გურული მეჩაიე გოგონა, კინომხატვრის პროფესიით და ჰოლივუდური ღიმილით

კარმიდამო ჩემი

გურული მეჩაიე გოგონა, კინომხატვრის პროფესიით და ჰოლივუდური ღიმილით

16 ოქტ. 2018, 15:45:50

"დიახ, მეჩაიე ვარ! მაქვს მოტივაცია _ მივიღე პირველი საუკეთესო შედეგი და აუცილებლად ვიტყვი ჩემს სიტყვას გურიაში ჩაის აღორძინების საქმეში. მე მომიხდა საფრანგეთში მოგზაურობა და მატარებლის ფანჯრიდან ვხედავდი ტყეებსა და ველ-მინდვრებს, სადაც ერთ კვადრატულ მეტრსაც ვერ შეამჩნევდით მოუვლელსა და გავერანებულს. მინდა, ჩემს სამშობლოშიც ასეთ სურათს ვხედავდე, რით ვართ ვინმეზე ნაკლები?" _ ამ სიტყვების ავტორი 26 წლის გოგონა ლანა ჟღენტია, ოზურგეთის მუნიციპალიტეტის სოფელ მელექედურის მკვიდრი, რომელსაც ასაკისთვის დამახასიათებელი არა მხოლოდ იდეები და ოცნებები ამოძრავებს, ხელში უჭირავს უკვე გაკეთებული საქმე და განსაცვიფრებელი შეუპოვრობით მიიწევს წინ, გავერანებული ფართობების ასაღორძინებლად.

ლანა ჟღენტი თბილისის სამხატვრო აკადემიის დამთავრების შემდეგ, დედაქალაქში კინომხატვრის პროფესიით შეუდგა მუშაობას და თავიდან არც უფიქრია, რომ ჩაის მწკრივებში ჩადგებოდა და მის აღორძინებაზე იფიქრებდა. წერდა სცენარებს პატარ-პატარა ფილმებისთვის, თუმცა, არ მოსწონდა მიზერული ხელფასი და მერე საბუღალტრო კურსის გავლა გადაწყვიტა. დაიწყო ძიება. ორგანიზატორული უნარის მქონე გოგონა მუშაობდა არასამთავრობო ორგანიზაციებში და არა ერთ აქტივობას ასრულებდა. შემდეგ სასტუმრო "ვანოტელში" იმუშავა... მაინც არ მოსწონდა საკმაოდ მაღალი ხელფასი და ერთხელაც იფიქრა, მშობლიურ მელექედურში, საკუთრებაში არსებული ერთი ჰექტარი ჩაის ფართობისთვის მიეხედა, წარმატების შემთხვევაში კი თანდათან გაეფართოებინა საკუთარი ბიზნესი.

_ ვცადე და შესანიშნავად გამომივიდა. იყო მძიმე დღეები და უძილო ღამეებიც, თუმცა, თუ მიზანდასახული იქნები, ვერაფერი შეგაჩერებს. საკუთარი ძალებით მოვახერხე ფართობის მოწესრიგება. მერე პროექტ "აწარმოე საქართველოში" მივიღე მონაწილეობა და გავიმარჯვე. მთლად დარწმუნებული არ ვიყავი გამარჯვებაში. როცა მოვიგე, თითქოს, ფრთები შემესხა. მცირე დანაზოგით და, ასევე, ნედლეულის პირველივე მოკრეფის შემდეგ აღებული თანხა მთლიანად ახალი პლანტაციების შეძენის საქმეში ჩავდე. ახლა ხუთი ჰექტარი ჩაის ფართობი მაქვს. უკვე ახალ პროექტში ვმონაწილეობ. ვერაფერი შემაჩერებს, სოფლის მეურნეობა ისეთი საქმეა, თუ საქმეში გულს ჩადებ, აუცილებლად გამოგივა, _ ამბობს ჩვენი რესპონდენტი, ულამაზესი გოგონა და, ჰოლივუდურ ღიმილს არ იშურებს... თითქოს, იმისთვის არის გაჩენილი, რომ გაგაკვირვოს.

