"გაიყვანოს მთავრობამ აქედან მაოხრებლები!"

მთავარი თემა

"გაიყვანოს მთავრობამ აქედან მაოხრებლები!"

30 ივლ. 2020, 12:21:28

25 ივლისს, ოზურგეთის მუნიციპალიტეტის სოფელ სილაურში, ბაილეთის მოსახლეობასთან ერთად, სილაურელებმა სოფლის ყრილობა დააანონსეს. მიზეზი კვლავ მდინარე სუფსაზე არსებული კარიერზე ქვიშა-ღორღის უკანონო მოპოვების საკითხზე საუბარი იყო. კონკრეტულად კი, ყრილობაზე შპს "სამი ძმების" წარმომადგენლებს ელოდნენ, რომელთანაც მოლაპარაკება უნდა გაემართათ.

ორი სოფლის მცხოვრებლები სუფსის ხიდთან შეიკრიბნენ, თუმცა, შპს "სამი ძმების" წარმომადგენელი არ გამოჩენილა.

_ ჯერ მდინარის კალაპოტში ღამით და მალულად შეიპარნენ. მერე დაიწყეს თავის მართლება, ლიცენზია გვაქვსო. ამის შემდეგ შეგვპირდნენ, მოვალთ და მოგელაპარკებითო. გაყვეს მდინარე შუაზე, ამოაცალეს ფსკერი და ახლა იმ მოგროვებული გორების წასაღებად შემოიპარებიან. ფეხს ვერ შემოდგამენ აქ! ამჟამად სუფსის კარიერში მუშაობს კომპანია "ქიუ ემ სი", რომლის წარმომადგენელმაც სოფელთან მოლაპარაკება აწარმოა და თითქმის მილიონ ლარამდე ღირებულების სამუშაოს შესრულებას შეგვპირდა. მათ შორის არის 50 ჰა ფართობის დახვნა და დათესვა. მემორანდუმს ხელი მოეწერა და ეს საკმარისია სოფლისთვის! მეტს სუფსა ვერ აიტანს და მადლობა გვითხრან, ერთი კარიერი თუ დავატოვებინეთ მდინარის კალაპოტში! ეს ახალ-ახალი მატყუარები მოგვშორდნენ აქედან! არ ეტყობათ, ვინც არიან?! დაიმალნენ კურდღლებივით! _ განაცხადეს შეკრებილებმა.

მკითხველს შევახსენებთ, რომ შპს "ქიუ ემ სი" ის კომპანიაა, რომლის წინააღმდეგაც სილაურში რამდენიმე თვის წინ ანალოგიური აქციები ეწყობოდა და ხალხი იმავე შემართებით ითხოვდა სუფსის ხეობიდან მათ წასვლას. მოგვიანებით, როგორც აქ თქვეს, ცნობილი გახდა, რომ ამ კომპანიამ სოფელთან მემორანდუმი გააფორმა, რომელშიც საუბარია სოფლისთვის 50 ჰექტარი საყანე ფართობის დახვნაზე, შიდა გზების მოწყობაზე და კიდევ სხვა სახის დახმარებებზე (რამდენად შეესაბამება ეს სიმართლეს; ახლა, როცა ყანებში მოსავალი მალე უკვე ასაღები იქნება, როდის დახნავენ, რას გააკეთებენ და რომელ წელს, ამის შესახებ, დოკუმენტაციის მოპოვებისთანავე ვუამბობთ ჩვენს მკითხველებს. ავტ.).

_ ეს სოფელი და ეს მდინარე ჩვენია. 7-8 წელია, მდინარეში პატარები არ ჩასულან და არ უბანავიათ წესიერად, რომ ცურვა ისწავლონ. ქალაქებში ხალხი ფულს იხდის, რომ შვილებს ცურვა ასწავლონ, აქ კიდევ დასახრჩობ აუზებს გვიტოვებენ. წავიდნენ აქედან, არ დავინახოთ ესენი სოფელში შემოსული! შესახვედრად დაგვიბარეს და ამდენ ხალხს გვალოდინებენ. სამაგიეროდ, ღამით შეიპარებიან რიყეში ეს "კურდღლები". პიროვნულად არ ვერჩით არავის, მაგრამ წავიდნენ აქედან! _ განაცხადა სილაურელმა ზურაბ დარჩიამ.

