ყველაფერი ანტიბიოტიკების შესახებ

ზაფრანი

ყველაფერი ანტიბიოტიკების შესახებ

2017 ოქტ 20 19:43:36

ანტიბიოტიკები ხელს უშლიან ბაქტერიების გამრავლებას. მაგალითად, ისინი შეუცვლელია ბაქტერიული ინფექციებით გამოწვეული დაავადებების - პიელონეფრიტის, პნევმონიის, ჩირქოვანი ანგინის, ჰაიმორიტის, აბსცესის, სეფსისისა და სხვათა მკურნალობისას. მაგრამ ვირუსული ინფექციებით გამოწვეულ დაავადებებთან (გაცივება, გრიპი, ჰერპესი, ჰეპატიტი) ანტიბიოტიკები უძლურია.

თითოეულ მათგანს მოქმედების თავისი სპექტრი აქვს. სამწუხაროდ, არ არსებობს უნივერსალური ანტიბიოტიკი. მაგალითად, პენიცილინი ეფექტიანია სტაფილოკოკით გამოწვეული პნევმონიის დროს, მაგრამ ფილტვების ანთებას, რომლის მიზეზი მიკოპლაზმაა, არ შველის. პრეპარატის სწორად შერჩევაში ეხმარება ექიმს ბაქტერიული მიკროფლორის დათესვა, რომელიც არკვევს ანტიბიოტიკებისადმი მგრძნობელობას. თუმცა, ბაქტერიებმა გამოიმუშავეს ანტიბიოტიკებისადმი მდგრადობა. ანტიბიოტიკი, რომელიც ადრე შველოდა ავადმყოფს, ახლა შეიძლება უსარგებლო აღმოჩნდეს.

ექიმის დანიშნულების გარეშე ანტიბიოტიკების მიღება არ შეიძლება. თვითმკურნალობის დროს წამლების არასწორად შერჩევამ შეიძლება სერიოზული პრობლემები შექმნას. ასე მაგალითად, არაკორექტულმა მკურნალობამ შეიძლება გამოიწვიოს ალერგია, დისბაქტერიოზი, თირკმლებისა და ღვიძლის ტოქსიკური დაზიანება.

არის შემთხვევები, როდესაც ზოგიერთი ადამიანი, როგორც კი თავს კარგად იგრძნობს, უარს ამბობს ანტიბიოტიკების მიღებაზე.

ცნობისთვის: თუ ერთი მხრივ, პრეპარატების მიღების ნაადრევად შეწყვეტამ შეიძლება გამოიწვიოს მათდამი მდგრადი ბაქტერიების შტამის გაჩენა, მეორე მხრივ, ანტიბიოტიკების დიდხანს მიღებით იზრდება თანამდევი ეფექტების რისკი.

მკურნალობის დროს არ შეიძლება ალკოჰოლის მიღება. სპირტიანი სასმელები ამცირებს ანტიბიოტიკების მოქმედებას და ზედმეტად ტვირთავს ღვიძლს.

მნიშვნელოვანია წამლის მიღების დროის დაცვა. საკვების მიღების დროზე ყოველი ანტიბიოტიკის დამოკიდებულება ინდივიდუალურია: მაგალითად, "უზმოზე" ნიშნავს, მიიღოთ ჭამამდე ერთი საათით ადრე ან 2 საათის შემდეგ. ხშირად მინიშნებულია - "მალევე, ჭამის შემდეგ", "ჭამამდე" ან "ჭამის დროს".

ამ წესების დაცვის გარეშე ანტიბიოტიკი კარგავს ეფექტიანობას, ან შეიძლება სერიოზულად ავნოს ნაწლავების მიკროფლორას.

ძვირად ღირებული ანტიბიოტიკი არ ნიშნავს, რომ საუკეთესოა. მნიშვნელოვანია, თუ რამდენად სწორად იყო შერჩეული და გამოყენებული.




