"ქართული თექა ჩემი გატაცებაა!"

კარმიდამო ჩემი

"ქართული თექა ჩემი გატაცებაა!"

29 აპრ. 2021, 10:23:46

ქართულ თექაზე მუშაობას, უმეტესად, ჩვენი ქვეყნის მაღალმთიან რეგიონებში მისდევდნენ ოდითგან, რადგან სადაც მეცხოველეობა კარგად იყო განვითარებული, კერძოდ, _ ცხვარი, იქ მატყლის მარაგიც იყო. თექაში მისი უნიკალური სინთეზირება კი ჩვენი ხალხის შემოქმედებითი შესაძლებლობის მაქსიმალური გამოვლინება იყო ძველთაგანვე.

ჩვენს ქვეყანაში, უფრო მთიანეთში, მატყლის მოთელვის კარგად შემონახულმა ხელოვნებამ, დღეს ახლებურად იჩინა თავი. თუ ადრე უფრო საყოფაცხოვრებო ნივთების კეთებით იყვნენ დაკავებული, დღეს აქტიურად მისდევენ ქართული თექის ხალიჩების თუ კონკრეტული ნივთების, დეკორაციების, ასევე, მრავალნაირი აქსესუარების კეთებას.

30 წლის ლალი ქინქლაძე, რომელიც ახალგაზრდა დედა და დიდი ოჯახის პატრონია, ხელსაქმის დიდოსტატიც არის.

ახლახან დედაქალაქიდან სოფელს დაუბრუნდა. ოზურგეთის მუნიციპალიტეტის სოფელ ჭანიეთში, მეუღლესთან და შვილებთან ერთად ჯერ სახლს და კარმიდამოს ახლებური იერი დაატყო, მერე კი საგანგებოდ შესწავლილ თექაზე მუშაობის ხელოვნებას მიუბრუნდა და საყვარელი ხელსაქმით (ბევრ საოჯახო საქმესთან ერთად), მცირე ბიზნესის წამოწყებას ცდილობს.

ქარგვის, კერვის, ბისერებზე მუშაობის ცოდნა ბავშვობიდან მოსდევს, თუმცა, თექაზე მუშაობამ როცა გაიტაცა, სპეციალური კურსიც გაიარა _ ერთი წლის განმავლობაში სწავლობდა თექაზე მუშაობის სველი და მშრალი ეფექტის საიდუმლოს. როცა სასურველი სერტიფიკატი მიიღო, არ დამშვიდებულა და მეტის ძიებას შეუდგა.

_ თუ ოჯახთან ერთად შევძელი, შესაძლოა, ამ კუთხით მეტი განათლება მივიღო, _ ამბობს ის და პროფესიით იურისტს, არ ეძნელება, სხვა სპეციალობას დაუთმოს ცხოვრების დიდი ნაწილი.

_ იმდენად კარგად გამომივიდა თექაზე მუშაობა, ვფიქრობ, ამ ხაზს არ დავკარგავ. ქართულ თექაზე მუშაობას რაღაც ჯადოსნური ხიბლი აქვს. ყველა ეფექტი, მშრალი თუ სველი, გიბიძგებს აქამდე უცნობი სიახლის აღმოჩენისკენ, _ ამბობს ახალგაზრდა ქალბატონი და საკუთარ სააღდგომო ნაკეთობებს გვაჩვენებს.

ამბობს, რომ ყველაზე დიდი ქრისტიანული დღესასწაულის მოახლოებისას, საგანგებოდ მუშაობს _ აკეთებს უამრავ დეკორაციულ, სახასიათო ნივთს, რაც ვიზუალით და შინაარსით მთლიანად უკავშირდება აღდგომას, ბრწყინვალე შვიდეულის კვირას. ზოგადად, სიცოცხლის განახლების წყურვილს...

_ ახლა ონლაინ გაყიდვებით ვარ დაკავებული. ამ საქმეში პირველ ნაბიჯებს ვდგამ. თქვენი თანადგომა ჩემთვის უზარმაზარი სტიმულია, როგორც ახალგაზრდის დასაქმების საქმეში გზამკვლევი სიტყვის შემოშველება. ჩემი პატარა გოგონა უკვე კარგად ახერხებს ქსოვას, ქარგვას, ბისერებზე მუშაობას. თუმცა, მინდა, თექაზე მუშაობის ხელოვნებას დაეუფლოს და წამომეშველოს, რომ მცირე ბიზნესი დავძრათ და საოჯახო ეკონომიკა გავაძლიეროთ. ისეთი საქმე უნდა ვაკეთო, რაშიც ქართული კულტურის სულიერი საფუძველიც დევს, _ გვეუბნება ლალი ქინქლაძე და ამბობს, რომ ონლაინ დაკვეთები არც ისე ბევრია, თუმცა, არც ცოტა და რაც მთავარია, პანდემიის პირობებში სწავლობს აქტიური მოქმედების წესს. უყალიბდება ახლებური ხედვაც.

