"წინსვლა თუ უკუსვლა განათლების სისტემაში?"

საზოგადოება

"წინსვლა თუ უკუსვლა განათლების სისტემაში?"

18 სექ. 2019, 10:35:28

დღეს, ძალიან აქტუალური და მწვავე თემაა სკოლებში მასწავლებლად შესვლის საკითხი, სადაც მაძიებელი, წამყვანი და უფროსი მასწავლებლის ბედი, ასე ვთქვათ, გასაუბრების კომისიის ხელშია, რომლის კომპეტენციას უკვე ეჭვქვეშ აყენებენ, როგორც მოქმედი მასწავლებლები, ისე მაძიებელთა გარკვეული ნაწილი.

შეგახსენებთ, რომ უკვე სერტიფიცირებული და სკოლებში მომუშავე მასწავლებლები გასაუბრებაზე, ძირითადად, გადიან იმის გამო, რომ აქვთ მცირე საათები, სურთ, ჰქონდეთ სრული დატვირთვა და აქედან გამომდინარე, შედარებით მაღალი ანაზღაურება.

გასაუბრების დასრულების შემდეგ, 10 სექტემბრისთვის, დასრულდა სააპელაციო განცხადების შეტანის ვადაც, რაც გულისხმობს იმას, რომ უკმაყოფილო მასწავლებელს თუ მაძიებელს ეძლეოდა უფლება, მიეღო სასურველი გადაწყვეტილება კომისიის პასუხზე.

როგორც სოციალურ ქსელში, ისე კერძო საუბრებში, არაერთი მოქმედი მასწავლებელი და მაძიებელი გამოთქვამს უკმაყოფილებას.

ჩვენ შევეცადეთ, გავსაუბრებოდით მათ, მოგვესმინა მათი გულისტკივილი. ზოგმა ღიად საუბარი არ ისურვა, ზოგიც დაგვთანხმდა. რაც საყურადღებო და ნიშანდობლივია, საზოგადოებაში ძალიან დიდია ინტერესი იმის შესახებ, ვინ და როგორი მასწავლებელი, რა ბერკეტით შევა სკოლაში და მიდის თუ არა არაერთხელ დაანონსებული განათლების რეფორმა პროგრესის გზით.

ოზურგეთელი, ერთ-ერთი სერტიფიცირებული მასწავლებელი, ოზურგეთის მუნიციპალიტეტის საკრებულოს წევრი ლელა საჯაიას, რომელიც ამავე დროს განათლების კომისიის თავმჯდომარეა, შთაბეჭდილება რჩება, რომ "გასაუბრება იყო ფორმალური".

_ შთაბეჭდილება მრჩება, რომ გასაუბრება იყო ფორმალური. მე განცხადება შეტანილი მქონდა კვირიკეთის, ციხისფერდის და ქვედა ბახვის საჯარო სკოლებში. ისეთმა კომისიამ დამიწუნა ციხისფერდის საჯარო სკოლაში, რომელსაც კომპეტენცია ჩემზე დაბალი ჰქონდა აშკარად. დაკითხვა დამიწყეს, ვივლიდი თუ არ ვივლიდი სკოლაში, რაც არასერიოზულობად მიმაჩნია. ამბობდნენ, რომ თუ დავიგვიანებდი, ვერ შეეგუებოდნენ ამას. კვირიკეთის სკოლაში უფრო ოფიციალურად იდგა დღის წესრიგი. არ ვარ უკმაყოფილო. რაც შეეხება ქვედა ბახვს, ასეთი მოწესრიგებული და მობილიზებული სკოლა არ მინახავს _ მე აქ მიმიღეს. ზოგადად, რეფორმის ფორმა არაჩვეულებრივია _ დამსახურებულ მასწავლებელს ღირსეული საშუალება მიეცა. თუმცა, მაძიებლის შემთხვევაში, კითხვის ნიშნები გამაჩნია. ეს არ ნიშნავს იმას, რომ მაძიებელი არ მიიღო სკოლაში. თუმცა, როცა გყავს უფროსი მაწავლებელი, აქ რაღაც უფრო უნდა დარეგულირდეს. რეფორმა ხომ სკოლის გაძლიერებისთვის არის მიმართული? როგორია, როცა სკოლა არ იღებს უფროს მასწავლებელს და იღებს მაძიებელს? მაგალითად, მთისპირის სკოლას ასეთი არჩევანი აქვს გაკეთებული _ სკოლამ უარი თქვა წამყვან მასწავლებელზე, მარინა ჩხიკვაძეზე, რომელიც არის რეგიონში საუკეთესო და, რამდენადაც ვიცი, ძალიან არაკვალიფიკაციური კადრი მიიღეს... ზოგადად, კომისიაში რომ ყოფილიყვნენ მასწავლებელთა სახლის, რესურსცენტრის წარმომადგენლები, მაშინ კიდევ ვიტყოდი, რომ იყო კვალიფიციური. უკმაყოფილო მაინც არ ვარ. ეტყობა, გამიმართლა. საჯარო სკოლებში ძალიან კარგი რეფორმა ტარდება და მინდა წარმოვაჩინო ჩემი თავი. მით უმეტეს, ივლისში ჩემი სასწავლო მეთოდი დაიბეჭდა და შევიდა 20 საუკეთესო მეთოდს შორის.

ეკა ნინიძე, სეტიფიცირებული მასწავლებელი: "ვხუმრობ ხოლმე _ გამოცდების ჩაბარება, კონკურსების გავლა, ტესტირებები და სერტიფიკატების კოლექცია ჩემი ჰობია,-მეთქი. მასწავლებლის კომპეტენციის დასადასტურებლად, ჩაბარებული მაქვს, როგორც საგნის, ასევე, პროფესიული უნარ-ჩვევის გამოცდა. მაქვს მასწავლებლად მუშაობის 15-წლიანი გამოცდილება, ვიყავი კონსულტანტ-მასწავლებელი, პროგრამა "ასწავლე საქართველოსთვის". ასევე, ვარ ტრენერი და მაქვს ტრენერად მუშაობის გამოცდილებაც. ვარ რამდენიმე სასკოლო და არასასკოლო პროექტის ავტორი, ფასილიტატორი და ხელმძღვანელი. მოკლედ, გამოცდილების მხრივ, საკმაოდ ამბიციური რეზიუმე მაქვს.

დღეს, როცა ამდენს საუბრობენ თანამედროვე სკოლის გამოწვევებზე, ფინური სკოლის და ,,ახალი სკოლის მოდელზე", როცა საუბარია იმაზე, თუ როგორ უნდა წარმართოს მასწავლებელმა თავისი საგაკვეთილო პროცესი ინოვაციებისა და პროექტების გამოყენებით, როცა ,,სთრიმინგ გაკვეთილები" ერთ-ერთი მთავარი გამოწვევაა, მგონი, სკოლის დირექტორს უნდა ჰქონდეს ამ კუთხით, თუნდაც ერთი კითხვა მომზადებული მაინც. თუ, რა თქმა უნდა, აინტერესებს სკოლის წინსვლა და განვითარება!

