"სკოლამდელ დაწესებულებებში ბევრი პრობლემაა და ამაზე თვალის დახუჭვა არ შეიძლება!"

საზოგადოება

"სკოლამდელ დაწესებულებებში ბევრი პრობლემაა და ამაზე თვალის დახუჭვა არ შეიძლება!"

30 სექ. 2019, 09:55:11

ოზურგეთის მუნიციპალიტეტის საკრებულოს განათლების, კულტურის, სპორტის, ახალგაზრდულ საქმეთა, ჯანდაცვისა და სოციალურ საკითხთა კომისიამ, ახალი სასწავლო წლის დაწყებასთან დაკავშირებით, სკოლამდელი დაწესებულებების გაერთიანების ხელმძღვანელის, მაკა ჭყონიას ანგარიში მოისმინა.

უმთავრესი ყურადღება საკითხის მოსმენისას გამახვილებული იყო იმ მიმართულებით, თუ როგორ და რამდენად მომზადებულები შეხვდნენ საბავშვო ბაღები ახალ სასწავლო წელს. ანგარიშის მოსმენისას გამოიკვეთა მწვავე საკითხები, მარადიული პრობლემები უხარისხოდ შესრულებული რემონტის, წყლით მომარაგების, გათბობის, საკვები რაციონის, სათამაშოების სიმცირის, მასწავლებელთა მცირე ხელფასისა და მათი გადამზადების, ასევე, ტენდერებში გამარჯვებულთა უხარისხოდ შესრულებული სამუშაოების შესახებ.

ოზურგეთის მუნიციპალიტეტში არსებული 43 საბავშვო ბაღიდან, 16 სექტემბერს სწავლა განახლდა 40 საბავშვო ბაღში. სამ სკოლამდელ დაწესებულებაში _ გურიანთის, შრომა 2-ის და ნასაკირალის საბავშვო ბაღებში პრობლემები შეიქმნა, ძირითადად, სარემონტო სამუშაოების ან ყოფითი პირობების მოწესრიგებაში სერიოზული ხარვეზების გამო.

განსაკუთრებით პრობლემური აღმოჩნდა გურიანთის საბავშვო ბაღში სახურავის უხარისხო გაკეთება, რაც, როგორც ითქვა, ტენდერში გამარჯვებული კომპანიის უპასუხისმგებლობამ გამოიწვია:

_ გურიანთის საბავშვო ბაღში უხარისხოდ ჩატარებული სამუშაოების გამო, სახურავში არა ერთგან ჩამოვიდა წყალი, შრომა 2-ის ბაღი კი კერძო ოჯახში პირველ სართულზეა განთავსებული, მეორეზე თვითონ ოჯახი ცხოვრობს. იქ გარდაიცვალა ქალბატონი, რომელიც ექთნად მუშაობდა ამავე ბაღში. ყველაფერი ამ სახლში ხდებოდა და დროულად არ მოხერხდა დეზინფექციის ჩატარება, ამიტომ მოხდა შეფერხება. რაც შეეხება ნასაკირალის საბავშვო ბაღს, აქ სარემონტო სამუშაოები სოფლის პროგრამის ფარგლებში ხდება და მშენებელმა კომპანიამ დრო ითხოვა თვის ბოლომდე. სამივე საბავშვო ბაღში სწავლა 30 სექტემბერს აუცილებლად განახლდება, _ თქვა მაკა ჭყონიამ.

კომისიის თავმჯდომარემ ლელა საჯაიამ არა ერთი მწვავე კითხვა დასვა და გურიანთის საბავშვო ბაღის სახურავის მდგომარეობის შესახებ უფრო დეტალურად საუბარი ითხოვა.

გურიანთის დამოუკიდებელმა დეპუტატმა ოზურგეთის საკრებულოში, მაია ზოიძემ კითხვაზე პასუხი დაასწრო ჭყონიას:

_ უბრალო დაზიანება კი არა, სახურავის ყველა წერტილიდან წყალი ჩამოდის. სრული უპასუხისმგებლობით მოხდა ამ ბაღის გადახურვა. ამის გამო არაერთხელ მოვიდა ადგილზე მერი, სოფლის გამგებელი, მე, თქვენ, ქალბატონო მაკა და ვინ აღარ, მაგრამ ტენდერში გამარჯვებულ კომპანიასთან ვერავინ ვერაფერს გახდა, _ თქვა მან.

