მონგრეული კიბე და წვიმის დროს ჩამომავალი წყალი, რომელიც ექსპონატებს განადგურების საფრთხეს უქმნის

მთავარი თემა

მონგრეული კიბე და წვიმის დროს ჩამომავალი წყალი, რომელიც ექსპონატებს განადგურების საფრთხეს უქმნის

3 სექ. 2020, 14:24:00

ქართველი ფილოსოფოსის მოსე გოგიბერიძის სახლ-მუზეუმი ჩოხატაურის მუნიციპალიტეტის სოფელ ქვენობანში, გოგიბერიძეების საკარმიდამო მამულში მდებარეობს. მუზეუმი 1975 წელს გაიხსნა. მემორიალური მუზეუმის ფონდში დაცული მასალებია: პროფესორის პირადი ნივთები, ხელნაწერები, წიგნები, ფოტოები, დოკუმენტები, ნაშრომები.

სახლ-მუზეუმი თითქმის ნახევარი საუკუნეა, რაც არსებობს, მაგრამ ამ დროის განმავლობაში რესტავრაცია მხოლოდ ერთხელ, მოსე გოგიბერიძის 100 წლის იუბილეზე ჩაუტარდა. დღეისთვის მუზეუმში მონგრეულია კიბე, ძლიერი წვიმის დროს სახურავიდან წყალი ჩადის, რაც შემონახულ ნივთებს განადგურების საფრთხეს უქმნის.

"კიბე, ერთი წელია, რაც ამ მდგომარეობაშია. ჭერიდან რამდენიმე წელია, რაც ძლიერი წვიმის დროს წყალი ჩამოდის. დახმარების თხოვნით მივმართე ა(ა)იპ "არაფორმალური განათლებისა და კულტურული მემკვიდრეობის დაცვის ცენტრის" ხელმძღვანელს, მარიკა შოშაშვილს. ვერ ვიტყვი, რომ უყურადღებოდ დამტოვა, მაგრამ არ აქვს საკმარისი ბიუჯეტი. ამ ბოლოს მითხრა, რომ მუზეუმის პრობლემის შესახებ გუბერნატორს ესაუბრა და დაპირება მიიღო, რომ გასაკეთებლად რამეს იღონებს", _ გვეუბნება სახლ-მუზეუმის დირექტორი რუსუდან კალანდაძე.

როგორც ის "გურია ნიუსთან" საუბრისას ამბობს, დიდ პრობლემას ქმნის შექმნილი გაერთიანებებიც, რის გამოც მუზეუმს საარსებო თანხა აღარ აქვს და ბიუჯეტიდან გამოყოფილი სახსრები მხოლოდ ხელფასს წვდება.

რუსუდან კალანდაძის თქმითვე, დღეისთვის მუზეუმის დირექტორიც და დამლაგებელიც თვითონ არის, რადგან 10-ლარიანი ხელფასის მქონე დამლაგებელი, "ნაციონალების" დროს, სამსახურიდან შემცირების გამო გაუშვეს:

"კომუნისტების დროს ყველა სახლ-მუზეუმს ჰქონდა საკუთარი ბიუჯეტი. ახლა გაერთიანება გააკეთეს _ ბიბლიოთეკები, მუზეუმები შეაერთეს და შესაბამისად, შემცირდა დაფინანსება. რაც გვრჩება, ფაქტობრივად, არის ხელფასების ფული. ახლა მუზეუმს რომ თავისი ბიუჯეტი ჰქონდეს, მუნიციპალიტეტზე დამოკიდებული აღარ ვიქნებოდით. გავაკეთებდი ნელ-ნელა, ახლა _ კიბეს, შემდეგ _ ჭერს. ახლა რემონტისთვის ფული არ რჩება.

დამლაგებელი გვყავდა, რომელსაც ხელფასი 10 ლარი ჰქონდა. "ნაციონალების" დროს გავიგე, რომ ხსნიდნენ. მიხეილ სვიმონიშვილი იყო გუბერნატორი. ჩავედი, ვთხოვე, მაგრამ 10-ლარიანი ხელფასის მქონე დამლაგებელი მომიხსნეს.

დირექტორიც ვარ და დამლაგებელიც. მუზეუმს, როგორც ეზოს, ასევე, შენობას, საკუთარი ძალით და სახსრებით ვუვლით. საკუთარი ცელიც კი არ აქვს მუზეუმს ეზოში ბალახის გასაცელად.