მე ვწერდი, საკუთარ ფეისბუქ-გვერდზე, გადაწყვეტილება მიღებული იყო იქამდე, სანამ გასაუბრების პროცესი საერთოდ დაიწყებოდა. ამიტომაც დამისვეს ერთადერთი კითხვა და ამ კითხვის ქვეკითხვები: როგორ ვივლიდი ამ კონკრეტულ სოფელში. თუმცა, წინ ედოთ ჩემი რეზიუმე, სადაც გარკვევით ეწერა იმ ადგილების შესახებ, სადაც გაცილებით უფრო მძიმე კლიმატია და ვმუშაობდი საკმაოდ წარმატებულად (ეკა ნინიძე, წლების მანძილზე აჭარის მთიანეთში მუშაობდა მასწავლებლად. ავტ.) დიახ, ეს იყო წინასწარ მიღებული გადაწყვეტილება. რაც სრულიად დასაშვებია დღევანდელ ოზურგეთში, სადაც არც საქართველოს კონსტიტუცია ჭრის და შესაბამისად, არც სხვა დანარჩენი კანონი. განათლების სამინისტრო, შეფასების ცენტრი, მასწავლებელთა სახლი უნდა დაფიქრდეს იმაზე, რომ რეფორმა პენსიონერი მასწავლებლებიდან კი არა, სტერეოტიპებითა და საბჭოთა კონიუქტურით გაჯერებული დირექტორებიდან უნდა დაიწყოს. თუმცა, ეს, საბედნიეროდ, ყველას არ ეხება. რა თქმა უნდა, მსვლელობას არ ვაპირებ, სანამ აქ ქალაქში კონსტიტუციასაც კი სხვა სახელი აქვს, სადაც ერთი ადამიანის და მისი ოჯახის წევრების ირგვლივ ტრიალებს ოზურგეთის ბედი, აზრი არაფერს აქვს. თუმცა, ყველაფერი დროებითია და ესეც გაივლის... (ეკა ნინიძე გასაუბრებაზე მთისპირის საჯარო სკოლაში იმყოფებოდა. ავტ.)

ირმა გორდელაძე, ლიხაურის საჯარო სკოლის მასწავლებელი: "მასწავლებლები, რომლებმაც ვერ ჩააბარეს სასერტიფიკაციო გამოცდები და არც აპირებდნენ გამოცდაზე გასვლას, წავიდნენ სახლში. ამის გამო ძალიან ბევრი ვაკანსიაა. გასაუბრებაზე გავიდნენ მასწავლებლები, რომლებმაც თავიანთი პროფესიების მიხედვით აირჩიეს ვაკანსიები, სკოლები და შეავსეს განცხადებები. მათ გარდა, სამინისტრომ დაუშვა მაძიებელთა სტატუსი. არაა აუცილებელი სერტიფიკატი, პედაგოგიკის ცოდნა, პედაგოგიური გამოცდილება...

არ ვიცი, ეს როგორ ხდება _ თუ პედაგოგიკა არ სჭირდება, არც სერტიფიკატი, არც პედაგოგიური გამოცდილება, მაშინ სახლში რატომ გაუშვეს, ვინც სკოლაში იყო? ამ დროს არა ერთ მასწავლებელს, მათ შორის მეც, მაქვს სერტიფიკატი ისტორიასა და სამოქალაქო განათლებაში; ვარ, ასევე, სამოქალაქო სექტორის აქტიური წარმომადგენელი; არა ერთი პროექტის ავტორი; ჩემი მოსწავლეები არიან მრავალი პროექტის გამარჯვებულები. მითხრეს უარი და ჩემ ნაცვლად მიიღეს მაძიებელი. ეს მოხდა ბოხვაურის საჯარო სკოლაში. დვაბზუ საერთოდ არ შემეხმიანა. ასევე, უარყვეს ბევრი დამსახურებელი სერტიფიცირებული მასწავლებელი და მიიღეს მაძიებელი.

მე ვფიქრობ, რაღაც პროცენტით მაძიებლები უნდა გასულიყვნენ, მაგრამ არა გამოცდაგავლილი, გამოცდილი მასწავლებლების იგნორირებით. რა არის ეს, წინსვლა თუ უკუსვლა განათლების სისტემაში? მე ვფიქრობ, ეს განათლების სიტემას კარგს არაფერს მოუტანს. ეს არის მცდარი ნაბიჯი, ან ზემოდან ცუდი ინსტრუქცია მოდის, ან არასწორად გაიგეს სკოლებმა.

კითხვაზე, ვის ადანაშაულებს გასაუბრების კომისიების შედგენის საქმეში, გორდელაძე ამბობს, რომ საკითხს სკოლების დირექტორები წყვეტდნენ.

_ ჩემი აზრით, რესურსცენტრი საერთოდ არ ჩარეულა. რაც შეეხება მაძიებლების შერჩევას, ერთადერთი, რაც კულუარულად მესმის, ესენი არიან, უმეტესად, "ოცნების" აქტივისტები _ გაავსეს სკოლები და ემზადებიან არჩევნებისთვისო. მოხდა ე.წ. ჩაწყობები", ვიღაცას ზურგს უკან მფარვლობდნენ. ზოგი საკრებულოს წევრია, ზოგი "ოცნების" წევრიც არ მიიღეს, ასეც იყო. რაც არ ვიცი, ვერ ვიტყვი... მე ხელახლა შევავსე განცხადება. მეორედ გამოცხადდა ვაკანსია. თუ გამოვა, გამოვა. თუ არადა, მე და დანარჩენი მასწავლებლები, სამინისტრომდე მივიტანთ ამ პროტესტს და ვეტყვით, რომ ეს პოლიტიკა არის არასწორი, და არ წაადგება არც სკოლებს და არც განათლების სისტემას. თვითონ სკოლის დირექტორების გადასაწყვეტი იყო ყველაფერი და შიგ უფრო მოქმედებდა "ბიძაშვილ-მამიდაშვილობა", რესურსცენტრში კი პირიქით, პროფესიონალების ინტერესი უფრო აქვთ. ამ სკოლებს, შესაძლოა, ახალი პედაგოგების, პროფესიონალი პედაგოგების კონკურენციის უფრო შეეშინდათ.

 "გურია ნიუსი", გამოთქმული პრეტენზიების და არსებული ვითარების ირგვლივ, ოზურგეთის რესურსცენტრის ხელმძღვანელს, ლელა იმედაშვილს ესაუბრა:

_ პირველ რიგში, ვიტყვი, რომ დადგა დრო, როცა მასწავლებლის პროფესია ხდება პრესტიჟული, რაზეც მეტყველებს ის ფაქტი, რომ ოზურგეთის მასშტაბით გამოცხადებულ 118 ვაკანსიაზე 800-ზე მეტმა მსურველმა შეიტანა განცხადება. იმთავითვე ცხადი იყო, რომ კონკურსი იქნებოდა მაღალი. სიმართლე გითხრათ, ასეთი მაღალი კონკურსის მოლოდინი არ მქონდა. კონკურსი შედგებოდა ორი ეტაპისგან _ დოკუმენტების შერჩევა და გასაუბრება. რა თქმა უნდა, პირველ ეტაპზე ძალიან ბევრი კონკურსანტი არ იქნა მიღებული, რადგან ვერ დააკმაყოფილეს მოთხოვნები. თუ რა მოეთხოვებოდათ, ბევრი რომ არ ვისაუბრო, ეს ყველაფერი განათლების სამინისტროს ვებგვერდზეა განთავსებული. რაც შეეხება გასაუბრების კომისიებს, განთავსებული იყო სკოლებში. გასაუბრების შემდეგ, კონკურსანტებს ეგზავნებოდათ შეტყობინება, სადაც მითითებული იყო ისიც, რომ უკმაყოფილების შემთხვევაში, შეეძლოთ პეტიციის შეტანა. 10 სექტემბრისთვის ეს ვადები უკვე ამოწურულია და ერთის მეტს პეტიცია არ შეუტანია.