_ სწორედ ამიტომ დაედო სანქცია და დაჯარიმებულია ეს შემსრულებელი. ვიცი მუნიციპალიტეტის მერიისგან, რომ არ ჩაურიცხეს სარემონტო სამუშაოებისთვის განკუთვნილი ფული. ამ შენობაში შიდა ინტერიერიც ძალიან დაზიანდა ჩამოსული წყლის გამო. ახლა ვიყიდეთ საღებავები, ლამინატს თავად შეცვლიან, _ მაკა ჭყონიას ამ განმარტებაზე, დეპუტატმა ლევან ნინიძემ კითხვა დასვა: "ნამდვილად იცით, წყალი ისევ არ ჩამოვა?"

მაკა ჭყონიამ ისაუბრა საბავშვო ბაღებში წყლით მომარაგების პრობლემებზე.

_ ხშირად ხდება, რომ სარემონტო სამუშაოებთან დაკავშირებით, აბონენტის მისამართით გაგზავნილი შეტყობინება ჩემთან მოდის. წინასწარ არ გვატყობინებენ. არაფრით არ შეიძლება ორი დღის განმავლობაში ბაღი ვამყოფოთ წყლის გარეშე. ზოგან არტეზიული ჭები იყო. პირველ ბაღში ახლახან შევიყვანეთ მაგისტრალური წყალსადენი. რაც შეეხება სხვა პრობლემებს, უმთავრესია კვება და ამ კუთხით ჩვენ 56 ტენდერი გამოვაცხადეთ ზაფხულის განმავლობაში. ეს ცხადდება კოდების მიხედვით _ პურის, ბოსტნეულის, ხორცის, ზეითუნის ზეთის თუ სხვადასხვა პროდუქტის მოთხოვნით. იანვრიდან ვგეგმავთ თევზიც შევიდეს რაციონში, რაც, ასევე, გულისხმობს 43 ახალი მაცივრის, ქვაბების თუ სხვა ჭურჭლის შეძენას. ეს ადვილი არ არის, თუმცა, შევძლებთ. ძალიან საყურადღებოა ეტიკეტირების საკითხი. ხშირად ხდება, რომ აწერია შენახვის ვადა, თუმცა, არ აწერია, როდის არის გამოშვებული ესა თუ ის პროდუქტი. თვით შაქარიც კი, ან რომელიმე ბურღულეული თუ ტომრიდან არის გადმოღებული, რომელზეც ზუსტი ეტიკეტირებაა, ცალკე პარკშიც როცა გადმოვიღებთ, ასევე, უნდა იყოს მითითებული შენახვის ვადა და გამოშვების თარიღი. ძალიან ბევრი ნიუანსია, რის გათვალისწინებასაც კატეგორიულად ითხოვენ და ჩვენც მაქსიმალური ყურადღებით ვართ, _ უთხრა ჭყონიამ კომისიის წევრებს.

კომისიის თავმჯდომარემ, დეპუტატმა ლელა საჯაიამ საკმაოდ სკანდალური კითხვა დასვა ბავშვების ტკბილი პროდუქტით კვებასთან დაკავშირებით:

_ მაქვს ინფორმაცია, რომ ბავშვები, რომლებიც მიჩვეული არიან უფრო ტკბილ საკვებს, ბაღებში არ ჭამენ საჭმელს და ეს პროდუქტი მერე იღვრება. ცუდია, როცა ათი ბავშვიდან, სამის გარდა, არც ერთი არ ჭამს ასეთ საჭმელს, _ თქვა საჯაიამ.

_ რა იყრება? ვერ გავიგე... _ ჰკითხა მაკა ჭყონიამ.

თავის მხრივ, საუბარში დეპუტატი ლავრენტი ბიგვავა ჩაერთო:

_ თუ ერთი სახეობის საჭმელს ვერ შეჭამს ბავშვი, მეორენაირს შეჭამს. იქ ბავშვს მშიერს არ დატოვებენ _ ყველას ცალ-ცალკე ხომ არ გაუკეთებენ?! _ თქვა ბიგვავამ.

_ თქვენ ვერ წარმოიდგენთ, ბატონო ლავრენტი, რა მდგომარეობაა ამ მხრივ ბაღებში. არ ჭამენ ბავშვები საჭმელს. სკოლამდელ დაწესებულებებში სხვაც ბევრი პრობლემაა და ამაზე თვალს ვერ დავხუჭავ. არ არის, ასევე, ელემენტარული რამ _ სათამაშოები, _ კვლავ გაიმეორა საჯაიამ.

