როგორ "აჯობეს" ჩოხატაურელებმა ბიძინა ივანიშვილს

საზოგადოება

როგორ "აჯობეს" ჩოხატაურელებმა ბიძინა ივანიშვილს

2019 ივნ 14 12:50:08

ჩოხატაურის მუნიციპალიტეტის კომუნალური სამსახურის "სხივის" დირექტორმა მერაბ დოლიძემ, 2019 წლის 10 მაისს, ინდმეწარმე გიორგი დოლიძეს 3 126-ლარიანი ხელშეკრულება გაუფორმა. დოკუმენტის თანახმად, დოლიძეს 17 მაისამდე ჩოხატაურის მუნიციპალიტეტის ფარცხმის ადმინისტრაციული ერთეულის ტყე-პარკში ხე-მცენარეები უნდა გაეშენებინა და სანერგე მეურნეობა შეექმნა.


გიორგი დოლიძე ისეთი ყოჩაღი აღმოჩნდა, რომ სანერგე მეურნეობა 4 დღეში შექმნა, რასაც შესრულებული სამუშაოს აქტით ადასტურებს "სხივის" ინსპექტირების ჯგუფი:

"შემოწმების შედეგად აღმოჩნდა, რომ სამუშაოები სრულად დასრულებულია. კერძოდ, დასრულებულია: ჩოხატაურში ფარცხმის ადმინისტრაციული ერთეულის ტყე-პარკში ხე-მცენარეების გაშენების და სანერგე მეურნეობის შექმნის სამუშაოები ღირებულებით 3126 ლარი", _ ვკითხულობთ შესრულებული სამუშაოს 14 მაისს შედგენილ აქტში, რომელსაც ხელს კომუნალური სამსახურის თანამშრომლები და ინსპექტირების ჯგუფის წევრები _ ავთანდილ ცინცაძე, ლეო სიმონიშვილი და სოფიკო მეგრელიძე აწერენ.

დოკუმენტს, მეორე მხრივ, ხელს აწერს ჩამბარებელი _ ი/მ გიორგი დოლიძე.

ამ დოკუმენტის საფუძველზე გიორგი დოლიძეს იმავე დღეს ჩაერიცხა 3 126 ლარი და საქმეც დასრულდა _ მეურნეობა მოეწყო, მეწარმემ ფული აიღო და ყველა კმაყოფილია! ამით ჩოხატაურელებმა ბიძინა ივანიშვილს "აჯობეს", რომელიც 2 წელია პარკს აკეთებს და ხეებს რგავს _ მისგან განსხვავებით, აქაურებმა 4 დღეში მოახერხეს ხეებისა და მცენარეების დარგვა და სანერგე მეურნეობის გაკეთება!

თუმცა, ეს ყველაფერი ამ სენსაციური ამბის პროლოგია...

შინაარსი კი ასეთია:

 ფაქტი #1

კომუნალური სამსახურის ხელმძღვანელმა მერაბ დოლიძემ მისი დაკვეთით გაშენებული სანერგე მეურნეობის ადგილსამყოფელი არ იცოდა და მას შემდეგ გაიგო, რაც ამ ამბით "გურია ნიუსი" დაინტერესდა. 11 ივნისს, ე. წ. სანერგე მეურნეობისთვის მიგნებისთვის, "სხივის" თანამშრომლების მოძებნისა და ადგილზე მიყვანისთვის 2 საათი დაგვჭირდა.

 ფაქტი #2

ე. წ. სანერგე მეურნეობა, სადაც ხე-მცენარეები უნდა იყოს გაშენებული, სავარაუდოდ, რამდენიმე წლის წინ შემოღობილი ადგილია, სადაც წელამდე ბალახია და სადაც 300-მდე ძირი კაკლის საძირე ნერგია დარგული, რომლის ნაწილი გამხმარია.

 ფაქტი #3

მიუხედავად იმისა, რომ "სხივის" დირექტორს ხელშეკრულება გაფორმებული აქვს ი/მ გიორგი დოლიძესთან, გაირკვა, რომ ამ პიროვნებას სანერგე მეურნეობის გაკეთებასთან საერთო არაფერი აქვს და ის მხოლოდ ფულის გამტარია _ მერაბ დოლიძესთან საუბარში გამოიკვეთა, რომ სამუშაოები "სხივის" თანამშრომელმა ვასილ ცინცაძემ შეასრულა, დოლიძის მტკიცებით, ინდმეწარმის დაკვეთით.

