"გურია" "პოპანდოპულოს" მოლოდინში

სპორტი

"გურია" "პოპანდოპულოს" მოლოდინში

2017 იან 12 19:16:22

გასული წელი წარუმატებელი რომ გამოდგა საფეხბურთო კლუბ ლანჩხუთის "გურიასთვის", ეს ფაქტია _ კლუბი, რომელმაც ბოლო წლებში ხუთ მილიონ ლარამდე დაფინანსება მიიღო, უმაღლეს ლიგიდან გავარდა.

ფეხბურთის გულშემატკივართა და არა მარტო მათი მოსაზრებით, ეს საფრთხე "გურიას" აგერ უკვე რამდენიმე სეზონია თან სდევდა და გასაკვირი არც არაფერი გახლდათ, რადგან, ეტაპობრივად და მიზანმიმართულად ხდებოდა კლუბის მართვის სადავეების საფეხბურთო საქმეებში გაუთვითცნობიერებელ ადამიანთა ხელში ჩაგდება. სწორედ ამის გამოძახილი იყო ლანჩხუთის მუნიციპალიტეტის საკრებულოს ერთ-ერთი სხდომა, რომელიც "გურიას" მიეძღვნა და სადაც საკრებულოს წევრებმა პირდაპირ მიახალეს კლუბის დირექტორებს _ საქმე არ იცით და სახლში უნდა წახვიდეთო. იმ სხდომაზე საკრებულომ გამგებელს, ზაზა ურუშაძეს, რომელიც პირადად კურატორობდა ფეხბურთს და "გურიას", დავალება მისცა, შესაბამისი საკადრო ცვლილებები მოეხდინა.

ჩვენი ინფორმაციით, ჯერჯერობით, ცვლილება არ მომხდარა და დირექტორატის წევრები ისევ ინარჩუნებენ პოსტებს. მათ შორის, აღმასრულებელი დირექტორი ოთარ ჩხაიძეც, რომლის "გურიას" მმართველად დანიშვნამ, თავის დროზე ბევრი კითხვის ნიშანი გააჩინა, რადგან მანამდე იგი გრიგოლეთის ბაზას ხელმძღვანელობდა და დიდ სკანდალშიც გაეხვია _ საუბარია ბაზაზე არსებული წყლის ავზებისა და დამხმარე ნაგებობების რკინის კონსტრუქციების ჯართში ჩაბარებაზე, რაზეც გამგეობის აუდიტის სამსახურმა სკანდალური დასკვნაც შეადგინა. მაშინ, გამგებელი იძულებული გახდა, ჩხაიძე თანამდებობიდან გაეთავისუფლებინა, მაგრამ მოულოდნელად, მას უფრო საპასუხისმგებლო თანამდებობა ანდო, რითაც ზოგს ეჭვი გაუღვივა, რომ ოთარ ჩხაიძემ გამგებელთან შეთანხმებით გაყიდა ზემოთ ხსენებული ჯართი.

სხვათა შორის, გრიგოლეთის ბაზა "აქილევსის ქუსლად" იქცა კლუბისთვის _ მორიგი სკანდალი მას შემდეგ აგორდა, რაც ბაზის ძველი შენობის ნარჩენები, "გურიამ" აუქციონზე გამოიტანა და გაყიდა, როგორც მუნიციპალური ქონება. საკრებულოს იმავე სხდომაზე კლუბის ფინანსურმა დირექტორმა, თენგიზ კიკვაძემ დაასახელა მიზეზი, თუ რას იკვლევს ანტიკორუფციული სამსახური და ისიც აღიარა, რომ კლუბს არ ჰქონდა მუნიციპალური ქონების გასხვისების უფლება.

ჩვენი ინფორმაციით, სწორედ კიკვაძეა ის ერთადერთი ადამიანი, ვინც თავის თავზე იღებს პასუხისმგებლობას და თანამდებობის დატოვებასაც აპირებს. არადა, მის აქტივშია კლუბში ფინანსური სიტუაციის დალაგება და ლიცენზირების მიღება. თუმცა, იმავე სხდომაზე საკრებულოს წევრმა თემურ ალექსაიამ მას უთხრა, რომ "ლიცენზირებულ გავარდნას ულიცენზიოდ უმაღლეს ლიგაში დარჩენა" ერჩივნა.