 ახალი ამბები
  • გადაიჭრება თუ არა მიუსაფარი ცხოველების პრობლემამიუსაფარი ძაღლები ქუჩის ბინადრები არიან, რომლებსაც არსებობა გამვლელების მიერ გადაგდებული ლუკმა-პურით ან ნაგვის ურნაში მოძიებული საჭმლით უწევთ. ქუჩაში მათი მოხვედრის ისტორია თითქმის იდენტურია: მათზე უარი პატრონმა რამდენიმე მიზეზის გამო თქვა _ ან სახლში მიყვანის შემდეგ სათანადოდ ვერ გაზარდა და გამოაგდო, ან მისი შენახვის ფინანსური საშუალება დღევანდელ დუხჭირ ცხოვრებაში აღარ ჰქონდა, რის გამოც, ერთგულ მეგობარზე უარი თქვა. ქუჩაში დარჩენილი ჩვენი ოთხფეხა თანამოქალაქეები კი არსებობისთვის იბრძვიან. მათ მაღაზიებთან, სკოლებთან, რესტორნებთან, სამედიცინო დაწესებულებებთან, სკვერებში, ბაზარში _ თითქმის ყველგან შეხვდებით, სადაც ადამიანი ტრიალებს, რადგან ადამიანისგან მიტოვებულები, ისევ ადამიანისგან ელიან შემწეობას. ცხოველთმოყვარული ადამიანები ამბობენ, რომ აგრესიული ძაღლების რიცხვი, რომლებიც ადამიანებს ერჩიან, ძალიან მცირეა. ძაღლი ადამიანს თავისი ინიციატივითა და სურვილით არ ესხმის თავს, ხშირ შემთხვევაში, ადამიანები ახორციელებენ ამის პროვოცირებას, თუმცა, მოქალაქეების ნაწილს ქუჩაში შემხვედრი ცხოველების ეშინია. მსგავსი სიტუაცია, სხვა ქალაქების მსგავსად, ჩოხატაურშიც დგას. "გურია ნიუსი" დაინტერესდა, ვინ ზრუნავს მიუსაფარ ცხოველებზე, რა კეთდება ჩოხატაურში მათ მოსავლელად და ვის რა გზა აქვს არჩეული პრობლემის აღმოსაფხვრელად, რომ არც ცხოველების უფლებები დაირღვეს და არც ადამიანების. ჩოხატაურის მუნიციპალიტეტის მერი, ირაკლი კუჭავა ამბობს, რომ ჩოხატაურში ძაღლებით გამოწვეული პრობლემა ნამდვილად დგას, მიუხედავად იმისა, რომ მერია შეძლების ფარგლებში, მაქსიმუმს ცდილობს. "ამ საკითხის შესახებ არაერთხელ მისაუბრია, მათ შორის, თქვენს გამოცემასთან. პრობლემა ნამდვილად არსებობს მიუხედავად იმისა, რომ მერია შეძლების ფარგლებში მაქსიმუმს აკეთებს. გაფორმებული გვაქვს ხელშეკრულება მომსახურებაზე ინდმეწარმე თეონა მესხიშვილთან, რომელიც დასავლეთ საქართველოს რამდენიმე მუნიციპალიტეტს ემსახურება. ამავდროულად, მსგავსი ინდმეწარმეების ნაკლებობა ქმნის პრობლემას. გარდა ამისა, უნდა აღვნიშნო ისიც, რომ ყოველწლიურად იზრდება მომსახურების ფასები _ ბოლო სამი კვირის განმავლობაში სამჯერ გაიზარდა. დღეისთვის ერთი მიუსაფარი ძაღლის გაყვანა მუნიციპალიტეტს 90 ლარი უჯდება. მეწარმეს საკონტრაქტო ვალდებულებაში შედის მიუსაფარი ძაღლების გაყვანა, აცრა, დაჩიპვა და ბუნებრივ გარემოში დაბრუნება. გასულ კვირას 20 ასეთი ძაღლი გავიყვანეთ, მათ შორის, პირველი საჯარო სკოლის მიმდებარე ტერიტორიიდან", _ ამბობს მერი. თუმცა, მიუსაფარ ძაღლების მხოლოდ აცრა და კასტრაცია საკმარისი არ არის. ჩოხატაურის მუნიციპალიტეტში რამდენიმე ცხოველმოყვარული ადამიანი ცხოვრობს, რომლებიც მიუსაფარ ძაღლებს კვებავენ. მათ შორის