 ფაქტი #4

ვასილ ცინცაძე ამბობს, ინდმეწარმე გიორგი დოლიძე მისი ნათესავია, მან მოძებნა და "სხივის" დირექტორთან ხელშეკრულების გასაფორმებლად მიიყვანა, რადგან თანხის გაცემა დოკუმენტურად სხვაგვარად ვერ ხერხდებოდა. ცინცაძემ დააზუსტა, რომ თანხის ჩარიცხვის დღესვე, დოლიძეს 3 126 ლარი ხელზე გამოართვა და მუშებს გადაუხადა _ მარტივად რომ ვთქვათ, მეწარმე მხოლოდ ბიუჯეტის ფულის "გასატარებლად" გამოიყენეს.

 ფაქტი #5

თითქმის ერთსაათიან ინტერვიუში ვასილ ცინცაძემ ფულის ხარჯვის სხვადასხვა ამბავი მოგვიყვა, ბოლოს იმაზე შეჯერდა, რომ სამუშაოების ნაწილი მომავალში უნდა შესრულდეს; რომ 180 ლარი გადაუხადა ადამიანს, რომელმაც ფართობი დახნა, დაფარცხა, ორმოები ამოიღო და ნერგები დარგო; 410 ლარი კი მისცა ადამიანს, რომელმაც ნერგები ჩამოუტანა! დანარჩენი თანხის ასავალ-დასავალი ვერ დაგვიკონკრეტა.

 ფაქტი #6

როგორც დავაზუსტეთ, მუშას, რომელმაც ფართობი დახნა, დაფარცხა, ორმოები ამოიღო და ნეგები დარგო, 210 ლარის ნაცვლად, 180 ლარი ნამდვილად მისცეს და ამ თანხაში ტრაქტორისთვის საჭირო საწვავის ღირებულებაც შედიოდა. ცინცაძემ მუშას 30 ლარი დააკლო, რომელსაც მისი განმარტებით, მომავალში აუცილებლად მისცემს.

 ფაქტი #7

ვასილ ცინცაძე ტყე-პარკში, ე. წ. სანერგე მეურნეობაში ყოფნისას გვიმტკიცებდა, რომ სანერგისთვის საჭირო მცენარეები, პარკები და კონტეინერები სახლში ჰქონდა. ამიტომ, სახლში ვესტუმრეთ. იქ მხოლოდ ვაზის ნერგები დაგვახვედრა, რომელიც, მისი განმარტებით, მან გამოიყვანა მუნიციპალიტეტისთვის და ამაში თანხა არ დაუხარჯავს. თქვა, რომ კონტეინერები და თესლების ჩასადები პოლიეთილენის ჭიქები მომავალში უნდა იყიდოს და ამისთვის თანხა აქვს. თუმცა, თანხის ოდენობა ვერ დაგვიკონკრეტა და არც ის გვითხრა, სად ჰქონდა ინმდეწარმისთვის გამორთმეული თანხის ნაწილი.

 ფაქტი #8

ინდმეწარმე გიორგი დოლიძე "სხივის" მიერ გახორციელებულ ერთ პირთან მოლაპარაკების წესით გაფორმებულ ხელშეკრულებებში ლიდერია. დოკუმენტებით მტკიცდება, რომ მას ყველაფრის გაკეთება შეუძლია და მუნიციპალიტეტის ბიუჯეტიდან ფულს იღებს ხეების მოჭრაში, ხიდების შეღობვაში, სასაფლაოს ღობის გაკეთებაში, ლითონის კონტეინერის შეკეთებაში. იგი "სხივს" მომსახურებას უწევს კანალიზაციის გამწმენდი სპეცმანქანითაც და ბახმაროში ბინასაც კი აქირავებს კომუნალური სამსახურის თანამშრომლებისთვის!

