გურული კურიოზები 04.05.2011

ა კიდო

გურული კურიოზები 04.05.2011

19 იან. 2011, 07:14:07

ჯემალ ჭკუასელი

მე ვიღაც ვახსოვდი?

მე და პოეტ ჯემალ ჩახავას ხობში მანქანა გაგვიფუჭდა და თბილისში ავტობუსით წამოვედით. აბაშაში ერთი ხანშიშესული, მაღალი, გამხდარი, გრძელკისერა, ნამდვილი კოლხი მამაკაცი ამოვიდა. მორიდებით მიმოიხედა, ახალგაზრდა კაცის გვერდით თავისუფალი ადგილი რომ დაინახა, ზრდილობიანად იკითხა, შეიძლება, დავჯდეო? ამ ორ სიტყვაში კარგად იგრძნობოდა ღრმა მეგრული აქცენტი. ჯემალმა ყურში ჩამჩურჩულა, ამ კაცს ვიცნობ, ფილოლოგია, ჭკუას კარგავს ქართულ პოეზიაზე და მოდი, ცოტა გავერთოთო, ოღონდ სახელი სხვა დამიძახეო. მივხვდი, რაც უნდოდა და დავიწყე.

_ ფაუსტ, როგორ მოგწონს აკაკი წერეთელი?

_ საქმე არ გაქვს? აკაკი წერეთლის პოეტობა ვის გაუგია?

ამის გამგონე ფილოლოგმა ყურები ცქვიტა, მერე, ალბათ იფიქრა, რომ ვხუმრობდით და დაწყნარდა, მაგრამ ჩვენ "საქმეს" ვაგრძელებთ:

_ გალაკტიონზე რას იტყვი?

_ გალაკტიონი? კაცი რომ წვერს ვერ გაიპარსავს, რა პოეზიაზეა ლაპარაკი? მერე დააფასეს, ლენინის ორდენით დააჯილდოვეს, იმან კი ას გრამ არაყში დააგირავა და დაკარგა.

_ კი, მაგრამ... _ მორიდებით დაიწყო ფილოლოგმა, მაგრამ ვინ აცალა.

_ არადა, _ განაგრძო ჯემალ-ფაუსტმა, _ რომ მოიკლა თავი, გურიის მთებიო, არსად ასე არ მღერიანო, რავა "ჩელა" ნაკლები სიმღერაა, თუ? ან ჩვენ არ გვაქვს მთები სამეგრელოში?

_ შვილებო... _ სცადა ჩარევა ფილოლოგმა, მაგრამ ჯემალ-ფაუსტი ისევ განაგრძობს:

_ ანდა "მე და მთვარეო" რომ იძახის, ჩვენ აქ ხალხი არ ვართ?

_ არც ვაჟა ფშაველა მოგწონს? _ გამახსენდა ჩემი მოვალეობა.

_ არ გამაგონო! _ ვითომ გაბრაზდა ჯემალ-ფაუსტი, _ მატყუარაა ვაჟა ფშაველა. აბა, როდის იყო ხე ლაპარაკობდა, თანაც ხმელი? ვაი, მაგის პატრონს!

გვიყურებს გაოგნებული ფილოლოგი ხან მე, ხან ჯემალს. წამოდგება, რაღაცის თქმას დააპირებს, ჩვენ ზურგს ვაქცევთ. მოკლედ, კაცს სიმწრის ოფლმა დაასხა. ხან მეგრულ დიალექტზე, ხან წმინდა ქართულით დაიწყებს ლაპარაკს, მაგრამ ჩვენ თითქოს არაფერი არ გვესმის.

მე კი ვაგრძელებ:

_ ფაუსტ, იქნებ შოთა რუსთაველიც არაფრად მიგაჩნია?

_ რაა? ეს გიჟი ტარიელა დადის ბღავილ-ბღავილით, ჯერ ცხენს რა დღეში აგდებს! იცი თუ არა შენ, ცხენი რაფერი მგრძნობიარეა. რას ერჩის, მოერია, არა?

_ რა შუაშია, _ უკვე ხმას აუწია მოთმინებადაკარგულმა ფილოლოგმა.

_ ხოდა, _ აგრძელებს ფაუსტი.