მარიკა შოშაშვილი საკუთარი სახსრებით დაეხმარა მუზეუმს, მაგრამ დაზიანებულ კიბეს და ჭერს ჩვენ, ჩვენი ჯიბიდან ვერ გავაკეთებთ. "ოცნებამ" კი თქვა, რომ ხელფასი არ უნდა იყოს 500 ლარზე ნაკლებიო, მაგრამ მუზეუმის დირექტორის ხელზე ასაღები ხელფასი 320 ლარია, ასეა ნოდარ დუმბაძის სახლ-მუზეუმშიც. მსოფლიოს წამყვანი მუზეუმებიც კი არის სახელმწიფოს მეთვალყურეობის ქვეშ. მაგალითად, ინგლისში სახელმწიფო რომ არ ეხმარებოდეს მუზეუმებს, ვერც ერთი ვერ ირჩენდა თავს", _ გვეუბნება კალანდაძე.

სახლ-მუზეუმის ირგვლივ არსებული პრობლემების შესახებ ჩოხატაურის მუნიციპალიტეტის მერს, ირაკლი კუჭავას ვესაუბრეთ.

როგორც მერი ჩვენთან საუბრისას ამბობს, მოსე გოგიბერიძის სახლ-მუზეუმის სარემონტო სამუშაოები პანდემიის გამო გადაიდო და პრობლემის მოგვარება მომავალ წელს იგეგმება:

"ჩვენთვის ცნობილია მოსე გოგიბერიძის სახლ-მუზეუმის მდგომარეობა, უფრო მეტიც, დაგეგმილი გვქონდა სარემონტო სამუშაოები, მაგრამ პანდემიის გამო, ბიუჯეტში მოხდა ცვლილებები და არსებული პრობლემის მოგვარება მომავალ წელს იგეგმება", _ გვითხრა ირაკლი კუჭავამ.

რუსუდან კალანდაძე ჩვენთან საუბრისას განმარტავს, თუ რატომ არის მნიშვნელოვანი მოსე გოგიბერიძის სახლ-მუზეუმის არსებობა:

"ეს მუზეუმი თუნდაც იმიტომ უნდა არსებობდეს, რომ მსოფლიოში 2 ადამიანია, ვინც დაწერა ფილოსოფიური ნაშრომი აინშტაინის ფარდობითობის თეორიის ფილოსოფიის საფუძვლებზე. მან ისეთი ნაშრომი დაწერა, რომ თავადაც აკადემიკოსი გავხდი".

ცნობისთვის, მოსე გოგიბერიძე დაიბადა ჩოხატაურის რაიონის სოფელ ქვენობანში. სწავლაც ქვენობანში დაიწყო, შემდეგ ოზურგეთში გააგრძელა, ოზურგეთიდან _ ხონში, ხონიდან კი _ გერმანიაში. გერმანიიდან დაბრუნებული აქტიურად მონაწილეობდა სარედაქციო საქმეში. მუშაობდა ჟურნალ "მნათობში". მოსე გოგიბერიძემ დიდი წვლილი შეიტანა ქართულ მწერლობაში.

"ვისაც თავისი კუთხე არ უყვარს, ის ვერც თავის ქვეყანას შეიყვარებს, ხოლო ის, ვისაც თავის ქვეყანა არ უყვარს, მისთვის უცხო დარჩება სხვა ქვეყნების და ზოგადად, კაცობრიობის სიყვარული", _ წერდა მოსე გოგიბერიძე.

მუზეუმის დირექტორი მოსე გოგიბერიძის სტუდენტების ნაამბობს გადმოგვცემს:

"მოსე გოგიბერიძე ფლობდა ბერძნულ, ლათინურ, გერმანულ ენებს, მაგრამ, როგორც მისი სტუდენტებისგან ვიცი, ლექციებს ცინცხალ გურულ კილოზე კითხულობდა", _ ამბობს რუსუდან კალანდაძე.

მოსე გოგიბერიძე 1941 წელს დააპატიმრეს ფაშისტური გერმანიის აგენტობის ბრალდებით და გადაასახლეს აქტიუბინსკში. მთელმა ოჯახმა სასტიკად იწვნია საბჭოთა რეპრესიები. გადასახლებიდან ცოცხალი მარტო ქალბატონი ელენე (მოსეს და) დაბრუნდა და ისიც ნახევრად შერყეული ფსიქიკური ჯანმრთელობით.