საგულისხმოა, რომ არც ოთარ ჩხაიძე და არც ის ადამიანები, რომლებიც კლუბს სწორედ სპორტული კუთხით კურირებდნენ, არ აპირებენ პასუხისმგებლობის აღებას იმ არასწორ საკადრო პოლიტიკაზე, რამაც "გურია" საბოლოოდ კრახამდე მიიყვანა. საინტერესოა, ვინ უნდა აგოს პასუხი ამდენ შეცვლილ მწვრთნელზე და ორასზე მეტი ფეხბურთელის სელექციაზე?! სამწუხაროდ, ამ ეტაპზე იკვეთება მხოლოდ ის, რომ სწორედ თენგიზ კიკვაძეზე "გადატყდება ჯოხი", თორემ სხვა მხრივ სიტუაცია არ შეიცვლება, საკითხი არა პროფესიონალურად, არამედ პირადი ინტერესების გათვალისწინებით გადაწყდება და გარკვეულ პარტიულ ჭრილში მოხდება მიზნის მიღწევა. არადა, საკრებულოს მაშინდელ სხდომაზე ითქვა, რომ კლუბში პროფესიონალები უნდა დავაბრუნოთო და ძველი წარმატებული შემადგენლობის დაბრუნებაზეც გაკეთდა აქცენტი. საუბარია კახა ებრალიძესა და მის გუნდზე, რომლებმაც თავის დროზე "გურია" უმაღლეს ლიგაში გადაიყვანეს და წარმატებული საქმიანობის მიუხედავად ისინი მაინც ჩამოაშორეს კლუბს.

ჰქონდა თუ არა რაიმე კონკრეტულ შეთავაზებას ადგილი, ამას თავად კახა ებრალიძე ჩვენთან საუბარში არც უარყოფს და არც ადასტურებს:

"ჯერჯერობით, ვერაფერს გეტყვით, ამ ეტაპზე მხოლოდ პირადი საქმეებით ვარ დაკავებული".

საკრებულოს დეპუტატთა ერთი ნაწილი ღიად უჭერს მხარს "გურიას" სათავეში ძველი კადრების მოსვლას და ამ საქმის ბოლომდე მიყვანაც აქვთ გეგმაში. თუმცა, ჩვენივე ინფორმაციით, კახა ებრალიძე ერთადერთი კანდიდატურა არაა და საქმეში სხვებიც ფიგურირებენ. საუბარია ნუგზარ ჩხაიძეზე, რომელიც ლანჩხუთის ყოფილი მაჟორიტარი დეპუტატის, თემურ ჩხაიძის უახლოესი მეგობარია და როგორც ამბობენ, სწორედ თემურ ჩხაიძეა დაინტერესებული ამ საქმით.

ამბობენ იმასაც, რომ ამით იგეგმება თავად თემურ ჩხაიძის კლუბში დასაქმებაც.

თავად თემურ ჩხაიძე ჩვენთან საუბარში კატეგორიულად უარყოფს ვინმეს ლობირებას და საერთოდ, ამ საქმესთან რაიმე კავშირს:

"სისულელეა ეს ყველაფერი! მე არავის არ ვლობირებ, საერთოდ არ ჩავრეულვარ და არც ახლა ვერევი კლუბის საკითხებში. მით უმეტეს, არც იქ დასაქმებას ვგეგმავ. ამ ეტაპზე სახლში ვარ და ვისვენებ. არც კლუბიდან და არც სხვა მხრიდან არანაირი შეთავაზება არ მქონია დასაქმების თაობაზე", _ გვითხრა თემურ ჩხაიძემ.

