გამოძალვა უკანონო კანონის სახელით

ჟურნალისტური გამოძიება

გამოძალვა უკანონო კანონის სახელით

1 იან. 1970, 04:00:00
რაუნდი I

საქართველოს პრეზიდენტის 525-ე ბრძანებულების თანახმად, მოქალაქეებს იმ ნაკვეთების დაკანონება შეეძლოთ, რომლებიც 2007 წლამდე ჰქონდათ ფაქტობრივ სარგებლობაში. ამ ნაკვეთების დაკანონება მხოლოდ შესაბამისი საბუთების და მოწმეების საკრებულოს ლეგალიზაციის კომისიაში წარმოდგენით გახლდათ შესაძლებელი. კომისია გამგეობის და საკრებულოს თანამშრომლებით იყო დაკომპლექტებული და მისი შემადგენლობა სხვადასხვა დროს, კანონის თანახმად იცვლებოდა.

2008-2009 წლებში, ჩოხატაურის მუნიციპალიტეტის საკრებულოს ლეგალიზაციის კომისიას შოთა სირაძე ხელმძღვანელობდა. სწორედ მას ჰქონდა უფლება, რომ მიწის მესაკუთრის ცნობა გაეცა, თუმცა, კომისიის რეგლამენტის და კანონის მიხედვით, მოქალაქის განცხადება ჯერ კომისიას უნდა განეხილა და მხოლოდ ამის შემდეგ გაცემულიყო საკუთრების დამადასტურებელი მოწმობა.

სისხლის სამართლის საქმის მიხედვით, რომელსაც ქუთაისის პროკურატურა იკვლევს, შოთა სირაძემ 132 ყალბი დოკუმენტი გასცა. სირაძის სასამართლო პროცესი ახლაც მიმდინარეობს. მასთან პროკურატურა ძალიან ლმობიერია და საპროცესო გარიგებასაც კი სთავაზობს, თუმცა, სირაძე, უკვე ერთი წელია მიმალვაშია. სისხლის სამართლის საქმეში, ბრალდების მხარეს ქუთაისელი პროკურორი ვალერი კუჭუხიძე წარმოადგენს, ხოლო სირაძის ინტერესებს სახაზინო წესით აყვანილი ადვოკატი, კობა ესაძე იცავს.

შოთა სირაძეს 332 მუხლის I ნაწილით წაუყენეს ბრალი, რაც ჯარიმას ან 3 წლამდე თავისუფლების აღკვეთას ითვალისწინებს ამავე ვადით თანამდებობის დაკავების აკრძალვით.

პროკურორის განმარტებით, სირაძემ ბოროტად გამოიყენა თანამდებობა, კანონის უხეში დარღვევით გაასხვისა სატყეო ზოლის მიწები და ასევე უკანონოდ გასცა მიწის საკუთრების 132 მოწმობა.

_ მიწების უკანონოდ გასხვისება საკამათო თემაა, რადგან კანონი აქ ცალსახაა _ თუ სირაძემ უკანონოდ გასცა, რატომ მოახდინა მისი რეგისტრაცია რეესტრმა? იქნებ, სირაძეს შეცდომა მოუვიდა? რეესტრს აქვს ყველაზე დიდი მონაცემთა ბაზა, ყველაზე ბევრი მონაცემი და მას აქვს უფლება, არ დაარეგისტრიროს მიწა. ოზურგეთში ძალიან ბევრი შემთხვევა იყო ისეთი, როცა რეესტრმა უარი თქვა მიწის რეგისტრაციაზე, რადგან გარკვეულ საკითხებში ეჭვი შეიტანა. ჩოხატაურის რეესტრს რატომ ერთხელაც არ გაუჩნდა ეჭვი და რატომ ერთხელაც არ გადაამოწმა, თუ სად და რას არეგისტრირებდა?! _ ბევრი კითხვა აქვს დაგროვილი შოთა სირაძის ადვოკატს, კობა ესაძეს.

კითხვები, რომელზეც პასუხი კარგა ხანია გაუცემელია, საზოგადოებასაც ბევრი აქვს. მით უმეტეს იმ ფონზე, რომ 132-ვე ადამიანს საკუთრებაში არსებული მიწის, ზედ დამაგრებული ქონებით სახელმწიფოსთვის ჩაბარება მოუხდა.