კითხვაზე, ამ ასაკის, პროფესიის და გარეგნობის გოგონას, რამ გადააწყვეტინა მეჩაიეობა, უფრო იღიმება და ამაყად აცხადებს, ჯერ სად ხართო.

ლანა ჟღენტს ჩაის კრეფის საქმეში, წლის განმავლობაში, 25 ქალბატონი ჰყავს დასაქმებული. თვითონაც ყველა პროცესში იღებს მონაწილეობას და არა ერთ მძიმე სამუშაოს ასრულებს.

_ ყოველთვის ჩაის საკრეფად არ მცალია. დრო რომ მქონდეს, არც ამაზე ვიტყვი უარს. როცა ტვირთის გადატანა ან გადაადგილება მჭირდება, ერთი დამხმარე ბიჭი მყავს და ორივე ერთად საკმაოდ მძიმე სამუშაოს ვასრულებთ. სხვანაირად არ გამოვა. ამ შემოდგომაზე საკმაოდ მძიმე სამუშაოები მაქვს შესასრულებელი. ახლად შეძენილი ფართობები მოსავლელია _ გაწმენდა, გასხვლა, დაბარვა, სასუქის შეტანა... უამრავი სამუშაო მელოდება წინ, რაც, ძირითადად, საკუთარი ხელებით უნდა შევასრულო. მაისიდან სექტემბრამდე პლანტაციებში ვარ. ძალიან მიყვარს "რუჯი", ზღვა და მზე, თუმცა, ახლა ჩაიში მიღებული "ზაგარითაც" დავდივარ. ვეღარ მოვიცალე ზღვისთვის, _ კვლავ მახასიათებელი ღიმილით ამბობს სათქმელს და პლანტაციებში მიგვიძღვება.

მელექედურის გარდა, როგორც თავად გვიამბობს, გავერანებული პლანტაციები სხვა სოფლებშიც შეიძინა. ახლა ხუთ ჰექტარს ფლობს საკუთრებაში და კვლავ გაფართოებაზე ფიქრობს. საჭესთან მშვიდად ზის და დღის განმავლობაში ვრცელი ტერიტორიების შემოვლა უხდება. თეთრი და შავი საქმე მისთვის არ არსებობს _ აკეთებს და გამოუდის.

ორი წლის წინ, როცა პირველი წარმატება მოვიდა და ლანა ჟღენტის მაღალი ხარისხის ჩაის პროდუქცია ბაზარზე გავიდა, სასწრაფოდ გადაწყვიტა, ჩაის მიკროფაბრიკა გაეფართოებინა. ახლა საღრობი და საფერმენტაციო დანადგარის უფრო მასშტაბურ ამუშავებაზე ფიქრობს.

_ პირველად 1,800 ტონა ჩაი დავამზადე. 800 კილოგრამი უმაღლესი ხარისხის იყო. ერთი ტონა კი უფრო უხეშად ნაკრეფი. კლიენტი მოვიდა და არც ისე ძვირად, ერთი კილოგრამი 23 ლარად გავყიდე. მერჩივნა, ერთიანი ფულის აღება, რომ სასწრაფოდ ახალი პლანტაციები შემეძინა. ამ ეტაპზე, გაფართოების გარდა, ვიზუალური მხარის მოწესრიგებასა და რეკლამირებით ვარ დაკავებული. ჩართული ვარ სიახლეების ძიებაში. არ ვაკლდები მეწარმეთა არც ერთ შეხვედრას. უკვე მოძიებული მაქვს გასაღების გზები, ოღონდ ხარისხიანი იყოს პროდუქცია და აუცილებლად გაიყიდება. მე ჩემი ბრენდი უნდა შევქმნა და გურიაში ჩაის აღორძინების საქმეში საკუთარი სიტყვა ვთქვა.

სოფლის მეურნეობა ისეთი რამ არის, ჯანმრთელ და მოტივირებულ ადამიანს, თუ მიწა გაქვს, თავის რჩენა არ უნდა გაგიჭირდეს. როცა საფრანგეთში მშობლები ვინახულე, ყველგან ვაკვირდებოდი იმას, რაც უფრო მაინტერესებს _ სასოფლო-სამეურნეო სავარგულებს, ველ-მინდვრებს, ტყეებს. განცვიფრებული ვარ, როგორ უვლიან ასე გარემოს, თითოეულ გოჯ მიწას... ჩვენ რა დაგვემართა? რატომ გადაუარა ეკალ-ბარდმა ყველაფერს? მინდა, ჩემს გარშემო ოაზისი შევქმნა. მინდა, ყველას მოვუწოდო და შევევედრო, არ ამოძირკვოთ დარჩენილი ჩაი, მოვუაროთ ჩვენს განადგურებულ მიწა-წყალს...