"გურია ნიუსის" წყაროს ცნობით, საუბარია კიდევ ერთ კანდიდატზე _ თემურ ალექსაიაზე, რომელიც ლანჩხუთის მუნიციპალიტეტის საკრებულოს წევრია და კლუბში რამდენიმე წლის წინ მუშაობდა. მაშინ მას კლუბის პრეზიდენტის, კობა მირზაშვილის მოადგილის პოსტი ეკავა. უნდა ითქვას, რომ სპორტული კუთხით იმ პერიოდში "გურია" საკმაოდ წარმატებული იყო, მაგრამ მაშინ ალექსაია მისმა ოპონენტებმა ფინანსურ სკანდალში გახვიეს _ საუბარია კლუბის კუთვნილ გარკვეულ თანხაზე, რომელიც მირზაშვილის მაშინდელი მტკიცებით, ალექსაიამ შვილის ქორწილისთვის დახარჯა. თუმცა, რაიმე გაგრძელება ამ სკანდალს არ მოჰყოლია, თუ არ ჩავთვლით იმას, რომ გამგებელმა მირზაშვილი მაშინ გუნდიდან გაუშვა, ალექსაია კი ბავშვთა საფეხბურთო სკოლაში გადაიყვანა დირექტორის მოადგილის პოსტზე.

თემურ ალექსაიას თქმით, კონკრეტული შემოთავაზება მას ზემოთ ნახსენებ თანამდებობასთან დაკავშირებით, ჯერჯერობით, არ ჰქონია:

"ჩემთვის აქამდე არავის არაფერი შემოუთავაზებია, თუმცა, პირადად, კლუბში მუშაობის სურვილი კი მაქვს", _ გვითხრა ალექსაიამ.

 "გურიას" მომავალზე კითხვები გვქონდა საკრებულოს თავმჯდომარესთან, თუმცა, გოგი ხელაძემ კომენტარის გაკეთება არ ისურვა.

რაც შეეხება მუნიციპალიტეტის გამგებლის პოზიციას, რომელმაც საბოლოო გადაწყვეტილება უნდა მიიღოს, ამ ეტაპზე ის კლუბში არანაირ ცვლილებებს არ აანონსებს:

"სპონსორს ველოდებით, არანაირი ცვლილებები არ იგეგმება", _ ასეთი კომენტარი გააკეთა ზაზა ურუშაძემ კლუბში მიმდინარე მოვლენებთან დაკავშირებით.

სპონსორის თემა ერთგვარ სატყუარად მიაჩნია გულშემატკივართა ნაწილს. ისინი თვლიან, რომ გამგებელს, უბრალოდ, დრო გაჰყავს. არადა, საუბარია მერაბ ჟორდანიაზე, რომელიც დაინტერესებული ყოფილა "გურიათი" და ეს ამბავი ჯერ კიდევ გასულ წელს, საპარლამენტო არჩევნებამდე გაჟღერდა. უფრო მეტიც _ გასული წლის ბოლო დღეებში მას ლანჩხუთშიც ელოდნენ, მაგრამ ეს შეხვედრა რამდენჯერმე გადაიდო.

რამდენად რეალურია ეს თემა, ამაზე ღიად არავინ საუბრობს, მაგრამ ფეხბურთის ქომაგთა თქმით, დიდი შანსია, სპონსორს "პოპანდოპულოსავით" ველოდოთ.