_ რომ შემოვიდნენ და ჩადგნენ მდინარეში, ხომ დაინახეს, რომ იქ სხვა კომპანია იდგა? რატომ მივიდნენ? საბუთი აქვთ თუ რა? აქ მეტის ადგილი არ არის, _ თქვა ლიანა პაიჭაძემ, რომელსაც მისივე თანასოფლელი ელდარ დარჩია შეეწინააღმდეგა:

_ მაშინ იმასთან იყავი შეკრული და იმიტომ იძახდი, ჩვენზე კი არ ზრუნავდი, _ უთხრა დარჩიამ.

ამაზე ლიანა პაიჭაძე გაბრაზდა და ხმამაღლა მიმართა შეკრებილებს: "მე ერთი ვიყავი, ვინც "ქიუ ემ სის" გვერდით ვიდექი, გარწმუნებდით, რომ დაგვეხმარებოდა და ახლა თქვენ დგახართ ჩემ გვერდით".

ბადრი ლომაძე: "ძალად და ტყუილად ნურავინ შემოვა აქ, თორემ... 200 ბაღანა მარტო მე გამომყვება. ამ კორონამ ისეთი ხალხი დააბრუნა სოფელში, ცოცხალი რომ არ მეგონა. თუ კანონს ვერ აკანონებთ, ვისაც ეს გევალებათ და ჩვენ გვარბენინებთ აქ, ნახავთ, რანაირად დავუპირისპირდებით მათ და არავისთვის არ იქნება ეს კარგი. საქმე არ უნდა მივიყვანოთ აქამდე".

ადგილობრივმა მკვიდრმა მაია ზაქარიაძემ ოზურგეთის მერიის იურიდიული სამსახურის უფროსს, ლაშა თავაძეს, საკრებულოს დეპუტატებს სოფელ სილაურიდან და ბაილეთიდან _ გოჩა კილაძეს და პაატა კიღურაძეს, სოფლის გამგებელს გოგიტა ჯანხოთელს საყვედურით მიმართა:

_ რას გავს ეს? რას დაგვარბენინებთ თვეში სამჯერ ამ რიყეში? კი, ბატონო, დავწვები და ღამეს გავათევ ამ ხეობაში, მაგრამ შედეგი რა იქნება? მთავრობა თქვენ ხართ და არ შემოუშვათ ამ ხეობაში. იურისტები თქვენ გყავთ, ძალა თქვენ გაქვთ და ჩვენ სანამდე ვირბინოთ აქ _ შედეგი არ უნდა დადგეს? გაგვიფუჭდა ბოსტანი, ყანა. უამრავი საქმე გვაქვს, ტყუილად სირბილს რა აზრი აქვს? _ თქვა ზაქარიაძემ.

მუნიციპალიტეტის მერიის იურიდიული სამსახურის უფროსი, ლაშა თავაძე შეეცადა, აეხსნა მისთვის, რომ ხელისუფლება გადამწყვეტი სიტყვის უფლებას ხალხს აძლევს. მით უფრო, როცა საქმე ეხება სოფელში ეკოლოგიურად საფრთხის შემცველ ქმედებებს. თუმცა, მაია ზაქარიაძემ მოსმენა აღარ ისურვა და გაბრაზებული წავიდა სახლისკენ.

სილაურის თემის მცხოვრებთა ყრილობა, საბოლოოდ, ისე დასრულდა, რომ შპს "სამი ძმების" წარმომადგენლები მათთან შესახვედრად არ მივიდნენ. თავის მხრივ, შეკრებილებმაც ფიცივით დაიბარეს, რომ მათ სუფსის ხეობაში აღარ შემოუშვებდნენ:

_ ჩემი აზრით, ისინი აქ აღარ მოვლენ, _ თქვა ბაილეთის დეპუტატმა ოზურგეთის საკრებულოში, პაატა კიღურაძემ.