ერთ-ერთი გურამ სიხარულიძეა. მან მიუსაფარი ძაღლების გამოკვება 10-12 წლის წინ დაიწყო და მას შემდეგ, როცა სახლიდან გამოდის, ყოველთვის თან აქვს პური და წამალი, რომ ძაღლებს აჭამოს და თუ სამკურნალოა, უმკურნალოს. გურამ სიხარულიძის თქმით, აუცილებელია თავშესაფრის გაკეთება, რომ მიუსაფარი ცხოველები აღარ არსებობდნენ და მათზე სათანადოდ იზრუნონ. ის ასევე, აღნიშნავს, რომ ადამიანებს არაფერი დააკლდებათ, თუ ერთ ლუკმა პურს ძაღლებს გადაუგდებენ: "დაახლოებით, 12 წელია, რაც მიუსაფარ ძაღლებს ვუვლი. ხალხი დამცინის კიდეც ამის გამო. წლიდან წლამდე იზრდება ასეთი ცხოველების რაოდენობა _  ქუჩაში რომ გამოვალ, 15 ძაღლი მაინც მომდევს, რომ ვაჭამო. ადამიანმა უნდა იცოდეს, ლეკვს რომ მოიყვანს, თუ უნდა ჰყავდეს ჭკვიანი და კარგი ძაღლი, მოიცალოს მისთვის, შინაურ ცხოველებს და ფრინველებს შეაჩვიოს, რომ არ დაკბინოს ისინი. ძაღლს არ უნდა უყვირო, არ უნდა დაარტყა, უნდა მოეფერო. აუცილებლად უნდა არსებობდეს ძაღლების თავშესაფარი,  სადაც ძაღლებს მიხედავენ, უმკურნალებენ, სტერილიზაცია-კასტრაციას გაუკეთებენ. აქ გვყავს ერთი ძაღლი, რომელსაც ყურზე აქვს "ბირკა", რაც ნიშნავს, რომ სტერილიზებულია, მაგრამ აღმოჩნდა, რომ სტერილიზაცია არ აქვს გაკეთებული. აფორმებენ, თითქოს ძაღლს სტერილიზაცია-კასტრაცია გაუკეთდა, მაგრამ სინამდვილეში ასე არ არის. სად მიდის ეს ფული? სერიოზული პრობლემაა და სერიოზული მისახედია ეს საქმე", _ ამბობს გურამ სიხარულიძე და აღნიშნავს, რომ ჩოხატაურში რამდენიმე წელია, რაც ცოფის შემთხვევა არ ყოფილა. ძაღლები კი აგრესიულად გამრავლების პერიოდში იქცევიან, რის გამოც, მათთვის კასტრაციის ჩატარება აუცილებელია: "ჩოხატაურში ერთი 5 წელია ცოფის გამოვლენა არ ყოფილა. დადიან და ცრიან ოჯახებში. დიდ ძაღლს ვერ ეკარებიან, ეშინიათ და ვერ აცრიან. ერთხელ მოვიყვანე ამცრელი. ძაღლს შეხედა, რამხელაა, ამას მე ვერ ავცრიო და გაიქცა. მე მაგალითად ყველა ძაღლი მცნობს. კარგად რომ მოექცევი, ლუკმა პურს გადაუგდებ და თავზე ხელს გადაუსვამ, ის უკვე გენდობა. ძაღლი ადამიანის მეგობარია და ტყუილად არაფერს დაუშავებს ადამიანს. ძაღლის წამება, წვალება მისი და მოკვლა ეს დიდი ბოროტებაა. ღმერთი არავის არაფერს შეარჩენს _ მე ვიცი, რომ ვინც ძაღლებს კლავდა, ბოლოს თავი ჩამოიხრჩო. ადამიანი ყველა ერთნაირი ხომ არაა? ზოგი _ კეთილია და ზოგი _ ბოროტი. ასევეა ძაღლებიც, ძაღლი მაღაზიასთან და ხალხმრავალ ადგილზე იმიტომ მიდის, რომ ჭამა უნდა, მაგრამ იმდენად გაბოროტებულია ხალხი _ ერთი ლუკმა არ ემეტებათ მისთვის. მე ჩემი ჯიბის ფულით ვყიდულობ წამლებს და პურს ძაღლებისთვის. არავინ მეხმარება და არც არავის ვთხოვ დახმარებას. თუ მაქვს, მაქვს, თუ არ მაქვს და რა ვქნა?!" _ ამბობს სიხარულიძე. გურამ სიხარულიძის გარდა, კიდევ ერთი ჩოხატაურელი ცხოველმოყვარული მანანა მენაბდეა  დაკავებული მიუსაფარი ცხოველების