_ ძალიან რთული პერიოდი დაგვიდგა. რანაირი გასაჭირიც უნდა წარმომედგინა, არ ვიფიქრებდი, რომ სახლში დაჯდომა, პრიმიტიულად რომ ვთქვა, ცხვირ-პირის აკვრა დაგვჭირდებოდა. ასევე, შეგვეზღუდებოდა მეზობელთან, მეგობართან მისვლა. ცხოვრება მაინც ძალიან ლამაზია და ღიმილის დამალვაც რომ გიწევს, ეს ტკივილია. ამიტომ მინდა, ჩემს ნამუშევრებში საგანგებოდ ჩანდეს სააღდგომო განწყობა, ზეცამდე ამაღლების სურვილი, ფერების სიკაშკაშე... მგონია, რომ ასე თავიდან ვსწავლობთ ცხოვრებას. უფრო სწორად , ახალ ცხოვრებას ვსწავლობთ, რომლითაც პანდემია უნდა შევაჩეროთ და გავანადგუროთ. აი, ეს აზრი მიტრიალებს თავში, _ ასე გადმოგვცემს ლალი ქინქლაძე საკუთარი შემოქმედებითი უნარებით შექმნილ "განწყობის თეორიას".

მთავარი რაც არის, მას შეუძლია და აქვს სურვილი, თექის ქსოვილის ახალი ნიმუში შექმნას.

_ მატყლი ნაირ-ნაირია. ქართული მატყლი უნიკალურია. ამიტომ არის ქართული თექა გამორჩეული. ძალიან მაინტერესებს ის უნიკალურობა, რაც ბუნებრივ მატყლს ახასიათებს _ თექის ქსოვილს, თუ ის ასპროცენტიანი მატყლისგანაა დამზადებული, იყენებენ სამკურნალოდ. როგორც წავიკითხე და კვლავ აქტიურად ვეცნობი სხვადასხვა ლიტერატურას, მატყლი შეიცავს ნივთიერება ლანოლინს, რომელიც იცავს ქსოვილს ყველანაირი დაბინძურებისგან. ასევე, აქვს სამკურნალო თვისება რევმატიზმის, წელის და ხერხემლის ტკივილისას, შველის ართრიტს. როგორც სამოსი, არის საუკეთესო ჰაერგამტარი. ჰოდა, რა სჯობს, თუ მაღალკვალიფიციურად დაეუფლები თექის დამუშავების ხელოვნებას, იმუშავებ თექით ტანსაცმლის შექმნაზე, რითაც ადამიანი შეიმოსება ან შენს მიერ შექმნილ, თექით დამზადებულ რომელიმე დეტალს გამოიყენებს? _ სიხარულით ამბობს და გვაჩვენებს მის მიერვე დამზადებულ, სამოსზე მოსარგებ ფართო საყელოებს, რაც ახლა ძალზე მოდურიცაა.

კიდევ ერთი მიზანი, რაც ლალი ქინქლაძეს აქვს დასახული, ხალხური რეწვის ოსტატის წოდების მოპოვებაა. თუმცა იქამდე, როგორც თავად ამბობს, დიდი გზაა გასავლელი. მიაჩნია, რომ ბიზნესი, დიდი თუ მცირე, მაშინ უფრო ნიშანდობლივი, საინტერესო და წარმატებულია, თუ მასში სულიერი კულტურის სუნთქვა და ჰარმონია იგრძნობა.

