„გურიას“ გასხვისების მოულოდნელი დასასრული

სპორტი

„გურიას“ გასხვისების მოულოდნელი დასასრული

2018 სექ 14 16:41:38

დღეს დასრულდა აუქციონი „გურიას“ მართვის უფლების გადაცემაზე, რომელშიც მონაწილეობა მიიღო ორმა კომპანიამ: შპს  „ლაიონს ბილდინგ დეველოპმენტმა“ და „ბლექ სი მედია ჯგუფმა“.  გაირკვა, რომ აუქციონში საბოლოო გამარჯვება 34 900 ლარად „ბლექ სი გრუპ მედიამ“ მოიპოვა, რომლის დამფუძნებელი ჟურნალისტი მამუკა ქანთარიაა. ქანთარია წლების განმავლობაში კლუბში მედიაოფიცრის პოსტს იკავებდა.

ქანთარიას სახელი „გურიასთან“ მიმართებაში გასული წლის მიწურულსაც გადაიკვეთა, როცა მან კლუბის დირექტორის სავარძელი მხოლოდ რამდენიმე საათით დაიკავა. როგორც მაშინ გაჟღერდა, წინასაახალწლო დღეებში ლანჩხუთის მუნიციპალიტეტის მერს ალექსანდრე სარიშვილს  ამ თანამდებობაზე ჟურნალისტ მამუკა ქანთარიას დანიშვნა ჰქონდა გადაწყვეტილი, მეტიც, კანდიდატურის შესათანხმებლად საქმის კურსში მხარის გუბერნატორიც ყოფილა, რომელსაც, როგორც მაშინ გაჟღერდა,  ქანთარია-სარიშვილი ერთად შეხვდნენ კიდეც. არსებული ინფორმაციით,  მწვანე შუქი ქანთარიას კანდიდატურისთვის ფეხბურთის ფედერაციასაც აუნთია, მიუხედავად იმისა, რომ მის უკან კახა ებრალიძის გუნდი მოიაზრებოდა. სწორედ ამის შემდეგ მერს გადაწყვეტილება მიუღია, რომ ბრძანება დაეწერა და „გურია“ მამუკა ქანთარიას გუნდისთვის  ოფიციალურად ჩაებარებინა. თუმცა, ეს გადაწყვეტილება სარიშვილმა  დეპუტატ ნინო წილოსანის ჩარევის შემდეგ გააუქმა.

მაშინ „გურია ნიუსთან“ საუბრისას  სარიშვილი ამბობდა,  რომ მას მართლაც ჰქონდა შეხვედრა და კონსულტაციები  მამუკა ქანთარიასთან, თუმცა, მისი დანიშვნის საბოლოო გადაწყვეტილებას კატეგორიულად უარყოფდა.
თავად ნინო წილოსანი  კი  „გურია ნიუსთან“ კომენტარში ადასტურებდა, რომ მისთვის ლანჩხუთის „გურია“ და მისი წარმატება პრიორიტეტული საკითხია, თუმცა, ამტკიცებდა, რომ  ნებისმიერ საკითხზე საბოლოო გადაწყვეტილების მიღებისას მუნიციპალიტეტის მერი დამოუკიდებელია.

ასეა თუ ისე, მუნიციპალიტეტის მესვეურთა ჩანაფიქრმა, რომ კლუბი სამართავად შპს  „ლაიონს ბილდინგ დეველოპმენტისთვის“ გადაეცათ, მოულოდნელი მარცხი იწვნია და ცოტა არ იყოს, იმთავითვე გაუგებარი იყო, რა საჭიროებას წარმოადგენდა აუქციონის გამართვა საამისოდ, როცა შეიძლებოდა, პირდაპირ ა(ა)იპ-ის მართვის უფლება მიეცათ ამ გუნდისთვის. ანუ, უბრალოდ რომ ვთქვათ, დავით ყენიას მაგიერ ამ კომპანიის წარმომადგენელი დაენიშნათ. თუმცა,  სავარაუდოდ  ყენია პოსტის დატოვებაზე ყაბულს არ იყო და ამ უხერხულობის თავიდან ასაცილებლად აუქციონი საუკეთესო გამოსავცალი იყო, რომლის საბოლოო შედეგმა სულ სხვა რეალობა აჩვენა.  