მოვლა-პატრონობით. თუმცა, გურამ სიხარულიძისგან განსხვავებით, ქალბატონ მანანას მიუსაფარი ცხოველების მოვლაში ორგანიზაცია "ოთხი თათი" ეხმარება. "სულ პურის ვალი მაქვს მაღაზიაში, მაგრამ ჩემს ძაღლებთან ერთად უამრავ მიუსაფარ ძაღლსაც ვკვებავ. ხალხს ქუჩაში ეშინია ძაღლის, მაგრამ ღრენა ცხოველის თავდაცვითი უნარია. დასტრესილები არიან და რა ქნან?! თავზე ხელს რომ გადაუსვამ, ის ხვდება, რომ არაფერს დაუშავებ. ბიუჯეტში მიუსაფარი ძაღლების მოსავლელად გარკვეული თანხაა გამოყოფილი, მაგრამ გაუგებარია, ამ თანხის რა უკეთდებათ ძაღლებს. როცა ძაღლს ყურზე "ბირკა" ადევს, ნიშნავს, რომ კასტრირებულია და გამრავლების უნარი აღარ უნდა ჰქონდეს, მაგრამ ერთს შევნიშნე, რომ "ბირკის" მიუხედავად, გამრავლების უნარი მაინც აქვს... წაიყვანენ აქედან და სადმე სხვა ადგილას გაუშვებენ. ძაღლები ადგილს რომ იცვლიან, ვეღარ ეგუებიან ახალ ტერიტორიას. აქ მიჩვეულები არიან და იციან, სად დაიძინონ, სად ჭამონ. ამიტომ, აუცილებელია ჩოხატაურშიც გაკეთდეს თავშესაფარი. ეს იდეა ადგილობრივ ხელისუფლებას შევთავაზე, მაგრამ მითხრეს, რომ ბიუჯეტში ამისთვის საკმარისი თანხა არ არის. ბევრი შრომა და რესურსი მაქვს ჩადებული ამ საქმეში, მეხმარება ორგანიზაცია "ოთხი თათი", ემიგრანტებიც მიდგანან გვერდში. რამდენიმე ძაღლი, რომელსაც ოპერაცია სჭირდებოდათ, მათი დახმარებით გავგზავნე თბილისში და გაუკეთდა ოპერაცია. ერთი კარგი გოგონა შემომეხმიანა, ნატა ჟღენტი და მითხრა, რომ ამ ზაფხულში იქნებ ვეტერინარი ჩამოვიყვანოო", _ ამბობს მანანა მენაბდე. აღსანიშნავია, ისიც, რომ ცხოველმოყვარულ ადამიანებს კასტრაცია პრობლემის გადაჭრის მართებულ მეთოდად არ მიაჩნიათ. როგორც მანანა მენაბდე ამბობს, უსამართლობაა ტყეში მგლები მრავლდებოდნენ, ძაღლების რაოდენობა მცირდებოდეს. ამიტომ პრობლემის გადაჭრის გზად ისევ თავშესაფრის აშენების აუცილებლობა რჩება, რომლისთვისაც, ჩოხატაურის საკრებულოს სივრცით-ტერიტორიული დაგეგმარებისა და ინფრასტრუქტურის კომისიის თავმჯდომარის ზვიად მამალაძის თქმით, თანხა მუნიციპალიტეტს არ აქვს. ზვიად მამალაძე "გურია ნიუსთან" საუბრისას აღნიშნავს, რომ ვერ ხდება მიუსაფარი ცხოველების მოვლისთვის ბიუჯეტიდან გამოყოფილი თანხების ხარჯვის გაკონტროლება და კარგი იქნება, თუ იმავე თანხით მსგავსი საქმიანობისთვის ჩოხატაურშივე გამოიყოფა ფართი: "მანანა მენაბდე მთავაზობდა, გავაკეთოთ თავშესაფარიო, მაგრამ ეს დიდ ხარჯებთან არის დაკავშირებული. ჩვენ ბიუჯეტიდან ვიხდით ფულს, რომ მიუსაფარი ძაღლები წაიყვანონ, გაუკეთონ კასტრაცია, აცრა, "დაბირკონ" და დააბრუნონ უკან, მაგრამ ეს კეთდება თუ არა, ამას ვერავინ აკონტროლებს. ამიტომ გამოჩნდა იდეა, რომ ამ თანხით გავაკეთოთ ოთახი, ავიყვანოთ სპეციალისტი და აქვე გავაკეთოთ შესაბამისი პროცედურები", _ ამბობს ზვიად მამალაძე. ძაღლებისთვის თავშესაფრის გაკეთების იდეას ჩოხატაურის