ვასილ მაღლაფერიძე: მაუწყებელზე მიმდინარეობს დიდი განახლება, ფაქტობრივად, ახალი ტელევიზია იქმნება

საზოგადოება

ვასილ მაღლაფერიძე: მაუწყებელზე მიმდინარეობს დიდი განახლება, ფაქტობრივად, ახალი ტელევიზია იქმნება

19 ივნ. 2017, 11:23:48

საზოგადოებრივი მაუწყებლის გენერალური დირექტორი ვასილ მაღლაფერიძე მაუწყებელში მიმდინარე პროცესებთან დაკავშირებით საზოგადოებრივის ჟურნალისტს ესაუბრა. ვასილ მაღლაფერიძის განცხადებით,  მაუწყებელზე დიდი განახლება მიმდინარეობს და უკეთესობისკენ ცვლილება ყველას წაადგება.

- ბატონო ვასილ, საზოგადოების ერთი ნაწილის უკმაყოფილება გამოიწვია საზოგადოებრივი მაუწყებლის პირველი არხის ეთერში რადიო თავისუფლების ორი პროექტის - „წითელი ზონისა“ და „ინტერVIEW“-ს დახურვამ. რატომ დადგა დღის წესრიგში აღნიშნული გადაცემების დახურვის საჭიროება?

- თუ გვინდა, რომ საქმის ვითარება სწორად გავიაზროთ, უნდა ვისაუბროთ ყველა გადაცემაზე და არა მხოლოდ ორზე. მაუწყებელზე მიმდინარეობს დიდი განახლება. იცვლება მთლიანად ბადე, შემოდის ახალი გადაცემები, ქართული სერიალები, ზოგი არსებული გადაცემა კი მნიშვნელოვნად განახლდება. იმ სახით რაც დღესაა, არც ერთი გადაცემა არ დარჩება, ყველას შეემატება რაღაც ახალი, ეს კარგი და აუცილებელია და ამაზე, პირველ რიგში, მათი ავტორები მუშაობენ.

გამომდინარე აქედან, ამ ორი გადაცემის გამოყოფა და არასწორად მიმაჩნია. ყველა გადაცემა ერთად ქმნის არხის სახეს და ყველაფერი ერთიან კონტექსტში უნდა განვიხილოთ. უკეთესობისკენ ცვლილება ყველას წაადგება. ყველა ადამიანი თანასწორია და არ ვფიქრობ, რომ ვინმე უფრო თანასწორი უნდა იყოს, ვიდრე სხვა.

ძალიან დიდი ყურადღებით ვაკვირდებით საზოგადოების თითოეული წევრის აზრს, არ აქვს მნიშვნელობა, რამხელა ჯგუფი იქნება, თუნდაც ათი ან ხუთი ადამიანი იყოს - ძალიან მცირე ჯგუფმა ან ერთმა ადამიანმაც კი შეიძლება გაცილებით გონივრული თქვას და მოიფიქროს, ვიდრე ბევრმა, მაგრამ თუ ერთი აზრის დიქტატი იწყება, იქ გონიერება თვლემს.

საზოგადოებრივი მაუწყებელი არის დამოუკიდებელი ორგანიზაცია და მის არსებობას მხოლოდ მანამდე აქვს ფასი, ვიდრე სრულიად დამოუკიდებელია ნებისმიერი დიქტატისგან, ვისგანაც არ უნდა მოდიოდეს ეს. 

საზოგადოებრივ მაუწყებელს ჰყავს სამეურვეო საბჭო, რომელიც განსაზღვრავს პრიორიტეტებს და აკონტროლებს ფინანსურ ნაკადებს; ჰყავს 24-წევრიანი დიდი საბჭო, რომელიც განიხილავს საჭირბოროტო საკითხებს; ჰყავს აღმასრულებელი საბჭო; ჰყავს ე.წ. სუპერ დესკი, რომელიც საინფორმაციო-პოლიტიკურ მიმართულებას უძღვება. სწორედ აქ, დიდი განსჯისა და ზოგჯერ ცხარე კამათის შედეგად შემუშავდება ხოლმე ყველა გადაწყვეტილება, რომელსაც შემდეგ დირექტორი აწერს ხელს.