ყველა განცხადება ერთმანეთის იდენტურია, ერთი კალმით და ერთი სტილით არის ნაწერი. განსხვავება მხოლოდ ხელმომწერთა გვარებშია. 132 განცხადება ბახმაროში მიწის მოტოვების თაობაზე, საჯარო რეესტრში ერთ კვირაში, გასული წლის ოქტომბრის მიწურულს არის შესული. ამ ადამიანებისთვის არავის განუმარტავს, რატომ აბარებინებდნენ მიწებს ზედ დამაგრებული ქონებით, როცა დაკანონებისთვის საჭირო თანხა ბანკში სახელმწიფო ბიუჯეტის ანგარიშზე შეიტანეს. მხოლოდ ის უთხრეს, რომ ბახმაროში მიწები უკანონოდ ჰქონდათ დაკანონებული.

ყველა ეს მიწა ბახმაროში, საკურორტო ზონაში მდებარეობდა და ამიტომაც, გაჩნდა საფუძვლიანი ეჭვი, რომ ხელისუფლება კურორტს ინვესტორს უთავისუფლებდა.

რაუნდი II

გასული წლის დეკემბრის პირველ კვირაში, ოზურგეთის პროკურატურაში ის ადამიანები დაიბარეს, რომლებსაც სხვადასხვა დროს, ლეგალიზაციის კომისიის მიერ 3 ჰექტარზე მეტი სასოფლო სამეურნეო მიწა ჰქონდათ დაკანონებული. ორკვირიანი დაკითხვების შემდეგ, სახელმწიფოს სასარგებლოდ 17-მა მოქალაქემ მიატოვა ქონება. მიუხედავად იმისა, რომ 17-ივეს მიწა საქართველოს პრეზიდენტის ბრძანებულების შესაბამისად, ყველანაირი კანონის დაცვით, ლეგალიზაციის კომისიის (და არა მხოლოდ თავმჯდომარის) მიერ შედგენილი ოქმის თანახმად ჰქონდათ დარეგისტირებული.

ამ მიწებს ეს ადამიანები წლების განმავლობაში სარგებლობდნენ _ ზოგს ხეხილი ჰქონდა ზედ გაშენებული, ზოგს _ ვენახი, ზოგი საყანედ იყენებდა. იყო ისეთი მესაკუთრეც, რომელსაც ამ მიწაზე სასადილო ჰქონდა გახსნილი და მიწასთან ერთად, ქონების ჩაბარებაც მოუხდა.

ამ ადამიანების უმრავლესობა საჯარო კომენტარზე უარს ამბობს მოტივით: "ზედმეტი შარი არ გვჭირდებაო". პირად საუბრებში აღნიშნავენ, რომ პროკურატურამ მათზე სერიოზული ზეწოლა მოახდინა.

_ დამემუქრნენ, თუ მიწას და ჩემი შრომით შეძენილ ქონებას არ ჩავაბარებდი, ჩემს შვილს, კუთვნილ მაღაზიაში საგადასახადო შემოწმებას ჩაუტარებდნენ, სადაც მისი სოლიდური დავალიანება გაირკვეოდა ბიუჯეტის მიმართ, რომლის ჯამი, ჩასაბარებელი მიწის და ქონების ღირებულებას ბევრად აღემატებოდა, _ გვითხრა ერთ-ერთმა.

ჩოხატაურის მუნიციპალიტეტის სოფელ ხიდისთავში მცხოვრები გური კუკულავა ერთ-ერთია იმათგან, ვისაც პროკურატურამ მიწის ჩაბარება მოსთხოვა. ჩვენთან საუბრისას ამბობს, რომ მოვლა ვერ შეძლო და სახელმწიფოს ამიტომ ჩააბა. ჩააბარა და 10 ლარი სახელმწიფოს დამატებით გადაუხადა.

კუკულავასთან ერთად, მიწა ჩააბარა მისმა ბიძამ, ვაჟა კუკულავამაც.

ჩოხატაურის მუნიციპალიტეტის სოფელ ფარცხმაში მცხოვრებ სოლომონ ბერძენიშვილს ქვიშის კარიერის ჩაბარება მოუხდა, რომელიც საკმაოდ შემოსავლიანი იყო. ბერძენიშვილი კომენტარებს არ აკეთებს, თუმცა, როგორც გავიგეთ, პროკურატურამ მისი "დანაშაული" მხოლოდ იმაში სცნო, რომ იქ, სადაც კარიერი და შესაბამისი დანადგარები ჰქონდა, ღობე არ იყო შემოვლებული.

