჩებზე, _ ამბობს საჯაია.

მისივე ინფორმაციით, შიდა გზების პრობლემა სტიქიამ გამოიწვია:

_ სეზონის დაწყებამდე გაკეთდა გზები, თუმცა, ძლიერმა წვიმებმა სულ ჩამორეცხა. ახლა, ახალი ხელშეკრულება გაფორმდა, რამდენიმე დღეში სამუშაოები დაიწყება და ეს პრობლემაც მალე მოგვარდება. გარდა ამისა, თითქმის გადაწყვეტილია საკითხი, რომ ქუჩებში პირუტყვი არ დადიოდეს - აქტიურად მუშაობენ მეველეები და დასახლებაში პირუტყვი პრაქტიკულად არ არის, _ გვითხრა დავით საჯაიამ.

საჯაია ჩვენთან საუბრისას ადასტურებს, რომ დამსვენებლებისთვის ერთ-ერთი პრობლემა სასწრაფო სამედიცინო დახმარების ბრიგადის არარსებობაცაა:

_ ეს პრობლემაც გვიდგას, რომელიც ჯერ ვერ მოგვარდა, _ აღნიშნა საჯაიამ.

"გურია ნიუსმა" ბახმაროში არსებული ამ პრობლემის მოგვარება სსიპ "საგანგებო სიტუაციების კოორდინაციისა და გადაუდებელი დახმარების ცენტრის" დირექტორს სთხოვა _ ავთანდილ თალაკვაძემ პირობა მოგვცა, რომ საკითხში გაერკვეოდა და კომენტარსაც მოგვიანებით გააკეთებდა.

თალაკვაძემ "გურია ნიუსისთვის" მიცემული პირობა მალევე შეასრულა _  ბახმაროში უკვე დგას სასწრაფო სამედიცინო დახმარების ბრიგადა, რომელიც 24 საათის განმავლობაში იმუშავებს და რომლის პერსონალს ფართი მუნიციპალიტეტმა გამოუყო.