მოსე გოგიბერიძე გარდაიცვალა 52 წლის ასაკში, მას შემდეგ, რაც გადასახლებაში მყოფმა იმედი დაკარგა, რომ სამშობლოში დაბრუნდებოდა.

მუზეუმის დირექტორის თქმით, ქართველმა ფილოსოფოსმა განიცადა ეს ფაქტი და გულის შეტევები ჰქონდა, რაც მისი გარდაცვალების მიზეზი გახდა:

"ადამიანის გარდაცვალება ეს ის ლამპარია, საიდანაც ზუსტად ჩანს ადამიანის განვლილი სიცოცხლე და ხედავს, სწორად იცხოვრა თუ არა. მოსე გოგიბერიძე მართლაც გამორჩეული ფილოსოფოსია. ერთ-ერთი იმათგანია, რომელთა დამსახურებითაც ქართულმა ფილოსოფიამ უდიდესი წვლილი შეიტანა მსოფლიო ფილოსოფიური აზრის პანთეონში. მოსე გოგიბერიძე შედის მეოცე საუკუნის დიდ, გამოჩენილ 5 ქართველ ფილოსოფოსთა სიაში _ შალვა ნუცუბიძე, სავლე წერეთელი, მოსე გოგიბერიძე, კოტე ბაქრაძე და სერგი დანელია. მოსე გოგიბერიძემ, რომელიც პატიმრობაში გარდაიცვალა, შეძლო, რომ იქაც კი წარუშლელი კვალი დაეტოვებინა ფილოსოფიის ისტორიაში. როდესაც მის პიროვნებაზეა საუბარი, არ შეიძლება არ გაგახსენდეს პლატონის სიტყვები, რომ სახელმწიფოს ფილოსოფოსი უნდა მართავდესო", _ ამბობს ქალბატონი რუსუდანი.

როგორც ქალბატონი რუსუდანი გვიამბობს, ძმის საქართველოში გადმოსასვენებლად ბევრი იწვალა გოგიბერიძის დამ, რომელსაც არ სურდა, მისი ძმის სახელი დაკარგულიყო.

1954 წელს, მოსე გოგიბერიძის ნეშტი, ახლობლების ინიციატივით გადმოასვენეს და დაასაფლავეს თბილისში ვაკის სასაფლაოზე, მეუღლის გვერდით:

"კომუნისტების დროს არ შეიძლებოდა სახლ-მუზეუმის გაკეთება. იმის გამო, რომ მოსე ჩამოესვენებინათ ყაზახეთიდან, ელენემ ნაწილ-ნაწილ დაშალა სახლი, გაყიდა და ჩამოასვენა. შემდეგ, მისმა შვილმა, იულონმა, სახლ-მუზეუმის დაარსების მიზნით, გადაწყვიტა სოფელში დასახლება _ "მომეცით სახლი, სოფელში დავსახლდებიო". დაიწყო სახლის აშენება, მაგრამ ვერ მოესწრო მუზეუმის გახსნას, რომელიც 1975 წლის 25 ოქტომბერს გაიხსნა", _ ამბობს რუსუდან კალანდაძე.

სახლ-მუზეუმის დირექტორის თქმით, დღეისთვის მუზეუმში მოსე გოგიბერიძის პირადი ნივთებიდან დაცულია აკვანი, მისი ნახატები, ოთხტომეული, რომელიც მეუღლეს _ სესილიას მიუძღვნა. მუზეუმში დაცულია მისი ნაშრომი გერმანულ ენაზე.

როგორც ქალბატონი რუსუდანი გვეუბნება, მოსე გოგიბერიძის ნაშრომი ლენინის შესახებ სტალინის სამაგიდო წიგნი გახდა _ "ამიტომ მუზეუმში სტალინის სურათი შემთხვევით არ დევს".

კითხვაზე _ ჰყავს თუ არა დამთვალიერებელი სახლ-მუზეუმს, დირექტორი გვეუბნება, რომ მუზეუმი ტურისტების სიჭარბით არ გამოირჩევა:

"ტურისტების რაოდენობა აქ იმდენი ნამდვილად ვერ იქნება, როგორიც დუმბაძის სახლ-მუზეუმში, მაგრამ გვსტუმრობს განათლებული ხალხი.