_ არ მაინტერესებს, ვთქვათ, მქონდეს ძალიან ბევრი შაქარი ან კარტოფილი და რეალიზებაც უსაზღვროდ შემეძლოს. კი არ დავცინი ამ პროდუქციით მოვაჭრეს, უბრალოდ, მე მაქვს ჩემი განწყობა, ჩემი მოტივაცია და მიდგომა, რითაც საოჯახო ეკონომიკასაც გავაძლიერებ და ქართული თექის საიდუმლოს, უფრო სიღრმეებიდან ამოცნობილს ამოვიტან. ყველაზე ძალიან ამ საქმეში და ზოგადად, საოჯახო საქმეში, მეუღლე მტკიცედ მიდგას გვერდით _ ასე რომ, ძალიან თავდაჯერებული ვარ და ვიცი, წარმატებას მივაღწევ! _ ასეთი განწყობით გვემშვიდობება ჩვენი მასპინძელი და გვარწმუნებს, რომ კვლავ ვიქნებით მისი შთაგონებით შექმნილი, უფრო მაღალი ხარისხის ნამუშევრების მხილველი.

წარმატებას და გამარჯვებებს ვუსურვებთ თავისებური ხედვითა და შთაგონებით შემართულ ქალბატონს, ლალი ქინქლაძეს, რომელიც პანდემიის პირობებში, ოჯახით სოფელს დაუბრუნდა და უდავოა, საკუთარ სიტყვას გამორჩეულად იტყვის.





