"მარტის ბოლოს რომ შეწყდა წყალი, იმედია, ნოემბრის ბოლოს გამოჩნდება!"

მთავარი თემა

"მარტის ბოლოს რომ შეწყდა წყალი, იმედია, ნოემბრის ბოლოს გამოჩნდება!"

10 სექ. 2020, 16:26:08

ლანჩხუთის მერიის პრესასთან ურთიერთობის განყოფილების ხელმძღვანელი, მაკა სულაბერიძე საკუთარ ფეისბუქგვერდზე ვრცელ პოსტს აქვეყნებს და იმ სიკეთეებზე აკეთებს აქცენტს, რომელიც ინფრასტრუქტურის კუთხით ბოლო წლებში მუნიციპალიტეტის მასშტაბით გახორციელდა.

აღნიშნული პოსტისა და მის ქვემოთ გაკეთებული რიგი კომენტარების მიხედვით თუ ვიმსჯელებთ, მათ ავტორთა გულისწყრომის საბაბი ის ადამიანებია, რომლებიც კრიტიკულები არიან მუნიციპალიტეტის ტერიტორიაზე გახორციელებული ამა თუ იმ ინფრასტრუქტურულ პროექტთან მიმართებაში.

"კომენტარებს ვკითხულობ და მეცინება _ ამდენი რამ, რაც ბოლო წლებში გაკეთდა, ოდესმე გაკეთებულა? არ მახსენდება. 2020 წელს, ლანჩხუთის მუნიციპალიტეტისთვის, 16 265 000 ლარია გამოყოფილი ინფრასტრუქტურული პროექტების გასახორციელებლად", _ წერს ლანჩხუთის მერიის მთავარი პიარი მაკა სულაბერიძე და იქვე ინფრასტრუქტურული პროექტების არც თუ მცირე ჩამონათვალს გვთავაზობს: "კარგი საქმეების ჩამონათვალი ძალიან დიდია", _ ასე ასრულებს წერილს სულაბერიძე.

ჩამონათვალი მართლაც დიდია, თუმცა, ფაქტია, რომ ამ ბევრ საქმეში მოიძებნება ის აუცილებელი საკეთებელი, რომელიც, რატომღაც, კვლავაც ყურადღების მიღმაა დარჩენილი. სწორედ ამის დასტურია სოციალურ ქსელში, ერთ-ერთ საჯარო ჯგუფში მარიამ კოიძის მიერ გამოქვეყნებული, ასევე, ვრცელი პოსტი, სადაც იგი სოფელ ჩიბათში წლობით არსებულ უწყლობის პრობლემაზე საუბრობს.

მისი თქმით, მოსახლეობამ პრიორიტეტად სწორედ ამ პრობლემის მოგვარება დასახა თავის დროზე, თუმცა, რატომღაც მავანთა არჩევანი ასფალტის დაგებაზე შეჩერდა:

"როგორც მოგეხსენებათ, ადამიანის ორგანიზმის 70%-ს შეადგენს წყალი. მის გარეშე ნორმალური ცხოველქმედება და არსებობა შეუძლებელია. არ მეგულება სოფელი ლანჩხუთის რაიონში, სადაც სასმელი უწყლობის პრობლემა მოგვარებულია და წყლის სისტემა გამართულად მუშაობს (ასეთის არსებობის შემთხვევაში). მაგალითად, სოფელ ჩიბათში ამ პრობლემის მოსაგვარებლად ხელმოწერები შეგროვდა, ცოტა ხნის მერე კი ასფალტი დააგეს, არგუმენტით _ დაფინანსება ამ პროექტზე იყოო.

მაინტერესებს, ვინ წყვეტს ამ და მსგავს, მოსახლეობისთვის სასიცოცხლოდ უმნიშვნელოვანეს საკითხებს, რა პრიორიტეტების მიხედვით ხელმძღვანელობს, საერთოდ, არის თუ არა ეს ადამიანი თუ ადამიანთა ჯგუფი ლანჩხუთის მცხოვრები, იმიტომ, რომ მე, პირადად, ვერაფრით წარმომიდგენია ადამიანი, რომელიც ცხოვრობს ლანჩხუთში, ჩიბათში ან სადმე სხვაგან, აქვს სასმელი წყლის პრობლემა, მაგრამ ამტკიცებს გზის მოასფალტების პროექტს.