"გურია ნიუსი" დაუკავშირდა შპს "სამი ძმების" წარმომადგენლებს. ისინი შეგვპირდნენ, რომ სათანადო დოკუმენტაციით რედაქციაში გვსტუმრებოდნენ. მართლაც "სამი ძმების" დირექტორი ივერი ფუტკარაძე რედაქციაში გვესტუმრა და მოიტანა სხვადასხვა დოკუმენტაცია, რომელიც, მისივე თქმით, ახალი და კანონიერია:

_ პირველ რიგში, გთხოვთ, დაწეროთ სიმართლე. ასე გვჯერა და ამიტომ მოვედით თქვენს რედაქციაში.

_ ბატონო ივერი, შეპირების თანახმად, რატომ არ გამოცხადდით ყრილობაზე, სადაც მოსახლეობა ერთი საათის განმავლობაში გელოდათ?

_ ჩვენ გვქონდა სასამართლო პროცესი ბათუმში. დაგვაჯარიმეს ათასი ლარით _ ერთ-ერთ ობიექტზე მოხდა გადაცდომა. ეს იყო მიზეზი.

_ თუმცა, ერთი წარმომადგენლის გამოგზავნა მაინც შეიძლებოდა. ხალხი გელოდათ...

_ კი, მართალი ბრძანდებით, მაგრამ არ მოხერხდა. ისე კი, გვინდა, იცოდეთ, რომ ჩვენ სამჯერ ვცადეთ, შევხვედროდით სოფლის წარმომადგენლებს. ამას ვერ უარყოფს ვერც დეპუტატი და ვერც გამგებელი. ბაილეთის დეპუტატმა პაატა კიღურაძემ გვითხრა, სოფელთან დაალაგეთ ურთიერთობა და მე არაფერს გერჩითო. როგორ დავალაგოთ, როცა გარკვეული პირები ხალხს ჩვენზე აქეზებენ? სიცრუეა ის, რომ ჩვენ, თითქოს, არ გვაქვს ლიცენზია, გვადევს ყადაღა, არ ვართ რეგისტრირებული წიაღის სააგენტოში, არ გვაქვს წარმოების წლიური გეგმა და ასე შემდეგ. აგორებულია ისეთი კამპანია, თითქოს, ჩვენ ვანგრევთ და ვაქცევთ სუფსის ხეობას. რაც ჩამოვთვალე, ამ ყველაფრის ნახვა შესაძლებელია წიაღისეულის სააგენტოს ვებ-გვერდზე. მოგიტანეთ დოკუმენტაციის ორიგინალები, ასლებს გიტოვებთ. თავს კი არ გაცოდებთ, სიმართლე დაწერეთ. თუ გავმტყუნდებით, სამართალმა პასუხი გვაგებინოს და ამას თქვენც დაინახავთ, _ თქვა ფუტკარაძემ და განმარტა, რომ სახელმწიფოსთან მის კომპანიას ვალდებულება აქვს აღებული, რის შესრულების საშუალებასაც არ აძლევენ კონკრეტული ძალები:

_ თუ ასე გაგრძელდა, ჩვენ მივმართავთ სასამართლოს. შპს "ნატა" და შპს "სამი ძმა" არის ერთი და იგივე კომპანია. ყადაღა გვედო იმიტომ, რომ კომპანია იყო გასხვისებული გარკვეულ პერიოდში და მფლობელმა არ შეასრულა ვალდებულებები _ არ გადაიხადა გადასახადები. ვიბრძოლეთ და მივაღწიეთ იმას, რომ შემოსავლების სამსახურმა ყადაღა მოგვიხსნა. უნდა ვიმუშაოთ კანონის დაცვით, რომ ჯერ ეს ვალდებულება შევასრულოთ.