არ მგონია, საზოგადოებას ან ჩვენს გულშემატკივარს ქვეყნის გარეთ, მოეწონოს ისეთი საზოგადოებრივი მაუწყებელი, რომელიც რაიმე სახის ზეწოლის შედეგად გახსნის ან დახურავს რომელიმე გადაცემას.

რატომ გვინდა, რომ ზოგი არსებული გადაცემა ახლით შევცვალოთ და ზოგშიც ცვლილებები შევიტანოთ, ვფიქრობ, ამას ახსნა არ სჭირდება და ვიმეორებ, ყველაფერს ერთიან კონტექსტში უნდა შევხედოთ. შეიძლება, მაყურებელთა გარკვეულ ჯგუფს მხოლოდ ერთ ან ორ გადაცემაზე განსაკუთრებით შესტკიოდეს გული, მაგრამ ჩვენ მთელი მაუწყებლის ინტერესებიდან უნდა გამოვდიოდეთ.

თუმცა, ვინაიდან აჟიოტაჟი ატყდა ამ ორ გადაცემასთან დაკავშირებით, უფრო დაწვრილებით მოგახსენებთ მათ შესახებ.

მიუხედავად იმისა, რომ ეს მათთვის შეიძლება არაფერს ნიშნავდეს, მაღალი აზრის ვარ ამ გადაცემის ავტორების პროფესიონალიზმზე. ამავე დროს დარწმუნებული ვარ, რომ მათი გადაცემებიც საჭიროებენ მნიშვნელოვან განახლებას და ფორმატის გაუმჯობესებას. ამაში არაფერი შეურაცხმყოფელი არ არის. საზოგადოებრივ მაუწყებელში დღეს არიან ისეთი პროფესიონალები, რომელთა ცოდნა და გამოცდილება ნამდვილად წაადგებოდა ბატონი გოგი გვახარიას და ქალბატონი სალომე ასათიანის გადაცემების გაუკეთესებას. შეიძლება ვინმეს მიაჩნია, რომ საზოგადოებრივს ამის კომპეტენცია არ აქვს და ჩვენ უნდა გავუშვათ, რასაც მოგვიტანენ და აზრიც არ უნდა გამოვთქვათ, მაგრამ ჩვენ ასე არ ვფიქრობთ.

რეალობას თუ შევხედავთ, დღეს ეს ორი გადაცემა არ გახლავთ რადიო „თავისუფლებისა“ და საზოგადოებრივი მაუწყებლის ერთობლივი პროდუქცია, ამ გადაცემებს თავიდან ბოლომდე ამზადებს რადიო  თავისუფლება და საზოგადოებრივ მაუწყებელს მხოლოდ მისი გაშვება ევალება. ანუ საზოგადოებრივი მაუწყებელი მხოლოდ პლატფორმაა და მეტი არაფერი. საზოგადოებრივის მხოლოდ პლატფორმად გამოყენება არც ჩვენთვის არის საინტერესო და არც სხვისთვის მგონია, რომ იყოს. დღეს პლატფორმების გასაჭირი ნამდვილად არ არის და ამ ეტაპზე არ გვაქვს ისეთი რეიტინგი, რომ ვინმე ჩვენი მეშვეობით ბევრი მაყურებლის მოზიდვას აპირებდეს. ამიტომ ჩვენ გადაცემები კი არ დავხურეთ, არამედ როცა ამის დრო მოვიდა, უარი ვთქვით ხელშეკრულების გაგრძელებაზე, რომლის მიხედვითაც, საზოგადოებრივ მაუწყებელს მხოლოდ უტყვი პლატფორმის ფუნქცია რჩება.