P. S. ჩიბათში ასფალტი რომ დააგეს, კარგია, ვხედავთ და მოგვწონს, მაგრამ მასლოუს პირამიდაში ადამიანისთვის სასიცოცხლოდ მნიშვნელოვანი რაღაცეები პირველ საფეხურზეა, მანქანა, გზა და მისთ. გაცილებით ზემოთ. ჰოდა, რას იტყვით, იქნებ, შემდეგ ჯერზე პირველი საფეხურიდან დაგეწყოთ?

კეთდება, რაც თვალშისაცემია _ ფასადი. ამიტომაც გააკეთეს გზა და არა წყალი, ამიტომაც კეთდება და ლამაზდება ლანჩხუთის შესასვლელი და არა კანალიზაცია. იმიტომ, რომ ეს ყველაფერი თვალისთვის ხილულია და ამ წინასაარჩევნოდ ხმები ხომ უნდა მოაგროვონ? უბედურება ისაა, რომ ჩვენ ვართ ჩუმად და არ ვართ მოწოდების სიმაღლეზე.

ძალიან ცუდი სიტუაციაა, აი, ძალიან. არ გვეკადრება. არადა, იქვე, 2-3 კილომეტრში ყინულივით ცივი, სუფთა წყალი იღვრება, ხალხი იქიდან ეზიდება ბოთლებით.

ყველასთვის ცნობილია, რომ წყალი პრობლემაა, მაგრამ რატომღაც პასუხისმგებლობას არავინ იღებს მის მოგვარებაზე.

ჩემი პირადი დაკვირვებაა, რომ მუნიციპალიტეტები არ გეგმავენ და წყვეტენ ბიუჯეტს. უფრო სწორად ვერ, რადგან, საბოლოოდ, ყველაფერი მაინც თბილისში წყდება. რეგიონებს სჭირდებათ მეტი გასაქანი და თავი უნდა დაიხსნან თბილისის გავლენისგან, დეცენტრალიზაცია უნდა მოხდეს და იმან მართოს რაიონი, ვისაც ევალება. ახლა მაინტერესებს, რატომ, რა უფლებით მიწყვეტს ვიღაც გაურკვეველი პიროვნება (რომელსაც, დიდი ალბათობით, წარმოდგენაც არ აქვს, რუკაზე ჩიბათი სადაა) რისი საჭიროება მაქვს მე და რა უნდა გაკეთდეს ჩემ სოფელში?

როგორ ვაიძულოთ, გააკეთონ ის, რაც სასიცოცხლოდ აუცილებელია? გზები გადავკეტოთ? არეულობა მოვაწყოთ? ფაქტია, ცივილური ენა არ ესმით. რა უნდა ვქნათ?" _ ასე აფიქსირებს საკუთარ პოზიციას მარიამ კოიძე ჩიბათში არსებულ უწყლობის პრობლემასთან დაკავშირებით.

ირკვევა, რომ იგი ერთადერთი არაა, ვინც ამ სოფელში უწყლობას უჩივის:

"ჩემთან, "კრანში" წყალი მარტის ბოლოს რომ შეწყდა, მას შემდეგ არ გამოჩენილა. ნოემბრის ბოლოს, იმედია, გამოჩნდება. სად ვცხოვრობ? ჩიბათში, კერძოდ ჭაჭახუნაში. წლებია, ასეთ დღეში ვართ. წერე და იკითხე. ვის რაში ვაინტერესებთ. თურმე ბევრი რამ კეთდება და ჩვენ ვერ ვხედავთ";

"ამ საუკუნეში წყალი მაინც ჰქონდეთ ამ ხალხს ...ეგ სტაგნაცია კი არა, შუა საუკუნეებში დაბრუნებაა";

"ძალიან მაინტერესებს, რას აკეთებს მერია,  როცა 21 საუკუნეში წყალი არ აქვს ადამიანს.  ნუთუ, ოდნავ მაინც არ გრცხვენიათ, ეს ვისაც გეხებათ _ წყლის პრობლემა რომ აქვს მოსახლეობას?! არჩევნებზე ხომ კარგად ეძებთ ხმებს?! გრცხვენოდეთ, დაპირებაში რომ გვაცხოვრებთ";