მაგალითად, გვესტუმრა გიორგი მარგველაშვილი, სანამ პრეზიდენტი გახდებოდა. აღმოჩენა იყო, რომ გადასახლებაში მყოფ მოსე გოგიბერიძეს გრიგოლ რობაქიძემ ორი ლექსი გაუგზავნა. ეს ლექსები მოვიძიე და რადგან მარგველაშვილი დაინტერესებული იყო, გავუგზავნე", _ გვიამბო რუსუდან კალანდაძემ.

დიდ ქართველ ფილოსოფოსს მოსე გოგიბერიძეს 27 აგვისტოს 123 წელი შეუსრულდებოდა.





 ახალი ამბები
  • თუ ჭკუა აქვს, არ უნდა მოვიდეს _ მეუფე იაკობი გიორგი გახარიაზეჩემთვის გიორგი გახარია მესამე ძალა არ არის. მითხარით, დადებითი რა გააკეთა? თუ ჭკუა აქვს, არ უნდა მოვიდეს. შეიძლება „ლელოსა“ და „სტრატეგია აღმაშენებლის“ კონკურენტი გახდეს, - ამის შესახებ ჟურნალისტებს ბოდბელმა მთავარეპისკოპოსმა, იაკობმა განუცხადა. „ვის დავუჭერთ მხარს? ვის ვგულისხმობ, ნახავთ. ისეთები იქნებიან, გაიმარჯვებენ, ნახავთ. მთავრობას ყოველთვის აქვს საშუალება, არჩევნებში მინიმუმ 30% აიღოს, დანარჩენი რამდენს აიღებს, დაუთვალონ ხმები. თუ არ მოისვენებენ, მიიღებენ მაგას, იმიტომ, რომ ძალიან აურიეს ქვეყანა. ვის რა გაუკეთებია, რა გმირები ეგენი არიან, ომში იბრძოდნენ თუ 2008-ში არ გარბოდნენ ქვეყნიდან? რაც ერი ვართ, იმას ვირჩევთ ხოლმე. რაც შეეხება გახარიას, ჩემთვის გიორგი გახარია მესამე ძალა არ არის. მითხარით, დადებითი რა გააკეთა? თუ ჭკუა აქვს, არ უნდა მოვიდეს. შეიძლება „ლელოსა“ და „სტრატეგია აღმაშენებლის“ კონკურენტი გახდეს. დაბალრეიტინგული პოლიტიკოსია. 200 ათას „ლაიქს“ ვინც უკეთებდა, კარგად ნახეთ, ზურგს უკან ვინ ედგა“, - განაცხადა მეუფე ... ...
  • საქართველოს პრეზიდენტმა 8 მსჯავრდებული შეიწყალასალომე ზურაბიშვილმა 8 თავისუფლებააღკვეთილი მსჯავრდებული შეიწყალა, - ამის შესახებ ინფორმაციას პრეზიდენტის პრესსამსახური ავრცელებს. „საქართველოს პრეზიდენტმა 8 თავისუფლებააღკვეთილი მსჯავრდებული შეიწყალა, აქედან 3 მსჯავრდებული სრულად გათავისუფლდა თავისუფლების აღკვეთის შემდგომი მოხდისაგან, ხოლო 5 მსჯავრდებულს (მათ შორის, 1 ქალ მსჯავრდებულს) დარჩენილი მოსახდელი სასჯელის ვადა გაუნახევრდა. საქართველოს პრეზიდენტმა შეწყალების აქტი დღეს, 2021 წლის 6 მაისს გამოსცა“, - აცხადებენ ... ...
  • ჩოხატაურის საკრებულოს თავმჯდომარე კორონავირუსზე აიცრაჩოხატაურის მუნიციპალიტეტის საკრებულოს თავმჯდომარე მეუღლესთან ერთად კორონავირუსის საწინააღმდეგო ვაქცინით აიცრა. როგორც ზაალ მამალაძის მიერ ფეისბუქ გვერდზე გამოქვეყნებული ფოტოთი ირკვევა, მათ ვაქცინა ჩოხატაურში, კლინიკა „მედალფაში“ გაიკეთეს. ცნობისთვის, კორონავირუსზე ვაქცინაციის პროცესი ჩოხატაურში 2 დღის წინ განახლდა.  აცრის  გაკეთება ჩინური ვაქცინა „სინოფარმით“ არის ... ...
  • "თუ გაგიგეს ქართულად საუბრობ, პრობლემები შეგექმნება" _ ახალგაზრდა ოკუპირებული აფხაზეთიდანსაქართველოს ოკუპირებულ ტერიტორიებზე ცხოვრება სულ უფრო რთულდება ყველასთვის განსაკუთრებით, ახალგაზრდებისთვის. ისინი ძალიან რთულ გზას გადიან საქართველოს მიერ კონტროლირებად ტერიტორიაზე მოსახვედრად. „გურია ნიუსთან“ საუბრისას რესპონდენტმა ვინაობის გამხელა არ ისურვა, რადგან აფხაზეთში მისი ოჯახის წევრები არიან დარჩენილი და შეეშინდა, საფრთხე არ შეექმნა მათთვის. იგი ჩვენთან საუბრისას იხსენებს, როგორია