 ფაქტი #9

ი/მ გიორგი დოლიძე ჩოხატაურის მუნიციპალიტეტის ა(ა) იპ "არაფორმალური განათლებისა და კულტურული მემკვიდრეობის დაცვის ცენტრის" თანამშრომელია. მასთან გასაუბრება რამდენჯერმე ვცადეთ, თუმცა, მან "გურია ნიუსის" ზარებს არ უპასუხა.

მოგვიანებით, უცხო ნომრით დავურეკეთ და ვკითხეთ, რამდენად შეეძლო მოექირავებინა კანალიზაციის გამწმენდი მანქანა, რაზეც  გიორგი დოლიძემ გვიპასუხა, რომ მსგავსი მანქანა მას არ ჰყავს და მხოლოდ ოზურგეთშია მისი ქირაობა შესაძლებელი. შემდეგ ვკითხეთ, შეგვიღობავდა თუ არა რკინის მოაჯირებს და მოგვიჭრიდა თუ არა ხეებს, რაზეც გვიპასუხა, რომ არის ამისთვის საჭირო ხალხი. მას შემდეგ კი, რაც ვკითხეთ, შეეძლო თუ არა სანერგე მეურნეობის მოწყობა ისე, როგორც კომუნალურ სამსახურს გაუკეთა, ჩვენი ხმა "ვეღარ გაიგონა" _ რამდენიმე წუთის განმავლობაში გვიმეორებდა, რომ შეკითხვა არ ესმოდა, შემდეგ ტელეფონი გაგვითიშა და მოგვიანებით ზარებს აღარ უპასუხა.

 ფაქტი #10

ჩოხატაურში, სანერგე მეურნეობის გაკეთების იდეა, მუნიციპალიტეტის საკრებულოს თავმჯდომარეს, ზაალ მამალაძეს ეკუთვნის. მან, ჯერ კიდევ 2017 წლის ბოლოს,  საკრებულოს სხდომაზე, მერიის სამსახურებს სთხოვა 2 000 კვ.მ. მიწის ფართი გამოყოფა, სადაც სანერგე მეურნეობა გაკეთდებოდა.

_ ეს არის აუცილებელი და მნიშვნელოვანი საქმე მუნიციპალიტეტისთვის. მოვძებნოთ მუნიციპალიტეტის ტერიტორიაზე 2000 კვ.მ. მიწის ნაკვეთი, რომელიც ჩვენს ბალანსზე იქნება და სადაც მოეწყობა სანერგე მეურნეობა.

აქ გამოყვანილი ნერგები მუნიციპალიტეტის გამწვანებას მოხმარდება. კეთილმოწყობის სამსახურში 5 ადამიანი მუშაობს გამწვანების კუთხით და ჩვენ შეგვიძლია, გვქონდეს ჩვენი სანერგე მეურნეობა, _ მიმართა მაშინ ზაალ მამალაძემ მერიის წარმომადგენლებს.

ზაალ მამალაძე ამბობს, რომ სანერგე მეურნეობის არსებობა მუნიციპალიტეტში საჭიროებიდან გამომდინარე გადაწყდა. მისგან იდეა წამოვიდა, რომელიც შესაბამის სამსახურებს უნდა გაეხორციელებინათ. მისივე თქმით, "მართალია, 2 წელი დასჭირდათ, თუმცა, გააკეთეს. რაც შეეხება ხარისხს და ე. წ. სანერგე მეურნეობაში არსებულ სიტუაციას _ საკრებულოს თავმჯდომარე განმარტავს, რომ მუნიციპალიტეტში არსებობს საბიუჯეტო დაფინანსებაზე მყოფი ა(ა)იპი, რომელმაც ამ ყველაფრის გაკეთების ვალდებულება აიღო და თუ იქ რაიმე არასწორადაა გაკეთებული, საკრებულო ამ საკითხით აუცილებლად დაინტერესდება, გამოითხოვს ყველა დოკუმენტაციას და შესაბამის რეაგირებასაც შემდეგ მოახდენს".