 ახალი ამბები
  • თუ ჭკუა აქვს, არ უნდა მოვიდეს _ მეუფე იაკობი გიორგი გახარიაზეჩემთვის გიორგი გახარია მესამე ძალა არ არის. მითხარით, დადებითი რა გააკეთა? თუ ჭკუა აქვს, არ უნდა მოვიდეს. შეიძლება „ლელოსა“ და „სტრატეგია აღმაშენებლის“ კონკურენტი გახდეს, - ამის შესახებ ჟურნალისტებს ბოდბელმა მთავარეპისკოპოსმა, იაკობმა განუცხადა. „ვის დავუჭერთ მხარს? ვის ვგულისხმობ, ნახავთ. ისეთები იქნებიან, გაიმარჯვებენ, ნახავთ. მთავრობას ყოველთვის აქვს საშუალება, არჩევნებში მინიმუმ 30% აიღოს, დანარჩენი რამდენს აიღებს, დაუთვალონ ხმები. თუ არ მოისვენებენ, მიიღებენ მაგას, იმიტომ, რომ ძალიან აურიეს ქვეყანა. ვის რა გაუკეთებია, რა გმირები ეგენი არიან, ომში იბრძოდნენ თუ 2008-ში არ გარბოდნენ ქვეყნიდან? რაც ერი ვართ, იმას ვირჩევთ ხოლმე. რაც შეეხება გახარიას, ჩემთვის გიორგი გახარია მესამე ძალა არ არის. მითხარით, დადებითი რა გააკეთა? თუ ჭკუა აქვს, არ უნდა მოვიდეს. შეიძლება „ლელოსა“ და „სტრატეგია აღმაშენებლის“ კონკურენტი გახდეს. დაბალრეიტინგული პოლიტიკოსია. 200 ათას „ლაიქს“ ვინც უკეთებდა, კარგად ნახეთ, ზურგს უკან ვინ ედგა“, - განაცხადა მეუფე ... ...
  • საქართველოს პრეზიდენტმა 8 მსჯავრდებული შეიწყალასალომე ზურაბიშვილმა 8 თავისუფლებააღკვეთილი მსჯავრდებული შეიწყალა, - ამის შესახებ ინფორმაციას პრეზიდენტის პრესსამსახური ავრცელებს. „საქართველოს პრეზიდენტმა 8 თავისუფლებააღკვეთილი მსჯავრდებული შეიწყალა, აქედან 3 მსჯავრდებული სრულად გათავისუფლდა თავისუფლების აღკვეთის შემდგომი მოხდისაგან, ხოლო 5 მსჯავრდებულს (მათ შორის, 1 ქალ მსჯავრდებულს) დარჩენილი მოსახდელი სასჯელის ვადა გაუნახევრდა. საქართველოს პრეზიდენტმა შეწყალების აქტი დღეს, 2021 წლის 6 მაისს გამოსცა“, - აცხადებენ ... ...
  • ჩოხატაურის საკრებულოს თავმჯდომარე კორონავირუსზე აიცრაჩოხატაურის მუნიციპალიტეტის საკრებულოს თავმჯდომარე მეუღლესთან ერთად კორონავირუსის საწინააღმდეგო ვაქცინით აიცრა. როგორც ზაალ მამალაძის მიერ ფეისბუქ გვერდზე გამოქვეყნებული ფოტოთი ირკვევა, მათ ვაქცინა ჩოხატაურში, კლინიკა „მედალფაში“ გაიკეთეს. ცნობისთვის, კორონავირუსზე ვაქცინაციის პროცესი ჩოხატაურში 2 დღის წინ განახლდა.  აცრის  გაკეთება ჩინური ვაქცინა „სინოფარმით“ არის ... ...
  • "თუ გაგიგეს ქართულად საუბრობ, პრობლემები შეგექმნება" _ ახალგაზრდა ოკუპირებული აფხაზეთიდანსაქართველოს ოკუპირებულ ტერიტორიებზე ცხოვრება სულ უფრო რთულდება ყველასთვის განსაკუთრებით, ახალგაზრდებისთვის. ისინი ძალიან რთულ გზას გადიან საქართველოს მიერ კონტროლირებად ტერიტორიაზე მოსახვედრად. „გურია ნიუსთან“ საუბრისას რესპონდენტმა ვინაობის გამხელა არ ისურვა, რადგან აფხაზეთში მისი ოჯახის წევრები არიან დარჩენილი და შეეშინდა, საფრთხე არ შეექმნა მათთვის. იგი ჩვენთან საუბრისას იხსენებს, როგორია საქართველოს ოკუპირებულ  აფხაზეთში ცხოვრება... _ ჩემი აფხაზეთთან კავშირი დაიწყო ბავშვობიდან. მეშვიდე კლასში ვიყავი, როცა მამასთან, გალში მომიწია საცხოვრებლად გადასვლა. სრული ქაოსი დამხვდა იქ... იყო ბევრი პრობლემა, მაგრამ, საბოლოოდ, გავართვი თავი ჩემი იქაური მეგობრების წყალობით. _ აფხაზეთის  სკოლებში რა ენაზე ასწავლიან ბავშვებს? _ ომის შემდეგ პერიოდში სწავლა მთლიანად რუსულ ენაზე იყო. რომელ სკოლაშიც მე დავდიოდი, იქ მხოლოდ ერთი საგანი იყო ქართულ ენაზე _ ქართული ენა და ლიტერატურა, რომელსაც კვირაში ორი დღე ეთმობოდა. სხვა ყველა საგანს რუსულად  გავდიოდით. ძალიან აგდებული დამოკიდებულება იყო. იმდენად, რომ სურვილი გეკარგებოდა ქართული ენის სწავლის. _ იქ მცხოვრებლებს რამდენად მიგიწვდებოდათ ხელი  მედიკამენტებსა და ჯანდაცვის სერვისებზე? _ სიმართლე რომ გითხრათ, როცა მე ან ჩემს ოჯახს რამე წამალი დაგვჭირვებია და გავსულვართ, ნებისმიერი წამალი გვიყიდია. თუ გალში არ იყო, სოხუმიდან ან გაგრიდან მოჰქონდათ. ცუდია, რომ ზოგი იქ მცხოვრები ახალგაზრდა ამბობს, თითქოს არ მიგვიწვდებოდა ხელი წამლებზე ან არ იყო, ასე არ ყოფილა, რადგან მე რამდენჯერაც დამჭირვებია წამლები თუ საავადმყოფო, ყოველთვის მქონდა საკმარისი ყურადღება. როცა მე ან ჩემს ოჯახს რამე დახმარება დაგვჭირვებია, ყოველთვის აღმოუჩენიათ დახმარება. _ თუ ასხვავებდნენ ქართველებს იქაური აფხაზებისგან? _ მსგავსი მაგალითი არ ყოფილა. უბრალოდ, თუ მე ვდგავარ რიგში და ჩემს შემდეგ ვინმე „წონიანი ტიპი“ მოვიდა იმას გაატარებენ ურიგოდ და მე ისევ ჩემს რიგში მომიწევს დგომა. ეს მემგონი აქაც ასეა. დეზინფორმაცია ვრცელდება აფხაზეთზე და ძალიან მწყინს. _ როგორ ხდება საქართველოს დანარჩენ ტერიტორიაზე გადმოსვლა  და თქვენ რამდენად მარტივად შეგეძლოთ გადაადგილება ეგრეთწოდებულ საზღვარზე? _ 14-წლამდე მამას საბუთი ჰქონდა, რომ მე მისი არასრულწლოვანი შვილი ვიყავი და შეეძლო გადმოვეყვანე ეგრეთწოდებულ საზღვარზე. 