_ რა ხოდა! _ იყვირა კაცმა, _ ვისაა, შენ რომ ლანძღავ და აგინებ? აბა, შენი ჭკუით, არ გვყოლია პოეტი ქართველებს!

_ გვყავს, _ ყვირილითვე უპასუხა ჯემალიმ.

_ ვინ? _ იბღავლამ კაცმა.

_ ჯემალ ჩახავა, _ ამაყად უპასუხა ჯემალიმ.

_ სადაურია ეგ პოეტი? _ ისევ ყვირილით იკითხა კაცმა.

_ ფოთელი.

კაცს გაშლილი ხელები ჰაერში გაეყინა, სახე დაუწყნარდა, დამშვიდდა და ჩაილაპარაკა: _ მაგარი რომ იყო, ვიცოდი, მაგრამ ასე მაგარი თუ იქნებოდა, ვინ იფიქრებდა მაგას?

მერე ჩამოჯდნენ ერთად და თბლისამდე ჟღურტულებდნენ, იმ პირობით, რომ ჯემალ-ფაუსტი ჩაიყვანდა იმ კაცს ფოთში და პოეტ ჯემალ ჩახავას გააცნობდა. ჭკუასელი ვისღა ახსოვდა!

 

მკითხველების მიერ მოთხრობილი კურიოზები

თითი მოკაკვა

ჯანსუღ ჩარკვიანი აუხირდა, თურმე, ნოდარ დუმბაძეს _ არ შეიძლება ყველა გურული ენამოსწრებული იყოს, ეს შენ აგდის ხუმრობა ხელზე და მერე გურულებს აბრალებო...

მიიპიტიჟა გურიაში ნოდარმა სტუმრად ჯანსუღი. ჩაასხეს პოეტის "ჟიგულში" ბენზინი და წამოვიდნენ ხიდისთავისკენ. გამოსცდნენ დაფნარს და მათი თავგადასავალიც საჯავახოს გადასახვევიდან დაიწყო, სადაც გურული გლეხი დაემგზავრათ ჩოხატაურამდე. ვერ იცნო გლეხმა ვერც ერთი და ზის უკანა სავარძელზე თავისთვის, წყნარად. ჯანსუღი ენას არ აჩერებს, ხუმრობს და დროდადრო ნოდარს გადახედავს ირონიულად _ ესეც შენი ენაკვიმატი გურულებიო! მერე გაეცნო გლეხს, პოეტი ვარო და თავისი ახალი ლექსების პატარა ბროშურა აჩუქა. გურულმა გადმოაბრუნა და ბოლო გვერდზე გადაშალა, იქ, სადაც წიგნებს ფასი აწერია, ხოლმე. პატარა ბროშურა იყო და ფასიც პატარა ჰქონდა _ 15 კაპიკი.

გურულს გაეცინა და პირველად ამოიღო ხმა:

_ ცარიელი რვეული 20 კაპიკი ღირს, ბიძია, და რას წერ ამფერს, შენი წიგნი 5 კაპიკით ნაკლები რომაა?!

ხმა აღარ ამოუღია ჯანსუღს. ის კი არა, ისე ინერვიულა, გზაზე არხეინად მიმავალ გოჭს დაეჯახა და სული გააფრთხობინა. გააჩერეს მანქანა, მიიხედ-მოიხედეს და კაციშვილის ჭაჭანება არაა გზაზე. ახადეს მანქანას საბარგული და ის იყო გოჭი უნდა ჩაედოთ შიგ, რომ მაღალი მთის კალთაზე დაკიდებულ ყანაში მომუშავე გლეხმა გადმოსძახა:

_ ნოდარა, ბიჯო, არ მითხრა, ახლა საავადმყოფოში მიმყავს მაი გოჭიო! დადევი მაქანე და მასტუმრე მაგი ხალხი!

ჯანსუღმა საბოლოოდ მოკაკვა თითი.

 

ჩამეხუტე!!!