 ეპილოგი

როგორც უკვე აღვნიშნეთ, ი/მ გიორგი დოლიძე ყველა სახის სამუშაოს უსრულებს "სხივს", რაშიც პრობლემას ვერ ხედავს კომუნალური სამსახურის უფროსი _ მერაბ დოლიძე ამტკიცებს, რომ ამ ადამიანს მართლაც ყველაფრის გაკეთება შეუძლია და ეჭვი, რომ მას ფულის "გასათეთრებლად" იყენებენ, აბსურდულია. არადა, ფაქტია, რომ პირს ბიუჯეტის ფული ჩაურიცხეს, მიღება-ჩაბარების აქტიც ისე შეადგინეს, რომ არაფერი შეუმოწმებიათ და მერე ეს ფული, "სხივის" თანამშრომელმა "ქეშად" წამოიღო. ამაში პრობლემას ვერ ხედავს მერაბ დოლიძე, რომელიც ამტკიცებს, რომ ხელშეკრულებით გათვალისწინებული სამუშაოები შესრულებულია და ესაა მთავარი. კითხვაზე, იცის თუ არა, რომ ეს სისხლის სამართლის დანაშაულია, გვპასუხობს, რომ დანაშაული არავის ჩაუდენია და ინდმეწარმე ვის რას მისცემს, მისი საქმე არაა (?!); დოლიძეს არ აქვს პასუხი კითხვაზე, რატომ მოაწერა ხელი თანხის გადარიცხვის საბუთს, როცა სამუშაო ნანახიც კი არ ჰქონდა, გვიპასუხა, რომ მისი მოვალეობა სწორედ საბუთებზე ხელის მოწერაა და არა თოხის და ბარის ქნევა!

ამ საბუთებში შავით თეთრზე წერია, რომ ზუსტად 4 დღეში, ი/მ გიორგი დოლიძემ გაწმინდა და გაასუფთავა ნიადაგი; დახნა და ფრეზირება მოახდინა; ამოიღო და სანერგეში გადაიტანა 450 ძირი ნერგი (რისი, არ წერია); აგეგმა ფართობი; ამოიღო ორმოები; დარგო ნერგები; ნერგების მისაკრავად დაამზადა ჭიგოები და შემდეგ მასზე მიაკრა ნერგები; შეიძინა ნერგების ჩასადები კონტეინერები, თესლების ჩასადები პოლიეთილენის ჭიქები, ორგანული და მინერალური სასუქები, ფუნგიციდები, საწამლი აპარატი, თოხი, ბარი, ნიჩაბი, ვედრო, ფოცხი, 1 მანქანა სილა-ნიადაგი, დიზელის საწვავი და სარწყავი მილი.

თუმცა, ეს ქაღალდზე _ რეალურად კი, როგორც დასაწყისში აღვნიშნეთ, ძველ შემოღობილ ფართში 300-მდე კაკლის საძირე ნერგი ბალახებშია ჩამალული და სხვა, დოკუმენტში ჩაწერილი სამუშაო შესრულებული არ არის, რაც ვასილ ცინცაძემ მერაბ დოლიძის თანდასწრებით აღიარა! ადგილზე არც ჭიგოა, არც მისი ყოფნის კვალი და საბუთში გაწერილი საწვავის შეძენა, რომელიც თითქოს გიორგი დოლიძემ იყიდა, ბლეფია, რადგან მუშამ "სხივის" დირექტორის თანდასწრებით თქვა, რომ საწვავის ღირებულება იმ 180 ლარში შედიოდა, რომელიც მას გადაუხადეს.

კიდევ ერთი მნიშვნელოვანი დეტალი _ ჩვენ დავინტერესდით, ჩატარდა თუ არა ნიადაგის კვლევა სანერგე მეურნეობის გასაშენებლად, რაზეც ვასილ ცინცაძემ თქვა, რომ ეს არ სჭირდება, რადგან იგი ძლიერი აგრონომია და კვლევის გარეშე იცის, რა ტიპის ნიადაგზე რა ხარობს!