_ ანუ, მასწავლებლებს კონკურსის მონაწილეებს, რომლებიც გამოთქვამენ უკმაყოფილებას კომისიის კომპეტენტურობაზე, დანიშნულ ვადაში შეეძლოთ პეტიციის შეტანა?

_დიახ, უნდა შეეტანათ სააპელაციო განცხადება, შესაბამისად, ვინ, რა და რატომ, ჩემს კომპეტენციაში არ შედის. ეს ყველაფერი გადაწყდა სკოლებში, ადგილზე დგებოდა გასაუბრების კომისია.

_ როგორ უყურებთ მაძიებლის სტატუსს, რის შესახებაც ბევრი მასწავლებელი ამბობს, რომ თუ საჭირო არ არის სერტიფიკატი, პედაგოგიკის ცოდნა, პედაგოგიური გამოცდილება, მაშინ შინ რატომ გაუშვეს უამრავი მასწავლებელი?

_ შევახსენებ ყველას, რომ მინისტრის ბრძანებამ დაარეგულირა მასწავლებლად აყვანის ორი შესაძლებლობა _ ერთი უფროს მასწავლებლად და მეორე _ მაძიებლად. ამ ადამიანებს უნდა ჰქონოდათ შესაბამისი კვალიფიკაცია. მაძიებლის აყვანა, ჩემი აზრით, წინ გადადგმული ნაბიჯია. რა მოეთხოვებოდათ და რა კრიტერიუმებს უნდა აკმაყოფილებდნენ, ეს სამინისტროს ვებგვერდზეა განთავსებული. წინააღმდეგ შემთხვევაში, ელექტრონული პროგრამა არ მისცემდა დასტურს. ხოლო აუცილებელი იყო თუ არა, უპირატესობა მინიჭებოდა უფროს ან წამყვან მასწავლებელს? ამას კონკურსი ნამდვილად არ ითვალისწინებდა. სკოლას ჰქონდა უფლება, წარმოდგენილ კონკურსანტებს შორის, სკოლაზე მორგებული საჭიროების მიხედვით, გაეთვალისწინებინა ყოველივე.

_ სწორედ ამიტომ ამბობს არა ერთი პედაგოგი, რომ იყო ტრადიციული "ჩაწყობა", მიკერძოება ნაცნობობის და გავლენის მიხედვით...

_ მაშინ კონკრეტული ფაქტები უნდა დაასახელონ. წინააღმდეგ შემთხვევაში, ეს იქნება ჭორაობა და მე, როგორც საჯარო მოხელე, ამაზე კომენტარს ვერ გავაკეთებ _ უხერხულია.