ლანჩხუთის სასტუმროს დირექტორად მუშაობდა კ. ე. ერთ დღეს, ლანჩხუთში პარტიის რაიკომში სტუმრად ჩამოვიდა მაღალი თანამდებობის ჩინოვნიკი და მისთვის სასტუმროში ლუქსი დაჯავშნეს. სასტუმროს დირექტორი ამ დღეს კარგად გამოთვრა, ხსენებულ ლუქსში შევიდა "მოსაწესრიგებლად", სკამზე ჩამოჯდა და ღრმად ჩაეძინა. ნასადილევს მოვიდნენ სტუმრები პირველი მდივნის თანხლებით, კარი შეაღეს და რა ნახეს _ ნომერში სასტუმროს დირექტორი ხვრინავს! რაიკომის მდივანი მივიდა, სახეზე მზრუნველად ხელი მოუსვა და ჩასჩურჩულა, გაიღვიძეო. კ. ე.-ს ცოლის ალერსი ეგონა და მკაფიოდ ამოაბოდა: _ საყვარელო, ჩამეხუტე!

გამოღვიძებულ დირექტორს ალერსის თავი აღარ ჰქონდა.

 

თქვენ დაიწყეთ და...

გურიაში სახელგანთქმული მგალობელი მომღერალი მაქსიმე წეროძე რაღაც საქმისთვის დააპატიმრეს. ზის სასამართლო დარბაზში და ორი თოფიანი ჩაფარი ადგას თავზე. ბოქაული თვალს არიდებს, მოსამართლე უხერხულად ფურცლავს საქმეს _ მაქსიმეს ვინ არ იცნობს _ ყველგან სასურველი სტუმარი, დაფასებული და მართალი სიტყვის კაცია; ამისთანა მომღერალი გურიაში კი არა, მთელ საქართველოშიც იშვიათობაა. ბოქაულს და მოსამართლეს ბევრჯერ მიულულიათ ნეტარებისგან თვალები სუფრაზე, როცა მაქსიმეს სიმღერა-გალობას ისმენდნენ.

თვითონ მაქსიმე თავს ვერ სწევს ზევით სირცხვილისგან _ ერიდება, დაბნეულია, განიცდის...

როგორც იქნა, ჩაამთავრა მოსამართლემ განაჩენის კითხვა და ბრალდებულს მიმართა:

_ შენ რას იტყვი, მაქსიმ?!

_ თუ დეიწყებთ, მე ბანს გეტყვით, ბატონო! _ უცებ გამოცოცხლდა მაქსიმე.

 

აყრილი ხომ არ ხარ?!

ერთი გურული მუშაობს საკუთარ ეზოში. დილაა და სამსახურში მიმავალმა მეზობლის ქალმა ჩაუარა, რა თქმა უნდა მიესალმა:

_ გამარჯობა, ბიძია, ხომ ხარ ტახივით?!

_ კი, ვარ, ბიძია! _ უპასუხა გურულმა.

როცა ეს მეზობელი შესვენებაზე სამსახურიდან სახლში მობრუნდა, იგივე ჰკითხა გურულს. ისევ დაბრუნდა სამსახურში, ისევ ჩაუარა გურულს და ისევ იმავე კითხვით მიმართა.

მოაწია საღამომაც. ისევ ამოიარა მეზობლის ქალმა:

_ რას შობი, ბიძია, ხომ ხარ ტახივით?!

_ მე კი ვარ, ბიძია, ტახივით, მარა შენ ატეხილი ხომ არ ხარ?! _ კუნძზე ნაჯახი დაარჭო და ჭიშკრისკენ დაიძრა გურული.