 ახალი ამბები
  • "ლაჩარი, არარაობა" - ეკა ბესელია ვანო ზარდიაშვილს პასუხობსეკა ბესელია ვანო ზარდიაშვილის მიერ ცოტა ხნის წინ გაკეთებულ იმ განცხადებას ეხმაურება, სადაც ოცნების დეპუტატი ამბობს, რომ ბესელია ე.წ. ვირთხაა, რომელსაც ნოდარ მელაძესთან "ოცნებიდან" ინფორმაცია გაჰქონდა. საპარლამენტო უმრავლესობის ყოფილმა წევრმა „ქართული ოცნების“ დეპუტატს ლაჩარი და არარაობა უწოდა. ბესელია ბიძინა ურჩევს, რომ თუ მას ვანო ზარდიაშვილის მსგავსი სპიკერები სჭირდება, მის მოთმინებას ნუ გამოცდის. „ოცნებიდან“ წასული დეპუტატი ამბობს, რომ მისი პირადი ცხოვრების კადრების გავრცელების საქმეზე მას ახლა უფრო მეტი კითხვა აქვს, ვიდრე აქამდე ... ...
  • "ზარდიაშვილმა, დღეს აღიარა ჩემი ფარული მიყურადების ფაქტი" - მელაძე "რუსთავი 2"-ის საინფორმაციო სამსახურის ხელმძღვანელი ნოდარ მელაძე, ვანო ზარდიაშვილის მიერ გავრცელებულ განცხადებას ბესელიაზე "ფეისბუქის" გვერდზე ეხმაურება. "დეპუტატ ვანო ზარდიაშვილის თქმით, ჩემი, "რუსთავი 2'-ის საინფორმაციო სამსახურის უფროსის წყარო იყო ეკა ბესელია, რომელიც ახდენდა ჩემს ინფორმირებას იმ სკანდალურ თემებთან დაკავშირებით, რომელიც "კურიერისთვის" მომზადდა, მათ შორის "ქართული ოცნების" დეპუტატების ბიზნესინტერესებსა და შესაძლო კორუფციულ გარიგებებზე. ამ ინტერვიუთი დგინდება. 1.ჩემი, როგორც საინფორმაციო სამსახურის უფროსის საქმიანობის გამო, მმართველი პარტია ახორციელებს, ჩემს უკანონო ფარულ მიყურადებას, იმის დასადგენად, თუ საიდან ხდება ინფორმაციის მოპოვება. 2. იმის გამო, რომ ჩემი სატელეფონო მოსმენების ან სხვა სახის ფარული მიყურადების შესახებ ვერ იქნებოდა გაცემული სასამართლოს სანქცია, იმიტომ, რომ არასდროს!!! ჩემი სახელი არ ფიგურირებდა არც ერთ სისხლის სამართლის საქმეში, ხდება უკანონო ფარული მიყურადება. 3. ფარული მოსმენას ახორციელებს სახელმწიფო უსაფრთხოების სამსახური, შესაბამისად, დგინდება, რომ სუს-ი მისმენს უკანონოდ და საუბრის შინაარსის შესახებ ხდება მმართველი პარტიის დეპუტატების ინფორმირება. მივმართავ არასამთავრობო ორგანიზაციებსა და სახალხო დამცველს, მოახდინონ შესაბამისი რეაგირება, დეპუტატის განცხადებაზე, რომელმაც დღეს, პრაქტიკულად, აღიარა "რუსთავი 2"-ის საინფორმაციო სამსახურის უფროსის ფარული მიყურადების ფაქტი. პ.ს. ანუ ეთერში 100% სიზუსტით ვყვებოდით ყველაფერს, რომ ამტკიცებდით იგონებთო", _ წერს ... ...
  • ევროსასამართლოს გადაწყვეტილების აღსრულება - პაატა სალია განმარტებებს აკეთებსსტრასბურგის სასამართლოს მიერ მიღებული გადაწყვეტილებასთან დაკავშირებით, განმარტებები გააკეთა „რუსთავი 2“-ის გენერალურმა დირექტორმა. სალიას განცხადებით,  იუსტიციის სახლს, არანაირი საფუძველი არ ჰქონია იმისათვის, რომ არ აღესრულებინა ევროსასამართლოს გადაწყვეტილება. სალია ამბობს, რომ განცხადებები, თითქოს იუსტიციის სამინისტროს სამი თვის ვადაში არ შეეძლო აღესრულებინა ევროსასამართლოს გადაწყვეტილება, სპეკულაციურია. "პირველ რიგში, შეგახსენებთ იმას, რომ სტრასბურგის სასამართლომ მიიღო გადაწყვეტილება, რომლითაც სამაუწყებლო კომპანია "რუსთავი 2"-ის სარჩელი და სამაუწყებლო კომპანია "რუსთავი 2"-ის იმდროინდელი რეგისტრირებული მესაკუთრეების, ყარამანიშვილების და ტელეკომპანია საქართველოს სარჩელები არ დაკმაყოფილდა. ცალკე აღნიშვნის ღირსია და ეს არის