კიდევ ერთ რესპონდენტი, რომელსაც ვინაობის გახმაურება არ სურს, ამბობს, რომ პროკურატურამ დაშინების გზით, ბაბუას დანატოვარი ქონება ჩააბარებინა:

_ საკმაოდ სერიოზული მეურნეობა _ კივის პლანტაციები მქონდა გაშენებული. 90-იან წლებში ბაბუაჩემმა გააშენა. ეს იყო ჩემი ოჯახის ერთადერთი შემოსავალი. უკანონოდაც არაფერი დამიკანონებია. ყველა დოკუმენტი ხელთ მქონდა, თუმცა, ოზურგეთის პროკურატურაში მითხრეს, რომ იმ შემთხვევაში, თუკი ჩაბარებაზე უარს ვიტყოდი, ჩემი შვილის ავტომობილში იარაღს ან ნარკოტიკს "იპოვიდნენ".

ამ ადამიანებთან საუბრისას, პროკურატურა მხოლოდ ერთ განმარტებას აკეთებდა _ მიწები უკანონოდ იყო დაკანონებული. თუმცა, რომელი კანონი ირღვეოდა და როგორ უნდა მოქცეულიყო მესაკუთრე კანონიერად ქონების მისაღებად, არავის უთქვამს. ჩვენთან საუბარში პროკურატურის წარმომადგენლები ამბობენ, რომ ძალადობით არაფერი გაკეთებულა და მიწა ყველამ თავისი სურვილით ჩააბარა!

ახალგაზრდა იურისტთა ასოციაციის წარმომადგენელი, თამარ კორძაია ამბობს, რომ არარეალურია სოფელში მცხოვრებ ადამიანს თავად გაუჩნდეს მიწის მიტოვების სურვილი.

_ ადმინისტრაციული კანონმდებლობა იცნობს ასეთ ტერმინს _ კანონიერი ნდობა. ეს გულისხმობს იმას, რომ თუ მოქალაქემ არ იცის და არც შეიძლება ცოდნოდა, რომ ადმინისტრაციული ორგანო იღებდა უკანონო გადაწყვეტილებას და ამ გადაწყვეტილებით ეს მოქალაქე იღებს სარგებელს, მაშინ ამ ადამიანს გააჩნია ადმინისტრაციული ორგანოსადმი კანონიერი ნდობის უფლება; ეს კი იმას ნიშნავს, რომ ეს გადაწყვეტილება არ შეიძლება გაუქმდეს. თუ კომისიის თავმჯდომარე იღებდა უკანონო გადაწყვეტილებას, მაშინ ეს აქტები ან უნდა გაუქმებულიყო სახელმწიფოებრივი ინტერესებიდან გამომდინარე, რაც სამართლებრივად ძალიან რთული დასასაბუთებელი იქნება ჩოხატაურში, ან ეს მიწები უნდა დარჩეთ მესაკუთრეებს და დაიჭირონ ის თავმჯდომარე. ეს იქნებოდა სწორი სამართლებრივი გამოსავალი, მაგრამ ეტყობა ხელისუფლებას მიწისადმი აქვს მაღალი ინტერესი და შესაბამისად, აიძულა ეს ხალხი მიეტოვებინა ქონება. სამართლებრივად ამ ადამიანებმა გამოხატეს საკუთარი ნება და მიატოვეს ქონება, მაგრამ არარეალურია სოფელში ადამიანმა მიწა მიატოვოს, ანუ მიაგდოს და არ გამოიყენოს; განსაკუთრებით ისეთ მცირემიწიან რეგიონში, როგორიც გურიაა. კარგით, შეიძლება ზარმაცია და მიატოვა, მაგრამ ჯერ იურიდიულად საკუთრებაში გაიფორმოს და მერე ადგეს და ეს მიტოვება იურიდიულად სწორი ფორმით გააფორმოს, უბრალოდ, ეს სხვა პირის, გარეშე ნების ჩარევის გარეშე წარმოუდგენელია მოხდეს, არსებული კულტურისა და ტრადიციების გათვალისწინებით. ადამიანი, ვინც დაწერა განცხადება მიტოვებაზე, ვერ იდავებს. თუ დაამტკიცებს, რომ მის მიმართ ადგილი ჰქონდა ძალადობას ან მუქარას, კონკრეტული პირის სისხლის სამართლებრივ პასუხისგებაში მიცემის შემდეგ, შესაძლებელია საუბარი დაბრუნებაზე, რაც ნაკლებად რეალურად მეჩვენება, _ აღნიშნავს იურისტი.