მერიც ემხრობა, მაგრამ ამბობს, რომ ამისთვის ფინანსური შესაძლებლობა არ არსებობს. სანამ მიუსაფარი ცხოველების პრობლემა ჩოხატაურის მუნიციპალიტეტში მოუგვარებელი რჩება, მერი მოქალაქეებს მოუწოდებს, რომ ძაღლის ყოლა პასუხისმგებლობაა და ქუჩაში გასაგდებად არ უნდა გაიმეტონ: "კარგი და ჰუმანური იქნებოდა მიუსაფარი ძაღლებისთვის თავშესაფრის შექმნა, მაგრამ ჩვენ ამის ფინანსური შესაძლებლობები არ გაგვაჩნია. ასევე, მინდა მოვუწოდო ჩვენს თანამოქალაქეებს, რომ ძაღლის ყოლა პასუხისმგებლობაა და ნუ გაიმეტებენ მათ ქუჩაში გასაგდებად. ამით, გარდა იმისა, რომ არაჰუმანურად ეპყრობიან ცხოველებს, საფრთხეს უქმნიან სხვა ადამიანებსაც. ჩოხატაურის მერია კვლავ გააგრძელებს ამ პრობლემის მოგვარებაზე მუშაობას", _ ამბობს ირაკლი ... ...
  • დაპირებად დარჩენილი დაპირება და უნდობლობა სამინისტროსგურიის გუბერნატორს ზურაბ ნასარაიას მონადირეები საჯაროდ, ღია წერილით მიმართავენ და მისგან დახმარებას ითხოვენ. საქმე კი იმ შეზღუდვებს ეხება, რომლებიც მათ კოლხეთის ეროვნული პარკის ფუნქციონირების გამო დაუწესდათ. "ბატონო ზურაბ, მოგეხსენებათ ნადირობას საქართველოში, ისევე, როგორც დანარჩენ მსოფლიოში, დიდი ხნის ისტორია აქვს. მონადირეებისთვის ის ასოცირდება დიდ კულტურულ ფასეულობასთან. ათეული წლებია, საქართველოში ცხოველზე ნადირობა, გარდა კერძო მეურნეობებისა, აკრძალულია. მონადირეებს რჩებათ მხოლოდ გადამფრენ ფრინველებზე ნადირობის უფლება, როგორიცაა: იხვი, წყლის ქათამი, მწყერი და სხვა. გადამფრენი ფრინველის ამოღების უფლების მოპოვების შემთხვევაშიც კი, მონადირეს არა აქვს საშუალება, რეალურად განახორციელოს გადამფრენ ფრინველზე ნადირობა. რადგან იხვი საქართველოში, ძირითადად, ჯავახეთსა და კოლხეთის დაბლობზე გადაიფრენს", _ წერია წერილში, სადაც, ასევე, ხაზგასმითაა აღნიშნული, რომ ადგილობრივი მოსახლეობა წინააღმდეგია ეროვნული პარკის შექმნის. "არა ერთი მოთხოვნა გაჟღერდა გურიის მოსახლეობის მხრიდან, რომ დაარსების დღიდან წინააღმდეგი იყვნენ ეროვნული პარკის შექმნის. გარდა ამისა, ლანჩხუთის მუნიციპალიტეტის საკრებულო 2018 წლის ოთხი აპრილით დათარიღებულ წერილში, გარემოს დაცვისა და სოფლის მეურნეობის მინისტრ ლევან დავითაშვილს სთხოვს, მოსახლეობის მოთხოვნიდან გამომდინარე, ლანჩხუთის ტერიტორიაზე მოქცეული კოლხეთის ეროვნული პარკის 10 212 ჰა მიწის ფართობი მუნიციპალიტეტს გადმოსცეს, რომ აღნიშნული ტერიტორია გამოცხადდეს ლანჩხუთის მრავალმხრივი გამოყენების ტერიტორიად, რომლის მართვასა და კონტროლს განახორციელებს დაცული ტერიტორიების სააგენტო, რომელიც ესადაგება ბუნების დაცვის საერთაშორისო კავშირისა და საქართველოს სახელმწიფოს მიერ გარემოს დაცვის სფეროში აღებულ ყველა საერთაშორისო ვალდებულებას. სამინისტროს მხრიდან მუნიციპალიტეტისა და მოსახლეობის ერთობლივ მოთხოვნაზე პასუხი არ გაცემულა და პირდაპირ უგულებელყოფილ იქნა ადგილობრივი მოსახლეობის ინტერესები", _ წერია მონადირეების ერთობლივ ღია წერილში, რომლის ადრესატიც მხარის გუბერნატორია. როგორც აღნიშნულ საკითხზე საუბრისას გურულ მონადირეთა კლუბის პრეზიდენტი სულხან პატარაია ამბობს, ვინაიდან, ტრადიციული სანადირო ტერიტორიები ეროვნულმა პარკმა თავისი საზღვრების გაფართოების ხარჯზე მიიერთა, მონადირეებს ლიცენზიით ნებადართული ფრინველის მოპოვების უფლება აღარ დარჩათ: "ჩვენ 2019 წლის იანვრის დასაწყისში ქალაქ ლანჩხუთში გავმართეთ საპროტესტო აქცია, რომლის მიზანი იყო კოლხეთის ეროვნული პარკის ლანჩხუთის ტერიტორიაზე მოქცეული 1021 ჰა მიწის ფართობზე ნადირობის მოპოვების უფლება. იმავე წლის 14 იანვარს კი გარემოს დაცვისა და სოფლის მეურნეობის სამინისტროში აღნიშნული პრობლემის გადასაჭრელად, სამინისტრომ გამოთქვა მზაობა, სანადირო სეზონის დამთავრებისთანავე, 2019 წლის მარტიდან მუშა ჯგუფის შექმნასთან დაკავშირებით. თუმცა, დაპირება დაპირებად დარჩა, რის გამოც სამინისტროსადმი უნდობლობის ნიშნად, კიდევ ერთხელ გავმართეთ საპროტესტო აქცია", _ ამბობს პატარაია. მისივე თქმით, გასული წლის მაისში საქართველოს დაცული ტერიტორიების სააგენტოსა და სსიპ "ველური ბუნების ეროვნული სააგენტოს" წარმომადგენლები ჩამოვიდნენ გურიაში. "მათ ადგილზე დავათვალიერებინეთ ტერიტორია და ავუხსენით, რომელ ნაწილს ვითხოვდით სანადიროდ. აიღეს მოთხოვნილი ტერიტორიის GPS კოორდინატები და შეგვპირდნენ, რომ აღნიშნულ საკითხზე გაიმართებოდა განხილვა. თუმცა, მიუხედავად დიდი დაინტერესებისა, ჩვენთვის დღემდე უცნობია, რა ბედი ეწია დასკვნას აღნიშნულ ტერიტორიაზე. 2019 წლის 1 ნოემბერს მთელი რიგი დაპირებების შეუსრულებლობისა და იხვზე ნადირობის სეზონის დახურვის თარიღის გადაწევასთან დაკავშირებით, "გარემოსა და ნადირობის მდგრადი განვითარების საზოგადოებამ" გარემოს დაცვისა და სოფლის მეურნეობის სამინისტროსთან გამართა საპროტესტო აქცია, რომელზეც ჩვენი მხრიდან 4-პუნქტიანი მოთხოვნა იქნა წაყენებული. ამის შემდეგ, ჩვენი ორგანიზაციისთვის გამოგზავნილ რვა ნოემბრით დათარიღებულ წერილში გარემოს დაცვის სამინისტრო გამოთქვამს მზაობას მუშა ჯგუფის შექმნასთან დაკავშირებით, რომლის ორგანიზებაც ამავე სამინისტროს სსიპ "ველური ბუნების ეროვნულ სააგენტოს" უნდა გაეწია, მაგრამ დაპირება ამჯერადაც არ შეასრულეს", _ ამბობს მონადირეთა კლუბის პრეზიდენტი. წერილის დასასრულს, სწორედ ამ შეხვედრის ორგანიზების თხოვნით მიმართავენ გურული მონადირეები მხარის გუბერნატორს: "აღნიშნული პრობლემიდან გამომდინარე, გურული მონადირეები ვითხოვთ, გარემოს დაცვისა და სოფლის მეურნეობის სამინისტროს წარმომადგენლებთან შეხვედრას. აგრეთვე, ვითხოვთ ლანჩხუთის მუნიციპალიტეტის მერის ალექსანდრე სარიშვილის და მუნიციპალიტეტის მაჟორიტარის პარლამენტში ნინო წილოსანის ჩართულობასაც. ბატონო ზურაბ, გთხოვთ, აღნიშნულ თემასთან დაკავშირებით უზრუნველყოთ შეხვედრის ორგანიზება ზემოთ დასახელებულ პირებთან ერთად", _ წერია ... ...