 ახალი ამბები
  • “რომ არა 13 ივნისი, დღეს ბედნიერი ქალი ვიქნებოდი შვილიშვილებით სავსე”2015 წლის 13 ივნისს მომხდარ სტიქიას ვერეს ხეობაში, 21 ადამიანი ემსხვერპლა; მათგან ორი, დღემდე დაკარგულად ითვლება. ეს თარიღი ხობის მუნიციპალიტეტში მცხოვრები ზარანდიების ოჯახისთვის ორმაგად ტრაგიკული აღმოჩნდა _ ერთ დღეში ოჯახის ორი ახალგაზრდა წევრი დაკარგეს. “გურია ნიუსი” განმეორებით გთავაზობთ გასული წლის ინტერვიუს დები ზარანდიების დედასთან. 13 ივნისი, 2920 წელი _ ტრაგედიიდან 5 წლის შემდეგ ამ საშინელ დღეს“გურია ნიუსთან“ კიდევ  ერთხელ იხსენებს დაღუპული დების _ ლიზი და ინდირა ზარანდიების დედა მანანა ბახია.  ინტერვიუს ჩაწერა ქალბატონ მანანასთან უმძიმესი განცდით _ ახალგაზრდა, ჭკვიანი და კეთილშობილი გოგონების საფლავზე მოგვიხდა. _ ძალიან მიჭირს იმ დღის გახსენება...  ყველაფერი კარგად არც კი მახსოვს, სიმართლე რომ გითხრათ... 14 ივნისის დილა, რომ გათენდა და ჩემი გოგოები სახლში არ იყვნენ, ძებნა ყველგან დავუწყეთ _ შემოვიარეთ მთელი საავადმყოფოები, სად არ ვიყავით... იმედს არ ვკარგავდი... საღამომდე ცოცხალ შვილებს ვეძებდი, მერე კი გავრცელდა ხმა და მეც მოვკარი ყური, რომ საშინელი სტიქია იყო და გოგოები დაიღუპნენ. პირველი ინდირა იპოვეს მზიურში, რამდენიმე დღის შემდეგ კი _ ლიზი.  _ საზოგადოება დღემდე დანანებით იხსენებს ინდირა და ლიზი ზარანდიებს... კიდევ ერთხელ მოგვიყევით მათ შესახებ... _ ინდირა  რადიო "საქართველოს ხმაში" მუშაობდა და ასევე, მეორე ადგილასაც. ლიზი სტომატოლოგი იყო და ისიც ასევე ორ ადგილას მუშაობდა. ჭკვიანი გოგონები იყვნენ. ყველაფერი დროზე მოასწრეს _ უნივერსიტეეტის დამთავრება, მაგისტრატურა... ყველაფერი რომ გავიარეთ და ბედნიერებას ველოდით, მაშინ წამოგვეწია ეს სტიქია... იმხელა ქალაქში ორი შვილი ერთად დავკარგეთ...  _ინდირას და ლიზის ჰყავს ძმა _ ლუკა, რომელსაც ისინი ზრდიდნენ დიდი სიყვარულით... მოგვიყევით ლუკას შესახებ, რომ საზოგადოებამ გაიცნოს. _ ლუკა "ილიას უნივერსიტეტის"პირველკურსელია. სწორედ ეს უნივერსტიტეტი დაამთავრა ინდირამაც. ლუკას 50%-იანი გრანტი აქვს, კარგად სწავლობს და დებს არ უმტყუნებს იმედს.... _ უმძიმესია კითხვა: რომ არა 13 ივნისის სტიქია, როგორი იქნებოდა დღეს თქვენი ცხოვრება... _ ბედნიერი ქალი ვიქნებოდი, შვილიშვილებით სავსე, ჩემს გოგონებს ორივეს თავიანთი ოჯახი ექნებოდათ... უბედნიერესი დედა ... ...
  • დირკ ბუშლე - რიონის ხეობაში ვითარების დეესკალაცია არის უმთავრესირამდენიმე მთავარ საკითხზე შევთანხმდით, ერთ-ერთი არის ბარიერების მოხსნა და იქ მყოფი ადამიანებისთვის კონსტიტუცით გათვალისწინებული უფლების უზრუნველყოფა გადაადგილების თავისუფლებაზე, - ამის შესახებ ევროკავშირის ენერგეტიკული გაერთიანების დავების გადაწყვეტისა და მოლაპარაკებების ცენტრის ხელმძღვანელმა დირკ ბუშლემ „ნამახვანჰესის“ მშენებლობასთან დაკავშირებით გამართული შეხვედრის დასრულების შემდეგ ჟურნალისტებს განუცხადა. დირკ ბუშლეს თქმით, საერთო ჯამში, დღევანდელ შეხვედრაზე სამ საკთხზე მოახერხეს შეთანხმება. "დღეს გაიმართა ძალიან ხანგრძლივი დისკუსია და შეხვედრა, რაც ნამდვილად პროდუქტიული იყო. მოხარული ვარ, რომ მოვახერხეთ  დავასთან დაკავშირებული სამი ძირითადი პუნქტის განხილვა. ​ერთ-ერთი მთავარი ელემენტი ეხება თვით ნამახვანის პროექტს. კერძოდ, ჩვენს მიერ იმის იდენტიფიცირებას, თუ რამდენად გამოიკვეთება პროექტთან დაკავშირებული რაიმე ისეთი რისკი, რაც გადახედვას საჭიროებს. ასევე, იმ შემთხვევაში, თუ ისეთი რისკი იქნა გამოვლენილი რომლის   აღმოფხვრის გარეშეც  შესაძლოა დადგეს მნიშნელოვანი ზიანი, ჩვენი ამოცანა იქნება რისკის პრევენციის გზების იდენტიფიცირება.  ჩვენ ასევე ვისაუბრეთ რიონის ხეობაში არსებულ ვითარებაზე.  ისევე როგორც ყველა მხარეს, გვსურდა მონაწილეობა მიგვეღო  ხეობაში არსებული ვითარების დეესკალაციაში და მოხარული ვარ, რომ ყველა საკმაოდ კონსტრუქციული იყო.   