რაც შეეხება სოფლის მოსახლეობას, ჩვენ მათ ვერ მოვატყუებთ და მილიონებს ვერ შევპირდებით. ჯერჯერობით კი, მათ ვუდებდით პირობას, რომ საყანე ფართობებთან გავაკეთებდით ჯებირებს. არ შევეხებოდით ტერიტორიას, რომელიც საყანე ნაწილს ეკვრის. ასევე, გავუკეთებდით გზას, მივაწვდიდით ხრეშს, სხვა მასალას ჭირსა თუ ლხინში. ვიმეორებ, მილიონების შეპირებით ჩვენ ხალხს ვერ მოვატყუებთ ან თავს ვინ იტყუებს ასე მარტივად? ჩვენ ხალხზე მეტად გვედავება არასამთავრობო ორგანიზაცია "ეკოს" წარმომადგენელი ირმა გორდელაძე. მან ზუსტად ასე გაგვიცხადა: "ყველაფერი რომ კანონის სრული დაცვით გქონდეთ აკინძული, მაინც არ გვინდა, ფეხებზე მკიდია ეს ქაღალდები. აქ თუ წავაგე, მერე ყველგან წავაგებო". გეკითხებით, რა სიტყვა-პასუხია ეს, ან არის თუ არა ეს მუქარა, რომ მართალიც რომ იყო, გაგამტყუნებ და მოგერევიო? ჩვენ, უკიდურეს შემთხვევაში, მივმართავთ სასამართლოს, რომ კანონიერ მუშაობაში გვიშლიან ხელს, _ გვითხრა ფუტკარაძემ.

თავის მხრივ, ირმა გორდელაძემ ჩვენთან განმარტა, რომ "სამი ძმები" კანონდარღვევით მუშაობს, იტყუება და მათ სოფელი ეწინააღმდეგება.

_ მათ სურთ, ყველაფერი მე გადმომაბრალონ და ისე მოაჩვენონ თავი, თითქოს, ხალხი კი არ არის წინააღმდეგი, ჩვენ "ვაბუნტებთ" მათ. ხომ ნახეთ, რომ არ მოვიდნენ ყრილობაზე? სასამართლოში ახლა ჩვენ შეგვაქვს სარჩელი, _ თქვა გორდელაძემ.

შპს "სამი ძმების" წარმომადგენლები ამბობენ, რომ ისინი ყველაზე ადრე მუშაობდნენ სუფსის ხეობაში. თავის მხრივ, "ქიუ ემ სი" განმარტავს, რომ ისიც დიდი ხანია, მუშაობს და ორ სოფელს უკვე მემორანდუმი გაუფორმა.

 "გურია ნიუსი" აქტიურად მიადევნებს თვალს ამ პროცესებს და მკითხველს უამბობს, რა ხდება არა მარტო კარიერებით ავსებულ და აოხრებულ ჩვენი მდინარეების ხეობებში, არამედ სხვადასხვა კომპანიებში და ასევე, ამ კომპანიებს შორის. ხომ არ აქვს ადგილი მიკერძოებებს, მჯობნის მჯობნის პრინციპით პოზიციების დაკავებას და არა კანონის გათვალისწინებით, რეგულაციების დაცვით მუშაობას.