  • რჩევები კორონავირუსისგან თავდასაცავადსაქართველოს პროფილაქტიკური მედიცინის მეცნიერებათა აკადემიის აკადემიკოსი, პროფესორი ზურაბ ქუმსიაშვილი გვირჩევს თუ  როგორ  ავიცილოთ თავიდან კორონავიუსი კორონავირუსის პირველი ნიშნები ვლინდება ყელის მცირე ტკივილით, ყელის სიმშრალით და ცხვირის სიმშრალით, მშრალი ხველა საშიშია სიცივეში, სითბოში სუსტდება, მივიღოთ რაც შეიძლება მეტი თბილი წყალი. ცივისგან შევიკავოთ თავი. შევზღუდოთ ყველა სახის საკვები. გადავიდეთ მონოკვებაზე (მხოლოდ ერთი სახის საკვები, ერთ მიღებაზე). მაქსიმალურად გამოვრიცხოთ ნახშირწყლების მიღება. რეკომენდირებული საკვებია: ნიგოზი, თხილი, გოგრის თესლი, ლობიო, მოხარშული საქონლის ხორცი, სალა, მწვანილი და ყველა საკვები, რომელიც შეიცავს ქლოროფილს. 100%-ით გამორიცხეთ ტკბილი, პური და რძის პროდუქტები. საკვები მიიღეთ დღეში მხოლოდ ერთხელ, შუადღით. დილით გაღვიძებისას დალიეთ 3-4 ჭიქა თბილი წყალი და შემდგომ 1 საათი არაფერი მიიღოთ. სასურველია შიმშილი ყოველ მესამე დღეს. მოერიდეთ ონკანის წყალს. გარეთ ყოფნისას მაქსიმალურად შევეცადოთ რომ არ შევეხოთ საზოგადოებრივ ნივთებს, ძალიან ხშირად დავიბანოთ საპნით ხელები, ტანსაცმელს შეუძლია 6-12 საათი შეინარჩუნოს ვირუსი რომელიც გვაცვია და მოხმარების შემდეგ თუ არ გავრეცხავთ გავფინოთ მზეზე. ეს სიმპტომები გრძელდება 3-4 დღე შემდეგ ვირუსი გადადის ფილტვებში, სადაც 5-6 დღეში ვითარდება პნევმონია მაღალი სიცხით, სუნთქვის გაძნელებით და თითქოს იძირებით წყალში. თავიდანვე აუცილებელია ექიმის კონსულტაცია, მანამდე ყელის ტკივილის დროს გამოივლეთ ბეტადინის წყალში განზავებული 10%-იანი ხსნარი. წამლებიდან: არბიდოლი, ინგავირინი, ვიუსიდი და ნიმესილი. აქედან, სიცხის დამწევი მხოლოდ 39 და მეტი სიცხის შემთხვევაში.  არ მიიღოთ საწუწნი საშუალებები. სასურველია გაკეთდეს რინგერის გადასხმები და ინტრავენური ვიტამინოთერაპია.   წყარო: ... ...
  • გიორგი გახარია: საქართველოს დაცული ტერიტორიები წელს 100 000 ჰექტარით გაიზრდება„კიდევ ერთი მნიშვნელოვანი გადაწყვეტილება, რომელსაც ჩვენ დღეს მივიღებთ, ეს გახლავთ - დაცული ტერიტორიების გაფართოება. მოგეხსენებათ, 2019 წელს დაცული ტერიტორიების საერთო მოცულობა, დაახლოებით, 10%-ით გაიზარდა და დღეს ის შეადგენს საქართველოს ტერიტორიის 9.6%-ს, თუმცა ეს არ არის მაქსიმალური მაჩვენებელი და სოფლის მეურნეობისა და გარემოს დაცვის სამინისტრო 2020 წელს გეგმავს 100 000 ჰექტარით კიდევ გაზარდოს დაცული ტერიტორიების რაოდენობა,“- ეს განცხადება საქართველოს პრემიერ-მინისტრმა გიორგი გახარიამ მთავრობის სხდომაზე გააკეთა. მისივე თქმით, მთავრობის გადაწყვეტილებით, შეიქმნება ურუშეთის ეროვნული პარკი, რომელიც სასაზღვრო