ვიმედოვნებთ, რომ მომავალ კვირას მთავრობისა და პოლიციის მხირან ვიხილავთ ისეთ ნაბიჯებს, რაც  უზრუნველყოფს იქ მცხოვრები მოწინააღმდეგების პროტესტისა და  თავისუფალი გადადგილების უფლებით სარგებლობას, თუმცა მათი მხრიდან  ყოველგვარი  გზების ბლოკირებისა და შეზღუდვების დაწესების გარეშე. საბედნიეროდ, დღევანდელ შეხვედრაზე გამოიკვეთა, რომ ხეობაში არსებული ვითარების განმუხტვა, დისკუსიაში ჩართული ყველა მხარის ინტერესში შედის, რაც ნამდვილად მნიშნელოვანი მიღწევაა. ბოლოს განვიხილეთ არანაკლებ მნიშვნელოვანი საკითხი, საქართველოს ენერგეტიკულ უსაფრთხოებასა და მასთან დაკავშირებულ სამომავლო გეგმებთან მიმართებაში. აღსანიშნავია, რომ ეს არის  მნიშვნელოვანი და მასშტაბური ჰიდროენერგეტიკული პროექტი საქართველოსთვის და ზოგადად ენერგეტიკული უსაფრთხოებისათვის.ხაზგასმელია, რომ ენერგოუსაფრთხოების უზრუნველყოფა არა მხოლოდ საქართველოს უფლება, არამედ როგორც ევროპის ენერგეტიკული გაერთიანების ხელშემკვრელი მხარის  ვალდებულებაც არის.  ამ თვალსაზრისით, გვაქვს მოლოდინი, რომ საქართველოს მთავრობა, სამოქალაქო საზოგადოებას გაუზირებს ინფორმაციას, თუ რა დაშვებების საფუძველზე და რა გზებით უნდა მოხდეს ენერგომომარაგების უზრუნველყოფა მომდევნო 10 წლის განმავლობაში. მნიშვნელოვანია, რომ მიღწეულ შეთანხმებებს მოჰყვეს შესაბამისი ქმედებები, პროექტისადმი ნდობის აღდგენის მიზნით. ვხედავთ შემდგომი წარმატებული განხილვების პერპექტივას და ვიმედოვნებთ, რომ ჩვენი როგორც მედიატორების ჩართულობით, არა მხოლოდ სიტუაციის დროებით განმუხტვას, არამედ პრობლემის გადაჭრას მივაღწევთ".  - განაცხადა დირკ ბუშლემ. შეგახსენებთ, რომ ევროკავშირის ენერგეტიკული გაერთიანების დავების გადაწყვეტისა და მოლაპარაკებების ცენტრის ჩართულობით “ნამახვანჰესთან” დაკავშირებით შეხვედრა გაიმართა. ... ...
  • "მათ აქვთ შესაძლებლობა დახმარების" - ბავშვთა იძულებითი შრომის წინააღმდეგ კვირეული საქართველოში12 ივნისი ბავშვთა იძულებითი შრომის წინააღმდეგ მსოფლიო დღეა. აღნიშნული თარიღის ფარგლებში საქართველოში კვირეული ტარდება. დღეს კი ბავშვთა იძულებითი შრომის წინააღმდეგ ჩატარებული ესსეების კონკურსის გამარჯვებულები დააჯილდოვეს. „კონკურსში 18  განაცხადი შემოვიდა.ბუნებრივია, იყო კრიტერიუმები ჩამოყალიბებული, რის მიხედვით მიენიჭებოდა პრიორიტეტები ამ ნამუშევრებს და შეირჩა 6 ნამუშევარი. გარდა ამისა, ამ 6 კონკურსანტის გარდა, სიმბოლური საჩუქრები მიიღეს კამპანიის სხვა მონაწილეებმაც. ასეთი იყო სულ 4 მონაწილე“,_ გვითხრა  „ღვთისშვილთა კავშირის“ ხელმძღვანელმა,  ნონა კენჭუაშვილმა. კვირეულის ფარგლებში კი ფორუმის გამართვაა დაგეგმილი, რომელიც სავარაუდოდ ონლაინ ჩატარდება. „ამ კვირეულის ფარგლებში იგეგმება ფორუმი და შესაძლოა, პანდემიიდან გამომდინარე იყოს ონლაინფორუმი.  ჩვენი მიზანია, რომ ფორუმში ჩაერთნონ მუნიციპალიტეტების წარმომადგენლებიც. იმიტომ რომ მათ აქვთ შესაძლებლობა ამ ბავშვების და ოჯახების იდენტიფიცირება მოახდინონ  და ადგილზე იყოს რესურსი, რომ  შესთავაზონ დახმარება. ასევე გაიმართება სესიები მშობლების და უშუალოდ ამ ბავშვების მონაწილეობით“,_ გვითხრა ... ...
  • მადლობის სიგელი "გურია ნიუსის" ჟურნალისტს„გურია ნიუსის“  ჟურნალისტს რუსუდან ოქრუაშვილს მადლობის სიგელი გადაეცა. სრულად საქართველოს ღვთისშვილთა კავშირის პრეზიდენტმა ნონა კენჭუაშვილმა მადლობის სიგელი ჟურნალისტს ბავშვთა იძულებითი შრომის წინააღმდეგ კამპანიის მხარდაჭერისა და აქტიური მონაწილეობისთვის ... ...
  • ავტოსაგზაო შემთხვევა ნაბეღლავში _ რა ხდება შემთხვევის ადგილზეამ წუთებში ავტოსაგზაო შემთხვევა მოხდა ჩოხატაურის მუნიციპალიტეტის სოფელ ნაბეღლავში. როგორც თვითმხილველმა "გურია ნიუსს" შეატყობინა, ტოიოტა რავ 4-ის მარკის ავტომანქანა გაზსადენ მილს შეეჯახა. ადგილზე მობილიზებულია სასწრაფო დახმარებისა და პოლიციის ეკიპაჟები. ადგილზე მისულებს ავტომობილის მძღოლი ადგილზე არ დახვდათ. "გურია ნიუსი" დამატებით დეტალებს შსს-ში ... ...