 ახალი ამბები
  • თუ ჭკუა აქვს, არ უნდა მოვიდეს _ მეუფე იაკობი გიორგი გახარიაზეჩემთვის გიორგი გახარია მესამე ძალა არ არის. მითხარით, დადებითი რა გააკეთა? თუ ჭკუა აქვს, არ უნდა მოვიდეს. შეიძლება „ლელოსა“ და „სტრატეგია აღმაშენებლის“ კონკურენტი გახდეს, - ამის შესახებ ჟურნალისტებს ბოდბელმა მთავარეპისკოპოსმა, იაკობმა განუცხადა. „ვის დავუჭერთ მხარს? ვის ვგულისხმობ, ნახავთ. ისეთები იქნებიან, გაიმარჯვებენ, ნახავთ. მთავრობას ყოველთვის აქვს საშუალება, არჩევნებში მინიმუმ 30% აიღოს, დანარჩენი რამდენს აიღებს, დაუთვალონ ხმები. თუ არ მოისვენებენ, მიიღებენ მაგას, იმიტომ, რომ ძალიან აურიეს ქვეყანა. ვის რა გაუკეთებია, რა გმირები ეგენი არიან, ომში იბრძოდნენ თუ 2008-ში არ გარბოდნენ ქვეყნიდან? რაც ერი ვართ, იმას ვირჩევთ ხოლმე. რაც შეეხება გახარიას, ჩემთვის გიორგი გახარია მესამე ძალა არ არის. მითხარით, დადებითი რა გააკეთა? თუ ჭკუა აქვს, არ უნდა მოვიდეს. შეიძლება „ლელოსა“ და „სტრატეგია აღმაშენებლის“ კონკურენტი გახდეს. დაბალრეიტინგული პოლიტიკოსია. 200 ათას „ლაიქს“ ვინც უკეთებდა, კარგად ნახეთ, ზურგს უკან ვინ ედგა“, - განაცხადა მეუფე ... ...
  • საქართველოს პრეზიდენტმა 8 მსჯავრდებული შეიწყალასალომე ზურაბიშვილმა 8 თავისუფლებააღკვეთილი მსჯავრდებული შეიწყალა, - ამის შესახებ ინფორმაციას პრეზიდენტის პრესსამსახური ავრცელებს. „საქართველოს პრეზიდენტმა 8 თავისუფლებააღკვეთილი მსჯავრდებული შეიწყალა, აქედან 3 მსჯავრდებული სრულად გათავისუფლდა თავისუფლების აღკვეთის შემდგომი მოხდისაგან, ხოლო 5 მსჯავრდებულს (მათ შორის, 1 ქალ მსჯავრდებულს) დარჩენილი მოსახდელი სასჯელის ვადა გაუნახევრდა. საქართველოს პრეზიდენტმა შეწყალების აქტი დღეს, 2021 წლის 6 მაისს გამოსცა“, - აცხადებენ ... ...
  • ჩოხატაურის საკრებულოს თავმჯდომარე კორონავირუსზე აიცრაჩოხატაურის მუნიციპალიტეტის საკრებულოს თავმჯდომარე მეუღლესთან ერთად კორონავირუსის საწინააღმდეგო ვაქცინით აიცრა. როგორც ზაალ მამალაძის მიერ ფეისბუქ გვერდზე გამოქვეყნებული ფოტოთი ირკვევა, მათ ვაქცინა ჩოხატაურში, კლინიკა „მედალფაში“ გაიკეთეს. ცნობისთვის, კორონავირუსზე ვაქცინაციის პროცესი ჩოხატაურში 2 დღის წინ განახლდა.  აცრის  გაკეთება ჩინური ვაქცინა „სინოფარმით“ არის ... ...
  • "თუ გაგიგეს ქართულად საუბრობ, პრობლემები შეგექმნება" _ ახალგაზრდა ოკუპირებული აფხაზეთიდანსაქართველოს ოკუპირებულ ტერიტორიებზე ცხოვრება სულ უფრო რთულდება ყველასთვის განსაკუთრებით, ახალგაზრდებისთვის. ისინი ძალიან რთულ გზას გადიან საქართველოს მიერ კონტროლირებად ტერიტორიაზე მოსახვედრად. „გურია ნიუსთან“ საუბრისას რესპონდენტმა ვინაობის გამხელა არ ისურვა, რადგან აფხაზეთში მისი ოჯახის წევრები არიან დარჩენილი და შეეშინდა, საფრთხე არ შეექმნა მათთვის. იგი ჩვენთან საუბრისას იხსენებს, როგორია საქართველოს ოკუპირებულ  აფხაზეთში ცხოვრება... _ ჩემი აფხაზეთთან კავშირი დაიწყო ბავშვობიდან. მეშვიდე კლასში ვიყავი, როცა მამასთან, გალში მომიწია საცხოვრებლად გადასვლა. სრული ქაოსი დამხვდა იქ... იყო ბევრი პრობლემა, მაგრამ, საბოლოოდ, გავართვი