 ახალი ამბები
  • პატრიარქის სამადლობელი წერილი და პრეზიდენტის სტუმრობა ზემო აკეთშიქვეყნის  პრეზიდენტი სალომე ზურაბიშვილი და კულტურის გამოჩენილი წარმომადგენლები დღეს ლანჩხუთში, ზემო აკეთს სტუმრობდნენ. საქმე ისაა, რომ ივნისს–ივლისის თვეში, ლანჩხუთში, საექსპედიციო ჯგუფმა, რომელსაც სათავეში ანსამბლ ,,შავნაბადას“ ხელმძღვანელი დავით ცინცაძე და ლანჩხუთის ხუხუნაიშვილების სახელობის სკოლის ხელმძღვანელი ავთანდილ თურქია ედგა, აკეთის წმინდა გიორგის სახელობის ტაძრის ეზოს ტერიტორიაზე, ცნობილი მომღერლების საფლავების აღმოჩენა-რესტავრაცია განახორციელეს. დღეს უკვე აღმოჩენილია ცნობილი გვარის - ხუხუნაიშვილების ანსამბლის წევრების 6 საფლავი, ხოლო ცარიზმის დროს ხელყუმბარით დაზიანებული ტაძარი, მზად არის რესტავრაციის დასაწყებად. სწორედ ეს  რესტავრირებულ საფლავები და რესტავრაციაში მყოფი ტაძარი მოინახულეს სტუმრებმა. მიღების მეორე ნაწილს კი სოფელმა აცანამ საკონცერტო ფორმატითა და კულტურული ნიმუშების წარდგენით უმასპინძლა. პრეზიდენტმა ცანაში სტუმრობისას გამოჩენილი მომღერალი, ლოტბარი, კომპოზიტორი, ანსამბლების – „რუსთავისა“ და „მართვეს“ დამაარსებელი, ანზორ ერქომაიშვილი, რომელსაც 80 წელი 10 აგვისტოს უსრულდება,  გაწეული ღვაწლისთვის დააჯილდოვა. დღევანდელ ღონისძიებებთან დაკავშირებით, ლანჩხუთში სამადლობელი წერილი გამოგზავნა საქართველოს კათალიკოს-პატრიარქმა ილია მეორემაც. „ჩვენი ქვეყნის დიდი სიმდიდრე ჩვენი კულტურაა და მასში მარგალიტადაა ჩასმული ჩვენი მრავალხმიანობა. იგი ჯვარია ჩვენი ხალხისა. გალობა ჯვრის ვერტიკალური სვეტია ღვთისკენ მიმართული, ხოლო ჯვრის ჰორიზონტალური ნაწილი სიმღერაა - ხალხში გაბნეული, როგორც სიყვარული მოყვასისა. მადლობა ღმერთს, რომ ჩვენ ისტორიას ახსოვს გამორჩეული და დიდი ღვაწლის მქონე გვარები: დუმბაძეები, კარბელაშვილები, ერქომაიშვილები, კავსაძეები, ბერძენიშვილები, ჩავლეიშვილები და სხვანი. მათ მუსიკალურ რანგს მიეკუთვნება ხუხუნაიშვილებიც, რომელთა ნიჭი მსოფლიომ აღიარა და მათ საქართველო წარმოაჩინეს, როგორც მუსიკალურად მაღალი აზროვნების მქონე ქვეყანა. ზემო აკეთის მომღერალთა შესაძლებლობები ყველა დონის მუსიკოსს ქედს ახრევინებს მათი გენიის წინაშე. ხოლო ალმასხან ხუხუნაიშვილის იმპროვიზაცია დღემდე აოცებს თანამედროვე მუსიკოსებს თავისუფლების შეგრძნებით.“ _ წერს პატრიარქი და მადლობას უხდის ამ საქმის ინიციატორებს: „მადლობა მინდა ვუთხრა ექსპედიტორთა ჯგუფს: მამა მიქაელის (მახარაძის), დავით ცინცაძის, ავთანდილ და მერაბ თურქიების თაოსნობით, რომელთაც დიდად იშრომეს წინაპართა პატივსაგებად”. ჩვენ არ უნდა დაგვავიწყდეს, რომ კაცი საქმით იცნობა და რომ გარდაცვლილი წინაპრები გვეხმარებიან ცოცხლებს.“ საქართველოს პატრიარქი თავის წერილში იუბილეს ულოცავს ანზორ ერქომაიშვილს. „დღეს, საბედნიეროდ ჩვენი ქვეყნის საუკუნოვან კულტურას ჰყავს გამორჩეული პატრონი, რომლის გვარმაც განსაკუთრებულად იღვაწა ერისა და ბერის წინაშე. მადლობა ღმერთს, რომ მეტად რთულ დროს ჩვენ ქვეყანას მოუვლინა ანზორ ერქომაიშვილი - ტრადიციული მუსიკის პატრიარქი და დიდი საგვარეულო კულტურის გზის გამგრძელებელი. ვულოცავ მას 80 წლის იუბილეს და მინდა გითხრათ, რომ მე მადლიერი ვარ მისი ფასდაუდებელი ღვაწლისა, რომელიც მან გასწია ჩვენი ქვეყნის წინაშე. ვუსურვებ ჯანმრთელობას და დიდხანს სიცოცხლეს. ღმერთმა დაგლოცოთ და გაგაძლიეროთ!“ -წერს ილია ... ...
  • ჭიათურაში ბენზინგასამართი სადგური გაძარცვესჭიათურაში ბენზინგასამართი სადგური გაძარცვეს. არსებული ინფორმაციით, შეიარაღებული პირები ბენზინგასამართ სადგურზე შეიჭრნენ და ადგილზე მყოფ ოპერატორს მუქარის ძალით თანხა მოსთხოვეს. წაღებულია რამდენიმე ასეული ლარი. გამოძიება სისხლის სამართლის კოდექსის 178-ე მუხლით მიმდინარეობს, რაც ძარცვას ... ...
  • იმერეთში ახალგაზრდა მამაკაცი მოკლესტყიბულში ახალგაზრდა მამაკაცი მოკლეს. არსებული ინფორმაციით, გვიან ღამით ქალაქის ცენტრში ორი მამაკაცი ერთმანეთს დაუპირისპირდა, კონფლიქტის დროს კი ერთმა მეორეს სასიკვდილო ჭრილობა მიაყენა. გარდაცვლილი მამაკაცი თერჯოლის მკვიდრია. მომხდარზე გამოძიება 108-ე მუხლით დაიწყო, რაც განზრახ მკვლელობას ... ...
  • რუსთავში, საცხოვრებელი კორპუსის მესამე სართულიდან კაცი გადმოვარდარუსთავში, საცხოვრებელი კორპუსის მესამე სართულიდან კაცი გადმოვარდა. ის უგონო მდგომარეობაში რუსთავის ცენტრალურ საავადმყოფოში გადაიყვანეს. დაშავებული მამაკაცის მდგომარეობა მძიმეა. მომხდარზე გამოძიება 115-ე მუხლით მიმდინარეობს, რაც თვითმკვლელობამდე მიყვანას ... ...
  • Air France-მა საქართველოს მიმართულებით რეგულარული ფრენები განაახლაფრანგულმა ავიაკომპანია Air France-მა საქართველოს მიმართულებით რეგულარული ფრენები განაახლა. ამის შესახებ ინფორმციას ,,ტავ ჯორჯია“ ავრცელებს. როგორც „ტავ ჯორჯია“-ში აცხადებენ, პარიზიდან თბილისში უკვე 178 მგზავრი ჩამოფრინდა. ავიაკომპოანია Air France  ფრენებს ,,ეარბას“ A320 და A321  ტიპის ხომალდებით კვირაში ორი სიხშირით იფრენს, რომელიც  შემდეგი განრiგით შეასრულებს ავიამიმოსვლას:  პარიზი(შარლ დე გოლის აეროპორტი)  - თბილისის მიმართულებით, ყოველ ოთხშაბათსა და შაბათს; თბილისი-პარიზის (შარლ დე გოლის აეროპორტი) მიმართულებით ყოველ ხუთშაბათსა და კვირას.   ... ...

არქივი

ტესტები

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...