 ახალი ამბები
  • HRC-ის მიმართვა წინასაარჩევნო პერიოდში გამოვლენილ ძალადობრივ ფაქტებთან დაკავშირებით"ადამიანის უფლებათა ცენტრი შეშფოთებულია 2020 წლის საპარლამენტო არჩევნების წინასაარჩევნო პერიოდში გამოვლენილი ძალადობრივი ინციდენტებით, რაც ზიანს აყენებს მშვიდობიან და სამართლიან საარჩევნო გარემოს. განსაკუთრებით შემაშფოთებელია ჟურნალისტებზე პროფესიული საქმიანობის შესრულების დროს დაფიქსირებული თავდასხმის ფაქტები", _ აღნიშნულის შესახებ ადამიანის უფლებათა ცენტრი განცხადებას ავრცელებს.  "ადამიანის უფლებათა ცენტრი მიმართავს საგამოძიებო ორგანოებს, უმოკლეს დროში გამოიძიოს 2020 წლის 27 სექტემბერს, ბოლნისში, „ქართული ოცნებისა“ და „ერთიანი ნაციონალური მოძრაობის“ წევრებს შორის მომხდარი დაპირისპირებისას და 2020 წლის 29 ოქტომბერს, მარნეულში, ჟურნალისტებზე განხორციელებული ძალადობის ფაქტები. მხოლოდ ამ გზით არის შესაძლებელი, მოხდეს სამომავლოდ მსგავსი ფაქტების პრევენცია, რათა პოლიტიკური პარტიების წარმომადგენლებმა და  აქტივისტებმა შეძლონ საკუთარი საქმიანობის მშვიდობიან წინასაარჩევნო გარემოში წარმართვა, ხოლო ჟურნალისტებს ჰქონდეთ საშუალება, უსაფრთხო სამუშაო პირობებში განაგრძონ საქმიანობა.  გავრცელებული ინფორმაციით, 2020 წლის 27 სექტემბერს, ბოლნისში, ერთიანი ნაციონალური მოძრაობის მხარდამჭერებსა და მათ მაჟორიტარობის კანდიდატს, კახა ოქრიაშვილს თავს დაესხნენ „ქართული ოცნების“ მაჟორიტარობის კანდიდატის, გოგი მეშველიანის ძმა და მათი მხარდამჭერები. საპირისპიროდ, „ქართული ოცნების“ წარმომადგენლები აცხადებენ, რომ კონფლიქტი ფიზიკურ დაპირისპირებაში „ერთიანი ნაციონალური მოძრაობის“ პროვოკაციული ქმედებებისა და ძალადობის შედეგად გადაიზარდა, აქტივისტებს ხელკეტებითა და ქვებით დაესხნენ თავს, რის შედეგადაც რამდენიმე დაშავებული საავადმყოფოში გადაიყვანეს. ასევე, „ნაციონალური მოძრაობის“ მხარდამჭერ კოლონაში მოძრავი ერთ-ერთი ავტომობილის მძღოლი აცხადებს, რომ მის ავტომობილს ქვა ესროლეს და დააზიანეს.  2020 წლის 29 ოქტომბერს, „მთავარი არხის“ 2 ჟურნალისტსა და 2 ოპერატორს, ასევე საზოგადოებრივი მაუწყებლის ოპერატორს მარნეულში ფიზიკურად გაუსწორდნენ. „მთავარი არხის“ ჟურნალისტს თავი აქვს გატეხილი. ამასთან, დაზიანებულია ორივე მაუწყებლის ტექნიკა.  პრობლემურია, რომ საზოგადოებას ინციდენტების შესახებ ინფორმაცია განსხვავებულად მიეწოდება სხვადასხვა ტელევიზიის მიერ და იშვიათია კონკრეტული მედიასაშუალებების მიერ ინციდენტების დაბალანსებული გაშუქება, რაც ხელს უწყობს საზოგადოების პოლარიზებას. მნიშვნელოვანია, რომ ტელევიზიებმა დაიცვან მაუწყებლობის შესახებ კანონის მოთხოვნა და ახალი ამბების გამოშვებებში ყველა ფაქტი თუ შეხედულება დაბალანსებულად, არადისკრიმინაციულად და პლურალისტულად გააშუქონ.  ადამიანის უფლებათა ცენტრი მიმართავს:  ხელისუფლებას და საგამოძიებო ორგანოებს:  . დროულად და ეფექტურად გამოიძოს პოლიტიკური პარტიების წარმომადგენლების, მათთან დაკავშირებული აქტივისტებისა და მხარდამჭერების მიმართ განხორციელებული ზეწოლისა და მუქარის, ასევე პოლიტიკური პარტიების კამპანიისთვის ხელშეშლის ფაქტები.  .  სწრაფად და ეფექტიანად გამოიძიოს ჟურნალისტებზე განხორციელებული ძალადობისა და ჟურნალისტურ საქმიანობაში ხელის შეშლის ფაქტები.  პოლიტიკურ პარტიებს:  .  არ დაუშვან ოპონენტი პოლიტიკური პარტიების კანდიდატებისა და მხარდამჭრების მიმართ ზეწოლა, მუქარა და ძალადობა; .   წინასაარჩევნო კამპანია და შესაბამისი აქტივობები განახორციელონ კანონით დადგენილ ჩარჩოებში, მშვიდობიანი ფორმებით;  მედიასაშუალებებს:  .  კეთილსინდისიერად შეასრულონ საზოგადოების წინაშე აღებული პასუხისმგებლობა და საინფორმაციო გამოშვებებში, მაქსიმალურად უზრუნველყონ ყველა ფაქტის თუ შეხედულების დაბალანსებულად, არადისკრიმინაციულად და პლურალისტულად გაშუქება.  .  ფაქტების გადმოცემისას თავი შეიკავონ ინფორმაციით თვითნებური მანიპულირებისაგან, რაც კიდევ უფრო მნიშვნელოვანია მაშინ, როდესაც საქართველოს მედიაგარემო უკიდურესად პოლარიზებულია და ტელევიზიების ნაწილი ამა თუ იმ პოლიტიკურ ძალას ემხრობა, რაც მათ სარედაქციო პოლიტიკაში მკაფიოდ ჩანს, _ ნათქვამია ადამიანის უფლებათა ცენტრის ... ...
  • "წყალი რომ მოდის, სიხარულისგან გული მიჩქარდება!"ხმამაღალი განცხადებები, რომ გახორციელებული ინფრასტრუქტურული სამუშაოების შემდეგ ლანჩხუთის რიგ სოფლებში, მათ შორის ჯუნეწერში, მოსახლეობას 24-საათიანი, ხარისხიანი წყალმომარაგება ექნებოდა, არაერთხელ გაკეთდა. მაგალითისთვის გასული წლის დეკემბერში გურიის მხარისა და მუნიციპალიტეტის ოფიციალურ გვერდებზე გამოქვეყნდა ინფორმაცია, რომ "ლანჩხუთის მუნიციპალიტეტის ცხრა სოფელში (სოფ. ჯუნეწერი, გვიმბალაური, ტაბანათი, ახალსოფელი, ღრმაღელე, წყალწმინდა, შრომისუბანი, გულიანი, წიაღობანი), გახორციელდა 1470 გრძივი მეტრი წყალმომარაგების სამუშაოები. პროექტის ღირებულება 1 101 329 ლარს შეადგენს. სამუშაოების დასრულების შემდეგ, ადგილობრივ მოსახლეობას 24-საათიანი, ხარისხიანი წყალმომარაგება ექნება. სულ ლანჩხუთში გახორციელდა 16,5 კმ წყალმომარაგების ქსელის მოწყობის სამუშაოები; დაიხარჯა 2 248 000 ლარი, წყლის მიწოდება გაუუმჯობესდა 1380 ოჯახს". თუმცა, ირკვევა, რომ შესრულებული სამუშაოებისა და გახარჯული ათასობით ლარის მიუხედავად, სოფლებში ისევ აქტუალურია წყლის მიწოდების პრობლემა. "ერთი დღე გვაქვს წყალი და