რაუნდი III

ჩვენ მიერ მოპოვებული ინფორმაციით, მიწების წართმევის მესამე რაუნდი რამდენიმე თვეში დაიწყება. პროკურატურა, ამ ეტაპზე, მოსახლეობის მიერ დაკანონებულ ნაკვეთებში "უკანონო ფაქტებს" სწავლობს და სავარაუდოდ, მალე რამდენიმე ათეული ჰექტარი მიწა, ზედ დამაგრებული ქონებით, ისევ სახელმწიფოს კუთვნილებაში აღმოჩნდება. ისევ ერთი სტილის განცხადებებით ჩამბარებლებს, მიწის ჩაბარებასთან ერთად, ისევ მოუწევთ 10 ლარის გადახდა. სანდო წყაროს ცნობით, პროკურატურის მიერ გამზადებულ ნუსხაში, ამ ეტაპზე, გურიის მუნიციპალიტეტების სხვადასხვა სოფლებში მცხოვრები 21 მიწის მესაკუთრეა. წყარო ამბობს, რომ 21-ივეს ნაკვეთზე თხილის პლანტაციები აქვთ გაშენებული.

თამარ კორძაია მიიჩნევს, რომ მოსახლეობამ ჩაბარების განცხადებები არ უნდა დაწეროს:

_ ადამიანებმა არ უნდა დაწერონ ასეთი სახის განცხადებები. თუ მათ მიმართ ძალადობა და მუქარა იქნება, აუცილებლად ჩაიწერონ, რათა შემდეგ თავიანთი სიმართლის დამტკიცება შეძლონ.

მესამე რაუნდის დასრულების შემდეგ, სავარაუდოდ 2012 წლის გაზაფხულზე, წინასაარჩევნოდ ხელისუფლება მიტოვებულ (?!) მიწებს აუქციონზე გამოიტანს გასაყიდად და საარჩევნო ყულაბასაც შეავსებს. თუმცა, კომპეტენტური პირები ამტკიცებენ, რომ უკანონობის სახელით, ძალადობრივად წართმეული მიწების პოტენციური მფლობელები უკვე გარკვეულია და ამ ნაკვეთებს, ხელისუფლებასთან დაახლოებული ბიზნესმენები შეიძენენ.