_ წარმოუდგენელ რაღაცას ამბობთ. ინდივიდუალურად ვერავინ შეადგენს მენიუს იმის მიხედვით, რომელი ბავშვი რას ჭამს. თქვენ შეგიძლიათ ნახოთ რეგულაციები, რომელსაც ჩვენ ვერ გადავუხვევთ. ასევე, წამოღებული მაქვს მენიუ და შემიძლია, დაგიტოვოთ, _ უთხრა მაკა ჭყონიამ საჯაიას.

კითხვაზე _ რა ხდება საბავშვო ბაღების მასწავლებელთა გადამზადების საქმეში, მაკა ჭყონიამ სტატისტიკა მოიშველია _ 18 მენეჯერს, აღმზრდელებს, ფსიქოლოგებს სერიოზული ტრენინგი ჩაუტარდათ. ასევე, სპეცმასწავლებლები გვყავს, რომლებიც განსაკუთრებული საჭიროების ბავშვებთან მუშაობენ. თუმცა, ზოგ მშობელს ასეთი მასწავლებლები ძიძები ჰგონიათ. მოხდება მათი გადამზადებაც.

ლელა საჯაიამ იკითხა საბავშვო ბაღებში გათბობის შესახებ და ამ მხრივ პრობლემური ბაღების დასახელებაც მოითხოვა.

მაკა ჭყონიამ განმარტა, რომ 17 საბავშვო ბაღში ხდება ბუნებრივი გაზით გათბობა. პრობლემაა ცხემლისხიდში, ბაღდადის საბავშვო ბაღში, სადაც დიდი რაოდენობით იხარჯება დიზელის საწვავი, ცოტაა ბავშვთა რაოდენობა და მომავალ ზამთარში ბრიკეტით გათბობა უნდა მოხერხდეს.

დეპუტატმა ლალი სიჭინავამ ისაუბრა მწვავე პრობლემაზე, რაც ბავშვთა რაოდენობას და საცხოვრებელი ადგილის მიხედვით ბაღში თუ სკოლაში წასვლას ეხება. მისი თქმით, მშობლის სურვილი, რომ, სადაც უნდა იქ წაიყვანს ბავშვს, რაღაც მექანიზმს უნდა ექვემდებარებოდეს:

_ ჩვენც შეიძლება შევიმუშავოთ კრიტერიუმები და მხოლოდ ისე არ მოვიქცეთ, როგორც ზოგადი განათლების კანონში წერია. მაგალითად, რომ, პირველ რიგში, ჩაირიცხებიან სოციალურად დაუცველთა შვილები ან მრავალშვილიანები, რომელთაც გააჩნიათ გარკვეული პრობლემა და საჭიროებენ რაღაც კუთხით დახმარებას. დანარჩენი ვერ წაიყვანს საცხოვრებელი ადგილის გარდა, სხვაგან. წინააღმდეგ შემთხვევაში, სკოლებს თუ ბაღებს კონტიგენტი შეუმცირდებათ, _ თქვა ლალი სიჭინავამ.

ლელა საჯაიამ კვლავ იკითხა სათამაშოების და მასწავლებლების ხელფასის, განსაკუთრებით, დანამატის შესახებ:

_ სათამაშოების არ არის საბავშვო ბაღებში და ამ მხრივ სასწრაფო ღონისძიებაა აუცილებელი. ასევე, საჭიროა ისედაც მცირე ხელფასის მქონე აღმზრდელთათვის დანამატის გამოყოფა, რაც გასულ წელს ერთხელ ძლივს მოხერხდა, _ თქვა მან.

საბოლოოდ, ლელა საჯაიამ წარმოდგენილი ანგარიში შეაფასა.