საოცარი სამშობლო გვაქვს _ ეს არ არის რომანტიკული ამოძახილი, ეს ჩემი რეალური გულისთქმაა და ტკივილიც... _ ასე საუბრობს და სიტყვას საქმით ჯაბნის 26 წლის გოგონა, რომელმაც უკვე ყველას დაანახა საკუთარი რწმენის ძალა.

აღსანიშნავია ერთი გარემოება _ ლანა ჟღენტის მშობლები დღეს საფრანგეთში იმყოფებიან. მამამ უმძიმესი ოპერაცია გაიკეთა. ღვიძლის გადანერგვის შემდეგ, თავს უკეთ გრძნობს და დედა წამითაც ვერ შორდება. უცხოეთში ჰყავს და-ძმაც. საქართველოში კი, მშობლიურ მელექედურში, ლანა, 78 წლის ბებიასთან ერთად, ახერხებს ოჯახი ქალიც იყოს და კაციც.

ლანას "ოლღა ბებია", ლამარა თოხაძე მოკრძალებულად ამბობს, რომ 35 წელი რაიონში ბუღალტრად იმუშავა.

_ სოფელსაც ვუვლიდი, ოჯახს ვევლებოდი. მერე ისე წავიდა საქმე, შინ ჩემი ლანა და მე დავრჩით. საოცარი გოგოა, უფრო ვაჟკაცობა შეშვენის. დაც თავისნაირი შემართული და საქმიანი ჰყავს. რძალი მყავს არაჩვეულებრივი _ ლანას დედა. ჩემი შვილი სიკვდილისგან იხსნა, საფრანგეთში წაყვანა მოახერხა და დღეს ამათი სიცოცხლით ვარ ბედნიერი. კი მინდა, ლანას სერიოზულ წარმატებას მოვესწრო, მსურს სულ ვეხმარებოდე, თუმცა. ძველებური შეძლება აღარ არის, _ მშვიდად, სევდამორეული საუბრობს ქალბატონი.

ლანა ჟღენტი, კითხვაზე, როგორი მიდის საქმე მის პირადი ცხოვრებაში და უმკლავდება თუ არა ასე სასურველი სარძლოს მთხოვნელთა "შემოტევებს", კვლავ მომაჯადოებელი ღიმილით პასუხობს _ გარკვეული დროით სასიძოს ადგილი ვაკანტურია, დიდი საქმე მაქვს მოსასწრები და მერე ყველაფერს მოვესწრებითო.

ვემშვიდობებით საოცარ გოგონას. უცებ უკან ბრუნდება, ხელში რამდენიმე ჩაის შეკვრით _ "კარმიდამო ჩემმა" ჩემი ნახელავი არ უნდა დააგემოვნოსო?

ფაქტია, გურიას, ჩაის რეაბილიტაციის საქმეში, საუკუნის კომპლექსურად ძლიერი კაშკაშა ვარსკვლავი ჰყავს _ გოგონა უსაზღვრო ენერგიით, მაღალი ინტელექტით, უსაზღვრო შრომისმოყვარეობით, ჰოლივუდური ღიმილით და კინომხატვრის პროფესიით. როგორც თავად ამბობს, პროფესია შესანიშნავად ეხმარება, საკუთარ ჩაის პლანტაციებს, სახლს და საკარმიდამოს განსხვავებული და მიმზიდველი ვიზუალი მიანიჭოს. სარემონტო სამუშაოებიც ამის დასტურია, რასაც, ჩვენდა გასაკვირად, მარტოა შეჭიდებული...

საკუთარი მიზნების სრულ გახორციელებას, მრავალ წარმატებას ვუსურვებთ ლანა ჟღენტს, თანამედროვე გურული ჩაის დედოფალს!





 ახალი ამბები
  • ლანჩხუთში ლენინის ბიუსტი მოიპარესლანჩხუთის მუნიციპალიტეტის ვალდოია წულაძის სახლ-მუზეუმში მოპარულია რეკვიზიტად გამოყენებული ლენინის სპილენძის დიდი ბიუსტი. ბიუსტი კვარცხლბეკის გარეშე იდგა ვალოდია წულაძის მუზეუმის უკანა ეზოში. როგორც ლანჩხუთის მუნიციპალიტეტის მერიაში “გურია ნიუსს“ განუცხადეს საქმე გადაცემულია შინაგან საქმეთა ... ...
  • არასამთავრობო ორგანიზაციები შშმ პირთა შესახებ კანონის აღსრულების შეფერხებას ეხმაურებიანარასამთავრობო ორგანიზაციები და შშმ აქტივისტები „შეზღუდული შესაძლებლობის მქონე პირთა უფლებების შესახებ“ საქართველოს კანონის აღსრულების შეფერხების პროცესს ეხმაურებიან და მთავრობას კანონით ნაკისრი ვადაგადაცილებული ვალდებულებების შესრულებისკენ მოუწოდებენ, _ ერთობლივ განცხადებას ორგანიზაცია „პარტნიორობა ადამიანის უფლებებისთვის“ ავრცელებს. შშმ პირთა უფლებების შესახებ კანონი , რომელიც პარლამენტმა გასული წლის ივლისში მიიღო, ამოქმედების პირველ ეტაპზე, 2020-2021 წლებში აღმასრულებელი ხელისუფლების უმთავრეს ვალდებულებად   პოლიტიკის დაგეგმვის და განხორციელებისთვის მნიშვნელოვანი ინსტრუმენტების შემუშავებას ითვალისწინებდა, თუმცა ეს დროულად ვერ მოხერხდა. „საგანგაშოდ მიგვაჩნია, რომ იმ ვალდებულებების მნიშვნელოვანი ნაწილი, რომელთა განხორციელების ბოლო ვადად მიმდინარე წლის პირველი იანვარი იყო განსაზღვრული, საერთოდ არ შესრულებულა. ამ პერიოდში მხოლოდ ორი აქტივობის განხორციელება გახდა შესაძლებელი - იუსტიციის მინისტრის ბრძანებით, შშმ პირთა უფლებების დამცველი ორგანიზაციებისთვის დამტკიცდა სპეციალური მოსარჩელის სტატუსის  მიღების  პროცედურები, ხოლო განათლებისა და მეცნიერების სამინისტრომ  ნახევარი წლის დაგვიანებით შეიმუშავა და დაამტკიცა სურდო თარჯიმნების სერტიფიცირების პროგრამა. აღნიშნული ინსტრუმენტების არსებობა უდავოდ მნიშვნელოვანია შშმ პირთა თემისთვის, თუმცა ისინი ვერ ანაცვლებს კანონით გათვალისწინებულ სხვა ძირეულ ვალდებულებებს“ - ნათქვამია არასამთავრობო ორგანიზაციების საერთო განცხადებაში. ისინი მთავრობას მოუწოდებენ შეიმუშაოს და დაამტკიცოს 2021-2035 წლების ერთიანი სტრატეგია და სამოქმედო გეგმა, რომელმაც უნდა განსაზღვროს მომდევნო წლების განმავლობაში შშმ პირთა მიმართ სახელმწიფოს მოკლევადიანი და გრძელვადიანი  პრიორიტეტები, რომელიც თავის მხრივ მომავალში გატარებული პოლიტიკის საფუძველი იქნება. გარდა ამისა, არასამთავრობო ორგანიზაციები მთავრობას შშმ პირთა უფლებების შესახებ გაეროს კონვენციის იმპლემენტაციისთვის პასუხისმგებელი უწყებათაშორისი საკოორდინაციო ორგანოს შექმნას სთხოვენ, რომლის ვალდებულება იქნება, განსაზღვროს  და დააკოორდინიროს ქვეყანაში კონვენციის აღსრულება და უზრუნველყოს შშმ თემისა და სახელმწიფო უწყებების ეფექტიანი მონაწილეობა ამ პროცესში: „საქართველოს მთავრობას: უმოკლეს ვადებში უზრუნველყოს შშმ პირთა ეროვნული სტრატეგიისა და სამოქმედო გეგმის შემუშავება და ამ პროცესში შშმ თემის წევრების აქტიური ჩარ-თულობა; უმოკლეს ვადებში შექმნას კონვენციის იმპლემენტაციისა და კოორდინაციის მექანიზმი, რომელიც იქნება კონვენციის სტანდარტების