ვინ არის პასუხისმგებელი მინდობით აღზრდაში მყოფ და შემდეგ ბიოლოგიურ ოჯახში დაბრუნებულ ბავშვებზე

მთავარი თემა

ვინ არის პასუხისმგებელი მინდობით აღზრდაში მყოფ და შემდეგ ბიოლოგიურ ოჯახში დაბრუნებულ ბავშვებზე

30 ივლ. 2020, 12:22:55

ბოლო დროს, საქართველოში ძალიან გაიზარდა მინდობით აღსაზრდელთა და დედობილ-მამობილთა რიცხვი. მინდობით აღზრდა გულისხმობს სახელმწიფოსა და მიმღებ ოჯახს შორის გაფორმებული ხელშეკრულების საფუძველზე, გარკვეული ვადით, ბავშვის ოჯახურ გარემოში აღზრდის უზრუნველყოფას.

მინდობით აღზრდას ექვემდებარება 18-წლამდე ასაკის პირი, ბავშვის მინდობით აღზრდა კი შეუძლია საქართველოში მუდმივად მცხოვრებ სრულწლოვან პირს, რომელიც გარკვეულ კრიტერიუმებს აკმაყოფილებს.

ჩოხატაურის მუნიციპალიტეტში მინდობით აღზრდაში 15 ბავშვი იმყოფება, რომლებიც აღსაზრდელად 9 ოჯახს ჰყავს.

"გურია ნიუსს" მიაწოდეს ინფორმაცია, რომ მინდობით აღზრდაში მყოფი ერთ-ერთი მოზარდი ჩოხატაურის საკვირაო ბაზრობაზე მეორადი ტანსაცმლით გაყიდვითაა დაკავებული.

ჩვენ დავინტერესდით თემით _ რას აკეთებენ და როგორ იზრდებიან მიმღებ ოჯახებში ბავშვები და ამისთვის 2 ოჯახი შევარჩიეთ, სადაც აღსაზრდელად, ჩვენი ინფორმაციით, 4-4 დედმამიშვილი ჰყავთ (თუმცა, აღმოჩნდა, რომ ერთი ოჯახიდან ბავშვები დედამ რამდენიმე თვეა, წაიყვანა).

გოჩა პაიჭაძე და ირმა დოლიძე საკუთარ 2 შვილთან ერთად კიდევ 4 შვილობილზე ზრუნავენ. თუ რატომ გადაწყვიტეს გამხდარიყვნენ დედობილ-მამობილი, რა სირთულეები შეხვდათ მინდობით აღზრდის პროცესში, რა დაბრკოლებებს აწყდებიან ისინი, რა შეიცვალა მათ ოჯახში 4 წევრის შემომატების შემდეგ და როგორ ცხოვრობენ დღეს _ ამის შესახებ "გურია ნიუსთან" ირმა დოლიძე საუბრობს:

_ ბავშვებმა სკოლა რომ დაამთავრეს და სასწავლებლად წავიდნენ, მე და ჩემი მეუღლე მარტო დავრჩით. ეკონომიკურად არ გვიჭირდა და მაშინ გადავწყვიტეთ, გვეზრუნა ვინმეზე. ვიფიქრეთ, ვინმე შეჭირვებულს დავეხმარებით, მისთვისაც კარგი იქნება და ჩვენთვისაცო. განცხადება დავწერეთ სოციალურ სამსახურში და მიმღებ მშობლებად დავრეგისტრირდით. ჩემი ოცნება იყო, ისევ მყოლოდა სახლში პატარა ბავშვები და მეზრუნა მათზე. ღმერთმა ამიხდინა ეს ოცნება _ გარკვეული დროის შემდეგ დამირეკეს სოციალური სამსახურიდან და მითხრეს, რომ ლანჩხუთში იყო მინდობით გასაშვილებელი ბავშვები.

წავედით მე და ჩემი მეუღლე. ოთხნი რომ იყვნენ, თავიდან ცოტა შემეშინდა _ ძნელია ოთხ ბავშვზე ამხელა პასუხისმგებლობის აღება, მაგრამ ეს ბავშვები ისე თბილად შეგვხვდნენ, ისე გვეხუტებოდნენ, ისეთი თვალებით გვიყურებდნენ, გული ამომიჯდა. დავინახეთ, რომ ამ ბავშვებს შველა სჭირდებოდათ და ვერ და არ ვთქვით უარი. მაშინ უმცროსი 3 წლის იყო, უფროსი _ 8 წლის.

უკვე 4 წელია, ერთად ვართ. თავიდან, 6 თვის შემდეგ, თუკი ვერ შევძლებდით აღზრდას, შეგვეძლო უარი გვეთქვა ბავშვებზე და დაგვებრუნებინა ოჯახში, მაგრამ ჩვენ ისე შევეჩვიეთ ერთმანეთს, უერთმანეთოდ ვეღარ ვძლებთ. ნამდვილი და-ძმებივით უყვართ ჩემს შვილებს ბავშვები, სულ იმას ცდილობენ, რით გაახარონ.