აქვე საინტერესოა ერთი დეტალიც _ აუქციონის გამართვის დღეს ადგილობრივი მედიის ფურცლებზე ნინო წილოსანის სარეკლამო განცხადება გავრცელდა, რომლის მიხედვითაც მისთვის მოულოდნელი იყო აუქციონზე გუნდის ასე ნაჩქარევად გატანა.

„ხელშეკრულების პირობები და ვალდებულებები, ასევე, ის გეგმები, რომელთა გახორციელებას დაინტერესებული კომპანია (იგულისხმება  შპს  „ლაიონს ბილდინგ დეველოპმენტი“) გუნდში გეგმავს, პირადად ჩემთვის ბუნდოვანია და უამრავი ინტერპრეტაციის საშუალებას იძლევა, რაც თავისთავად გუნდისთვის კარგი ვერ იქნება“, _ წერს წილოსანი.

მანამდე კი მან პროტესტი ფეისბუქის საკუთარ გვერდზე გამოთქვა: „შემთხვევით, ფბ-ს მეშვეობით ვიგებ, რომ თურმე გუნდი, რომელსაც ძალიან ვგულშემატკივრობ, დიდ ცვლილებებშია. ისეთი საჯარო ინტერესის მქონე თემაზე, როგორიც "ლანჩხუთის გურიაა", ვფიქრობდი, მინიმუმ, მოსაზრების დაფიქსირების საშუალება მაინც მომეცემოდა გადაწყვეტილების მიღებამდე“.

იმავეს ამტკიცებდა გაზეთი „გურია თუდეი“, რომელსაც აუქციონში გამარჯვებული კომპანია „ბლექ სი გრუპ მედია“ გამოსცემს, რაც საზოგადოების გარკვეულ ნაწილში ეჭვს აჩენს, რომ ამ კომპანიის უკან ლანჩხუთის მაჟორიტარი დეპუტატი დგას.

მამუკა ქანთარია ადასტურებს, რომ მისმა კომპანიამ მართლაც გაიმარჯვა ზემონახსენებ აუქციონში და დეტალებზე საუბარს უახლოეს დღეებში გეგმავს. რაც შეეხება  მისი აუქციონში მონაწილეობასთან ნინო წილოსანის  კავშირს, ამ ფაქტს უარყოფს.

ამ კავშირს მკაცრად უარყოფს თავად ნინო წილოსანიც.

„სასაცილოა, ამ კითხვებზე რომ მიწევს პასუხის გაცემა. იქნებ ჩამოყალიბდეს ამ დეზინფორმაციის გამავრცელებელი, რომელი ერთი კომპანიის უკან დგას ჩემი ინტერესები.  უკვე ძალიან არასერიოზული და პარანოიკულია, რომ ყველა მონაწილე კომპანიის უკან მე მხედავდეთ, მაშინ, როცა საერთოდ არ არსებობს ჩემი დაინტერესება“, _ ამბობს წილოსანი.