სრულ შესაბამისობაში და, მათ შორის, გაითვალისწინებს შშმ თემის ეფექტიან მონაწილეობას გადაწყვეტილების მიღების პროცესში; შშმ თემის ჩართულობით უზრუნველყოფილი იყოს ყველა უწყების მიერ წლიური სამოქმედო გეგმების მიღება, რომელიც შინაარსობრივად დაეფუძნება შშმ პირთა რეალურ საჭიროებებსა და გამოწვევებს; შემუშავდეს შშმ თემისა და ორგანიზაციების ჩართულობის სტანდარტი, რომლითაც იხელმძღვანელებს ცენტრალური და მუნიციპალური ხელისუფლება ნებისმიერი ტიპის საქმიანობის განხორციელების დროს; განხორციელდეს ცენტრალური და ადგილობრივი ხელისუფლების ორგანოების აქტიური და სიღრმისეული ინფორმირება კონვენციითა და შშმ პირთა უფლებების შესახებ კანონით გათვალისწინებული ვალდებულებების შესახებ. საქართველოს პარლამენტს: შშმ პირთა უფლებების შესახებ კანონის აღსრულებაზე განახორციელოს აქტიური და ეფექტიანი საპარლამენტო ზედამხედველობა და ამ პროცესში უზრუნველყოს შშმ თემის აქტიური ჩართულობა და მათი პოზიციების პრიორიტეტიზაცია“, _ ნათქვამია განცხადებაში, რომელსაც ხელს აწერენ: სოციალური სამართლიანობის ცენტრი (ყოფილი EMC); პარტნიორობა ადამიანის უფლებებისთვის (PHR); პლატფორმა ახალი შესაძლებლობებისთვის (PNO); ფსიქიატრიის სერვის მომხმარებელთა და გადარჩენილთა საქართველოს ქსელი (GNUSP); გლობალური ინიციატივა ფსიქიატრიაში - თბილისი; ააიპ თანაბარი ჩართულობის შესაძლებლობის ცენტრი (EPC); ასოციაცია დეა; პლატფორმა სალამი; ააიპ საჩხერის შეზღუდული შესაძლებლობის მქონე პირთა რეგისტრირებული კავშირი; მარიკო კობახიძე; ესმა გუმბერიძე; გიორგი ... ...
  • საქსტატის მონაცემებით, საშუალო თვიური ხელფასი 1256 ლარამდე გაიზარდა2021 წლის I კვარტალში საქართველოში საშუალო თვიური ნომინალური ხელფასი გასული წლის შესაბამის პერიოდთან შედარებით 4.4 პროცენტით (53.5 ლარით) გაიზარდა და 1 256.2 ლარი შეადგინა. საქმიანობების სახეების მიხედვით შედარებით მაღალი ხელფასი დაფიქსირდა შემდეგ დარგებში: საფინანსო და სადაზღვევო საქმიანობები – 2 448.5 ლარი (წინა წლის შესაბამის პერიოდთან შედარებით შემცირდა 5.7 პროცენტით); ინფორმაცია და კომუნიკაცია – 2 159.8 (გაიზარდა 14.4 პროცენტით); პროფესიული, სამეცნიერო და ტექნიკური საქმიანობები – 1 798.9 ლარი (გაიზარდა 0.2 პროცენტით); მშენებლობა – 1 664.5 ლარი (შემცირდა 2.3 პროცენტით); 2021 წლის I კვარტალში ქალების საშუალო ხელფასი 1 022.9 ლარით, ხოლო კაცების - 1 473.4 ლარით განისაზღვრა. ხელფასების წლიურმა ზრდამ ქალებში 62.5 ლარი შეადგინა, ხოლო კაცებში - 49.5 ლარი. საქმიანობის სახეების მიხედვით კაცების ხელფასი თითქმის ყველა სექტორში აღემატებოდა ქალების ... ...
  • თანხები რეგფონდიდან, წინსწრებით დაგებული გზები და უკმაყოფილო სოფლის დეპუტატებიმერიის წინადადების საფუძველზე ლანჩხუთის საკრებულოში დეპუტატებს რიგგარეშედ მოუწიათ შეკრება და სხდომის გამართვა. სხდომას საკრებულოს თავმჯდომარე ბესიკ ტაბიძე უძღვებოდა. სხდომის დღის წესრიგი კი  ორი საკითხისგან შედგებოდა. პირველი საკითხი  2021 წლის ბიუჯეტის დამტკიცების შესახებ  ლანჩხუთის  საკრებულოს 2020 წლის 25 დეკემბრის დადგენილებაში ცვლილების შეტანას ეხებოდა