15 წლისას მომიწია ოფიციალური საბუთის აღება, რითიც შევძლებდი მამასთან ერთად გადამელახა „საზღვარი“. ძალიან ბევრჯერ ყოფილა, რომ ჩუმად გადავპარულვარ ან ჩემს ოჯახს ფული გადაუხდია, რადგან ან გამოცდა მქონდა ან ჯანმრთელობის მდგომარეობის და ექიმთან ვიზიტის საჭიროების გამო უნდა გადავსულიყავი. ყოველთვის ჯერ ენგურის ხიდზე მივდიოდით, რომ გვეცადა ოფიციალურად გადმოსვლა. რა თქმა უნდა, არ გვიშვებდნენ, მიზეზად არასაკმარის დოკუმენტებს ამბობდნენ. მამას არ ჰქონდა იქაური მაცხოვრებლის სტატუსი. ხალხს იძულებულს ხდიდნენ, იქ მაცხოვრებლის სტატუსი აეღოთ. წინააღმდეგ შემთხვევაში, „შავი გზით“ გვიწევდა გადასვლა და ხშირად გვიჭედრნენ, ზოგს  კი ფიზიკურადაც უსწორდებოდნენ. მახსოვს, გამოცდების პერიოდი მქონდა და „საზღვარზე“ არ მიშვებდნენ. მაშინ მამამ 5000 რუბლი გადაიხადა, რომ მე გადმოვსულიყავი საქართველოს მიერ კონტროლირებად ტერიტორიაზე. _ რა ხდება ეგრეთწოდებულ საზღვარზე დაჭერის შემდეგ? _ „საზღვარზე“ დაჭერისას მივყავდით პოლიციას და გვართმევდნენ ყველა სახის საბუთს _  პირადობა იქნებოდა თუ ნებისმიერი სხვა. არა მხოლოდ ქართულს, არამედ ყველას. შემდეგ, რაღაც თანხის სანაცვლოდ გვიშვებდნენ, მაგრამ საბუთებს იტოვებდნენ. _ როგორ შეაფასებთ იქ ცხოვრებას? _ ძალიან მიყვარს იქაურობა, მაგრამ იქ ცხოვრება ურთულესია, როცა შენ ხარ ქართველი და უფლება არ გაქვს შენს ენაზე ისაუბრო. არავინ გიკრძალავს, მაგრამ იცი, რომ თუ გაგიგეს ქართულად საუბრობ, პრობლემები შეგექმნება. იქ მე სულ ქართულად ვსაუბრობდი. ერთხელ, როდესაც პარკში მეგობრებთან ერთად ვიყავი, ერთი პიროვნება მოვიდა და მითხრა, რომ პატივი მეცა მათთვის და ქართულად არ მესაუბრა... _ ოკუპირებულ აფხაზეთში ქართველებისადმი უარყოფითი დამოკიდებულება აქვთ? _ კი. სულ სხვანაირად გვიყურებენ და ეს დამოკიდებულება ყოველთვის იგრძნობოდა. იქიდან ყველა ახალგაზრდა მოდის, რადგან არ არის იქ არანაირი პერსპექტივა, განვითარების შანსი... თუმცა, ბოლო პერიოდში ბევრი რამ გალამაზდა და შეიქმნა... მინდა, რომ იქაც იგივენაირად შეეძლოთ განვითარება ახალგაზრდებს, როგორც აქეთ...  _ ამბობს ახალგაზრდა ოკუპირებული აფხაზეთიდან, რომელიც უკვე რამდენიმე წელია, აფხაზეთში არ ... ...
  • "ვარლამ გოლეთიანს სოლიდარობაც კი არ გამოუცხადებია მათთვის" _ ანა იოსავანამახვანჰესის აქციაზე მომხდარი სიტყვიარი შელაპარაკების შემდეგ, როგორც "გურია ნიუსთან" საუბრისას აქციის ერთ-ერთმა მონაწილემ, ანა იოსავამ თქვა, 16 აპრილს დააკავეს ფირუზ და რეზო წულუკიძეები და ძმები ჭელიძეები. "ჭელიძეებთან, რომლებსაც სახლში შშმ მამა ჰყავთ, შევარდა სპეცრაზმი და ძალის გამოყენებით დააკავეს ძმები. ისინი არიან ჩვეულებრივი ბათუმელი ბიჭები, რომლებსაც ჰყავს მეგობრები და ახლობლები. იმის გამო, რომ "ნაციონალურ მოძრაობას" უჭერენ მხარს, არ შეიძლება ესე მოექცნენ". დაკავებების სერია გაგრძელდა _ 23 აპრილს ხონის გზაზე დააკავეს ელდარ ანთაძე. „არც მტკიცებულება და კადრები არ არსებობს მათი დანაშაულის დამამტკიცებელი. უნდათ, ეს ბიჭები ჩასვან ციხეში, მხოლოდ იმიტომ, რომ ისინი ძალიან აქტიურობენ", _ ამბობს ანა იოსავა. მისი თქმით, ვარლამ გოლეთიანმა იცოდა აქციაზე მომხდარი ინციდენტის შესახებ, თუმცა ხელისუფლებასთან მოლაპარაკებაზე ყოფნის დროს არ უსაუბრია ამ თამაზე. "ვარლამ გოლეთიანს სოლიდარობაც კი არ გამოუცხადებია მათთვის. არადა, ეს ბიჭები მხარდასაჭერად ჩავიდნენ". "გურია ნიუსი" ესაუბრა ელდარ ანთაძის ადვოკატს გიორგი ფანცულაიას. ადვოკატის თქმით, ის საქმის შესწავლის პროცესშია, რის შემდეგაც შეძლებს კომენტარის გაკეთებას. რა ედებათ წულუკიძეებსა და ჭელიძეებს ბრალად, რა მუხლით მიმდინარეობს გამოძიება მათ საქმეზე და რას ითვალისწინებს სასჯელი, ამის გასარკვევად "გურია ნიუსი" შსს-ს პრესსამსახურს დაუკავშირდა.  შინაგან საქმეთა სამინისტროს განცხადებით, 15 და 23 აპრილს დააკავეს შვიდი პირი, რომლებსაც ბრალად ედებათ გუმათჰესის დასახლებაში ნამახვანჰესის მშენებლობასთან დაკავშირებით მიმდინარე საპროტესტო აქციაზე  ჯგუფური ძალადობა. როგორც შსს-ში გვითხრეს, მათ ფიზიკური დაზიანებები მიაყენეს აქციაზე მყოფ სამ პირს. ასევე, დააზიანეს ერთ-ერთი დაზარალებულის კუთვნილი ავტომანქანა. შსს-ს ინფორმაციით, საქმეზე გამოძიება მიმდინარეობს 225 მუხლით, რომელიც გულისხმობს ჯგუფური ძალადობის ორგანიზებას, ხელმძღვანელობას ან მასში მონაწილეობას. უწყების განცხადებით, შვიდივე დაკავებულის დანაშაული 4-დან 6 წლამდე ვადით თავისუფლების აღკვეთას ... ...