 ახალი ამბები
  • გიორგი გახარია: "ყველაზე დიდი დარტყმა მიიღო პოლიციამ"შინაგან საქმეთა მინისტრმა გიორგი გახარიამ დაშავებული პოლიციელები მოინახულა და მათ ჯანმრთელობის მდგომარეობას ადგილზე გაეცნო. გიორგი გახარიამ პოლიციელებს მადლობა გადაუხადა და განაცხადა, რომ გამოძიების შედეგად, იდენტიფიცირებული იქნება თითოეული პოლიციელზე თავდამსხმელი, რასაც კანონის შესაბამის ზომებს მიიღება მოჰყვება. მინისტრმა, ასევე, მადლობა გადაუხადა პანკისის ხეობის თემის უხუცებსაც ერთად მიღწეული შედეგისთვის: „მოვინახულე პოლიციის დაშავებული თანამშრომლები. ძირითადად, ეს, გახლავთ ნასროლი ქვებისგან მიღებული დაზიანებები. კიდევ ერთხელ ხაზგასმით ვიტყვი, რომ თითოეული ადამიანი იქნება იდენტიფიცირებული და თითოეული ადამიანი, რომელმაც გაბედა პოლიციელზე თავდასხმა, იქნება შესაბამისად დასჯილი. ამას მე ვპირდები თითოეულ პოლიციელს და თითოეულ ჩვენს მოქალაქეს. საბედნიეროდ, მძიმე შემთხვევები არ გვაქვს _ ერთ პოლიციელს დაზიანება აქვს თავის არეში. მას ახლა აკვირდებიან ექიმები და იმედი გვაქვს, რომ ყველაფერი სერიოზული გართულების გარეშე გამოვა. ამ მომენტისთვის მიმდინარეობს საგამოძიებო მოქმედებები. ჩვენ დეტალურად შევისწავლით ყველა კამერაზე ასახულ ყველა მოვლენას, თითოეული ადამიანის და თითოეულ ჩვენ პოლიციელზე თავდასხმის შემთხვევას და მხოლოდ ამის შემდგომ, კანონის სრული შესაბამისობით გავატარებთ იმ ზომებს, რის საშუალებასაც გვაძლევს იურისდიქცია. სიტუაცია დამშვიდებულია, დაწყნარებულია, შედეგი მიღწეულია, როგორც კომპანიის ინტერესებიდან გამომდინარე, ასევე, საქართველოს ენერგოუსაფრთხოებიდან გამომდინარე და რა თქმა უნდა, მოქალაქეების და ადგილობრივი მცხოვრებლების ინტერესებიდან გამომდინარე. ყველაზე დიდი დარტყმა მიიღო პოლიციამ. ჩვენ გვესმის, რომ გვაქვს უაღრესად დიდი თმენის ვალდებულება, რომელიც განახორციელა თითოეულმა ადამიანმა, რომელიც დღეს აქ იმყოფება. მე მათ მინდა მადლობა გადავუხადო, გადავუხადო მადლობა ყველა იმ პოლიციელს, რომელსაც ამ ღონისძიებაში, ნებსით თუ უნებლიეთ, დღეს იღებდა მონაწილეობას. მათ ღირსეულად შეასრულეს თავისი ფუნქცია-მოვალეობა. რაც მთავარია, მადლობა მინდა გადავუხადო, ასევე, უხუცესებს, რომლებთან საუბარშიც ჩვენ ობიექტურ რეალობასთან დაახლოებაც შევძელით და მივაღწიეთ იმ შედეგს, რომელიც ეფექტური იქნება ხვალინდელი დღისთვის, როგორც ხეობის, ასევე ქვეყნისთვის. კიდევ ერთხელ ხაზგასმით ვიტყვი, რომ ყველა ჩვენი, თითოეული მოქალაქის, თითოეული პოლიციელის, თითოეული პანკისელის ინტერესი და მიზანი უნდა იყოს ძლიერი საქართველო და ამას მივაღწევთ!“ _ განაცხადა გიორგი ... ...
  • გახარია: ‘სამინისტრო იძულებული იყო, მოეხდინა ძალების მობილიზება“შინაგან საქმეთა მინისტრმა გიორგი გახარიამ პანკისის ხეობაში დღეს განვითარებულ მოვლენებზე ჟურნალისტების კითხვებს უპასუხა. გახარიას განცხადებით, შინაგან საქმეთა სამინისტროს ვერავინ ვერასდროს შეუზღუდავს არეალებს _ „სამინისტრო როდესაც ჩათვლის საჭიროდ, რომ მის თანამშრომლებსა და საქართველოს მოქალაქეებს ემუქრებათ საფრთხე, იმოქმედებს ისე, როგორც საჭიროა“. როგორც მინისტრმა განაცხადა, „თითოეული ძალოვანი, რომელიც დღეს პანკისის ხეობაში დგას, იცავს ყველას, მათ შორის, სოფელ ბირკიანის მოსახლეობის ინტერესსაც“. მინისტრის თქმით, პანკისის ხეობაში დამატებითი ძალების შეყვანა მოხდა მაშინ, როდესაც დილას ადგილობრივები 35 ფორმიან პოლიციელს დაუპირისპირდნენ: „შემდგომ სიტუაცია დარეგულირდა, დაიწყო მოლაპარაკებები, ამ მოვლენების პარალელურად კი კონფლიქტი გამწვავდა და უკვე მწვავე ფაზაში შევიდა. შსს-ს ოფიციალურად მიმართა ეკონომიკის სამინისტრომ, რომ აქ იწყებოდა გარკვეული სამუშაოები და უსაფრთოხების დაცვის მიზნით, ითხოვეს მათი მხარდაჭერა. ამიტომ დილით, როდესაც მშენებლები აქ ამოვიდნენ, მათ ამოჰყვათ 35 პოლიციელი. მას შემდეგ, რაც მოხდა მათზე თავდასხმა და დაუშინეს ქვები, რა თქმა უნდა, სამინისტრო გახდა იძულებული, მოეხდინა ძალების მობილიზება. დამატებითი ძალების მობილიზების აუცილებლობა იყო იმიტომ, რომ შსს ვალდებულია ყველგან, მთელი საქართველოს ტერიტორიაზე დაიცვას მოქალაქეების ჯანმრთელობა და უსაფრთხოება. ვერავინ ვერასდროს შსს-ს ვერ შეუზღუდავს არეალებს. შინაგან საქმეთა სამინისტრო როდესაც ჩათვლის საჭიროდ, რომ მის თანამშრომლებსა და საქართველოს მოქალაქეებს ემუქრებათ საფრთხე, იმოქმედებს ისე, როგორც საჭიროა“, _ თქვა ... ...