და ის დეპუტატებს მერის მოადგილემ ბიძინა იმნაიშვილმა გააცნო. მეორე საკითხის შესაბამისად კი საკრებულოს წევრებმა განკარგულება დაამტკიცეს და  „ევროპის მუნიციპალიტეტთა და რეგიონთა საბჭოს მიერ მიღებულ -„ევროპული ქარტია ადგილობრივ ცხოვრებაში ქალთა და მამაკაცთა თანასწორობის შესახებ“ შეთანხმების ხელმოწერაზე ლანჩხუთის მუნიციპალიტეტის მერიას თანხმობის მიცეს. როგორც პირველი საკითხის მომხსენებელმა ბიძინა იმნაიშვილმა აღნიშნა, რეგიონებში განსახორციელებელი ფონდიდან ლანჩხუთის მუნიციპალიტეტს 2719106 ლარი გამოეყო, საიდანაც 48315 ლარი ნიგვზიანის ადმინისტრაციულ ერთეულში შიდა სასოფლო გზების რეაბილიტაციას უნდა მოხმარდეს. დარჩენილი თანხა, მერიის მხრიდან გაჟღერებული განმარტებების მიხედვით, მუნიციპალიტეტის რიგ ადმინისტრაციულ ერთეულებზე გადანაწილდება და ისიც შიდა გზების რეაბილიტაციისთვის გაიხარჯება. სწორედ ბიუჯეტში  შესაბამისი ცვლილების ასახვის მიზნით დაიწყო საკითხთან დაკავშირებით ადმინისტრაციული წარმოება. თუმცა, მანამ  საკითხს დასტურს მისცემდნენ, დეპუტატებმა საკუთარი მოსაზრებებიც დააფიქსირეს. უმრავლესობის წევრმა და „ოცნების“ ფრაქციის თავმჯდომარის მოადგილემ,  ციცი ჩხაიძემ აქცენტი სანახევროდ რეაბილიტირებულ, განსაკუთრებით კი ქალაქის ტერიტორიაზე,  გააკეთა და ინფრასტრუქტურის სამსახურისგან ამასთან დაკავშირებთ განმარტებებიც მოითხოვა. „მაინტერესებს ერთი რამ ამ გზებთან დაკავშირებით, ქალაქში გადმოსასვლელი რომ არის, იქ სულ მოუწესრიგებელია, ჩიბათში მივდივარ-გზა სოფელში შეწყვეტილია, გვიმბალაურში თუ აგარაკში ავდივარ, გზა ბოლომდე მიყვანილი არაა, თამარ მეფის ქუჩაზე გავდივარ-საშინელი მდგომარეობაა. ერთხელ და სამუდამოდ რა აფერხებს ამის დასრულებას, რა ხდება ან რატომ?! თანხა არყოფნის?! გათვალისწინებული არაა პროექტში თუ რატომ ვაწყდებით ასეთ პრობლემებს?!“- აღნიშნა „ოცნების“ ფრაქციის თავმჯდომარის მოადგილემ.  კითხვები სხვა დეპუტატებსაც გაუჩინა წარმოდგენილმა საკითხმა. მათი არგუმენტით, ზემონახსენები დაფინანსება რამდენიმე  ადმინისტრაციულ ერთეულს არ მოიცავს და მათთვის გაუგებარი რჩება თუ რატომ. „ლესა სად არის? გვიმბალაური სადაა? სხვა რამდენიმე  ადმინისტრაციული ერთეული სადაა? თუ იქ არ არის შიდა გზების პრობლემები?!“-  იკითხა დეპუტატმა ამირან გიგინეიშვილმა.  პასუხად კი საკითხის მომხსენებლისგან მიიღო, რომ ზემონახსენები თანხა იქ გამოიყო, სადაც უკვე მზა პროექტები არსებობდა. ლესის მაჟორიტარის, ელისო ჭიჭინაძისთვის პრიორიტეტების შერჩევამ შექმნა ბუნდოვანება. „საინტერესოა როგორ შეირჩა პრიორიტეტები. სულ გზას ვიძახით და ვინ უნდა გაამზადოს ეს პროექტები?! ჩვენ თავად თუ რა ხდება?! ვერ გავიგე! ხომ ამბობენ, რომ ეს წინასწარ გამზადებული პროექტებიაო, გვაჩვენონ ინფრასტრუქტურის სამსახურში ვის რამდენი განცხადება აქვს შენატანი გზების თაობაზე. თუ არ ვცდები სულ 16 ადმინისტრაციული ერთეულია და აქ 11-ია ასახული, ანუ 11 უკიდურესად მძიმე მდგომარეობაში მყოფი და ის დანარჩენი ხუთი უკეთეს მდგომარეობაშია?! “ საფინანსო კომისიის ხელმძღვანელმა ალექსანდრე მახათაძემ კი მერიის ინფრასტრუქტურული სამსახურიდან სრული ჩამონათვალი მოითხოვა თუ რომელ ადმინისტრაციულ ერთეულში რეგფონდიდან  რა თანხა გაიხარჯა2017 მოყოლებული დღემდე.  „მომავალი საკრებულოს  სხდომისთვის, როცა ეს წარმოდგენილი ბიუჯეტში ცვლილება უნდა დავამტკიცოთ, მერიის ინფრასტრუქტურის სამსახურმა წარმოგვიდგინოს 2017 წლიდან დღემდე ადმინისტრაციული ერთეულების მიხედვით რეგიონალური განვითარების ფონდიდან რა თანხებია გახარჯული. გზა იქნება, პარკი იქნება თუ რაც იქნება“, _ საკუთარი მოთხოვნა დააყენა საფინანსო კომისიის თავმჯდომარემ.    დეპუტატთა მხრიდან გაჟღერებული პრეტენზიების საპასუხოდ განმარტებების გაკეთება  მერიის ინფრასტრუქტურის სამსახურის პირველ პირს ლევან ჩხაიძეს მოუწია. მისი თქმით, ლესაში გზა წინსწრებით დაიგო და ამიტომაც ვერ მოხვდა ის ახლანდელ ჩამონათვალში: ლესაში წელს გასაკეთებელი გზა  შარშან,  წინსწრებით დაიგო. 2020 წელს ლესაში 250 ათასი ლარი დაიხარჯა. იგივე მოხდა გვიმბალაურში. აქედან გამომდინარე, თანხები იმდენი არაა, რომ ყველა ადმინისტრაციულ ერთეულს  ეყოს, ამიტომ გავათანაბრეთ. ღრმაღელეში რეგფონდიდან უკვე მიმდინარეობს გზის დაგება. მაჩხვარეთში კი მომზადებულია საპროექტო დოკუმენტაცია და გამოცხადდება ტენდერი“, -განმარტა ჩხაიძემ.  რაც შეეხება სანახევროდ გაკეთებულ ქუჩებს, ლევან ჩხაიძის თქმით, ინფრასტრუქტურული პროექტების განხორციელებისას პრიორიტეტი ისეთ ქუჩებს ენიჭება, სადაც ინტენსიური მოძრაობაა.  ინფრასტრუქტურის სამსახურის უფროსის მიერ გაკეთებულმა განმარტებებმა ლესის მაჟორიტარის უკმაყოფილება კიდევ უფრო გაზარდა. „სულ საუბარია, რომ ლესაში კეთდება სკოლა, გაკეთდა საბავშვო ბაღი, გაზი, მაგრამ მე ვკითხულობ ამ ფონდის თანხებიდან რა გაკეთდა ჩემს სოფელში?! რატომ მიდებთ საპირწონედ სკოლა და ასე შემდეგ. არ უნდა გაკეთებულიყო?!  რაც არ გაკეთდა ის რატომ არ გახსოვთ და არასწორად რომ შეირჩა პრიორიტეტები. საექიმო უბანი რომ არაა სოფელში და ადამიანები ოჯახში აკითხავენ ექიმს. არასწორად იყო შერჩეული პრიორიტეტები და ახლაც არასწორადაა.  მე ამ საკითხს მხარს დავუჭერ სხვა სოფლების განვითარებისთვის, მაგრამ  არასწორად გაქვთ პრიორიტეტები!“ დასძინა ელისო ჭიჭინაძემ. ცხარე დებატების შემდეგ ჯერი საკითხის  კენჭისყრაზეც მიდგა და ბიუჯეტში ცვლილების განხორციელების თაობაზე ადმინისტრაციული წარმოების დაწყებას სხდომაზე მყოფებმა ერთსულოვნად დაუჭირეს მხარი, მიუხედავად აზრთა ... ...
  • "ეს სურების წმინდა გიორგის სახელობის ხის იავარქმნილი ეკლესიაა" _ ვახუშტი მენაბდეკონსტიტუციონალისტი ვახუშტი მენაბდე სოციალურ ქსელში ჩოხატაურის მუნიციპალიტეტის სოფელ სურებში მდებარე წმინდა გიორგის სახელობის უძველესი ხის ეკლესიის ფოტოს აქვეყნებს. "ეს წმინდა გიორგის სახელობის ხის ეკლესიაა გურიის სოფელ სურებში. სამწუხაროდ, იავარქმნილი - დასანანია, რომ ასეთ კულტურულ მემკვიდრეობას სახელმწიფო სათანადო ყურადღებას არ აქცევს. ხის ეკლესიები აქა იქ თუ შემორჩა ჩვენში, არადა, ერთ დროს ძირითადად ასეთებს აშენებდნენ. ძალიან სპეციფიურია მისი არქიტექტურა და საინტერესო. სოფელი მდინარე სუფსის მისტიურ ხეობაშია მდებარეობს და ძველი დროიდანაა ცნობილი", _ წერს ვახუშტი ... ...