"ყველა შეხვედრაზე ჩიბათში ისევ და ისევ წყალი განიხილება, მაგრამ მოგვარების არაფერი ეტყობა. აშკარაა, რომ კარგად ტყდება თანხა ამ თემის ტრიალით. ხალხი კი განა ვინმეს ადარდებს გარდა საარჩევნო პერიოდისა?! ჩიბათში დამწვარი და განადგურებული გამგეობის უკან გაკეთებულ საფეხბურთო მოედანზე ნეტავ, რას იტყვიან მმართველი ძალა ან ის პირები, ვინც კურირებს ამ სამარცხვინო საკითხს მისდა სასიკეთოდ?! ესეც ხომ ჩიბათელების დაცინვაა მათთვის ჯიბის გასასქელებლად, სხვა არაფერი. სამარცხვინოა ეს და კიდევ ბევრი რამ ერთ ლამაზ და საყვარელ სოფელ ჩიბათში".

სამწუხაროდ, ჩიბათი ერთადერთი სოფელი არაა ლანჩხუთის მუნიციპალიტეტში, სადაც მოსახლეობას წყლის მიწოდების პრობლემა აწუხებს:

"ზუსტად ეს პრობლემაა ჩემს სოფელში, ახალსოფელიც და ყველაზე ცუდი ისაა, რომ მოსახლეობა ამას შეგუებულია. არ ადარდებთ, არ რეაგირებენ საერთოდ. წყალი მაქ კომფორტია. არადა, ყველა ერთმანეთს რომ ამოუდგეს მხარში, ამოიღონ ენები წყლისთვის და არა საჭორაოდ, კაი იქნება, მარა სადაა. ახალგაზრდებიც მუდოებივით სხედან, ჰკიდიათ ფეხებზე რა";

 "ახლა დაამტკიცებენ ასფალტს, ამოთხრიან და მერე წყალს გაიყვანენ. მართლაც საკითხავია, ვინ ამტკიცებს, ეს არის არასწორი ხედვა, თუმცა, ასე სჭირდებათ";

 "შუხუთში, კერძოდ, ანდრია პირველწოდებულის ჩიხი, მიუხედავად მოსახლეობის განცხადებისა, ბიუჯეტში მაინც ვერ მოვხვდით. რატომ? არ ვიცით...

არ გვაქვს გზა, განათება და თქვენ წარმოიდგინეთ _ წყალი.

ჰოდა, ვართ ასე უპატრონოდ მიტოვებული, ხანდახან შემოგვივლიან, კიდე ცოცხლები თუ არიანო...

რას ვიზამთ "ჭირსა შიგან გამაგრებაო", _ წერენ უწყლობით შეწუხებული ადამიანები.

ჩიბათის ადმინისტრაციული ერთეულის მაჟორიტარი დეპუტატის, გიორგი ჩახვაძის თქმით, ისეთი ფაქტი, რომ მოსახლეობას პრიორიტეტად წყალი დაესახოს და გზა გაკეთებულიყოს, არ ყოფილა. მისი თქმით, ამ ეტაპისთვის მხოლოდ "ჭაჭახუნას" უბანშია წყლის მოსახლეობისთვის მიწოდებასთან დაკავშირებული პრობლემა და მოკლე ხანში მისი მოგვარებაც იგეგმება: "გასულ წელს, სოფლის პროგრამიდან გამოყოფილი თანხით, მოხდა სოფელში წყლის სათავე ნაგებობის რეაბილიტაცია, თუმცა, სტიქიის შედეგად საგრძნობლად დაზიანდა და ახლა მისი შეკეთება მოხდა.

ასე რომ, ადმინისტრაციული ერთეულის ოთხივე სოფელს წყალი აქვს. ერთადერთი "ჭაჭახუნას" უბანში, რომელსაც ცალკე სათავე ნაგებობაა, არის ამ კუთხით პრობლემები და მისი მოწესრიგებაც გათვალისწინებულია. მოსახლეობის უმრავლესობის გადაწყვეტილებით წელს სოფლის პროგრამის თანხა ცენტრალურ გზაზე გარე განათების მოსაწყობად მიიმართა", _ გვითხრა ჩიბათის მაჟორიტარმა დეპუტატმა.