საქართველოს ოკუპირებულ  აფხაზეთში ცხოვრება... _ ჩემი აფხაზეთთან კავშირი დაიწყო ბავშვობიდან. მეშვიდე კლასში ვიყავი, როცა მამასთან, გალში მომიწია საცხოვრებლად გადასვლა. სრული ქაოსი დამხვდა იქ... იყო ბევრი პრობლემა, მაგრამ, საბოლოოდ, გავართვი თავი ჩემი იქაური მეგობრების წყალობით. _ აფხაზეთის  სკოლებში რა ენაზე ასწავლიან ბავშვებს? _ ომის შემდეგ პერიოდში სწავლა მთლიანად რუსულ ენაზე იყო. რომელ სკოლაშიც მე დავდიოდი, იქ მხოლოდ ერთი საგანი იყო ქართულ ენაზე _ ქართული ენა და ლიტერატურა, რომელსაც კვირაში ორი დღე ეთმობოდა. სხვა ყველა საგანს რუსულად  გავდიოდით. ძალიან აგდებული დამოკიდებულება იყო. იმდენად, რომ სურვილი გეკარგებოდა ქართული ენის სწავლის. _ იქ მცხოვრებლებს რამდენად მიგიწვდებოდათ ხელი  მედიკამენტებსა და ჯანდაცვის სერვისებზე? _ სიმართლე რომ გითხრათ, როცა მე ან ჩემს ოჯახს რამე წამალი დაგვჭირვებია და გავსულვართ, ნებისმიერი წამალი გვიყიდია. თუ გალში არ იყო, სოხუმიდან ან გაგრიდან მოჰქონდათ. ცუდია, რომ ზოგი იქ მცხოვრები ახალგაზრდა ამბობს, თითქოს არ მიგვიწვდებოდა ხელი წამლებზე ან არ იყო, ასე არ ყოფილა, რადგან მე რამდენჯერაც დამჭირვებია წამლები თუ საავადმყოფო, ყოველთვის მქონდა საკმარისი ყურადღება. როცა მე ან ჩემს ოჯახს რამე დახმარება დაგვჭირვებია, ყოველთვის აღმოუჩენიათ დახმარება. _ თუ ასხვავებდნენ ქართველებს იქაური აფხაზებისგან? _ მსგავსი მაგალითი არ ყოფილა. უბრალოდ, თუ მე ვდგავარ რიგში და ჩემს შემდეგ ვინმე „წონიანი ტიპი“ მოვიდა იმას გაატარებენ ურიგოდ და მე ისევ ჩემს რიგში მომიწევს დგომა. ეს მემგონი აქაც ასეა. დეზინფორმაცია ვრცელდება აფხაზეთზე და ძალიან მწყინს. _ როგორ ხდება საქართველოს დანარჩენ ტერიტორიაზე გადმოსვლა  და თქვენ რამდენად მარტივად შეგეძლოთ გადაადგილება ეგრეთწოდებულ საზღვარზე? _ 14-წლამდე მამას საბუთი ჰქონდა, რომ მე მისი არასრულწლოვანი შვილი ვიყავი და შეეძლო გადმოვეყვანე ეგრეთწოდებულ საზღვარზე. 15 წლისას მომიწია ოფიციალური საბუთის აღება, რითიც შევძლებდი მამასთან ერთად გადამელახა „საზღვარი“. ძალიან ბევრჯერ ყოფილა, რომ ჩუმად გადავპარულვარ ან ჩემს ოჯახს ფული გადაუხდია, რადგან ან გამოცდა მქონდა ან ჯანმრთელობის მდგომარეობის და ექიმთან ვიზიტის საჭიროების გამო უნდა გადავსულიყავი. ყოველთვის ჯერ ენგურის ხიდზე მივდიოდით, რომ გვეცადა ოფიციალურად გადმოსვლა. რა თქმა უნდა, არ გვიშვებდნენ, მიზეზად არასაკმარის დოკუმენტებს ამბობდნენ. მამას არ ჰქონდა იქაური მაცხოვრებლის სტატუსი. ხალხს იძულებულს ხდიდნენ, იქ მაცხოვრებლის სტატუსი აეღოთ. წინააღმდეგ შემთხვევაში, „შავი გზით“ გვიწევდა გადასვლა და ხშირად გვიჭედრნენ, ზოგს  კი ფიზიკურადაც უსწორდებოდნენ. მახსოვს, გამოცდების პერიოდი მქონდა და „საზღვარზე“ არ მიშვებდნენ. მაშინ მამამ 5000 რუბლი გადაიხადა, რომ მე გადმოვსულიყავი საქართველოს მიერ კონტროლირებად ტერიტორიაზე. _ რა ხდება ეგრეთწოდებულ საზღვარზე დაჭერის შემდეგ? _ „საზღვარზე“ დაჭერისას მივყავდით პოლიციას და გვართმევდნენ ყველა სახის საბუთს _  პირადობა იქნებოდა თუ ნებისმიერი სხვა. არა მხოლოდ ქართულს, არამედ ყველას. შემდეგ, რაღაც თანხის სანაცვლოდ გვიშვებდნენ, მაგრამ საბუთებს იტოვებდნენ. _ როგორ შეაფასებთ იქ ცხოვრებას? _ ძალიან მიყვარს იქაურობა, მაგრამ იქ ცხოვრება ურთულესია, როცა შენ ხარ ქართველი და უფლება არ გაქვს შენს ენაზე ისაუბრო. არავინ გიკრძალავს, მაგრამ იცი, რომ თუ გაგიგეს ქართულად საუბრობ, პრობლემები შეგექმნება. იქ მე სულ ქართულად ვსაუბრობდი. ერთხელ, როდესაც პარკში მეგობრებთან ერთად ვიყავი, ერთი პიროვნება მოვიდა და მითხრა, რომ პატივი მეცა მათთვის და ქართულად არ მესაუბრა... _ ოკუპირებულ აფხაზეთში ქართველებისადმი უარყოფითი დამოკიდებულება აქვთ? _ კი. სულ სხვანაირად გვიყურებენ და ეს დამოკიდებულება ყოველთვის იგრძნობოდა. იქიდან ყველა ახალგაზრდა მოდის, რადგან არ არის იქ არანაირი პერსპექტივა, განვითარების შანსი... თუმცა, ბოლო პერიოდში ბევრი რამ გალამაზდა და შეიქმნა... მინდა, რომ იქაც იგივენაირად შეეძლოთ განვითარება ახალგაზრდებს, როგორც აქეთ...  _ ამბობს ახალგაზრდა ოკუპირებული აფხაზეთიდან, რომელიც უკვე რამდენიმე წელია, აფხაზეთში არ ... ...
  • "ვარლამ გოლეთიანს სოლიდარობაც კი არ გამოუცხადებია მათთვის" _ ანა იოსავანამახვანჰესის აქციაზე მომხდარი სიტყვიარი შელაპარაკების შემდეგ, როგორც "გურია ნიუსთან" საუბრისას აქციის ერთ-ერთმა მონაწილემ, ანა იოსავამ თქვა, 16 აპრილს დააკავეს ფირუზ და რეზო წულუკიძეები და ძმები ჭელიძეები. "ჭელიძეებთან, რომლებსაც სახლში შშმ მამა ჰყავთ, შევარდა სპეცრაზმი და ძალის გამოყენებით დააკავეს ძმები. ისინი არიან ჩვეულებრივი ბათუმელი ბიჭები, რომლებსაც ჰყავს მეგობრები და ახლობლები. იმის გამო, რომ "ნაციონალურ მოძრაობას" უჭერენ მხარს, არ შეიძლება ესე მოექცნენ". დაკავებების სერია გაგრძელდა _ 23 აპრილს ხონის გზაზე დააკავეს ელდარ ანთაძე. „არც მტკიცებულება და კადრები არ არსებობს მათი დანაშაულის დამამტკიცებელი. უნდათ, ეს ბიჭები ჩასვან ციხეში, მხოლოდ იმიტომ, რომ ისინი ძალიან აქტიურობენ", _ ამბობს ანა იოსავა. მისი თქმით, ვარლამ გოლეთიანმა იცოდა აქციაზე მომხდარი ინციდენტის შესახებ, თუმცა ხელისუფლებასთან მოლაპარაკებაზე ყოფნის დროს არ უსაუბრია ამ თამაზე. "ვარლამ გოლეთიანს სოლიდარობაც კი არ გამოუცხადებია მათთვის. არადა, ეს ბიჭები მხარდასაჭერად ჩავიდნენ". "გურია ნიუსი" ესაუბრა ელდარ ანთაძის ადვოკატს გიორგი ფანცულაიას. ადვოკატის თქმით, ის საქმის შესწავლის პროცესშია, რის შემდეგაც შეძლებს კომენტარის გაკეთებას. რა ედებათ წულუკიძეებსა და ჭელიძეებს ბრალად, რა მუხლით მიმდინარეობს გამოძიება მათ საქმეზე და რას ითვალისწინებს სასჯელი, ამის გასარკვევად "გურია ნიუსი" შსს-ს პრესსამსახურს დაუკავშირდა.  შინაგან საქმეთა სამინისტროს განცხადებით, 15 და 23 აპრილს დააკავეს შვიდი პირი, რომლებსაც ბრალად ედებათ გუმათჰესის დასახლებაში ნამახვანჰესის მშენებლობასთან დაკავშირებით მიმდინარე საპროტესტო აქციაზე  ჯგუფური ძალადობა. როგორც შსს-ში გვითხრეს, მათ ფიზიკური დაზიანებები მიაყენეს აქციაზე მყოფ სამ პირს. ასევე, დააზიანეს ერთ-ერთი დაზარალებულის კუთვნილი ავტომანქანა. შსს-ს ინფორმაციით, საქმეზე გამოძიება მიმდინარეობს 225 მუხლით, რომელიც გულისხმობს ჯგუფური ძალადობის ორგანიზებას, ხელმძღვანელობას ან მასში მონაწილეობას. უწყების განცხადებით, შვიდივე დაკავებულის დანაშაული 4-დან 6 წლამდე ვადით თავისუფლების აღკვეთას ... ...