 ახალი ამბები
  • ქუთაისში პირბადის არ ქონის გამო, რამდენიმე მგზავრი დააჯარიმეს ქუთაისში პირბადის არ ქონის გამო, საზოგადოებრივ ტრანსპორტში მსდხომი რამდენიმე მგზავრი დაჯარიმდა. ინფორმაცია ამის შესახებ "გურია ნიუსს" ერთ-ერთმა წყარომ მიაწოდა. "სამგზავრო მიკროავტობუსში ვისხედით და პატრულმა გაგვაჩერა. რამდენიმე მგზავრს პირბადე არ ეკეთა და დააჯარიმეს. სავარაუდოდ, მათ პირბადის არ ქონა, 20 ლარი დაუჯდათ", _ ამბობს ... ...
  • "სასტუმროს მეპატრონეები წელს გადასახადებისგან უნდა გათავისუფლდნენ" _ ჭიჭინაძე  "თუ ქვეყანაში ფორსმაჟორია, თუ ვირუსი მძვინვარებს, მაშინ ფორსმაჟორი უნდა გამოცხადდეს მცირე მეწარმეებთან მიმართებაშიც და ადამიანები წელს გადასახადებისგან უნდა გათავისუფლდნენ!  მცირე სასტუმროების მეპატრონეებს იმ  დრომდე უნდა გადაუვადდეთ გადასახადი, სანამ არ აღდგება ის სიტუაცია, რაც იყო კორონამდე საქართველოში!“ - აცხადებს პოლიტიკური მოძრაობა „ტრიბუნას“ ლიდერი, დავით ჭიჭინაძე და იმ უმძიმეს სურათზე და პრობლემებზე საუბრობს, რაც განსაკუთრებით დასავლეთ საქართველოში ტრიალებს და განსაკუთრებით ტურისტული სეზონის ჩავარდნის შედეგად. „ხელისუფლება ვითომ პროცენტების რაღაც ნაწილი სუბსიდირების ინიციატივით გამოვიდა, მაგრამ შედეგად მივიღეთ ის, რომ აქიდანაც სარგებელს ისევ კომერციული ბანკები მიიღებენ. რადგან, 1. ადამიანი, რომელიც 200 ლარიან დახმარებას  იღებს, 6 თვის თავზე ბანკი საპროცენტო განაკვეთს 9%-დან 13%-მდე უზრდის! 2. თუ სექტემბრის ბოლოს არ აქვს ადამიანს ვალდებულების გადახდის საშუალება, ნოემბრის ბოლოს  როგორ ექნება, თან გაზრდილის?!“ - აცხადებს ჭიჭინაძე. ... ...
  • სასკოლო კრებებზე დაუშვებელია მოსწავლეების აკადემიური მოსწრებისა და ყოფაქცევის საჯარო განხილვასახელმწიფო ინსპექტორის სამსახურში აცხადებენ, რომ ბავშვების პერსონალური მონაცემების დაცვა განსაკუთრებულ ყურადღებას საჭიროებს, რადგან ისინი ნაკლებად აცნობიერებენ რისკებს და შედეგებს, რაც შესაძლოა, მათი მონაცემების არაკანონიერ დამუშავებას მოჰყვეს. „ბავშვების პერსონალური მონაცემების არასწორი მოპოვება, გამოყენება, მესამე პირისთვის გაზიარება ან/და გასაჯაროება შესაძლოა, გახდეს ბავშვის დისკრიმინაციისა და ბულინგის მიზეზი. სწორედ ამიტომ სკოლის ადმინისტრაცია, მასწავლებლები და მშობლები განსაკუთრებული სიფრთხილით უნდა მოეკიდონ ბავშვის პერსონალურ მონაცემებს, პატივი უნდა სცენ მის პირად ცხოვრებას და ყოველ კონკრეტულ შემთხვევაში იმოქმედონ ბავშვის საუკეთესო ინტერესების გათვალისწინებით“, – აცხადებენ სახელმწიფო ინსპექტორის სამსახურში. სახელმწიფო ინსპექტორის სამსახური ავრცელებს რეკომენდაციებს როგორც სკოლებისთვის, ასევე მოსწავლეებისა და მშობლებისთვის. აღნიშნულ რეკომენდაციებში განსაკუთრებით არის გამოყოფილი სასკოლო კრებების საკითხი. „სასკოლო კრებები ეფექტური საშუალებაა, რათა მასწავლებლებმა და მშობლებმა ერთობლივად განიხილონ სასწავლო პროცესთან დაკავშირებული ზოგადი და საორგანიზაციო საკითხები. დაუშვებელია კრებებზე კონკრეტულ მოსწავლეებთან დაკავშირებული ისეთი საკითხების საჯარო განხილვა, როგორიცაა აკადემიური მოსწრება, ყოფაქცევა და ა.