 ახალი ამბები
  • ლაგოდეხში მდინარეში ჩავარდნილი მოსწავლის ცხედარი იპოვესლაგოდეხში მდინარეში ჩავარდნილი მოსწავლის ცხედარი იპოვეს. მას მეორე დღეა, რაც ეძებდნენ.  „ნინოსხევის ჩანჩქერის“ მიმდებარე ტერიტორიაზე, ექსკურსიაზე მყოფი სკოლის მოსწავლეებიდან ერთ-ერთი მდინარეში გადავარდა. შინაგან საქმეთა სამინისტრომ მომხდარზე გამოძიება საქართველოს სსკ-ს 115-ე მუხლით დაიწყო, რაც თვითმკვლელობამდე მიყვანას ... ...
  • 16 წლის გოგონას სამძებრო სამუშაოებში მყვინთავები ჩაერთნენლაგოდეხში, 16 წლის მოზარდის სამძებრო სამუშაოებში მყვინთავები ჩაერთნენ. ექსკურსიაზე მყოფ მოსწავლეს, რომელსაც გურგენიანის ჩანჩქერის მიმდებარე ტერიტორიაზე ფეხი დაუცდა და ხევში გადავარდა, მაშველები მთელი ღამის განმავლობაში ეძებდნენ. რეინჯერების ინფორმაციით, ცნობილია მისი ადგილსამყოფელი, თუმცა, რთული მდებარეობის გამო, ადგილამდე მიღწევა ვერ ხერხდება. სპეციალისტები ამბობენ, რომ სამძებრო სამუშაოების დასასრულებლად მდინარეს კალაპოტი უნდა შეუცვალონ. უბედური შემთხვევა გუშინ მოხდა. კერძო სკოლა "ალბიონის" მოსწავლეები ექსკურსიაზე იმყოფებოდნენ, რა დროსაც 16 წლის მოზარდს ფეხი დაუცდა და დინებამ წაიღო. ექსკურსიაზე მყოფი მოსწავლეები და მშობლები ლაგოდეხის პოლიციაში წუხელვე გამოჰკითხეს. მომხდარ ფაქტთან დაკავშირებით განცხადება გაავრცელა დაცული ტერიტორიების სააგენტომ. მასში ნათქვამია, რომ ლაგოდეხის დაცულ ტერიტორიაზე, „ნინოს ხევის ჩანჩქერის" მარშრუტზე ადიდებულია მდინარე, დაზიანებულია ინფრასტრუქტურა და ვიზიტორებს ალტერნატიული ტურისტული ბილიკებით სარგებლობისკენ და წესების მკაცრად დაცვისკენ ... ...
  • ოზურგეთში დამოუკიდებლობის დღეს ზეიმობენოზურგეთის ჭადრების ბაღში დილიდანვე საზეიმო განწყობა სუფევს.  ხალხმრავლობაა სამხედრო მოსამსახურეებთან. აქ წარმოდგენილია ქუთაისის 32-ე ბატალიონი. როგორც სამხედრო მოსამსხურეებს, ტექნიკას ინტერესით  ეცნობიან, როგორც დიდები, ისე პატარები. იღებენ ამახსოვრო ფოტოებს.  12 საათისთვის აქ გურიის  გურიის გუბერნატორი ზურაბ ნასარაია და გარემოს დაცვის  და სოფლის მეურნეობის მინისტრის მოადგილე სოლომონ პავლიაშვილი მოვიდნენ. _მინდა მთელ საქართველოს მივულოცო დღევანდელი დღე. წელს წილად გვხვდა ბედნიერება ოზურგეთში ვუმასპინძლოთ გამოფენას. აქ ნახავთ კულინარიულ გამოფენას, ქართული ღვინის გმოფნა-გაყიდვას, გაეცნობით წარმატებულ ადაიანებს ,- თქვა მან. ხელისუფლების წარმომადგენლებმა, მინისტრის მოადგილესთან ერთად, ტერიტორიული მტლიანობისთვის დაღუპულთა მემორიალი გვირგვინებით შეამკეს. ზეიმი ამ წუტებშიც ... ...
  • ყაჩაღობა ოზურგეთში - უცნობმა პირებმა დისტრიბუციის მანქანა დააყაჩაღესოზურგეთის მუნიციპალიტეტის სოფელ შემოქმედის და სოფელ ცხემლისხიდის საზღვარზე ყაჩაღობის ფაქტს ჰქონდა ადგილი. “გურია ნიუსის“ ინფორმაციით, ერთ-ერთი დისტრიბუციის მანქანა უცნობმა პირებმა დააყაჩაღეს. ყაჩაღობის ფაქტი დღის საათებში მოხდა. არაოფიციალური ინფორმაციით, წაღებულია 20 000 ლარის  საქონელი. შს სამინისტროს პრესსამსახურის ინფორმაციით, გამოძიება ფაქტთან დაკავშირებით ორი მუხლით მიმდინარეობს: სისხლის სამართლის კოდექსის 179-ე და  236-ე მუხლებით,  რაც გულისხმობს ყაჩაღობას და ცეცხლსასროლი იარაღის მართლსაწინააღმდეგო შეძენა, შენახვა, ტარება. ამ ეტაპზე აქტიურ რეჟიმში მიმდინარეობს საგამოძიებო მოქმედებები. მომხადარის შედეგად დაშავებული ან რაიმე სახის დაზიანებებით არავინ არ ... ...
  • რატომ არ ჩატარდება დამოუკიდებლობის დღისადმი მიძღვნილი კონცერტი ლანჩხუთში დამოუკიდებლობის დღისადმი მიძღვნილი კონცერტი, რომელიც 26 მაისს ლანჩხუთის კულტურის სახლში უნდა გამართულიყო, გაუქმეულია _ ამის მიზეზი 23 მაისს, სოფელ სუფსაში მომხდარი ავტოსაგზაო შემთხვევაა, რა დროსაც ოთხი ახალგაზრდა ადგილზე დაიღუპა, მათ შორის, ლანჩხუთის ჯანდაცვის საზოგადოებრივი ცენტრისა და სასწარაფო დახმარების ექიმი, არჩილ კვაჭაძე. როგორც ლანჩხუთის მერიაში გვითხრეს, 26 მაისს დაგეგმილი ყველა სხვა სახის ღონისძიება დაგეგმილი გრაფიკის მიხედვით გაიმართება, გარდა კონცერტისა. „23 მაისს მომხდარი ტრაგიკული შემთხვევის გამო 26 მაისს, დამოუკიდებლობის დღისადმი მიძღვნილი ღონისძიებების პროგრამიდან ამოღებულია და აღარ ჩატარდება  საზეიმო კონცერტი, რომელიც კულტურის სახლში იყო დაგეგმილი“, _ გვითხრა მერიის პრესასთან ურთიერთობის განყოფილების ხელმძღვანელმა მაკა ... ...