ისიც _ ღამით. თანაც ხალიჩის გარეცხვას თუ ნახევარი საათი სჭირდება, სამი საათი დასჭირდა. ასეთი უპასუხისმგებლო კომპანია არც ერთ ტენდერს არ იმსახურებს! ყველაფერს აქვს საზღვარი", _ წერს სოციალურ ქსელში სოფელ ჯუნეწერის მკვიდრი ნინა ბარამიძე. მისივე ინფორმაციით, სათავე ნაგებობაზე წყალი არის და პრობლემას დაზიანებული მილები ქმნის. "ხშირად დავდივარ თუნდაც გასაწმენდად. ფაქტია, ძველი მილები უკეთესი იყო, ერთი დღე ნორმალურად გვქონდა წყალი. ყველგან დახეთქილია მილები. გზებზე მოთხრიშინებს წყალი", _ წერს ნინა ბარამიძე, რომელიც ტენდერში გამარჯვებული კომპანიის მიერ შესრულებული სამუშაოებით უკმაყოფილოა. სოფელ ჯუნეწერში მოსახლეობას რომ უწყლობა აწუხებთ და მისი ონკანში წამოსვლის მოლოდინში ღამეების თევა უწევთ, ამას სოფლის სხვა მცხოვრებლებიც ადასტურებენ: "რამდენიმე თვეა, ღამის ცვლაში ვმუშაობ. ველოდები სარეცხი მანქანა როდის გამოირთვება. თან დილით ადრე უნდა ავდგე, ბავშვები მყავს სკოლაში გასაშვები. ყოველ მეორე ღამეს ვათენებ. მართლა რამე უნდა ვიღონოთ, საღამოს რვა საათზე მოდის წყალი და მთელ სოფელს ონკანი ღია აქვს, წყალს ნაკადი სულ არ აქვს. ასე გაგრძელება აღარ შეიძლება. წყალი რომ მოდის, გული სიხარულისგან მიჩქარდება. წარმოგიდგენიათ, 21-ე საუკუნეში წყლის მოსვლა რომ გაგიხარდება?!" შექმნილ ვითარებაში სამუშაოების შემსრულებელი კომპანიის დადანაშაულებას, არამართებულად მიიჩნევს ლანჩხუთის საკრებულოს ყოფილი წევრი რომან ბიწაძე: "მესმის, მომხმარებელს აინტერესებს ჰქონდეს წყალი, რაშიც იგი ყოველთვის მართალია. მაგრამ იგივე მომხმარებელი ყოველთვის არ არის მართალი, როცა პროექტის წარუმატებლობაში ერთპიროვნულად მშენებელს ადანაშაულებს. უნდა ინახოს პროექტი, რამდენად სწორად იყო შედგენილი. შედარდეს პროექტი გაკეთებულს, თუ პროექტიდან გადახვევაა (ნებართვების გარეშე) პასუხისმგებლობა ამ შემთხვევაში დაეკისრება მშენებელს. მთავარი პასუხისმგებელი ამ პროცესებში მაინც დამკვეთია, რადგან პროექტის ხარისხს და შესრულებული სამუშაოების ხარისხს ის უნდა აკონტროლებდეს. მაგალითად, ბაზარში ცუდ ყველს რომ შემოგვაპარებენ, ჩვენ უფრო დამნაშავეები ვართ, ვიდრე ყველის გამყიდველი", _ ამბობს რომან ბიწაძე. შექმნილ ვითარებაში, ასევე, სამუშაოების შემსრულებელი კომპანიის ბრალეულობას ვერ ხედავს სოციალური ქსელის ერთ-ერთი მომხმარებელი მამუკა ხიტირი, რომლის თქმითაც, ის იმ კომპანიაში მუშაობდა, რომელმაც ჯუნეწერში წყლის სისტემის რეაბილიტაციის სამუშაოები განახორციელა. მისი თქმით, პრობლემას წყლის დებეტის სიმწირე ქმნის: "კომპანიები რა შუაშია, როცა წყლის დებეტი არ არის საკმარისი. ეგ შემსრულებელ კომპანიას კი არა, დამკვეთს უნდა მოეთხოვოს. რას უკვეთავს და რატომ უკვეთავს არასწორ პროექტს. აქ საუბარია არასაკმარის წყლის დებეტზე და არა უხარისხოდ შედუღებულ წყლის მილებზე. არ არის დებეტი საკმარისი. მერწმუნეთ, დათვლილი მაქვს ეგ ძალიან ბევრჯერ, როცა ვმუშაობდი მაგ კომპანიაში". სოფელ ჯუნეწერში მოსახლეობისთვის წყლის მიწოდებასთან დაკავშირებით შექმნილ პრობლემასთან დაკავშირებით "გურია ნიუსი" კომენტარისთვის მერიის ინფრასტრუქტურის სამსახურის უფროსს ლევან ჩხაიძეს დაუკავშირდა. მისი თქმით, სოფლის მოსახლეობას ზაფხულის პერიოდში წყალი გრაფიკით მიეწოდებოდა, რომელსაც სოფლის წარმომადგენელი განსაზღვრავდა. ჩხაიძისვე თქმით, პრობლემას მოსახლეობის მხრიდან წყლის დაუდევრად მოხმარება ქმნის: "ვერ ვიტყვი, რომ სოფლის მოსახლეობას წყალი მხოლოდ ღამის საათებში მიეწოდება. წყლის დებეტის არასაკმარისი რაოდენობის გამო, ზაფხულის პერიოდში გრაფიკი იყო შედგენილი, რომელსაც სოფლის წარმომადგენელი აგვარებდა და ამის მიხედვით ხდებოდა მიწოდება. ზაფხულის პერიოდში ყველას მოშვებული აქვს ბოსტნების სარწყავად წყალი, ამიტომაც იქმნება პრობლემა, სხვა არანაირი ხარვეზი არაა", _ გვითხრა ლევან ჩხაიძემ.  საგულისხმოა, რომ წყლის მიწოდებასთან დაკავშირებული პრობლემები ლანჩხუთში ბევრ სოფელს აწუხებს. "ეგეთი ვითარებაა ლანჩხუთის ბევრ სოფელში. მაგალითად, ტელევიზიით გავიდა სიუჟეტი ლესაში წყალი გააკეთეს და 24-საათიანიაო, სინამდვილეში სამი დღე არის წყალი და სამი დღე _ არა. ასეა გვიმბალაურშიც გზის ერთ მხარეს გამოიყვანეს, მეორე მხარეს არა, ისიც საცოდავად მოდის", _ ამბობენ უწყლობით შეწუხებული ... ...
  • "ყველაფერი კორონას ბრალია?!" _ ჟრიამულს მონატრებული ოზურგეთის კულტურის და დასვენების პარკიოზურგეთის კულტურისა და დასვენების პარკი ახალგაზრდობის ერთ-ერთი საუკეთესო თავშეყრის, საინტერესო ღონისძიებების და გართობის ცენტრალური ადგილი იყო. პანდემიის მსოფლიო პრობლემად გამოცხადების შემდეგ, რიტმი აქაც შეჩერდა, თუმცა, ეს შეჩერება მხოლოდ ვირუსის გამოძახილი არ იყო _ აქტიური მოძრაობა, რატომღაც სრულ უმოქმედობაში გადავიდა ცალკეული მიმართულებების მხრივ. გასულ წელს, ოზურგეთის მაჟორიტარი დეპუტატის, არჩილ თალაკვაძის მიერ, ოზურგეთში ორი პარკისა და ერთი სკვერის (სამკუთხა პარკი თეატრთან, 9 აპრილის ბაღი პოლიციასთან და კულტურის და დასვენების პარკი, რომელიც მოცულობით ორ ჰექტარ ფართობზეა განთავსებული) რეაბილიტაცია დაანონსდა. ცნობილია, რომ მუნიციპალური განვითარების ფონდის მიერ, ზემოთ აღნიშნული სამივე პარკის რეაბილიტაციისთვის, საუბარი იყო სამი მილიონი ლარის გამოყოფაზე. თუმცა, მოგვიანებით, იმავე ფონდის მიერ, გაიყო ეს პროექტი და მხოლოდ სამკუთხა პარკის რეაბილიტაცია დაიგეგმა. რაც