არქივი

ტესტები

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ დიდი აღმოჩენები და ასტრონომია

დიდი გეოგრაფიული აღმოჩენების პერიოდში ვის...

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ ყველაზე, ყველაზე...

იცი თუ არა გეოგრაფია

კარმიდამო ჩემი

"ქართული თექა ჩემი გატაცებაა!"

ქართულ თექაზე მუშაობას, უმეტესად, ჩვენი...

გავაშენოთ საადრეო ჯიშის მანდარინი

დასავლეთ საქართველოს სუბტროპიკული ზონის კლიმატი,...

თხილის წამლობა აპრილის შუა რიცხვებიდან

აპრილის დასაწყისიდან, როცა თანდათან მატულობს...

როგორ გამოვკვებოთ და გამოვზარდოთ ქათმის წიწილები

საქართველოში ქათმის და, ზოგადად, შინაური...

დავთესოთ ბოსტნეული და გამოვიყვანოთ ჩითილები

წლევანდელი გაზაფხული,  გურიაში, განსაკუთრებით, საკმაოდ...

საგაზაფხულო ფხალეული კვერცხით და ნედლი სანელებლებით

საქართველოს სამზარეულო კულტურა ფხალეულის ორასამდე...

"კალისტო 1920 "_ გურიაში "გემოვანის" პური გამოჩნდა

პური ერთ-ერთი უძველესი საკვებია და...

ერთი ნაჩუქარი ბაჭიით დაწყებული საქმე: "ბოცვრის მოშენება ყველა ოჯახმა უნდა შეძლოს"

ჩოხატაურის მუნიციპალიტეტის სოფელ შუაამაღლებაში მცხოვრები,...

ზღმარტლი _ მცენარე, რომელიც იმსახურებს ყურადღებას

მუშმულას და უნაბის შემდეგ, ჩვენს...

გავამზეუროთ ქოთნის ყვავილები

ახლა, ადრიან გაზაფხულზე, მზიან, თბილ...

ქათმის მხალეული

მრგვალად მოხარშული (და არა შემწვარი)...