 ახალი ამბები
  • თუ ჭკუა აქვს, არ უნდა მოვიდეს _ მეუფე იაკობი გიორგი გახარიაზეჩემთვის გიორგი გახარია მესამე ძალა არ არის. მითხარით, დადებითი რა გააკეთა? თუ ჭკუა აქვს, არ უნდა მოვიდეს. შეიძლება „ლელოსა“ და „სტრატეგია აღმაშენებლის“ კონკურენტი გახდეს, - ამის შესახებ ჟურნალისტებს ბოდბელმა მთავარეპისკოპოსმა, იაკობმა განუცხადა. „ვის დავუჭერთ მხარს? ვის ვგულისხმობ, ნახავთ. ისეთები იქნებიან, გაიმარჯვებენ, ნახავთ. მთავრობას ყოველთვის აქვს საშუალება, არჩევნებში მინიმუმ 30% აიღოს, დანარჩენი რამდენს აიღებს, დაუთვალონ ხმები. თუ არ მოისვენებენ, მიიღებენ მაგას, იმიტომ, რომ ძალიან აურიეს ქვეყანა. ვის რა გაუკეთებია, რა გმირები ეგენი არიან, ომში იბრძოდნენ თუ 2008-ში არ გარბოდნენ ქვეყნიდან? რაც ერი ვართ, იმას ვირჩევთ ხოლმე. რაც შეეხება გახარიას, ჩემთვის გიორგი გახარია მესამე ძალა არ არის. მითხარით, დადებითი რა გააკეთა? თუ ჭკუა აქვს, არ უნდა მოვიდეს. შეიძლება „ლელოსა“ და „სტრატეგია აღმაშენებლის“ კონკურენტი გახდეს. დაბალრეიტინგული პოლიტიკოსია. 200 ათას „ლაიქს“ ვინც უკეთებდა, კარგად ნახეთ, ზურგს უკან ვინ ედგა“, - განაცხადა მეუფე ... ...
  • საქართველოს პრეზიდენტმა 8 მსჯავრდებული შეიწყალასალომე ზურაბიშვილმა 8 თავისუფლებააღკვეთილი მსჯავრდებული შეიწყალა, - ამის შესახებ ინფორმაციას პრეზიდენტის პრესსამსახური ავრცელებს. „საქართველოს პრეზიდენტმა 8 თავისუფლებააღკვეთილი მსჯავრდებული შეიწყალა, აქედან 3 მსჯავრდებული სრულად გათავისუფლდა თავისუფლების აღკვეთის შემდგომი მოხდისაგან, ხოლო 5 მსჯავრდებულს (მათ შორის, 1 ქალ მსჯავრდებულს) დარჩენილი მოსახდელი სასჯელის ვადა გაუნახევრდა. საქართველოს პრეზიდენტმა შეწყალების აქტი დღეს, 2021 წლის 6 მაისს გამოსცა“, - აცხადებენ ... ...
  • ჩოხატაურის საკრებულოს თავმჯდომარე კორონავირუსზე აიცრაჩოხატაურის მუნიციპალიტეტის საკრებულოს თავმჯდომარე მეუღლესთან ერთად კორონავირუსის საწინააღმდეგო ვაქცინით აიცრა. როგორც ზაალ მამალაძის მიერ ფეისბუქ გვერდზე გამოქვეყნებული ფოტოთი ირკვევა, მათ ვაქცინა ჩოხატაურში, კლინიკა „მედალფაში“ გაიკეთეს. ცნობისთვის, კორონავირუსზე ვაქცინაციის პროცესი ჩოხატაურში 2 დღის წინ განახლდა.  აცრის  გაკეთება ჩინური ვაქცინა „სინოფარმით“ არის ... ...
  • "თუ გაგიგეს ქართულად საუბრობ, პრობლემები შეგექმნება" _ ახალგაზრდა ოკუპირებული აფხაზეთიდანსაქართველოს ოკუპირებულ ტერიტორიებზე ცხოვრება სულ უფრო რთულდება ყველასთვის განსაკუთრებით, ახალგაზრდებისთვის. ისინი ძალიან რთულ გზას გადიან საქართველოს მიერ კონტროლირებად ტერიტორიაზე მოსახვედრად. „გურია ნიუსთან“ საუბრისას რესპონდენტმა ვინაობის გამხელა არ ისურვა, რადგან აფხაზეთში მისი ოჯახის წევრები არიან დარჩენილი და შეეშინდა, საფრთხე არ შეექმნა მათთვის. იგი ჩვენთან საუბრისას იხსენებს, როგორია საქართველოს ოკუპირებულ  აფხაზეთში ცხოვრება... _ ჩემი აფხაზეთთან კავშირი დაიწყო ბავშვობიდან. მეშვიდე კლასში ვიყავი, როცა მამასთან, გალში მომიწია საცხოვრებლად გადასვლა. სრული ქაოსი დამხვდა იქ... იყო ბევრი პრობლემა, მაგრამ, საბოლოოდ, გავართვი თავი ჩემი იქაური მეგობრების წყალობით. _ აფხაზეთის  სკოლებში რა ენაზე ასწავლიან ბავშვებს? _ ომის შემდეგ პერიოდში სწავლა მთლიანად რუსულ ენაზე იყო. რომელ სკოლაშიც მე დავდიოდი, იქ მხოლოდ ერთი საგანი იყო ქართულ ენაზე _ ქართული ენა და ლიტერატურა, რომელსაც კვირაში ორი დღე ეთმობოდა. სხვა ყველა საგანს რუსულად  გავდიოდით. ძალიან აგდებული დამოკიდებულება იყო. იმდენად, რომ სურვილი გეკარგებოდა ქართული ენის სწავლის. _ იქ მცხოვრებლებს რამდენად მიგიწვდებოდათ ხელი  მედიკამენტებსა და ჯანდაცვის სერვისებზე? _ სიმართლე რომ გითხრათ, როცა მე ან ჩემს ოჯახს რამე წამალი დაგვჭირვებია და გავსულვართ, ნებისმიერი წამალი გვიყიდია. თუ გალში არ იყო, სოხუმიდან ან გაგრიდან მოჰქონდათ. ცუდია, რომ ზოგი იქ მცხოვრები ახალგაზრდა ამბობს, თითქოს არ მიგვიწვდებოდა ხელი წამლებზე ან არ იყო, ასე არ ყოფილა, რადგან მე რამდენჯერაც დამჭირვებია წამლები თუ საავადმყოფო, ყოველთვის მქონდა საკმარისი ყურადღება. როცა მე ან ჩემს ოჯახს რამე დახმარება დაგვჭირვებია, ყოველთვის აღმოუჩენიათ დახმარება. _ თუ ასხვავებდნენ ქართველებს იქაური აფხაზებისგან? _ მსგავსი მაგალითი არ ყოფილა. უბრალოდ, თუ მე ვდგავარ რიგში და ჩემს შემდეგ ვინმე „წონიანი ტიპი“ მოვიდა იმას გაატარებენ ურიგოდ და მე ისევ ჩემს რიგში მომიწევს დგომა. ეს მემგონი აქაც ასეა. დეზინფორმაცია ვრცელდება აფხაზეთზე და ძალიან მწყინს. _ როგორ ხდება საქართველოს დანარჩენ ტერიტორიაზე გადმოსვლა  და თქვენ რამდენად მარტივად შეგეძლოთ გადაადგილება ეგრეთწოდებულ საზღვარზე? _ 14-წლამდე მამას საბუთი ჰქონდა, რომ მე მისი არასრულწლოვანი შვილი ვიყავი და შეეძლო გადმოვეყვანე ეგრეთწოდებულ საზღვარზე. 15 წლისას მომიწია ოფიციალური საბუთის აღება, რითიც შევძლებდი მამასთან ერთად გადამელახა „საზღვარი“. ძალიან ბევრჯერ ყოფილა, რომ ჩუმად გადავპარულვარ ან ჩემს ოჯახს ფული გადაუხდია, რადგან ან გამოცდა მქონდა ან ჯანმრთელობის მდგომარეობის და ექიმთან ვიზიტის საჭიროების გამო უნდა გადავსულიყავი. ყოველთვის ჯერ ენგურის ხიდზე მივდიოდით, რომ გვეცადა ოფიციალურად გადმოსვლა. რა თქმა უნდა, არ გვიშვებდნენ, მიზეზად არასაკმარის დოკუმენტებს ამბობდნენ. მამას არ ჰქონდა იქაური მაცხოვრებლის სტატუსი. ხალხს იძულებულს ხდიდნენ, იქ მაცხოვრებლის სტატუსი აეღოთ. წინააღმდეგ შემთხვევაში, „შავი გზით“ გვიწევდა გადასვლა და ხშირად გვიჭედრნენ, ზოგს  კი ფიზიკურადაც უსწორდებოდნენ. მახსოვს, გამოცდების პერიოდი მქონდა და „საზღვარზე“ არ მიშვებდნენ. მაშინ მამამ 5000 რუბლი გადაიხადა, რომ მე გადმოვსულიყავი საქართველოს მიერ კონტროლირებად ტერიტორიაზე. _ რა ხდება ეგრეთწოდებულ საზღვარზე დაჭერის შემდეგ? _ „საზღვარზე“ დაჭერისას მივყავდით პოლიციას და გვართმევდნენ ყველა სახის საბუთს _  პირადობა იქნებოდა თუ ნებისმიერი სხვა. არა მხოლოდ ქართულს, არამედ ყველას. შემდეგ, რაღაც თანხის სანაცვლოდ გვიშვებდნენ, მაგრამ საბუთებს იტოვებდნენ. _ როგორ შეაფასებთ იქ ცხოვრებას? _ ძალიან მიყვარს იქაურობა, მაგრამ იქ ცხოვრება ურთულესია, როცა შენ ხარ ქართველი და უფლება არ გაქვს შენს ენაზე