არქივი

ტესტები

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ დიდი აღმოჩენები და ასტრონომია

დიდი გეოგრაფიული აღმოჩენების პერიოდში ვის...

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

კარმიდამო ჩემი

ტრადიციად ქცეული მავნე ჩვევა

სასოფლო-სამეურნეო სავარგულების გადაწვა სახიფათო და...

"ქართული თექა ჩემი გატაცებაა!"

ქართულ თექაზე მუშაობას, უმეტესად, ჩვენი...

გავაშენოთ საადრეო ჯიშის მანდარინი

დასავლეთ საქართველოს სუბტროპიკული ზონის კლიმატი,...

თხილის წამლობა აპრილის შუა რიცხვებიდან

აპრილის დასაწყისიდან, როცა თანდათან მატულობს...

როგორ გამოვკვებოთ და გამოვზარდოთ ქათმის წიწილები

საქართველოში ქათმის და, ზოგადად, შინაური...

დავთესოთ ბოსტნეული და გამოვიყვანოთ ჩითილები

წლევანდელი გაზაფხული,  გურიაში, განსაკუთრებით, საკმაოდ...

საგაზაფხულო ფხალეული კვერცხით და ნედლი სანელებლებით

საქართველოს სამზარეულო კულტურა ფხალეულის ორასამდე...

"კალისტო 1920 "_ გურიაში "გემოვანის" პური გამოჩნდა

პური ერთ-ერთი უძველესი საკვებია და...

ერთი ნაჩუქარი ბაჭიით დაწყებული საქმე: "ბოცვრის მოშენება ყველა ოჯახმა უნდა შეძლოს"

ჩოხატაურის მუნიციპალიტეტის სოფელ შუაამაღლებაში მცხოვრები,...

ზღმარტლი _ მცენარე, რომელიც იმსახურებს ყურადღებას

მუშმულას და უნაბის შემდეგ, ჩვენს...