არქივი

ტესტები

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

კარმიდამო ჩემი

ტრადიციად ქცეული მავნე ჩვევა

სასოფლო-სამეურნეო სავარგულების გადაწვა სახიფათო და...

"ქართული თექა ჩემი გატაცებაა!"

ქართულ თექაზე მუშაობას, უმეტესად, ჩვენი...

გავაშენოთ საადრეო ჯიშის მანდარინი

დასავლეთ საქართველოს სუბტროპიკული ზონის კლიმატი,...

თხილის წამლობა აპრილის შუა რიცხვებიდან

აპრილის დასაწყისიდან, როცა თანდათან მატულობს...

როგორ გამოვკვებოთ და გამოვზარდოთ ქათმის წიწილები

საქართველოში ქათმის და, ზოგადად, შინაური...

დავთესოთ ბოსტნეული და გამოვიყვანოთ ჩითილები

წლევანდელი გაზაფხული,  გურიაში, განსაკუთრებით, საკმაოდ...

საგაზაფხულო ფხალეული კვერცხით და ნედლი სანელებლებით

საქართველოს სამზარეულო კულტურა ფხალეულის ორასამდე...

"კალისტო 1920 "_ გურიაში "გემოვანის" პური გამოჩნდა

პური ერთ-ერთი უძველესი საკვებია და...

ერთი ნაჩუქარი ბაჭიით დაწყებული საქმე: "ბოცვრის მოშენება ყველა ოჯახმა უნდა შეძლოს"

ჩოხატაურის მუნიციპალიტეტის სოფელ შუაამაღლებაში მცხოვრები,...

ზღმარტლი _ მცენარე, რომელიც იმსახურებს ყურადღებას

მუშმულას და უნაბის შემდეგ, ჩვენს...