  • "გაიღიმეთ" _ უტიფრად გვეუბნება მინისტრი, როდესაც კვამლშია გახვეული პანკისის ხეობა"„მთავარი პრობლემა პანკისის ხეობაში არის უპატრონობა ცენტრალური ხელისუფლების მხრიდან, ჰესი არის აისბერგის წევრი,“ - ასე გამოეხმაურა „ევროპული საქართველოს“ წევრი, გიგი უგულავა პანკისში განვითარებულ მოვლენებს. გიგი უგულავამ პანკისელებს სიმშვიდისკენ მოუწოდა. სიმშვიდე არის მათი თავდაცვის და სიმართლის დამტკიცების ყველაზე კარგი საშუალება. მან ხელისუფლების მიერ გადადგმულ არასწორ ნაბიჯებზე ისაუბრა. „მიუღებელი საყურებელია, როდესაც ვხედავთ პოლიციელების მიმართ ნასროლ ქვებს, ჯოხებს, უნდა გვესმოდეს რატომ მივიდეს ულამაზესი და მნიშვნელოვანი რაიონი ამ ვითარებამდე. ბოლო 7 წელია ივანიშვილი და მისი მთავრობა ყოველდღიურ რეჟიმში დგამს იმ უგუნურ ნაბიჯებს, რამაც საბოლოო ჯამში აქამდე მიგვიყვანა. აქ იგულისხმება ის, რომ სახელმწიფოდა ცენტრალური მთავრობა, არცერთი შტო აღარ წარმოადგენს იქ ფაქტორს. ვაკვირდებით კადიროვის ხალხის და ISIS-ის რეკრუტირების ძალიან სახიფათო, მავნებლურ სახელმწიფოსთვის კამპანიას, რასაც ჩვენი ხელისუფლება არაფერს და ვერაფერს უპირისპირებს... "გაიღიმეთ" უტიფრად რომ გვეუბნება მინისტრი, როდესაც კვამლშია გახვეული პანკისის ხეობა, ეს არის უტიფრობის ზეიმი გახარიას და მთავრობის მხრიდან,“- აღნიშნა უგულავამ რუსთავის 2-ის ... ...
  • აქციის შედეგად დაზიანებული სპეცტექნიკა _ "გურია ნიუსის" ფოტორეპორტაჟი პანკისიდანმძიმე დღის შედეგი პანკისიდან _ ამ დროის მონაცემებით დაშავებულია 27 ადამიანი. აქედან 12 პანკისის მცხოვრებია, ხოლო დანარჩენები სპეცრაზმელები არიან. დაპირისპირების შედეგად დამწვარია ჰესის მშენებელი კომპანიის ტექნიკა და შინაგან საქმეთა სამინისტროს ... ...
  • ნიკა მელია: ასეთი ცინიკური შს მინისტრი ამ ქვეყანს არ ჰყოლია„ეს იყო თავზე ხელაღებული ბიძინა ივანიშვილის ხელის ბიჭის ქმედება," - ასე გამოეხმაურა „ნაციონალური მოძრაობის“ წევრი ნიკა მელია პანკისში განვითარებულ მოვლენებს. მან შს მინისტრს, გიორგი გახარიას კრიმინალი უწოდა. ნიკა მელიამ მკაცრად გააკრიტიკა ხელისუფელების მიერ გადადგმული ნაბიჯები და აღნიშნა, რომ ბიძინა ივანიშვილს მხოლოდ საკუთარი ბიზნესინტერესები ამოძრავებს. „მას და ბიძინა ივანიშვილს ჰგონია, რომ მოჯადოებული წერე არასოდეს გაირღვევა ხალხის მიერ და ჰგონიათ, რომ ოლიგარქი ივანიშვილი, ჩხარტიშვილი და რამდენიმე ადამიანი დაეპატრონა ამ ქვეყანას სამუდამოდ, აღმოჩნდა, რომ ეს ასე არ არის... ბიძინა ივანიშვილი ხალხის ინტერესს და წუხილს არ ითვალისწინებს, მას ბიზნესინტერესები ამოძრავებს და გახარიას, ჩხარტიშვილისა და ფარცხალაძეების მეშვეობით ამ ბიზნესინტერესებს ახორციელებს,“- განაცხადა ნიკა მელიამ. ოპოზიციის წევრმა „კურიერის“ პირდაპირ ეთერში აღნიშნა, რომ შინაგან საქმეთა მინისტრის, გიორგი გახარიას ბოლო განცხადებიდან  იკვეთება, რომ ის შეუშინებიათ ხალხს. გახარიას თქმით, ჰესის თემა გადადეს და როცა მოსახლეობის 90% დაუჭერს მხარს, მაშინ აშენდება ის. "შეუშინებია ხალხს ბატონი გახარია," - აღნიშნა ნიკა მელიამ, რომელმაც შინაგან საქმეთა მინისტრს ცინიკოსი უწოდა.  „ასეთი ცინიკური შს მინისტრი ამ ქვეყანას არ ჰყოლია, ხან თვალს აპაჭუნებს, ხან წერილი გინდათ თუ სიხარულიო, ამაზე ლაზღანდარობს. დღეს თურმე, ჟურნალისტმა, რომელმაც ცრემლსადენი გაზი გადაყლაპა, ამ ადამიანს ეუბნება ცინიკურად, რომ გაიღიმეო,“ - განაცხადა ნიკა ... ...