ზონაშია და ეს იქნება უაღრესად მნიშვნელოვანი როგორც ტრანსსასაზღვრო თანამშრომლობის, ისე წითელი წიგნის ნუსხის სახეობების შენარჩუნებისთვის. „ამ გადაწყვეტილებით ჩვენ ვქმნით მნიშვნელოვან არეალს, სადაც ხელს შევუწყობთ გარემოს დაცვას,“_ აღნიშნა გიორგი გახარიამ. მთავრობის მეთაურმა დღესვე, მთავრობის სხდომაზე, ბორჯომი-ხარაგაულის დაცული ტერიტორიის 4 000 ჰექტარით გაფართოების შესახებ განაცხადა. „ხდება ბორჯომი-ხარაგაულის დაცული ტერიტორიის გაფართოება 4 000 ჰექტარით, რაც ნიშნავს იმას, რომ ეს უნიკალური ტერიტორია, რომელიც ჩვენ საქართველოში გვაქვს, კიდევ უფრო ეფექტურად შეძლებს სახეობების შენარჩუნებას. კონკრეტულად, საუბარია დერეფნების შექმნისთვის კავკასიური ირმის, კეთილშობილი ირმის და არჩვისთვის მცირე კავკასიონის დასავლეთის ქედებისკენ კორიდორის შექმნაზე. ეს უაღრესად მნიშვნელოვანია წითელი წიგნის ნუსხის ცხოველების გადასარჩენად,“_ აღნიშნა ... ...
  • ყალბი დოკუმენტების დამზადების ფაქტზე კომპანიის ხელმძღვანელები დააკავესსაქართველოს ფინანსთა სამინისტროს საგამოძიებო სამსახურის თანამშრომლებმა, ჩატარებული ოპერატიულ - სამძებრო და საგამოძიებო მოქმედებების შედეგად, ყალბი საგადასახადო დოკუმენტების დამზადება - გამოყენებისა და ქონების მესაკუთრის მოტყუებით, დიდი ოდენობით ქონებრივი დაზიანების ფაქტზე, ორი კომპანიის ხელმძღვანელი ორი პირი დააკავეს. აღნიშნულის შესახებ ფინანსთა სამინისტროს საგამოძიებო სამსახურში განაცხადეს. "გამოძიებით დადგენილია, რომ ბრალდებულებმა, უკანონო მატერიალური სარგებლის მიღების მიზნით, მათ მმართველობაში არსებული კომპანიების სახელით, ყალბი საგადასახადო დოკუმენტების გაწერის გზით, ერთმანეთში განახორციელეს ხის მასალის ფიქტიური მიწოდებები, რითაც, ერთ - ერთ კომპანიას ხელოვნურად შეექმნა ხის მასალის ნაშთი და დღგ - ს აქტივი, რომელიც შემდგომში ნაწილობრივ გამოყენებულ იქნა მიმდინარე საბიუჯეტო ვალდებულებების დასაფარად. ბიუჯეტისათვის მიყენებული ზიანი 100 000 ლარს აღემატება. გამოძიება მიმდინარეობს საქართველოს სსკ-ის 210-ე მუხლის მეორე და 185-ე მუხლის მესამე ნაწილებით, რაც სასჯელის სახით ითვალისწინებს თავისუფლების აღკვეთას 4 -დან 7-წლამდე ვადით,"_ აცხადებენ უწყებაში. ... ...

არქივი

ზაფრანი

„დავიწყებული“ ჰოლივუდელები

ჯესიკა ალბა ჯესიკა ალბას გარღვევად...

როდის გრძნობთ თავს ყველაზე კარგად

ზამთარი – მშვილდოსნის, კუროსა და...

ქალი, ბიზნესი … ასტროლოგია

ქალწული - ზოდიაქოს კიდევე რთი...

15 შეცდომა რეცხვის დროს, რომელიც სარეცხს და მანქანას აზიანებს

ხშირად ვამბობთ, რომ ტანსაცმელს აფუჭებს...

რატომ უნდა მიირთვათ ბევრი შოკოლადი

შოკოლადის მირთმევის შედეგად ადამიანის ბედნიერების...

ჰოლივუდელი მარტოხელა მამები

ალ პაჩინო - მსახიობი სამი...
კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...