 ახალი ამბები
  • გიორგი შაქარაშვილი სცემეს და მდინარეში გადააგდეს- ვიდეოკონსტრუქცია გიორგი შაქარაშვილი ალყაში მოაქციეს, სასიკვდილოდ სცემეს და მდინარეში გადააგდეს_ ამის შესახებ დღეს პროკურატურაში გამართულ ბრიფინგზე განაცხადეს. საქართველოს გენერალურმა პროკურატურამ გიორგი შაქარაშვილის დამამძიმებელ გარემოებებში განზრახ მკვლელობის ბრალდებით სისხლისსამართლებრივი დევნა ხუთი პირის მიმართ ... ...
  • იმერეთის გუბერნატორის ყოფილი მოადგილე სამტრედიის მუნიციპალიტეტის მერის პირველ მოადგილედ დაინიშნაიმერეთის გუბერნატორის ყოფილი მოადგილე სამტრედიის მუნიციპალიტეტის მერის პირველ მოადგილედ დაინიშნა. აღნიშნული პოზიცია ვაკანტური გახლდათ, რომელსაც დღეიდან, 2020 წლის 11 აგვისტოდან გრიგოლ დალაქიშვილი იკავებს.   მას იმერეთის სამხარეო ადმინისტრაციაში რამდენიმეწლიანი სამუშაო გამოცდილება გააჩნია. გრიგოლ დალაქიშვილი 2017 წელს ქუთაისის მერის, შოთა მურღულიას მოთხოვნით მოადგილედ დაინიშნა. მანამდე  იგი ,,ქართული ოცნების"  იმერეთის რეგიონის კოორდინატორი ... ...
  • გაქცევისას, გიორგი შაქარაშვილი ორივე მხრიდან მოექცა თავდამსხმელებს შორის- პროკურატურა„საქართველოს პროკურატურის და შინაგან საქმეთა სამინისტროს მიერ ერთობლივად წარმოებული გამოძიების შედეგად მოპოვებული მტკიცებულებების საფუძველზე, დადგენილ იქნა, რომ 2020 წლის 18 ივნისს, დაახლოებით 23:00 საათზე, მცხეთაში მდებარე აგარაკზე, დაბადების დღის აღსანიშნავად გამართულ წვეულებაზე მყოფ სტუმრებს შორის დაწყებული ურთიერთშელაპარაკება ფიზიკურ დაპირისპირებაში გადაიზარდა, რა დროსაც წვეულებაზე სცემეს და ჯანმრთელობის დაზიანებები მიაყენეს ვ.ჩ.-ს. ვ.ჩ., თვლიდა რა საკუთარ თავს კონფლიქტში დაჩაგრულად, მოწინააღმდეგე მხარეზე შურისძიებისა და ანგარიშსწორებისათვის დამატებითი ფიზიკური ძალის მობილიზების მიზნით, დაბრუნდა თბილისში, ნაძალადევის რაიონში. წვეულების ადგილზე დარჩა ვ. ჩ.-ს ორი მეგობარი, რომლებიც პერიოდულად აწვდიდნენ ინფორმაციას მოწინააღმდეგე მხარის ადგილსამყოფელის შესახებ. თბილისში დაბრუნებისთანავე, ვ.ჩ. დაუკავშირდა მის მეგობრებს და 19 ივნისის დაახლოებით 00:30 საათისათვის, მერსედესის მარკის და ვ.ჩ.-ს კუთვნილი ტოიოტა ქამრის მარკის ავტომანქანებით გაემართნენ მცხეთის მიმართულებით. მომხდარი ფიზიკური დაპირისპირების გამო, დაბადების დღეზე მყოფი სტუმრების უმრავლესობამ დატოვა აგარაკის ტეორიტორია. მათ შორის იყო გიორგი შაქარაშვილიც, რომელიც წვეულებაზე მყოფ სხვა პირებთან ერთად, ფეხით გაემართა თბილისის მიმართულებით. მათ ფეხდაფეხ მიჰყვებოდა და უთვალთვალებდა ვ.ჩ.-ს ზემოხსენებული ორი მეგობარი. მათი მითითებით, მერსედესის მარკის ავტომანქანით ნაძალადევის რაიონიდან მცხეთაში ჩასული პირები გაემართნენ გიორგი შაქარაშვილის და მასთან ერთად ავტობანზე ფეხით მოძრავი პირებისაკენ. დაახლოებით 00:47 საათზე, არაგვის ხიდთან მდებარე ავტო-სამრეცხაოს მიმდებარე ტერიტორიაზე, მერსედესის მარკის ავტომანქანაში მყოფი პირები თავს დაესხნენ გიორგი შაქარაშვილს და მის თანმხლებ პირებს. თავდამსხმელებს ასევე შეუერთდნენ ვ. ჩ.-ს ზემოხსენებული ორი მეგობარი. ავტომანქანიდან გადმოსულმა პირებმა ფიზიკური შეურაცხყოფა მიაყენეს გიორგი შაქარაშვილთან ერთად მყოფ პირებს, ხოლო გიორგი შაქარაშვილმა გაქცევით დააღწია თავი ძალადობას. ფიზიკური ძალადობა გაგრძელდა რამდენიმე წუთი, რის შემდგომაც თავდამსხმელებმა ავტომანქანით დატოვეს შემთხვევის ადგილი. პარალელურად, ტოიოტა ქამრის მარკის ავტომანქანით ვ.