შ., რადგანაც ამ საკითხების განხილვამ შესაძლოა, შელახოს მოსწავლეების უფლებები. მაგალითად, მოსწავლის ქცევის ნეგატიურ კონტექსტში განხილვამ შეიძლება შელახოს მოსწავლის ღირსება, გამოიწვიოს თანატოლებში, მშობლებსა და მასწავლებლებში მის შესახებ სტერეოტიპული დამოკიდებულების ჩამოყალიბება, უარყოფითად იმოქმედოს მოსწავლის ჩართულობაზე სასწავლო პროცესში და კითხვის ნიშნის ქვეშ დააყენოს მისი უფლება მიიღოს განათლება თანაბარი შესაძლებლობების პირობებში. მეორე მხრივ, განსაკუთრებით პოზიტიურ კონტექსტში განხილვა შესაძლოა, გახდეს მოსწავლეთა შორის დაპირისპირების და ზოგ შემთხვევაში მოსწავლეზე ფსიქოლოგიური ზეწოლის მიზეზიც“, – აღნიშნულია სახელმწიფო ინსპექტორის სამსახურის მიერ გავრცელებულ ... ...
  • ცესკო-მ 31 ოქტომბრის არჩევნებისთვის საარჩევნო სუბიექტების რიგითი ნომრები განსაზღვრაკორონავირუსის გავრცელების პრევენციის მიზნით, 31 ოქტომბრის არჩევნების კენჭისყრის დღისთვის, საარჩევნო ღონისძიებისა და სანიტარიულ-ჰიგიენური მოთხოვნების განსაზღვრის შესახებ ცენტრალურმა საარჩევნო კომისიამ დადგენილება გამოსცა. დადგენილების მიხედვით, კენჭისყრის შენობაში ყოფნის უფლების მქონე პირი პირბადის გარეშე კენჭისყრის შენობაში არ დაიშვება, ხოლო კენჭისყრის შენობაში ყოფნა დასაშვებია მხოლოდ პირბადის გამოყენებით. ამასთან, ამომრჩეველი ვალდებულია, დროებით მოიხსნას პირბადე, კენჭისყრის ოთახში ამომრჩეველთა ნაკადის მომწესრიგებელი კომისიის წევრისთვის საქართველოს მოქალაქის პირადობის მოწმობის ან საქართველოს მოქალაქის პასპორტის წარდგენის დროს; ამასთან, ამომრჩეველთა რეგისტრატორი კომისიის წევრის მიერ საქართველოს მოქალაქის პირადობის მოწმობაში ან საქართველოს მოქალაქის პასპორტში აღნიშნული ამომრჩევლის სარეგისტრაციო მონაცემების ამომრჩეველთა სიაში არსებულ მონაცემებთან შესაბამისობის შემოწმების დროს; თუმცა, პირბადის გამოყენება არ მოეთხოვება პირს, რომელსაც ჯანმრთელობის მდგომარეობის გამო უჭირს პირბადის ტარება, რაც დასტურდება სამედიცინო/ექიმის ცნობით. დადგენილების მიხედვით, ამომრჩევლებს თერმოსკრინინგი არ ჩაუტარდებათ. ყველა სხვა პირს კი, ვინც კენჭისყრის შენობაში შევა, სავალდებულო თერმოსკრინინგის გავლა მოუწევს. ტემპერატურის დაფიქსირების შემთხვევაში 5 წუთიანი განმეორებითი თერმოსკრინინგისას ცხელების კვლავ დადასტურების შემთხვევაში, პირი კენჭისყრის შენობაში არ ... ...
  • როგორ არის გაკრული "ოცნების" მაჟორიტარობის კანდიდატის პლაკატები ნაძალადევშისაქართველოში საპარლამენტო არჩევნების ჩატარებამდე სულ ცოტა დრო რჩება. „გურია ნიუსი“ გთავაზობთ, თბილისში, გურამიშვილის გამზირზე გადაღებულ ფოტოებს, სადაც "ქართული ოცნების" მაჟორიტარობის კანდიდატის, მიხეილ ყაველაშვილის საარჩევნო პლაკატებია გამოსახული. ცნობისთვის,ყაველაშვილი ამომრჩეველთა ხმების მოსაპოვებლად კენჭს ნაძალადევის რაიონში ... ...

არქივი

ტესტები

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...