შეეხება ახალგაზრდობისთვის ყველაზე მიმზიდველ და საინტერესო _ ოზურგეთის კულტურის და დასვენების პარკს, აქ უნდა გაკეთებულიყო ატრაქციონები, ამფითეატრი, ხოლო ადმინისტრაციული შენობისთვის განსაზღვრული კორპუსი თავიდან უნდა აშენებულიყო. რა ხდება დღეისთვის? როგორც ოზურგეთელი ახალგაზრდები ამბობენ, მათ იმედი გაუცრუვდათ და, ჯერჯერობით, პასუხის სრულყოფილად გამცემი არავინაა. კულტურის და დასვენების პარკი დღეისთვის სრულად რეაბილიტაციას საჭიროებს, პირველ რიგში, ეს ეხება განათების ქსელს, რომელსაც საერთო არაფერი აქვს სტანდარტულ განათებასთან _ პარკის უმეტესი ნაწილი მუდამ ჩაბნელებულია. ამფითეატრი პარკში რაც შეეხება მანქანებს, ატრაქციონებს, ცნობილ მატარებელს _ ყველაფერი მწყობრიდაანაა გამოსული. კერძოდ, ყველამ იცის, რომ ატრაქციონები, ისიც მეორადი, "ნაციონალური მოძრაობის" ხელისუფლებაში მოსვლისას დამონტაჟდა და მერე არ შეცვლილა. დიდი ხანია, შესაკეთებლადაა მატარებელი, ლიანდაგი ჟანგისფერია. ატრაქციონთა ნაწილი რეაბილიტაციას საერთოდ არ ექვემდებარება და ცალკე საკითხია, რომ ის ახლებით უნდა ჩანაცვლდეს. აქ მხოლოდ მატარებლების ლიანდაგები დარჩა რაც შეეხება ავტოდრომს, უნდა შეეძინათ ახალი მანქანები _ თითოეულის ღირებულება 250 ევროთი იყო განსაზღვრული. როგორც "გურია ნიუსისთვის" გახდა ცნობილი, მუნიციპალური განვითარების ფონდმა არსებული პროექტი, რომლის მიხედვით სამი პარკის რეაბილიტაცია უნდა მომხდარიყო, ფაქტობრივად, გახლიჩა და დღეისთვის მხოლოდ სამკუთხა პარკის გაკეთება დაისახა მიზნად. ტენდერი უკვე ჩატარდა და ოზურგეთის სახელმწიფო თეატრის გვერდით მდებარე ამ პარკის სარეაბილიტაციო პროცესიც დაწყებულია. თავის მხრივ, ეს მისასალმებელი ფაქტია, მაგრამ გაცილებით ცუდი და საგანგაშოა კულტურის და დასვენების პარკის რეაბილიტაციის შეჩერება. ჩვენთვის ცნობილია ისიც, რომ 2020 წლის დასაწყისში, მუნიციპალური განვითარების ფონდიდან, აღნიშნულ საკითხზე ინფორმაცია გამოითხოვა დემოკრატიული ჩართულობის ცენტრის ოზურგეთის ოფისის კოორდინატორმა, გიგი მახარაძემ. "გურია ნიუსთან" საუბრისას გიგი მახარაძემ აღნიშნა, რომ მუნიციპალური განვითარების ფონდში მხოლოდ სამკუთხა პარკის რეაბილიტაციის შესახებ მისცეს დაზუსტებული პასუხი: _ ჩვენ გვითხრეს, რომ დანარჩენ ორ პარკში, მათ შორის, კულტურისა და დასვენების პარკში, რეაბილიტაცია ჯერ არ იწყება და უფრო მეტიც _ ბიუჯეტში ჯერ თანხა არ არის არც გათვალისწინებული და არც მოძიებული. თუ რატომ შეჩერდა ამ პროექტის სრულად გახორციელება, მიზეზი, არსებული სიტუაციაც უნდა იყოს _ პანდემიას ვგულისხმობ. დაზუსტებით არ ვიცი, _ გვითხრა მახარაძემ. მიუხედავად მსოფლიოში არსებული პანდემიის გამო გამკაცრებული რეგულაციების გარემოს შექმნისა, ინფრასტრუქტურული სამუშაოები, როგორც ვიცით, არსად შეჩერებულა. პირიქით, უდიდესი ინტერესი ღვივდება ყოველდღე მწვანე სივრცეების მიმართ. მათ შექმნასა და განვითარებაზე იწერება და დგება მრავალი პროექტი. როგორც ოზურგეთის მერიაში ამბობენ, მუნიციპალური განვითარების ფონდმა დამოუკიდებლად გადაწყვიტა პროექტის გაყოფა. როგორც მერიაში გვითხრეს, ფაქტობრივად, მათ ადგილობრივი ხელისუფლებისთვის არც უკითხავთ, ისე გადაწყვიტეს, გაეყოთ პროექტი, მიზეზად კი პანდემიის პრობლემა დასახელდა. როგორც გავარკვიეთ, პროექტი, რომლითაც თეატრის გვერდით მდებარე სამკუთხა პარკი უნდა რეაბილიტირდეს, მილიონ 700 ათასი ლარის ღირებულების სამუშაოებს მოიცავს. კულტურის და დასვენების პარკის რეაბილიტაციის საკითხი კი კვლავ პრობლემად რჩება, რაც უკვე დროს ვეღარ უძლებს და სასწრაფოდ მოსაგვარებელია. საკითხის ირგვლივ ვესაუბრეთ ა(ა)იპ "მოსწავლე-ახალგაზრდობის და კულტურის ცენტრის" დირექტორს თამარ ნადირიძეს. სამწუხაროდ და ჩვენდა გასაკვირად, მან მოკლე გაგვცა: _ ამ პროექტის შესახებ, დეპუტატის ბიუროში იკითხეთ, _ გვითხრა ნადირიძემ. ნადირიძის ამგვარი პასუხის გამო გაკვირვების მიზეზი ისაა, რომ ოზურგეთის მუნიციპალიტეტის წინა მოწვევის საკრებულოში ყოფნისას, როგორც დეპუტატი, ყოველ საკითხზე ოპოზიციურ აზრებს აფიქსირებდა და არაერთხელ, პროტესტის ნიშნად, ხმაურით დაუტოვებია სხდომა. ჩვენ კი, ჟურნალისტები, ვერ ავუდიოდით მისი კომენტარების, საპროტესტო აზრების მოსმენას და ჩაწერას?! გვიკვირს, რომ ნადირიძე ახლა თითქმის მდუმარედაა და თავად არ სვამს საკითხს ახალგაზრდობის თავშეყრის ამ უპირველესი კერის მწყობრში ჩასაყენებლად! ზაფხულის განმავლობაში, როცა პანდემიის მიუხედავად, მთელი მსოფლიო მწვანე სივრცეს ეტანებოდა, იმართებოდა ღონისძიებები, შესაძლებელი იყო თუ არა აღნიშნულ ა(აიპ)-ს, სადაც რამდენიმე ანსამბლი ფინანსდება ჩვენი ბიუჯეტიდან, გაემართა საზაფხულო კონცერტები? საინტერესოა, რაში იღებენ ადამიანები ხელფასებს და რატომ გაჩნდა ახალი ტერმინი _ "ახალგაზრდა პენსიონერები"? "გურია ნიუსთან" საუბრისას, ბევრი რესპონდენტი, ვინც წუხს პარკის დღევანდელი მდგომარეობის გამო, აღნიშნავს, რომ თანამდებობაზე მყოფმა ყველა პირმა თავისი წილი პასუხისმგებლობა უნდა იტვირთოს საკითხის მოსაგვარებლად. რა მდგომარეობაა დღეს ოზურგეთის კულტურის და დასვენების პარკში და ასრულებს თუ არა ის თავის ფუნქციას, ნაწილობრივ მაინც? პარკის ტერიტორია ორ ჰექტარ ფართობს მოიცავს და ამ დროისთვის აქ ყველაზე ცოცხალი თავშეყრის ადგილი ერთია _ "ტენისის მაგიდის" ირგვლივ, სადაც გვიან ღამემდე ერთობიან ახალგაზრდები. უახლოეს წარსულში, ოზურგეთის მერიის