არქივი

ზაფრანი

ნივთების ისტორიიდან - ტუნიკა

ახლა უკვე ძნელია იმის თქმა,...

როდის ხდება წყლის დალევა ორგანიზმისთვის მავნებელი

არ შეიძლება ნებისმიერი სითხის სულმოუთქმელად...

ნუ დანებდებით

ვის არ უჩხუბია და უკამათია......

ნაბახუსევზე მარილიანი ყავა სასარგებლოა

ნებისმიერ ადამიანს ხშირად ერთი პრობლემა...

მიირთვით ბევრი ვაშლი, კივი და ფორთოხალი

მწვანე ჩაი არა მხოლოდ აუმჯობესებს...

ბრიტანელმა სწავლულებმა სინათლის სხივების შენელება ისწავლეს

ბრიტანელმა სწავლულებმა კიდევ ერთი ნაბიჯით...
კარმიდამო ჩემი

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...

როგორ ვკვებოთ ქათამი, რომ საუკეთესო კვერცხი მოგვცეს

სოფლის პირობებში, როცა შინაურ ფრინველს...

"საქართველოში მოყვანილი მანდარინის ჩირი მსოფლიოში საუკეთესოა"

ოზურგეთში, სოფელ გურიანთაში მცხოვრები იუზა...

დედამიწაზე სიცოცხლის წარმოშობის საიდუმლო

ბრიტანელმა სწავლულებმა, შესაძლოა, გახსნან მეცნიერების...

ეკონომიური დიეტა

ამბობენ, სწორად შერჩეული რაციონი ძვირი...

რა რაოდენობის მარილი გვჭირდება დღეში

მარილი აუცილებელია, რომ ორგანიზმმა სწორად...

წიწიბურა წნევას არეგულირებს

წიწიბურა ადამიანისთვის ძალიან სასარგებლო და...