არქივი

ზაფრანი

იცინეთ ხშირად!

თუ მძიმე დღე გქონდათ –...

რატომ უნდა მიირთვათ ხშირად კარტოფილი

არსებობს რამდენიმე მიზეზი, რის გამოც...

რატომ უნდა მივბაძოთ ბავშვებს

ნებისმიერი ადამიანი ზოგჯერ ბავშვობაში უნდა...

ელტონ ჯონის „საბედისწერო“ სტილი

ელტონ ჯონზე სტილისტები ამბობენ, ისე...

შვიდი დღე გასალამაზებლად

ნამდვილად არ გაწყენთ, სულ რაღაც...

ქრონიკული დაღლილობა ვირუსით არის გამოწვეული

ადამიანის დაღლილობა, შეიძლება, ვირუსით იყოს...
კარმიდამო ჩემი

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...

როგორ ვკვებოთ ქათამი, რომ საუკეთესო კვერცხი მოგვცეს

სოფლის პირობებში, როცა შინაურ ფრინველს...

"საქართველოში მოყვანილი მანდარინის ჩირი მსოფლიოში საუკეთესოა"

ოზურგეთში, სოფელ გურიანთაში მცხოვრები იუზა...

დედამიწაზე სიცოცხლის წარმოშობის საიდუმლო

ბრიტანელმა სწავლულებმა, შესაძლოა, გახსნან მეცნიერების...

ეკონომიური დიეტა

ამბობენ, სწორად შერჩეული რაციონი ძვირი...

რა რაოდენობის მარილი გვჭირდება დღეში

მარილი აუცილებელია, რომ ორგანიზმმა სწორად...

წიწიბურა წნევას არეგულირებს

წიწიბურა ადამიანისთვის ძალიან სასარგებლო და...

ნუ ეხუმრებით გაციებას!

გაციება სიცივის დადგომისთანავე ვლინდება. ბევრი...