დეტალია, თუმცა, თვალსაჩინო, როდესაც ეს ორი გადაცემა გადის საზოგადოებრივზე, მას ორი ლოგო ადევს, რადიო თავისუფლების და საზოგადოებრივი მაუწყებლის, ხოლო როდესაც იგივე გადაცემა მეორდება რადიო თავისუფლების პლატფორმაზე, მას მხოლოდ რადიო თავისუფლების ლოგო ადევს და ჩვენი ლოგო მოხსნილია. რატომ? არ გამოვიჩინებით?! ცხადია, მხოლოდ ლოგოში არ არის საქმე, თუმცა, ლოგოშიცაა, საზოგადოებრივი მაუწყებელი არ უნდა იყოს მხოლოდ გამტარი პლატფორმა, საზოგადოებრივი მზად არის ყველა რესურსი გამოიყენოს ღია და სრულფასოვანი პარტნიორობისთვის.

ამავე დროს, მზად ვართ, ვაწარმოოთ ერთობლივი პროდუქცია სხვა სტუდიებთან და მედიასაშუალებებთან ერთად, და რასაკვირველია, რადიო  თავისუფლებასთან  ერთადაც, თუ მათ ამის სურვილი ექნებათ. საზოგადოებრივ მაუწყებელს ბევრად დიდი პოტენციალი აქვს და მას შეუძლია, ერთობლივ პროდუქციაში მნიშვნელოვანი ინტელექტუალური რესურსის ჩადება, რითაც მხოლოდ მოიგებს მაყურებელი. ვიმეორებ, მხოლოდ პლატფორმის დონეზე პარტნიორობა ჩვენთვის არ არის საინტერესო.

მაგალითისთვის მოგიყვანთ ბატონი გოგი გვახარიას გადაცემას, მით უმეტეს, გარკვეული განმარტება აქაც აუცილებელი გახდა, ვინაიდან, თავად ბატონი გოგი, ნებსით თუ უნებლიეთ, გარკვეულ ფაქტებს არასწორად გადმოცემს და ამით ცდილობს განავითაროს აზრი, რომ მის გადაცემას პოლიტიკური ნიშნით ებრძვიან. მართალი გითხრათ, არ ვიცი, რა არის ის პოლიტიკური მოტივი თუ პლატფორმა, რის გამოც ბატონი გოგი შეიძლება ვინმესთვის მიუღებელი იყოს, ვინაიდან მისი გადაცემა „წითელი ზონა“ მის გულშემატკივრებს და მათ შორის მეც, გვახსენდება იმ მშვენიერი ფილმებით, რომლებიც პირველად სწორედ ამ გადაცემაში ვნახეთ და შემდეგ ამ ფილმების შესახებ საინტერესო საუბრებით. ბატონი გოგი თავის სტატუსებში ახსენებს ხოლმე, რომ თითქოს საზოგადოებრივზე ფილმების ჩვენება აუკრძალეს თუ რაღაც ასეთი და ავიწყდება, თქვას დრო და გარემოება, როდის და რატომ მოხდა ეს. როდესაც იანვარში ამირჩიეს და ბადეზე ვმუშაობდით, ჩემდა გასაოცრად აღმოვაჩინე, რომ „წითელ ზონაში“ ფილმები აღარ გადიოდა და არ გადიოდა უკვე ორ წელზე მეტი ხნის განმავლობაში. იმის გამო, რომ „წითელ ზონაში“ გასული ფილმების დიდი ნაწილი არ იყო შესყიდული ჩვენების უფლებით და  რადიო თავისუფლებამ  ვერ უზრუნველყო ფილმების შესყიდვა, გადაცემას შეუცვლია ფორმატი, გადაკეთებულა პოლიტიკურ ტოქშოუდ და საზოგადოებრივ მაუწყებელს ამ პროცესში მხოლოდ ის როლი აკისრია, რომ გაუშვას ის ჩანაწერი, რასაც მოუტანენ. ის, რომ ბატონი გოგი სურვილისამებრ შეცვლის გადაცემის ფორმატს, ამით ჩვენ გვგონია, რომ აგებს მაყურებელი და ცხადია - მაუწყებელიც. ასეთ პრაქტიკას გულისხმობს არსებული ხელშეკრულება, რომლის ვადის გაგრძელებაზეც უარი ვთქვით და, მესამედ თუ მეოთხედ ვამბობ, რომ მზად ვართ და მივესალმებით პარტნიორულ თანამშრომლობას, სადაც საზოგადოებრივი მაუწყებლის სპეციალისტებსაც ექნებათ აზრის გამოთქმის, ფორმატის შემუშავებაში მონაწილეობის უფლება.