არქივი

ტესტები

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ დიდი აღმოჩენები და ასტრონომია

დიდი გეოგრაფიული აღმოჩენების პერიოდში ვის...

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

კარმიდამო ჩემი

"ქართული თექა ჩემი გატაცებაა!"

ქართულ თექაზე მუშაობას, უმეტესად, ჩვენი...

გავაშენოთ საადრეო ჯიშის მანდარინი

დასავლეთ საქართველოს სუბტროპიკული ზონის კლიმატი,...

თხილის წამლობა აპრილის შუა რიცხვებიდან

აპრილის დასაწყისიდან, როცა თანდათან მატულობს...

როგორ გამოვკვებოთ და გამოვზარდოთ ქათმის წიწილები

საქართველოში ქათმის და, ზოგადად, შინაური...

დავთესოთ ბოსტნეული და გამოვიყვანოთ ჩითილები

წლევანდელი გაზაფხული,  გურიაში, განსაკუთრებით, საკმაოდ...

საგაზაფხულო ფხალეული კვერცხით და ნედლი სანელებლებით

საქართველოს სამზარეულო კულტურა ფხალეულის ორასამდე...

"კალისტო 1920 "_ გურიაში "გემოვანის" პური გამოჩნდა

პური ერთ-ერთი უძველესი საკვებია და...

ერთი ნაჩუქარი ბაჭიით დაწყებული საქმე: "ბოცვრის მოშენება ყველა ოჯახმა უნდა შეძლოს"

ჩოხატაურის მუნიციპალიტეტის სოფელ შუაამაღლებაში მცხოვრები,...

ზღმარტლი _ მცენარე, რომელიც იმსახურებს ყურადღებას

მუშმულას და უნაბის შემდეგ, ჩვენს...

გავამზეუროთ ქოთნის ყვავილები

ახლა, ადრიან გაზაფხულზე, მზიან, თბილ...

ქათმის მხალეული

მრგვალად მოხარშული (და არა შემწვარი)...