ისაუბრო. არავინ გიკრძალავს, მაგრამ იცი, რომ თუ გაგიგეს ქართულად საუბრობ, პრობლემები შეგექმნება. იქ მე სულ ქართულად ვსაუბრობდი. ერთხელ, როდესაც პარკში მეგობრებთან ერთად ვიყავი, ერთი პიროვნება მოვიდა და მითხრა, რომ პატივი მეცა მათთვის და ქართულად არ მესაუბრა... _ ოკუპირებულ აფხაზეთში ქართველებისადმი უარყოფითი დამოკიდებულება აქვთ? _ კი. სულ სხვანაირად გვიყურებენ და ეს დამოკიდებულება ყოველთვის იგრძნობოდა. იქიდან ყველა ახალგაზრდა მოდის, რადგან არ არის იქ არანაირი პერსპექტივა, განვითარების შანსი... თუმცა, ბოლო პერიოდში ბევრი რამ გალამაზდა და შეიქმნა... მინდა, რომ იქაც იგივენაირად შეეძლოთ განვითარება ახალგაზრდებს, როგორც აქეთ...  _ ამბობს ახალგაზრდა ოკუპირებული აფხაზეთიდან, რომელიც უკვე რამდენიმე წელია, აფხაზეთში არ ... ...
  • "ვარლამ გოლეთიანს სოლიდარობაც კი არ გამოუცხადებია მათთვის" _ ანა იოსავანამახვანჰესის აქციაზე მომხდარი სიტყვიარი შელაპარაკების შემდეგ, როგორც "გურია ნიუსთან" საუბრისას აქციის ერთ-ერთმა მონაწილემ, ანა იოსავამ თქვა, 16 აპრილს დააკავეს ფირუზ და რეზო წულუკიძეები და ძმები ჭელიძეები. "ჭელიძეებთან, რომლებსაც სახლში შშმ მამა ჰყავთ, შევარდა სპეცრაზმი და ძალის გამოყენებით დააკავეს ძმები. ისინი არიან ჩვეულებრივი ბათუმელი ბიჭები, რომლებსაც ჰყავს მეგობრები და ახლობლები. იმის გამო, რომ "ნაციონალურ მოძრაობას" უჭერენ მხარს, არ შეიძლება ესე მოექცნენ". დაკავებების სერია გაგრძელდა _ 23 აპრილს ხონის გზაზე დააკავეს ელდარ ანთაძე. „არც მტკიცებულება და კადრები არ არსებობს მათი დანაშაულის დამამტკიცებელი. უნდათ, ეს ბიჭები ჩასვან ციხეში, მხოლოდ იმიტომ, რომ ისინი ძალიან აქტიურობენ", _ ამბობს ანა იოსავა. მისი თქმით, ვარლამ გოლეთიანმა იცოდა აქციაზე მომხდარი ინციდენტის შესახებ, თუმცა ხელისუფლებასთან მოლაპარაკებაზე ყოფნის დროს არ უსაუბრია ამ თამაზე. "ვარლამ გოლეთიანს სოლიდარობაც კი არ გამოუცხადებია მათთვის. არადა, ეს ბიჭები მხარდასაჭერად ჩავიდნენ". "გურია ნიუსი" ესაუბრა ელდარ ანთაძის ადვოკატს გიორგი ფანცულაიას. ადვოკატის თქმით, ის საქმის შესწავლის პროცესშია, რის შემდეგაც შეძლებს კომენტარის გაკეთებას. რა ედებათ წულუკიძეებსა და ჭელიძეებს ბრალად, რა მუხლით მიმდინარეობს გამოძიება მათ საქმეზე და რას ითვალისწინებს სასჯელი, ამის გასარკვევად "გურია ნიუსი" შსს-ს პრესსამსახურს დაუკავშირდა.  შინაგან საქმეთა სამინისტროს განცხადებით, 15 და 23 აპრილს დააკავეს შვიდი პირი, რომლებსაც ბრალად ედებათ გუმათჰესის დასახლებაში ნამახვანჰესის მშენებლობასთან დაკავშირებით მიმდინარე საპროტესტო აქციაზე  ჯგუფური ძალადობა. როგორც შსს-ში გვითხრეს, მათ ფიზიკური დაზიანებები მიაყენეს აქციაზე მყოფ სამ პირს. ასევე, დააზიანეს ერთ-ერთი დაზარალებულის კუთვნილი ავტომანქანა. შსს-ს ინფორმაციით, საქმეზე გამოძიება მიმდინარეობს 225 მუხლით, რომელიც გულისხმობს ჯგუფური ძალადობის ორგანიზებას, ხელმძღვანელობას ან მასში მონაწილეობას. უწყების განცხადებით, შვიდივე დაკავებულის დანაშაული 4-დან 6 წლამდე ვადით თავისუფლების აღკვეთას ... ...