იგივე შეიძლება ითქვას ქალბატონი სალომეს გადაცემის ფორმატის შესახებ, გნებავთ სტუდიის შესახებ და ასე შემდეგ. ბევრი მხრივ შეიძლებოდა მისი გაუკეთესება, მაგრამ დღეს საზოგადოებრივს მხოლოდ ჩანაწერის გაშვების უფლება აქვს და მეტი არაფერი.

ასე რომ, ჩვენ გახსნილი ვართ თანამშრომლობისთვისაც და პარტნიორობისთვისაც ყველასთან, მათ შორის, ქალბატონ სალომესთან და ბატონ გოგისთანაც. თუ მათ სურვილი ექნებათ, დარწმუნებულები ვართ, შევძლებთ ძალიან საინტერესო პროდუქციის შექმნას და ამ პროცესში საზოგადოებრივი მაუწყებელი ჩაერთვება ინტელექტუალური და მატერიალური რესურსით, სწორედ ამას ემსახურება ჩვენი გადაწყვეტილება არსებული ხელშეკრულების გაუგრძელებლობის შესახებ, რაც მხოლოდ პლატფორმის ფუნქციას გვიტოვებს და მზად ვართ დავიწყოთ ისეთი პარტნიორული ურთიერთობა, რითაც მაყურებელიც მოიგებს და საზოგადოებრივიც.

- როდესაც მაუწყებლის დირექტორად აგირჩიეს, საზოგადოებას დაპირდით, რომ შესთავაზებდით სრულიად ახალ, ბევრად უკეთეს საზოგადოებრივ მაუწყებელს. გადაცემებზე გამოცხადებული კონკურსი ფინალურ ეტაპზეა, ახლოვდება ახალი სეზონი. რა მოლოდინი გაქვთ, როგორ საზოგადოებრივ მაუწყებელს ვიხილავთ ახალ სატელევიზიო სეზონზე? 

- ანუ რასაც ვიხილავთ საშემოდგომოდ: ინტენსიურად მიმდინარეობს ტექნიკური გადაიარაღების პროცესი, რაც არ გაკეთებულა ათწლეულების მანძილზე, ფაქტობრივად, ახალი ტელევიზია იქმნება. გადაიარაღების პირველ ეტაპს მოვასწრებთ. გვინდა, რომ ამ ორ თვეში მოვახდინოთ ძალიან მნიშვნელოვანი გარღვევა.

ტელევიზიის პირველ კორპუსში კეთდება რემონტი, გვექნება მთლიანად ახალი ნიუსრუმი, სრულიად ახალ პრინციპებზე, ახალ ადგილზე, განახლებული ტექნიკით. ძალიან რთული პროცესია.

ვმუშაობთ და 2018 წელს გვინდა გავუშვათ ახალი არხი „საზოგადოება სპორტი“.  რამდენიმე კვირაში ამ კონცეფციას განსახილველად წარვუდგენთ საზოგადოებრივი მაუწყებლის სამეურვეო საბჭოს.

ძალიან მნიშვნელოვანი განახლება იქნება შემეცნებით-გასართობი გადაცემების კუთხით, დასრულდა კონკურსი, რამდენიმე დღეში დასახელდება გამარჯვებული გადაცემები და დავუცადოთ მაყურებლის სამსჯავროს. ვფიქრობ, ბევრი საინტერესო გადაცემა იქნება. მიმაჩნია, რომ  კონკურსმა გაამართლა.

ვიღებთ სხვადასხვა ჟანრის სამ ქართულ სერიალს, რაც დიდი ხანია არ მომხდარა საზოგადოებრივ მაუწყებელზე. ცალკე საუბრის თემაა და მალე დასრულდება მუშაობა — სოსო ჩხაიძის „შვიდკაცაზე“, რომელიც გვერდზე იყო გადაგდებული ათწლეულების განმავლობაში და მხოლოდ მისი მეუღლის ძალისხმევით გადარჩა. ვფიქრობ, ეს შვიდსერიანი ფილმი საუკეთესი საჩუქარი იქნება მაყურებლისათვის და ამავე დროს მნიშვნელოვანი შენაძენი გახდება ჩვენი კულტურისათვის. 