თავი ჩემი იქაური მეგობრების წყალობით. _ აფხაზეთის  სკოლებში რა ენაზე ასწავლიან ბავშვებს? _ ომის შემდეგ პერიოდში სწავლა მთლიანად რუსულ ენაზე იყო. რომელ სკოლაშიც მე დავდიოდი, იქ მხოლოდ ერთი საგანი იყო ქართულ ენაზე _ ქართული ენა და ლიტერატურა, რომელსაც კვირაში ორი დღე ეთმობოდა. სხვა ყველა საგანს რუსულად  გავდიოდით. ძალიან აგდებული დამოკიდებულება იყო. იმდენად, რომ სურვილი გეკარგებოდა ქართული ენის სწავლის. _ იქ მცხოვრებლებს რამდენად მიგიწვდებოდათ ხელი  მედიკამენტებსა და ჯანდაცვის სერვისებზე? _ სიმართლე რომ გითხრათ, როცა მე ან ჩემს ოჯახს რამე წამალი დაგვჭირვებია და გავსულვართ, ნებისმიერი წამალი გვიყიდია. თუ გალში არ იყო, სოხუმიდან ან გაგრიდან მოჰქონდათ. ცუდია, რომ ზოგი იქ მცხოვრები ახალგაზრდა ამბობს, თითქოს არ მიგვიწვდებოდა ხელი წამლებზე ან არ იყო, ასე არ ყოფილა, რადგან მე რამდენჯერაც დამჭირვებია წამლები თუ საავადმყოფო, ყოველთვის მქონდა საკმარისი ყურადღება. როცა მე ან ჩემს ოჯახს რამე დახმარება დაგვჭირვებია, ყოველთვის აღმოუჩენიათ დახმარება. _ თუ ასხვავებდნენ ქართველებს იქაური აფხაზებისგან? _ მსგავსი მაგალითი არ ყოფილა. უბრალოდ, თუ მე ვდგავარ რიგში და ჩემს შემდეგ ვინმე „წონიანი ტიპი“ მოვიდა იმას გაატარებენ ურიგოდ და მე ისევ ჩემს რიგში მომიწევს დგომა. ეს მემგონი აქაც ასეა. დეზინფორმაცია ვრცელდება აფხაზეთზე და ძალიან მწყინს. _ როგორ ხდება საქართველოს დანარჩენ ტერიტორიაზე გადმოსვლა  და თქვენ რამდენად მარტივად შეგეძლოთ გადაადგილება ეგრეთწოდებულ საზღვარზე? _ 14-წლამდე მამას საბუთი ჰქონდა, რომ მე მისი არასრულწლოვანი შვილი ვიყავი და შეეძლო გადმოვეყვანე ეგრეთწოდებულ საზღვარზე. 15 წლისას მომიწია ოფიციალური საბუთის აღება, რითიც შევძლებდი მამასთან ერთად გადამელახა „საზღვარი“. ძალიან ბევრჯერ ყოფილა, რომ ჩუმად გადავპარულვარ ან ჩემს ოჯახს ფული გადაუხდია, რადგან ან გამოცდა მქონდა ან ჯანმრთელობის მდგომარეობის და ექიმთან ვიზიტის საჭიროების გამო უნდა გადავსულიყავი. ყოველთვის ჯერ ენგურის ხიდზე მივდიოდით, რომ გვეცადა ოფიციალურად გადმოსვლა. რა თქმა უნდა, არ გვიშვებდნენ, მიზეზად არასაკმარის დოკუმენტებს ამბობდნენ. მამას არ ჰქონდა იქაური მაცხოვრებლის სტატუსი. ხალხს იძულებულს ხდიდნენ, იქ მაცხოვრებლის სტატუსი აეღოთ. წინააღმდეგ შემთხვევაში, „შავი გზით“ გვიწევდა გადასვლა და ხშირად გვიჭედრნენ, ზოგს  კი ფიზიკურადაც უსწორდებოდნენ. მახსოვს, გამოცდების პერიოდი მქონდა და „საზღვარზე“ არ მიშვებდნენ. მაშინ მამამ 5000 რუბლი გადაიხადა, რომ მე გადმოვსულიყავი საქართველოს მიერ კონტროლირებად ტერიტორიაზე. _ რა ხდება ეგრეთწოდებულ საზღვარზე დაჭერის შემდეგ? _ „საზღვარზე“ დაჭერისას მივყავდით პოლიციას და გვართმევდნენ ყველა სახის საბუთს _  პირადობა იქნებოდა თუ ნებისმიერი სხვა. არა მხოლოდ ქართულს, არამედ ყველას. შემდეგ, რაღაც თანხის სანაცვლოდ გვიშვებდნენ, მაგრამ საბუთებს იტოვებდნენ. _ როგორ შეაფასებთ იქ ცხოვრებას? _ ძალიან მიყვარს იქაურობა, მაგრამ იქ ცხოვრება ურთულესია, როცა შენ ხარ ქართველი და უფლება არ გაქვს შენს ენაზე