მნიშვნელოვანი დღევანდელი განმარტების, რომ "რუსთავი 2"-ის სარჩელი, რომელზე დაკავშირებითაც იქნა გამოყენებული უზრუნველყოფის ღონისძიება, შეგახსენებთ, ყველას, რომ ეს უზრუნველყოფის ღონისძიება გამოყენებულ იქნა იმ საფრთხის თავიდან ასაცილებლად, რის თაობაზეც ძალიან ბევრი სპეკულაცია მოვისმინეთ თავის დროზე და ეს საფრთხე იყო თითქოს არხი შეიძლება დახურულიყო და არსებობდა გამოხატვის თავისუფლების, სიტყვის თავისუფლების საფრთხე. სასამართლო გადაწყვეტილებით დადასტურდა და გამოირიცხა ამგვარი საფრთხის არსებობდა. მართალია, უპრეცენდენტო ღონისძიება იქნა გამოყენებული თავის დროზე სასამართლოს მიერ, ვგულისხმობ სტრასბურგის სასამართლოს, თუმცა, მოგეხსენებათ ალბათ, რომ დროებითი ღონისძიების გამოყენებისას მტკიცების სტანდარტი უფრო ნაკლებია, ვიდრე საქმის დასაშვებობის ან არსებითი განხილვისას. შესაბამისად, განიხილა რა, "რუსთავი 2"-ის სარჩელის დასაშვებობა სასამართლომ, მიიჩნია, რომ ეს სარჩელი არ არის დასაშვები. სასამართლომ ასევე, გადაწყვეტილებაში, სადაც შავით თეთრზე წერია, მიუთითა, რომ უნდა გაუქმდეს ის დროებითი ღონისძიება, რომელიც იყო ერთადერთი დამაბრკოლებელი გარემოება საქართველოში მიღებული გადაწყვეტილების დასარეგისტრირებლად და ქიბარ ხალვაშის ამ კომპანიის მესაკუთრედ აღრიცხვასთან დაკავშირებით. არსებობს ასევე, მიღებული წერილი იუსტიციის სამინისტროს მიერ, რომელიც მან გაასაჯაროვა, სადაც ცალსახად არის მითითებული, რომ ეს დროებითი ღონისძიება გაუქმდა. შესაბამისად, ყველანაირი სპეკულაცია ამასთან დაკავშირებით არის ყოველგვარ საფუძველს მოკლებული, ჩვენი მოქმედება პირველ რიგში, ქიბარ ხალვაშის და მისი წარმომადგენლის მოქმედება, წარგვედგინა უზენაესი სასამართლოს კანონიერ ძალაში შესული გადაწყვეტილება იუსტიციის სახლში, იყო აბსოლუტურად სწორი და კანონიერი. ვერცერთი ის პირი, ვინც დღეს კომენტარები გააკეთა, ვერ მიუთითებს იმაზე, რომ რომელიმე საკანონმდებლო ნორმის დარღვევა მოხდა ამ კუთხით. ამიტომ, ძალიან ვთხოვ ყველას, თავი შეიკავონ დაუსაბუთებელი განცხადებებისგან, თავი შეიკავონ ისეთი განცხადებებისგან, რომელმაც შეიძლება არხის ინტერესებს ზიანი მიაყენოს", _ განაცხადა პაატა ... ...
  • "ეკა ბესელია იყო მელაძესთან მიბმული ვირთხა, რომელსაც გაჰქონდა ინფორმაციები" _ ზარდიაშვილი"დასტურდება, რომ ეკა ბესელია იყო ნოდარ მელაძესთან მიბმული ე.წ. ვირთხა, რომელსაც გააქვს ხოლმე შიგნიდან ინფორმაციები", _ ამის შესახებ ოცნების დეპუტატმა ვანო ზარდიაშვილმა განაცხადა. ზარდიაშვილის თქმით, ბესელიას საბოლოოდ ჩამოეხსნა ნიღაბი. „ის ინფორმაციების გაჟონვა, რომელიც "ქართულ ოცნებაში" ხდებოდა ხოლმე უკვე დადგენილია. ჩემი აზრით, უკვე უდავოა ეს ფაქტი. ეს იყო ეკა ბესელია. მას ჰქონდა პირდაპირი კავშირი ნოდარ მელაძესთან, რომლის მეშვეობითაც ჟონავდა ხოლმე უმრავლესობის სხდომებიდან ინფორმაცია. ამის დამადასტურებლად მე გეტყვით ერთ ფაქტს. იმ ცნობილი უმრავლესობის სხდომიდან, სადაც ეკა ბესელიასთან მიმართებაში დაისვა კორუფციასთან მის სიახლოვესთან კითხვები, რატომღაც იმ უმრავლესობის სხდომაზე ამ ინფორმაციას არ გაუჟონია. მხოლოდ და მხოლოდ გამოვიდა ის ინფორმაცია, რომ ვითომ ირაკლი კობახიძემ მოუხადა ეკა ბესელიას ბოდიში. არადა იმ შეხვედრაზე ჩვენმა ერთ-ერთმა კოლეგამ ბესელიას, კორუფციულ საკითხებთან დაკავშირებით დაუსვა კითხვა. რატომღაც ამ ინფორმაციამ არ გაჟონა. შესაბამისად, არ აწყობდა ეკა ბესელიას ამ ინფორმაციის გაჟონვა და უკვე ნათელია, რომ აქამდეც ყველა ინფორმაცია უმრავლესობის სხდომიდან და მიმდინარე პროცესებიდან გაჰქონდა ეკა ბესელიას. ნოდარ მელაძის საშუალებით. "რუსთავი 2"-მა იცოდა შიდა მიმდინარე პროცესები და ყველაფერი ჟონავდა. დასტურდება, რომ ეკა ბესელია იყო ნოდარ მელაძესთან მიბმული ე.