დასრულდა მუშაობა და ტესტირებას გადის ახალი ვებგვერდი საზოგადოებრივი.გე, რომელიც ჩვენი ვარაუდით იქნება ერთ-ერთი ლიდერი ქართულ საინფორმაციო სივრცეში.

ვიწყებთ ახალ წინასაარჩევნო პროექტს „თვითმმართველობა 2017“. ეს იქნება ძალიან დიდი პროექტი, რომლის ფარგლებშიც, მაქსიმალურად შევეცდებით, მოქალაქეებთან მივიდეთ არა მხოლოდ თბილისში, არამედ საქართველოს თითოეული მუნიციპალიტეტის სოფლებში, სიტყვა გადავცეთ ადამიანებს და მთელ საქართველოს დავანახოთ, რას წარმოადგენს თვითმმართველობა. გვინდა, ძალიან სიღრმისეულად გავაშუქოთ ეს პროცესი. დებატებში მონაწილეობის უფლება მივცეთ რეგიონების წარმომადგენლებს და ეს ვანახოთ მთელ საქართველოს.




 ახალი ამბები
  • საქართველოს ბანკის მხარდაჭერით ყვარელში ვენახი გაშენდასაქართველოს ბანკი აგროსექტორის მხარდაჭერას განაგრძობს. სწორედ ამ მიზნით, ბანკთან თანამშრომლობით, ყვარელში, სოფელ ჭიკაანში, 5 ჰა-ზე საფერავის ჯიშის ვენახი გაშენდა. ი/მ ნაისი ხვედელიძემ საქმიანობა 2019 წლის ნომბერში დაიწყო.  ვენახების გაშენება უკვე დაასრულებულია და 70 ტონა მოსავლის მიღებას მეწარმე 2021 წლის შემოდგომაზე ელის.  მოყვანილი ყურძნის რეალიზაციას კი ადგილობრივ ღვინის მარნებში გეგმავს. პროექტის ჯამური ინვესტიცია 155,000 ლარია, საიდანაც საქართველოს ბანკის თანამონაწილეობა 100,000 ლარს შეადგენს.  პროექტის ფარგლებში ამ ეტაპზე  10 ადამიანია დასაქმებული.   „საქართველოს ბანკი ადგილობრივი წარმოების მხარდაჭერის მიზნით სოფლის მეურნეობის დაფინანსებას განაგრძობს. ამჯერად ბანკის მხარდაჭერით ყვარელში, ქინძმარაულის ზონაში, 5-ჰა ტერიტორიაზე ვენახი გაშენდა. მსგავსი პროექტების განხორციელება მნიშვნელოვანია ჩვენი ქვეყნისთვის, ვინაიდან იგი ხელს უწყობს არა მარტო ბიზნესების განვითარებას, არამედ ახალი სამუშაო ადგილების შექმნას. ჩვენთვის მნიშვნელოვანია ადგილობრივი წარმოების მხარდაჭერა და აქტიურად ვაგრძელებთ ბიზნესების სამომავლო საქმიანობის ხელშეწყობას.“ - განაცხადა მერაბ ახვლედიანმა, საქართველოს ბანკის საცალო ბიზნესის საბანკო მომსახურების დეპარტამენტის დირექტორმა. ... ...
  • EMC გამოთქვამს შეშფოთებას მარნეულში გამოვლენილი ძალადობრივი შემთხვევების გამოადამიანის უფლებების სწავლებისა და მონიტორინგის ცენტრი (EMC) გამოთქვამს შეშფოთებას მარნეულში გამოვლენილი ძალადობრივი შემთხვევების გამო, რომელსაც მათ შორის სამოქალაქო აქტივისტის გიორგი მუმლაძის, საზოგადოებრივი მაუწყებლის ოპერატორის, ტელეკომპანია "მთავარის" ჟურნალისტის ჯეიჰუნ მუჰამედალისა და ოპერატორის ლაშა გურეშიძის ჯანმრთელობის დაზიანება