კულტურის სამსახურის მიერ, აქ ეწყობოდა კინოჩვენებები, შემდეგ კი იმართებოდა დისკუსიები ამა თუ იმ კინოფილმის შესახებ. ასევე, ეწყობოდა "ზაფხულის საღამოები" აღნიშნული სამსახურის მიერ, თუმცა, ახლა ეს ყველაფერი შეჩერებულია. როგორც ახალგაზრდები ამბობენ, სასწრაფოდ უნდა მოხდეს პარკის რეაბილიტაცია და ყველა უნდა ჩაერთოს ამ საქმეში _ დაწყებული მუნიციპალური განვითარების ფონდიდან, რათა პარკი არ დაემსგავსოს 90-იანი წლების შავ-თეთრ სამყაროს: _ რაზეა საუბარი, როცა მატარებელი ექვსი თვეა, შესაკეთებლადაა წაღებული და რა უქნეს, არავინ იცის? ვის რად უნდა ეს უმოქმედო და უფუნქციო რელსები, რომელიც ყოველდღე იჟანგება? მართალია, აქ გაკეთდა წიგნების თარო, არის მწვანე საფარი, მაღალი სეგმენტის ნარგავები, მაგრამ ეს კმარა? აქ უნდა გაკეთდეს თანამედროვე ახალგაზრდული თავშეყრის ადგილი, სადაც სამკითხველოები, ტრენაჟორები, სპორტული ბაქნები, ატრაქციონები იქნება განთავსებული. ეს ჩვენი მოთხოვნაა! ყველაფერი კორონას ბრალი არაა და ნურც დავაბრალებთ, _ გვეუბნებიან ახალგაზრდები, რომლებიც ამჯერად ვინაობას არ ასახელებენ და აპირებენ, უახლოეს მომავალში, ერთად დაგეგმონ შეხვედრა აღნიშნული პრობლემის ირგვლივ, სადაც პერსონალურად ისაუბრებენ კონკრეტულ მწვავე პრობლემებზე და იმედოვნებენ, რომ დააჩქარებენ პარკის რეაბილიტაციის საქმეს. "გურია ნიუსი" გააგრძელებს ამ მწვავე საკითხის გაშუქებას მანამ, ვიდრე ოზურგეთის კულტურისა და დასვენების პარკის სრული რეაბილიტაცია არ ... ...
  • "ყველაზე მეტად ცოცხი და ზეთი გაძვირდა" _ ფასების ზრდის თავისებურება ოზურგეთშიპანდემიის პერიოდს რომ ფასების ზრდა მოჰყვებოდა და მოჰყვა, ეს უჩვეულო ამბად არავის მიაჩნია. თუმცა, მოქალაქეთა უკმაყოფილება გარკვეულ მოსაზრებას შეიცავს, თუ როგორ და რატომ ხდება ფასების მატება, რაც ასე ულმობლად ურტყამს მათ ბიუჯეტს. _ ფასები რომ არ "გაიქცეს" თავის ჭკუაზე, მთავრობა, აღმასრულებელია თუ საკანონმდებლო, იმთავითვე უნდა იდგეს პრობლემის მოსაგვარებლად. რას ნიშნავს ის, რომ ერთ დღეს, დილიდან რომ ჰქონდათ შაქარი, მოულოდნელად, შუადღისას არსად იყო, დიდ მარკეტებში განსაკუთრებით. უცებ როგორ გაქრა ყველგან?! ეს იმას ნიშნავს, რომ ფასის გაზრდას ელოდებიან და მომდევნო დილით რომ აწეული ფასი დაგვხვდება, იტყვიან, რომ ფასმომატებული შემოიტანეს. რომ შემოიაროთ ახლა მაღაზიები, ყველას ექნება დასაწყობებული, მაგრამ ჩხრეკას ხომ ვერ ჩაატარებ? ელოდებიან მომდევნო დღეს, რომ ერთად გააძვირონ. დღეს თუ აქა-იქ, პატარა მაღაზიებში, ზოგ სასურსათო წერტილში იყიდით 1,70 ლარად ერთ კილოგრამ შაქარს, დიდ მაღაზიებს რატომ არ უნდა ჰქონდეთ? _ გვეუბნებიან რიგითი მოქალაქეები, რომლებიც უკმაყოფილებას გამოთქვამენ შაქრის გაძვირების გამო. 23 სექტემბრისთვის ოზურგეთში ერთი კილოგრამი შაქარი 1,80 ლარი ღირდა, თუმცა, ყველა მაღაზიაში არ იყო და ხალხი ვარაუდობს, რომ ფასს კიდევ უფრო გაზრდიან: _ სასურსათო პროდუქტებს შორის ყველაზე ძალიან ზეთი გაძვირდა, საყოფაცხოვრებო ნივთებს შორის კი _ ცოცხი. გასაკვირია, რატომ გაძვირდა ესენი ყველაზე ძალიან? ცოცხი 8 ან ცხრა ლარი ღირს. ერთი ბოთლი ზეთის ფასი კი იწყება 4,20 ლარიდან, როცა ერთ ლიტრს სამ ლარადაც იყიდდი. ახლა სულერთია, რა ხარისხის და დასახელებისაც უნდა იყოს, ერთი ბოთლის ფასი 4 ლარზე მეტია, საშუალოდ კი, 4,50 ლარიდან იწყება. არ გვითხრათ ახლა, ეს ბიზნესიაო. იმდენს კი ვხვდებით, რომ მთავრობაა ვალდებული, წინასწარ დაიჭიროს თადარიგი და არ გაგვიძვირონ არაფერი, პროდუქტები განსაკუთრებით, _ გვეუბნებიან ოზურგეთელი მოქალაქეები: ნინია ოგანოვა, ხათუნა ლომჯარია, მანანა ტყეშელაშვილი, მანანა მახარაძე და სხვები. ისინი წუხან, რომ დილიდან ბაზარში წამოვიდნენ და სირბილში ეხარჯებათ დრო, უფრო "იაფიან მაღაზიის" მისაგნებად, თუმცა, როგორც თქვეს, საბითუმოებშიც მაღალი ფასებია. თავის მხრივ, დიდ მარკეტებში ამბობენ, რომ არ შეეფერება სიმართლეს ის მოსაზრება, თითქოს ვინმე საწყობში მალავს შაქარს ან სხვა პროდუქტს. ოზურგეთის ბაზარში არსებულ მაღაზიებში მოვაჭრე გამყიდველთა უმეტესობა ამბობს, რომ მხოლოდ შაქარი და ზეთი გაძვირდა. ამბობენ იმასაც, რომ შაქრის ფასი, შესაძლოა, კიდევ გაიზარდოს _ ბევრი ამას საშემოდგომო მოვლენად თვლის და ამბობს, რომ, როცა ღვინის დაყენების სეზონი იწყება, შაქრის ფასი ყოველ წელს მატულობს. _ მარტო შაქარი კი არა, ყველაფერი გაძვირდა. ახლახან რომ ჩავედით ბათუმში და სხვადასხვა საყოფაცხოვრებო პროდუქცია ავიღე, ვიანგარიშე და 18%-ია მომატებული. ღმერთმა იცის, გაძვირებული შემოიტანეს თუ იქვე გააძვირეს სასწრაფოდ. რაკი ვირუსი გააქტიურდა, გააქტიურდნენ ადვილად ფულის შოვნის მსურველებიც. ეს რომ ასე ხდება ასეთ დროს, მთავრობამ ჩვენზე კარგად იცის. ამიტომ იქაც საჭიროა ე. წ. რეგულაციები, _ გვეუბნებიან ბაზარში მოქმედი მაღაზიების გამყიდველები. რაც შეეხება პურსა და პურის ფქვილს, ჯერჯერობით, არ გაზრდილა გამომცხვარი პურის ფასი. პურის ფქვილის ღირებულება კი, გაიზარდა. ერთი 25 კილოგრამიანი ტომარა 32-33 ლარი ღირს. ცოტა ხნის წინ კი 29 ლარად შეიძლებოდა შეძენა. ჩვენ არაერთხელ ვცადეთ წისქვილკომბინატ "გულისტანის" მენეჯერთან დაკავშირება, თუმცა, მარინა ჩხაიძემ გვითხრა, რომ შეხვედრებზე იმყოფება და სხვა დროს გვიპასუხებდა. ამასობაში კი პურის ფქვილის ფასის კვლავ მატებაზე საუბრობენ. მოქალაქეებს ყველაზე მეტად სურსათზე ფასების ზრდა აწუხებთ _ კვლავინდებურად ძვირია ხორცი (ერთი კილოგრამი 17 ლარი ღირს), ერთი კილოგრამი ყველის ფასი 9-10 ლარია, ხოლო ერთი ლიტრი რძე 2,50 ლარი ღირს. თუ მოასწრებ და დილით ადრე სოფლებიდან ჩამოსულ ხალხს დახვდებით, შესაძლებელია, ერთი ლარით უფრო იაფად შეიძინოთ ესა თუ ის პროდუქტი. თუმცა იქაც გაწევ-გამოწევაა, რადგან მყიდველ-გადამყიდველებს ცალკე აქვთ ერთმანეთში დავა, "ოპტავოი" ხალხი ვართ და ხელს ნუ გვიშლითო. ცოცხალი ფრინველით და ცხოველით მოვაჭრეთა თქმით, ცოტათი გაიაფდა გოჭის ღირებულება. _ თუ მაგას გაიაფება ჰქვია, დღეისთვის ცოცხალი წონით, გოჭის ფასი ერთ კილოგრამი ათი ლარია. წინა კვირაში კი 12 ლარი იყო. ახალი ქათამი 15 ლარი ღირს, დედალი 20-25 ლარი. შედარებით იაფია იხვი _ ზრდასრულის ყიდვა 12-14 ლარადაა შესაძლებელი, _ გვითხრეს ბაზრის ტერიტორიაზე საგანგებოდ გამოყოფილ სივრცეში, სადაც შინაური ფრინველითა და ცხოველით მოვაჭრეები არიან განთავსებული. _ ყველა პენსიონერი და ასაკოვანი ხალხი  ვართ. სულ არ გვინდა, აქ ვიდგეთ და ამ სუნსა და ყვირილში ვატარებდეთ სიბერის დღეებს, მაგრამ შეგვიქმნა ვინმემ უკეთესი პირობები? დღევანდელი პენსიით თავის რჩენა ვის შეუძლია? შვილიშვილს თვეში ორჯერ შოკოლადი არ უნდა ვუყიდოთ? ასაკოვან ადამიანს ეს თანხა წამლებში სჭირდება, _ ხელისუფლების მიმართ საყვედურს გამოთქვამენ აქ მომუშავე ქალბატონები. რაც შეეხება ლარის და დოლარის კურსს, 26 სექტემბრისთვის, ოზურგეთში, ერთი დოლარის ყიდვა 3,60 ლარი ხოლო გაყიდვა 3, 66 ლარი იყო: _ დიახ, ძალიან გაუფასურდა ლარი. ვერ ხედავთ? ჩვენ კი არ ვშვებით ამას, ასეთია მოცემულობა. ბანკებში შედით, უფრო ძვირს დაგიფასებენ. ჩვენ ცოტა ნაკლებში ვყიდით. "ზემოთ" ჰკითხეთ, ჩვენ ნუ გვეკითხებით, _ ბაზარში მომუშავეთა მსგავსად, მთავრობისკენ მიგვითითეს ოზურგეთის "სავალუტო ბირჟაზე" დასაქმებულებმა. ქვეყანაში საკვები პროდუქტებსა და მედიკამენტებზე ფასების ზრდას მმართველ გუნდში გამოეხმაურნენ _ პარლამენტის ადამიანის უფლებათა დაცვის კომიტეტის თავმჯდომარე სოფო კილაძემ აღნიშნა, რომ საკითხის მოსაგვარებლად აღმასრულებელმა და საკანონმდებლო ხელისუფლებამ ყველაფერი უნდა გააკეთოს: "ფასების ზრდა, რა თქმა უნდა, პირდაპირ აისახება მოქალაქეების ჯიბეზე, განსაკუთრებით, ღარიბი მოქალაქეების ჯიბეზე. ეს არის ძალიან მძიმე ტვირთი და მგონია, რომ ამ შემთხვევაში აღმასრულებელმა ხელისუფლებამ, საკანონმდებლოსთან ერთად, ყველანაირი ბერკეტი უნდა გამოიყენოს. თუმცა, უნდა ვთქვათ ისიც, რომ არიან გარკვეული არაკეთილსინდისიერი ბიზნესის წარმომადგენლები, რომლებიც ცდილობენ ამ პანდემიის დროს, გაჭირვებული პერიოდში მოითბონ ხელი თვითონ და სხვა მოქალაქეების გაღარიბების ხარჯზე", _ განაცხადა სოფო კილაძემ. ფასების ზრდას ოპოზიციის წარმომადგენლები "ქართული ოცნების" არასწორ ეკონომიკურ პოლიტიკას უკავშირებენ _ "ევროპული საქართველოს" ერთ-ერთი ლიდერის, დავით ბაქრაძის თქმით, მთავრობას მეტი უნდა გაეკეთებინა იმისთვის, რომ მოსახლეობას ინფლაცია და ფასების მატება მძიმე ტვირთად არ დასწოლოდა. სტატისტიკის ეროვნული სამსახურის ინფორმაციით, ფასების ყველაზე მკვეთრი ზრდა სურსათისა და უალკოჰოლო სასმელების კატეგორიაშია, რომლებმაც 14.7%-ით მოიმატა. გაძვირებულია ხილი, რძე, კვერცხი, თევზეული. ავეჯის, საოჯახო ნივთებისა და სახლის მოვლის კატეგორიაში ფასები 8.3%-ით გაიზარდა, ხოლო ჯანდაცვაში ფასები 6.1%-ით არის ... ...
  • ცესკო-ს თავმჯდომარე საოლქო და საუბნო საარჩევნო კომისიებს რეკომენდაციებით მიმართავსცესკო-ს თავმჯდომარე საოლქო და საუბნო საარჩევნო კომისიებს რეკომენდაციებით მიმართავს, რომელიც კომისიების წევრებმა საკუთარი საქმიანობის ყველა ეტაპზე უნდა გაითვალისწინონ, – ამის შესახებ საარჩევნო ადმინისტრაციის ინფორმაციაშია ნათქვამი. „როგორც საოლქო, ისე საუბნო საარჩევნო კომისიების წევრებმა უნდა იმოქმედონ საარჩევნო მოხელეთა ეთიკის კოდექსის თანახმად, იყვნენ სამართლიანი და მიუკერძოებელი, თავი აარიდონ ისეთ ქმედებას, რომელიც მიმართული იქნება მოხელისა და საარჩევნო ადმინისტრაციის დისკრედიტაციისკენ. საარჩევნო კანონმდებლობის (საქართველოს საარჩევნო კოდექსი, 45-ე მუხლის, მე-4 პუნქტის „ა“ ქვეპუნქტი) თანახმად, მათ ეკრძალებათ წინასაარჩევნო აგიტაციაში მონაწილეობა; სწორედამ ნორმების გათვალისწინებით მათ თავი უნდა შეიკავონ ისეთი ქმედებებისგან, რაც შესაძლოა, განიხილებოდეს როგორც რომელიმე საარჩევნო სუბიექტის მხარდამჭერი ან საწინააღმდეგო ქმედება; მათ შორის სოციალურ ქსელებში პირადი გვერდის გამოყენება პოლიტიკური მოწოდებებისა და აგიტაციისთვის,ასევე პარტიის/კანდიდატის წინასაარჩევნო შეხვედრებში მონაწილეობა. ცესკოს თავმჯდომარე მიმართავს თითოეულ მოხელეს გამიჯნონ საკუთარი პროფესიული საქმიანობა პოლიტიკური პროცესებისგან“, – ნათქვამია ინფორმაციაში. ცესკო-ში აცხადებენ, რომ თამარ ჟვანიას წერილობითი რეკომენდაცია გადაეცა ყველა საოლქო საარჩევნო კომისიას, რომელთაც, თავის მხრივ, ზემოაღნიშნული საკანონმდებლო და ეთიკის ნორმების დაცვის აუცილებლობაზე უნდა მიმართონ საუბნო საარჩევნო კომისიების წევრებს. ამასთან, ცესკო-ს განმარტებით, საუბნო საარჩევნო კომისიის წევრის უფლებამოსილების ვადა იწყება საუბნო საარჩევნო კომისიის პირველი შეკრების დღეს და წყდება შესაბამის საოლქო საარჩევნო კომისიაში კენჭისყრის შედეგების შემაჯამებელი ოქმის ... ...

არქივი

ტესტები

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...
free polls