წ. ვირთხა, რომელსაც გააქვს ხოლმე შიგნიდან ინფორმაციები. საბოლოო ჯამში, ნიღაბი ჩამოეხსნა ამ ქალბატონს, რომელიც როგორც გუნდის შიგნით, ასევე გუნდის გარეთ მხოლოდ კორუფციული ინტერესებიდან მოქმედებს და მას სხვა ინტერესი არ გააჩნია. მან ქვეცნობიერად ვერც კი გაიგო, თავის პარტიის ფერად აირჩია დოლარის ფერი და ასე ეხვეწება თემიდას, რომ იქნებ ფული აშოვნინოს, მაგრამ ვერ მიიღებს ეკა ბესელია სასამართლოდან ფულის შოვნას. მისი სახე არის ნათელი“, _ განაცხადა ვანო ... ...
  • "მეტი სერიოზულობაა საჭირო, ვიდრე ასეთი სატყუარების გადაგდება" _ ბესელია შსს-ს ინფორმაციაზედეპუტატმა ეკა ბესელიამ შსს-ში ცოტა ხნის წინ გამართულ ბრიფინგზე გაჟღერებული ინფორმაციის შესახებ კომენტარი გააკეთა. ბესელიას თქმით, მეტი სერიოზულობაა საჭირო, ვიდრე ასეთი სატყუარების გადაგდება, სომხეთის ციხეში მყოფი ამ პატიმრის თაობაზე რამდენიმე თვეა, ვიცოდით „მგონი ცოტა მეტი სერიოზულობაა საჭირო, ვიდრე ასეთი სატყუარების გადაგდება, რადგან სომხეთის ციხეში მყოფი ამ პატიმრის თაობაზე რამდენიმე თვეა, ვიცოდით. მახსოვს, „რუსთავი 2“-ის ეთერში გავიდა ინტერვიუ სწორედ ამ პატიმართან, რომელიც ძალიან უცნაურ რაღაცებს ამბობდა. არ ვიმეორებ იმ ფრაზებს, რაც მაშინ თქვა, რასაც და ვისაც ასახელებდა. მაშინ ეს არავინ ჩათვალა სერიოზულად. ამ პატიმრის თაობაზე ცნობილია რამდენიმე თვეა, აქამდე მაშინ რატომ არ იყო მისთვის ბრალი წარდგენილი? როცა საგამოძიებო მასალებს გავეცანი, ვიკითხე, დაკითხული იყო თუ არა ეს პატიმარი, მითხრეს, რომ ელოდებოდნენ სომხეთიდან მასალებს, რომ ჩვენი გამომძიებელი არ შეუშვეს და მას არ მისცეს უფლება, დაეკითხათ ეს პატიმარი, რაც ასევე უცნაურია, რატომ არ მისცეს ამის უფლება საქართველოს მხრიდან გამომძიებელსა და პროკურორს. რამდენიმე დღის წინ კიდევ გადავამოწმე იყო თუ არა სომხეთიდან რაიმე ინფორმაცია ამ პატიმართან დაკავშირებით და პროკურატურამ მითხრა, რომ ეს პატიმარი ჩვენებას არ იძლეოდა. მთავარი კითხვა დავსვი, იყო თუ არა ეს პირველი წყარო, საიდანაც მოხდა ამ უკანონო ქმედების განხორციელება და მითხრეს, რომ ეს არ არის პირველი წყარო და რომ პირველწყაროს ვერ ადგენდნენ. ყველაფერი, რაც ჩამოვთვალე, ეს იძლევა საფუძველს, რომ ეს ინფორმაცია სერიოზულად მივიღოთ? მე ახალი არაფერი მომისმენია პირადად. ამ პატიმრის თაობაზე ვიცოდი. გამოძიებასთან მაქვს კითხვა, ამდენი თვის განმავლობაში ბრალი რატომ არ ჰქონდა წარდგენილი, თუ ადასტურებდა ეს ადამიანი, რომ მან უკანონოდ გაავრცელა“, – განაცხადა ეკა ბესელიამ. შეგახსენებთ, რომ შსს-მ გამოავლინა და პასუხისგებაში მისცა პირი, რომელმაც დეპუტატის პირადი ცხოვრების ამსახველი კადრები საჯარო სივრცეში პირველმა ატვირთა და გაავრცელა. შსს-ში აცხადებენ, რომ ვიდეოჩანაწერი 2019 წლის იანვრარში მკვლელობისთვის ამჟამადაც პატიმრობაში მყოფმა საქართველოს მოქალაქემ დ.ა.-მ ინტერნეტით გაავრცელა სომხეთის ... ...