ისაუბრო. არავინ გიკრძალავს, მაგრამ იცი, რომ თუ გაგიგეს ქართულად საუბრობ, პრობლემები შეგექმნება. იქ მე სულ ქართულად ვსაუბრობდი. ერთხელ, როდესაც პარკში მეგობრებთან ერთად ვიყავი, ერთი პიროვნება მოვიდა და მითხრა, რომ პატივი მეცა მათთვის და ქართულად არ მესაუბრა... _ ოკუპირებულ აფხაზეთში ქართველებისადმი უარყოფითი დამოკიდებულება აქვთ? _ კი. სულ სხვანაირად გვიყურებენ და ეს დამოკიდებულება ყოველთვის იგრძნობოდა. იქიდან ყველა ახალგაზრდა მოდის, რადგან არ არის იქ არანაირი პერსპექტივა, განვითარების შანსი... თუმცა, ბოლო პერიოდში ბევრი რამ გალამაზდა და შეიქმნა... მინდა, რომ იქაც იგივენაირად შეეძლოთ განვითარება ახალგაზრდებს, როგორც აქეთ...  _ ამბობს ახალგაზრდა ოკუპირებული აფხაზეთიდან, რომელიც უკვე რამდენიმე წელია, აფხაზეთში არ ... ...
  • "ვარლამ გოლეთიანს სოლიდარობაც კი არ გამოუცხადებია მათთვის" _ ანა იოსავანამახვანჰესის აქციაზე მომხდარი სიტყვიარი შელაპარაკების შემდეგ, როგორც "გურია ნიუსთან" საუბრისას აქციის ერთ-ერთმა მონაწილემ, ანა იოსავამ თქვა, 16 აპრილს დააკავეს ფირუზ და რეზო წულუკიძეები და ძმები ჭელიძეები. "ჭელიძეებთან, რომლებსაც სახლში შშმ მამა ჰყავთ, შევარდა სპეცრაზმი და ძალის გამოყენებით დააკავეს ძმები. ისინი არიან ჩვეულებრივი ბათუმელი ბიჭები, რომლებსაც ჰყავს მეგობრები და ახლობლები. იმის გამო, რომ "ნაციონალურ მოძრაობას" უჭერენ მხარს, არ შეიძლება ესე მოექცნენ". დაკავებების სერია გაგრძელდა _ 23 აპრილს ხონის გზაზე დააკავეს ელდარ ანთაძე. „არც მტკიცებულება და კადრები არ არსებობს მათი დანაშაულის დამამტკიცებელი. უნდათ, ეს ბიჭები ჩასვან ციხეში, მხოლოდ იმიტომ, რომ ისინი ძალიან აქტიურობენ", _ ამბობს ანა იოსავა. მისი თქმით, ვარლამ გოლეთიანმა იცოდა აქციაზე მომხდარი ინციდენტის შესახებ, თუმცა ხელისუფლებასთან მოლაპარაკებაზე ყოფნის დროს არ უსაუბრია ამ თამაზე. "ვარლამ გოლეთიანს სოლიდარობაც კი არ გამოუცხადებია მათთვის. არადა, ეს ბიჭები მხარდასაჭერად ჩავიდნენ". "გურია ნიუსი" ესაუბრა ელდარ ანთაძის ადვოკატს გიორგი ფანცულაიას. ადვოკატის თქმით, ის საქმის შესწავლის პროცესშია, რის შემდეგაც შეძლებს კომენტარის გაკეთებას. რა ედებათ წულუკიძეებსა და ჭელიძეებს ბრალად, რა მუხლით მიმდინარეობს გამოძიება მათ საქმეზე და რას ითვალისწინებს სასჯელი, ამის გასარკვევად "გურია ნიუსი" შსს-ს პრესსამსახურს დაუკავშირდა.  შინაგან საქმეთა სამინისტროს განცხადებით, 15 და 23 აპრილს დააკავეს შვიდი პირი, რომლებსაც ბრალად ედებათ გუმათჰესის დასახლებაში ნამახვანჰესის მშენებლობასთან დაკავშირებით მიმდინარე საპროტესტო აქციაზე  ჯგუფური ძალადობა. როგორც შსს-ში გვითხრეს, მათ ფიზიკური დაზიანებები მიაყენეს აქციაზე მყოფ სამ პირს. ასევე, დააზიანეს ერთ-ერთი დაზარალებულის კუთვნილი ავტომანქანა. შსს-ს ინფორმაციით, საქმეზე გამოძიება მიმდინარეობს 225 მუხლით, რომელიც გულისხმობს ჯგუფური ძალადობის ორგანიზებას, ხელმძღვანელობას ან მასში მონაწილეობას. უწყების განცხადებით, შვიდივე დაკავებულის დანაშაული 4-დან 6 წლამდე ვადით თავისუფლების აღკვეთას ... ...