მოჰყვა. დაზარალებული პირების განმარტებით, ამ პროცესში მარნეულის საკრებულოს თავმჯდომარე და სხვა ოფიციალური პირებიც მონაწილეობდნენ. „სამწუხაროდ, ბოლო დღეებში პოლიტიკურ პროცესებთან დაკავშირებით ძალადობის არაერთი მძიმე შემთხვევა დაფიქსირდა ამ რეგიონში. მათ შორის, სოფელ ნახიდურში (ბოლნისის მუნიციპალიტეტი), სადაც რამდენიმე დღის წინ მუქარის ფაქტი ჟურნალისტ ჯეიჰუნ მაჰამედალის მიმართაც დაფიქსირდა. დაუშვებელია წინასაარჩევნო პროცესებში ძალადობრივი მიდგომების გამოყენება, მითუფრო ამ პროცესში საკრებულოს წევრების მონაწილეობა. საგანგაშოა, რომ მედიისა და სადამკვირვებლო ორგანიზაციის წარმომადგენლებს თავს მათ საქმიანობასთან დაკავშირებით დაესხნენ. EMC სამართლებრივ დახმარებას უწევს დაზიანებულ ჟურნალისტებს. ჩვენი ადვოკატი მარნეულის პოლიციის განყოფილებაში გამოკითხვის პროცესებს დაესწრება“,_ ნათქვამია ... ...
  • ოზურგეთში დისტანციური სწავლება 11 ოქტომბრამდე გაგრძელდებაოზურგეთის მუნიციპალიტეტის საგანმანათლებლო რესურსცენტრის უფროსი ლელა იმედაშვილი სოციალურ ქსელში სტატუსს აქვეყნებს, რომელსაც „გურია ნიუსი“ უცვლელად გთავაზობთ. „საქართველოს განათლების, მეცნიერების კულტურისა და სპორტის მინისტრის ბრძანების შესაბამისად ოზურგეთის მუნიციპალიტეტის ტერიტორიაზე არსებულ ზოგადსაგანმანათლებლო დაწესებულებებში (42 საჯარო და 2 კერძო სკოლა) 2020 წლის 28 სექტემბრიდან 2020 წლის 11ოქტომბრის ჩათვლით სასწავლო პროცესი დისტანციური სწავლების სრულად ელექტრონული მოდელის გამოყენებით განხორციელდება. იმედი მაქვს, ჩვენთან არსებული ეპიდემიოლოგიური ვითარება მოგვცემს შესაძლებლობას და სწავლას საკლასო ოთახებში 12 ოქტომბერს განვაახლებთ! გისურვებთ ჯანმრთელობას და წარმატებებს! “ - წერს ფეისბუქზე ლელა ... ...
  • წულუკიანი: ციხეში, პატიმრის და თანამშრომლის უფლებები, ისეა დაცული, როგორც არასდროს (R)ვიცეპრემიერმა, იუსტიციის მინისტრმა თეა წულუკიანმა, სამინისტროს რვაწლიანი საქმიანობის ანგარიში წარადგინა და პენიტენციურ სისტემაში არსებულ მიღწევებზეც ისაუბრა. „დღეს მე თამამად შემიძლია ვთქვა, რომ ქართულ ციხეში არა მხოლოდ პატიმრის უფლებებია უფრო მაღალი ხარისხით დაცული, ვიდრე იყო ოდესმე, არამედ თანამშრომლის ღირსებაც არის დაცული და პატივცემული. ჩვენ უნდა ვაღიაროთ, რომ ჩვენი ხელისუფლების პირველ პერიოდში სწორედ ციხეში სუსტი თანამშრომელი იყო ჩვენი გამოწვევა, რომელიც დღეს აღარ არსებობს. თანამშრომელი დღეს ციხეში აღარ არის სუსტი და დაუცველი. ღიად ვიტყვი, მას აღარ ენატრება წარსული, მას ძალიან მოსწონს აწმყო და ელის კიდევ უფრო კარგ მომავალს, რომელიც, სხვათა შორის, 1-ელ ნოემბერს დადგება“, - განაცხადა თეა წულუკიანმა მისი თქმით, სუსტი თანამშრომელი ციხეში ნიშნავს პატიმრის უფლებების ნაკლები ხარისხით დაცვას და სწორედ ამის გამოსწორება იყო ბოლო დროის მიზანი და პრიორიტეტი. თეა წულუკიანმა აღნიშნა, რომ დღეს გლდანის ციხე არის სამაგალითო დაწესებულება ყველა სხვა დაწესებულებასთან ერთად და მიმართა პენიტენციური დაწესებულებების დირექტორებს, რომ საარჩევნო კამპანიის პერიოდში მათზე უსაფუძვლო დარტყმებია მოსალოდნელი. „ძვირფასო პენიტენციური დაწესებულებების დირექტორებო, ელოდეთ წინასაარჩევნო კამპანიისას უსაფუძვლო დარტყმებს, ელოდეთ კრიტიკას, რადგან მავანი ფიქრობს, რომ რასაც თავად აკეთებდა, იმის სხვისთვის დაბრალებით მოიგებს პატიმრების გულს და დაბრუნდება ხელისუფლებაში. საქართველოს პატიმრებმა, ვადიანებმა და უვადოებმა, ყველამ კარგად იცის, რომ მათი ყველაზე დიდი გულშემატკივარი არის ეს გუნდი - ქართული ხელისუფლების პოლიტიკური გუნდი, იუსტიციის სამინისტრო და პენიტენციური სამსახური. მადლობა თქვენ, პენიტენციური სისტემის თანამშრომლებს, ბატონ გენდირექტორს, ჩემს მოადგილეებს და ყველას შრომისა და მოთმინებისთვის.“, - აღნიშნა თეა წულუკიანმა. ... ...
  • ასპირინის ათტაბლეტიანი ფირფიტა ერთ ლარად: „ამის ფასიც კორონამ გაზარდა?“ ოზურგეთში , ძირითადად კი სხვადასხვა წვრილმანის ჯიხურებსა და დახლებთან, ასპირინის ათტაბლეტიან ფორფიტას,  ერთ ლარად ყიდიან. გამყიდველები  ასევე  თეთრი ფერის „ლისტებს“ მოარბენინებენ და  ამბობენ, რომ ცოტა იაფად, სამი ფირფიტა 2 ლარად, მხოლოდ ასეთი იყიდება _წითელწარწერიანი ერთი ლარია და თეთრიც არ დააკლდება! _ ამბობენ ისინი. რაც შეეხება სოციუმს _  ქუჩაში, მაღაზიებში, სოფლის ავტობუსებსა და ზოგადად, ნებისმიერ კერძო საუბარში, ამბობენ, რომ „კორონავირუსის   კვლავ მოძალების შემდეგ,  ხალხში ხმა გავრცელდა, რომ ეს საწინააღმდეგო ანტიბიოტიკია. _ამიტომ დაიტაცეს. ასე იყო გაზაფხულზეც, _  თავიდან რომ გავრცელდა ეს ვირუსი.   ჯერ პირბადეებზე იყო წეწვა-გლეჯა, მერე ნიორზე - ერთი კილოგრამის ფასი 22 ლარზე რომ აიყვანეს. რა ვიცით, ხალხი ხშირად „ხამობს“ - გვეუბნებიან ოზურგეთის ქუჩებში მოსიარულე ადამიანები. ნაწილი მომხმარებლებისა ამტკიცებს, რომ შემოდგომაა და  ქალბატონები, როგორც წესი,  საზამთროდ  შესანახ კერძებში ურევენ და ამიტომ არის ნაკლებობა.  აფთიაქებში კი ასპირინი საერთოდ არ არის. „არ შემოდის, არ ვიცით, რატომ“ _ მოკლე პასუხი   აქვს ყველა ... ...

არქივი

ტესტები

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...
free polls