არქივი

ზაფრანი

რა თანხას ითხოვენ ვარსკვლავები ავტოგრაფის სანაცვლოდ

ბრიტანულმა გამოცემამ "Daily Mail" ვარსკვლავების...

„დაწყევლილი” ნახატები

1) სვეტლანა ტელეცის - “წვიმის...

ანჯელინა ჯოლის ბრძოლა სიგამხდრესთან

ჟურნალ "ვოგის" ცნობით 44 წლის...

საუკეთესო საყვარლები ესპანელი მამაკაცები ყოფილან

სხვადასხვა ქვეყნის 15 ათასი ქალის...

ქალებს მამაკაცებში ინტელექტი და ცნობადობა იზიდავთ

ცოტა ხნის წინ რამდენიმე ევროპულმა...
კარმიდამო ჩემი

აკეთე მარტივად _ 10 საყოფაცხოვრებო ხრიკი დიასახლისებისთვის

სახლის გენერალური დალაგება-დასუფთავება საკმაოდ დიდ...

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...

როგორ ვკვებოთ ქათამი, რომ საუკეთესო კვერცხი მოგვცეს

სოფლის პირობებში, როცა შინაურ ფრინველს...

"საქართველოში მოყვანილი მანდარინის ჩირი მსოფლიოში საუკეთესოა"

ოზურგეთში, სოფელ გურიანთაში მცხოვრები იუზა...

დედამიწაზე სიცოცხლის წარმოშობის საიდუმლო

ბრიტანელმა სწავლულებმა, შესაძლოა, გახსნან მეცნიერების...

ეკონომიური დიეტა

ამბობენ, სწორად შერჩეული რაციონი ძვირი...

რა რაოდენობის მარილი გვჭირდება დღეში

მარილი აუცილებელია, რომ ორგანიზმმა სწორად...