ჩ.-სთან ერთად მყოფი პირები კონფლიქტში მონაწილე მოწინააღმდეგე მხარის წარმომადგენელთა მოძიების მიზნით გაემართნენ აგარაკისაკენ. ვინაიდან მათ აგარაკზე მოწინააღმდეგეთაგან არავინ დახვდა, ტოიოტა ქამრი გამოემართა თბილისის მიმართულებით. გიორგი შაქარაშვილი და მასთან ერთად მყოფი პირები, რომლებიც ჯგუფური ძალადობის ორგანიზატორთათვის ასოცირდებოდნენ მოწინააღმდეგე მხარის წარმომადგენლებთან, ფეხით განაგრძობდნენ გზას თბილისისაკენ, რა დროსაც მათ გზა გადაუჭრა აგარაკიდან წამოსულმა, ვ.ჩ.-ს კუთვნილმა ტოიოტა ქამრის მარკის ავტომანქანამ, რომელსაც მისი მეგობარი ვ.მ. მართავდა. გაჩერებისთანავე, ავტომანქანიდან, ვ.ჩ.-სთან ერთად გადმოვიდნენ ვ.მ., ნ.რ., ა.გ., ზ.ხ., ა.ქ. და გაეკიდნენ გიორგი შაქარაშვილს და მისი თანმხლებ პირებს, პარალელურად აყენებდნენ სიტყვიერ შეურაცხყოფას. მოსალოდნელი ძალადობისგან თავის დაღწევის მიზნით, გიორგი შაქარაშვილი და მასთან ერთად მყოფი პირები გაიქცნენ ავტობანზე არაგვის ხიდისკენ დასავლეთის მიმართულებით, გადაირბინეს არაგვის ხიდი, გადაკვეთეს საავტომობილო გზა და სირბილი განაგრძეს დასავლეთის მიმართულებით. გიორგი შაქარაშვილის თანმხლები პირი გ.ქ., რომელიც იყო ნაცემი, თავდამსხმელებისაგან თავის დაღწევის მიზნით, საავტომობილო გზაზე მოწყობილი ბეტონის გამყოფი ზოლის გადაკვეთის შემდეგ, დაიმალა გამყოფ ზოლში არსებულ ნარგავებში. ამავდროულად, საავტომობილო გზა გადაკვეთეს, მეორე მხარეს გადავიდნენ და გიორგი შაქარაშვილის და მასთან ერთად მყოფი პირების დევნა განაგრძეს თავდამსხმელებმა ვ.ჩ.-მ, ა.ქ.-მ და ზ.ხ.-მ. დასავლეთის მიმართულების საავტომობილო გზის ნაპირზე არსებული ფერადი შენობის მიმდებარე ტერიტორიასთან მიახლოებისას, გიორგი შაქარაშვილმა და მასთან ერთად მყოფმა ვ.ა.-მ სირბილი განაგრძეს გზის მარჯვენა მხარეს ხიდის ქვეშ გამავალ მეორეხარისხოვან გზაზე, ხოლო გიორგი შაქარაშვილის მეგობარი გ.ა. გაიქცა ზემოაღნიშნული შენობის მიმართლებით და დაიმალა მის უკან არსებულ ბუჩქებში. გიორგი შაქარაშვილს და ვ.ა.-ს იმავე მიმართულებით გაეკიდნენ ვ. ჩ., ა. ქ. და ზ.ხ., ხოლო ა. გ.-მ და ნ. რ.-მ, რომლებიც იმყოფებოდნენ აღმოსავლეთის მიმართულების საავტომობილო გზის მხარეს, განაგრძეს სირბილი გზის მარცხენა მხარეს არსებულ მეორეხარისხოვან გზაზე იმ მიზნით, რომ პირისპირ დახვედროდნენ იმავე გზაზე საპირისპირო მხრიდან გამოქცეულ პირებს და გზა გადაეღობათ მათთვის. ვ.ა. მეორეხარისხოვან გზაზე სირბილისას დაიმალა გზის პირად არსებულ ბუჩქებში, გიორგი შაქარაშვილმა კი განაგრძო გადაადგილება. როდესაც გიორგი შაქარაშვილი მიუახლოვდა მეორეხარისხოვანი გზის იმ მონაკვეთს, რომელიც არაგვის ხიდის ბურჯებს შორის გადის, საპირისპირო მიმართულებიდან მას გზა გადაუღობეს ა. გ.-მ და ნ. რ.