არქივი

ტესტები

ტესტი _ დიდი აღმოჩენები და ასტრონომია

დიდი გეოგრაფიული აღმოჩენების პერიოდში ვის...

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ იცი თუ არა ყველაფერი?

როგორ უნდა გაარკვიოთ მხარეები ტყეში...

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

კარმიდამო ჩემი

"ქართული თექა ჩემი გატაცებაა!"

ქართულ თექაზე მუშაობას, უმეტესად, ჩვენი...

გავაშენოთ საადრეო ჯიშის მანდარინი

დასავლეთ საქართველოს სუბტროპიკული ზონის კლიმატი,...

თხილის წამლობა აპრილის შუა რიცხვებიდან

აპრილის დასაწყისიდან, როცა თანდათან მატულობს...

როგორ გამოვკვებოთ და გამოვზარდოთ ქათმის წიწილები

საქართველოში ქათმის და, ზოგადად, შინაური...

დავთესოთ ბოსტნეული და გამოვიყვანოთ ჩითილები

წლევანდელი გაზაფხული,  გურიაში, განსაკუთრებით, საკმაოდ...

საგაზაფხულო ფხალეული კვერცხით და ნედლი სანელებლებით

საქართველოს სამზარეულო კულტურა ფხალეულის ორასამდე...

"კალისტო 1920 "_ გურიაში "გემოვანის" პური გამოჩნდა

პური ერთ-ერთი უძველესი საკვებია და...

ერთი ნაჩუქარი ბაჭიით დაწყებული საქმე: "ბოცვრის მოშენება ყველა ოჯახმა უნდა შეძლოს"

ჩოხატაურის მუნიციპალიტეტის სოფელ შუაამაღლებაში მცხოვრები,...

ზღმარტლი _ მცენარე, რომელიც იმსახურებს ყურადღებას

მუშმულას და უნაბის შემდეგ, ჩვენს...

გავამზეუროთ ქოთნის ყვავილები

ახლა, ადრიან გაზაფხულზე, მზიან, თბილ...

ქათმის მხალეული

მრგვალად მოხარშული (და არა შემწვარი)...