არქივი

ტესტები

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ დიდი აღმოჩენები და ასტრონომია

დიდი გეოგრაფიული აღმოჩენების პერიოდში ვის...

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

კარმიდამო ჩემი

"ქართული თექა ჩემი გატაცებაა!"

ქართულ თექაზე მუშაობას, უმეტესად, ჩვენი...

გავაშენოთ საადრეო ჯიშის მანდარინი

დასავლეთ საქართველოს სუბტროპიკული ზონის კლიმატი,...

თხილის წამლობა აპრილის შუა რიცხვებიდან

აპრილის დასაწყისიდან, როცა თანდათან მატულობს...

როგორ გამოვკვებოთ და გამოვზარდოთ ქათმის წიწილები

საქართველოში ქათმის და, ზოგადად, შინაური...

დავთესოთ ბოსტნეული და გამოვიყვანოთ ჩითილები

წლევანდელი გაზაფხული,  გურიაში, განსაკუთრებით, საკმაოდ...

საგაზაფხულო ფხალეული კვერცხით და ნედლი სანელებლებით

საქართველოს სამზარეულო კულტურა ფხალეულის ორასამდე...

"კალისტო 1920 "_ გურიაში "გემოვანის" პური გამოჩნდა

პური ერთ-ერთი უძველესი საკვებია და...

ერთი ნაჩუქარი ბაჭიით დაწყებული საქმე: "ბოცვრის მოშენება ყველა ოჯახმა უნდა შეძლოს"

ჩოხატაურის მუნიციპალიტეტის სოფელ შუაამაღლებაში მცხოვრები,...

ზღმარტლი _ მცენარე, რომელიც იმსახურებს ყურადღებას

მუშმულას და უნაბის შემდეგ, ჩვენს...

გავამზეუროთ ქოთნის ყვავილები

ახლა, ადრიან გაზაფხულზე, მზიან, თბილ...

ქათმის მხალეული

მრგვალად მოხარშული (და არა შემწვარი)...