-მ. გაქცევისას, გიორგი შაქარაშვილი ორივე მხრიდან მოექცა თავდამსხმელებს შორის, რამაც მას მოუსპო თავისუფალი გადაადგილების შესაძლებლობა და გარდაუვალი ანგარიშსწორების თავიდან აცილების მიზნით იძულებული გახდა ჩასულიყო გზის მარცხენა მხარეს არსებულ ხევში, სადაც მას ჩაჰყვა ხუთივე თავდამსხმელი. ხევში არსებული ბილიკის ბოლოს გიორგი შაქარაშვილი მივიდა მდინარე არაგვის ნაპირთან და ვინაიდან ცურვის არცოდნის გამო აღმოჩნდა მისთვის გადაულახავი ბუნებრივი წინაღობის – მდინარის წინაშე, ვეღარ შეძლო გაქცევა. ამ ვითარებით ისარგებლეს თავდამსხმელებმა და გიორგი შაქარაშვილს მიაყენეს დაზიანებები თავის, ორივე თვალბუდის, ზედა და ქვედა ტუჩების მიდამოებში, მარჯვენა იდაყვის სახსრისა და მარჯვენა წინამხრის მიდამოებში, აგრეთვე მუცლის, საზარდულის, ბოქვენის, წელისა და ორივე დუნდულოს მიდამოებში. სასტიკად ნაცემი გიორგი შაქარაშვილი თავდამსხმელებმა გადააგდეს მდინარე არაგვში, რის შედეგადაც ეს უკანასკნელი გარდაიცვალა. სასამართლო-სამედიცინო ექსპერტიზის შუალედური დასკვნით გამოირიცხა გიორგი შაქარაშვილის სხეულზე არსებული დაზიანებების ასფალტირებულ გზაზე, ჩანთის აღმოჩენის ადგილამდე ფერდობზე მიმავალ ბილიკზე, მდინარის კალაპოტის მონაკვეთზე დაგორება – დაცურებით, წაქცევა-დაცემით ან რაიმე მკვრივ-ბლაგვ საგანზე ხახუნით ან თრევით, ასევე დაახლოებით 15…/25… მეტრი სიმაღლის ხიდიდან თავისუფალი ვარდნის შემდეგ, წყალზე დაცემის ან წყალში ჩავარდნის შედეგად, ერთობლივად განვითარების შესაძლებლობა. ექსპერტიზით დადგინდა, რომ გიორგი შაქარაშვილის სხეულზე არსებული დაზიანებები განვითარებულია რაიმე მკვრივი-ბლაგვი მატრავმირებელი საგნების ზემოქმედებით, როგორიცაა ხელკეტის მსგავსი საგანი, ფეხი, ქვა, მუშტი. გარდა აღნიშნულისა, გამოძიების მიერ ექსპერტიზის წინაშე დასმული საკითხების დადგენის მიზნით, აქტიურად გრძელდება კომპლექსური საექსპერტო კვლევები. ხუთივე თავდამსხმელის მიმართ სისხლისსამართლებრივი დევნა დაიწყო სისხლის სამართლის კოდექსის 109-ე მუხლის მეორე ნაწილის „ე“ ქვეპუნქტით გათვალისწინებული დანაშაულის ჩადენისათვის, რაც სასჯელის სახედ და ზომად 13-დან 17 წლამდე თავისუფლების აღკვეთას ითვალისწინებს. გამოძიებით დადგენილია, რომ დაბადების დღის აღსანიშნავად გამართულ წვეულებაზე განვითრებულ კონფლიქტთან დაკავშირებით, 19 ივნისის ღამით, თბილისიდან მცხეთის მიმართულებით გაემართა სულ 8 ავტომანქანა, მათგან სამი საბურთალოს რაიონიდან, ხოლო ხუთი – ნაძალადევის რაიონიდან. ჩატარებული გამოძიების შედეგად მოპოვებული ვიდეოჩანაწერების და მობილური კავშირგაბმულობის ოპერატორებისაგან გამოთხოვილი ინფორმაციის შესწავლის შედეგად უტყუარად დგინდება, რომ გიორგი შაქარაშვილის განზრახ მკვლელობის დროს, შემთხვევის ადგილზე იმყოფებოდა ტოიოტა ქამრის მარკის ავტომანქანა და დანაშაულის ჩადენაში მისი მგზავრები მონაწილეობდნენ. გიორგი შაქარაშვილის საქმის გამოძიების პროცესში ჩატარდა ათასზე მეტი საპროცესო მოქმედება, საგამოძიებო ჯგუფის მიერ დამუშავებულ და შესწავლილ იქნა დეტალური ინფორმაცია საქართველოში მოქმედი მობილური ოპერატორების მეშვეობით განხორციელებული ათიათასობით ზარის, მოკლე ტექსტური შეტყობინების და ინტერნეტ აქტივობის შესახებ, გამოკვლეულ იქნა საჯარო და კერძო დაწესებულებების კუთვნილი გარე მეთვალყურეობის კამერების ჩანაწერები, რომელთა საერთო ხანგრძლივობა შეადგენს რამდენიმე ასეულ საათს, დაკითხულ იქნა ასეულობით მოწმე, ჩატარდა სასამართლო-სამედიცინო, ბიოლოგიური, ტრასოლოგიური, კომპიუტერული და კომპლექსური ექსპერტიზები, ამოღებულ იქნა კონფლიქტში მონაწილე პირთა ტანსაცმელი, საკომუნიკაციო და სატრანსპორტო საშუალებები, აღებულ იქნა ანაწმენდები და სხვადასხვა სახის ნიმუშები, მოწმეთა ჩვენებების და საგამოძიებო ვერსიების შემოწმების მიზნით ჩატარდა არაერთი საგამოძიებო ექსპერიმენტი, ბრალდებულთა ამოცნობები და სხვა სახის საგამოძიებო მოქმედებები, სამართლებრივი დახმარების აღმოჩენის მიზნით მიემართა ამერიკის შეერთებული შტატებისა და ისრაელის სახელმწიფოს კომპეტენტურ ორგანოებს. გვსურს საზოგადოებას შევახსენოთ, რომ იმ ხუთი პირის გარდა, რომელთა მიმართ სისხლისსამართლებრივი დევნა გიორგი შაქარაშვილის დამამძიმებელ გარემოებებში განზრახ მკვლელობის ბრალდებით დაიწყო, ჯგუფური ძალადობის, ჯგუფური ძალადობის ორგანიზების და ამავე ძალადობაში მონაწილეობის, ასევე, ჯგუფურად თავისუფლების უკანონო აღკვეთის ფაქტებზე დაკავებულია 12 პირი, რომელთაც აღკვეთის ღონისძიების სახით შეფარდებული აქვთ პატიმრობა. მათ მიმართ წარდგენილი ბრალდება სასჯელის სახით თავისუფლების აღკვეთას ოთხიდან ათ წლამდე ითვალისწინებს“, – აღნიშნულია პროკურატურის მიერ გავრცელებულ ... ...
  • გიორგი შაქარაშვილის დამამძიმებელ გარემოებაში განზრახ მკვლელობის ბრალდებით სისხლის სამართლის დევნა 5 პირის მიმართ დაიწყოგიორგი შაქარაშვილის დამამძიმებელ გარემოებაში განზრახ მკვლელობის ბრალდებით სისხლის სამართლის დევნა 5 პირის მიმართ დაიწყო. ამის შესახებ პროკურატურაში გამართულ ბრიფინგზე განაცხადეს. როგორც პროკურატურაში გამართული ბრიფინგიდან ირკვევა, ბრალი დაუმძიმდათ ვახტანგ ჩიქოვანს, არჩილ გაგნიძეს, ნიკოლოზ რევაზიშვილს, არასრულწლოვნებს ა.ქ.-ს და ზ.ხ.-ს. ცნობისთვის, დაბადების დღეზე სტუმრად წასულ 19 წლის ფეხბურთელს მაშველები მცხეთაში, რამდენიმე დღის განმავლობაში ეძებდნენ, ბოლოს კი არაგვში გარდაცვლილი ... ...
  • თიბისის ციფრული ბარათი ონლაინ გადახდებისთვის (R)აქ და ახლა თიბისი და ვიზა თავის მომხმარებლებს ციფრული ბარათით ონლაინ გადახდებს სთავაზობენ. დღეიდან უკვე შესაძლებელია ციფრული ბარათი ელექტრონული კომერციისთვისაც გამოიყენოთ და კიდევ უფრო გაიმარტივოთ ცხოვრება. 31 აგვისტოს ჩათვლით, მომხმარებლებს ონლაინ  სივრცეში, ქართულ თუ უცხოურ საიტებზე, ციფრული ბარათით გადაიხდისას, გადახდილი თანხის 10 % უკან დაუბრუნდებათ. ციფრული ბარათი, რომელიც თიბისიმ და ვიზამ მომხმარებლებს აპრილში შესთავაზა ინოვაციური პროდუქტია, ციფრული ბარათი ფიზიკური ბარათის  ალტერნატივაა და უამრავ უპირატესობას მოიცავს. ამასთანავე, ის პლასტიკური ბარათის ციფრული ანალოგია და ყველა ის ფუნქცია აქვს, რაც სადებეტო ბარათს. ციფრული ბარათით სარგებლობა შეუძლიათ როგორც ფიზიკურ, ისე იურიდიულ პირებს. მისი გამოყენებით შესაძლებელია თანხის გადახდა სავაჭრო ობიექტებში და ონლაინ სივრცეში, ასევე ბანკომატიდან თანხის განაღდება. რა უპირატესობები აქვს ციფრულ ბარათს: მომხმარებელს არ უწევს ფიზიკური პლასტიკური ბარათის ტარება; საჭირო აღარაა ფილიალში ბარათის შესაკვეთად მისვლა; ფიზიკური ბარათის დაკარგვის ან ბანკომატის მიერ მისი „ჩაყლაპვის“ შემთხვევაში, შესაძლებელია, ციფრული ბარათის მომენტალურად ინტერნეტბანკიდან  გააქტიურება და სასურველ ანგარიშზე მიბმა; ციფრული ბარათი არასოდეს დაგეკარგებათ; ბარათის დამატება შესაძლებელია მომენტალურად ციფრულ საფულეში; ციფრული ბარათის გამოყენება შესაძლებელია ციფრული საფულედან Apple Pay ან tbc Wallet; Apple Wallet-ით სარგებლობისას, ციფრული ბარათის გამოყენება შესაძლებელია საზღვარგარეთ იმ ბანკომატებში, სადაც დაშვებულია Apple Pay-ით თანხის განაღდება. ... ...

არქივი

ტესტები

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...