ჩვენ ვპირდებით ამ ბავშვებს, რომ მათ მომავალსაც მივხედავთ. ოღონდ, იციან ჩემი პირობაც _ უნდა გაგვიმართლონ იმედები და დარწმუნებული ვარ, ასეც იქნება, ისეთი მზრუნველები არიან, ისეთი მოსიყვარულეები, ჭკვიანები, ერთმანეთის და ჩვენი შრომის დამფასებლები... თუ კი რამე წრეა ჩვენს რაიონში, მათი ინტერესებიდან გამომდინარე, რაც სურთ, რის ნიჭი და მიდრეკილებაც აქვთ, იმის მიხედვით ყველგან დაგვყავს. აქვთ კიდეც შედეგი და გარკვეული მიღწევები, _ გვეუბნება ბავშვების დედობილი ირმა დოლიძე.

კითხვაზე _ ჩართულები არიან თუ არა და რამდენად ხშირად ეკონტაქტებიან მათ სოცმუშაკები, ირმა დოლიძე გვპასუხობს, რომ სოცმუშაკები თვეში რამდენჯერმე ეკონტაქტებიან ბავშვების მდგომარეობის მოსაკითხად:

_ ბავშვების მდგომარეობაზე თვალყურის დევნება ნესტან თოლორდავას მოვალეობაში შედის. ძალიან ყურადღებიანი ადამიანია. თვეში რამდენჯერმე მოდიოდა კორონავირუსის პანდემიამდე, მერე დისტანციურად გვეკონტაქტება. ინტერნეტის საშუალებით გვესაუბრება, ხშირად მოდის ჭიშკართან და იქიდან ესაუბრება ბავშვებს. თუ რამე კითხვა ან პრობლემა გვაქვს, მაშინვე ქალბატონ ნესტანს ვურეკავთ, _ გვეუბნება ირმა დოლიძე.

კიდევ ერთი ოჯახი, რომელსაც სახელმწიფომ აღსაზრდელად ოთხი და მიანდო, ქეთევან და დავით ჩიგოგიძეების ოჯახია. სწორედ ჩიგოგიძეებისთვის მინდობილ მოზარდზე აცნობეს "გურია ნიუსს", რომ არასრულწლოვანი ბაზარში დგას და მეორადი ტანსაცმლით მოვაჭრეს ეხმარება. თუმცა, როგორც ჩიგოგიძეების ოჯახში მისულებმა გავარკვიეთ, ბავშვები უკვე სამი თვეა, მათთან აღარ ცხოვრობენ. კითხვაზე _ რატომ შეწყვიტა დედამ ხელშეკრულება, ქეთევან ბერძენიშვილი გვეუბნება, რომ თავიდან ბიოლოგიურ დედასა და მიმღებ ოჯახს შორის კარგი ურთიერთობა იყო, შემდეგ კი რატომღაც შეიცვალა, თუმცა, ამის მიზეზის დასახელება ქეთევან ბერძენიშვილს უჭირს და ამბობს, რომ ბავშვების ბიოლოგიურმა დედამ ცილი დასწამა, თითქოს ცუდად ეპყრობოდა შვილობილებს:

_ ცილი დამწამა დედამ, თითქოს ბავშვები ჩვენთან თავს ცუდად გრძნობდნენ და ეს ბავშვებმა უთხრეს. როგორც საკუთარ შვილებზე ვზრუნავთ, ისე ვზრუნავდით დანარჩენ 4 ბავშვზე. ლიზიკო 3 წლის იყო, რომ მოვიყვანეთ, ჩემს გულზე იძინებდა _ ასე გაიზარდა. ველაპარაკე ბავშვებს, იქნებ, რამე გწყინდათ, იქნებ, რამე არ მოგწონდათ-მეთქი, მაგრამ ბავშვები ამბობენ, რომ მსგავსი არაფერი უთქვამთ.

როგორც საკუთარ შვილებს, ისე ვზრდიდი, ოთხივეს, განურჩევლად. დაგეგმილი მქონდა მათი მომავალი, რომელს სად და რა უნდა ესწავლა. შრომაც მინდოდა ესწავლათ. საკუთარი თავის მოვლა, სახლის დალაგება. საქმეს ავალებდიო, _ დედამ მითხრა. აბა, როგორ უნდა ყოფილიყვნენ?! გოგონებს თავიანთი ოთახი რომ დაელაგებინათ, ამაში დანაშაულს ვერ ვხედავ; ან მთელი ოჯახი თვეში ერთხელ ეზოს თუ დავალაგებდით და გვერდით დამიდგებოდნენ ჩემს შვილებთან ერთად, ვერც ამაში ვხედავ ვერაფერს ცუდს. ვერც ერთი მათგანი ვერ იტყვის, რომ მათ ჩემი შვილებისგან განსხვავებულად მოვექეცი ან მსგავსი რამ. შეგიძლიათ, გადაამოწმოთ _ იკითხოთ სკოლაში, ბაღში, სადაც ბავშვები დადიოდნენ ("გურია ნიუსმა" მართლაც მოიკითხა სასწავლო და სააღმზრდელო დაწესებულებებში ოჯახისა და ბავშვების ურთიერთობის შესახებ. ყველგან ამბობენ, რომ ბავშვებს განსაკუთრებით მზრუნველი ხელი ყოველთვის ეტყობოდათ და თუ ვინმემ არ იცოდა, რა მიმართება იყო მათ შორის, ბიოლოგიური დედა და შვილები, საერთოდ, ოჯახი ეგონებოდა. ავტ.).

დედასთან რომ ურჩევნია შვილს, ამას რად უნდა ბევრი ლაპარაკი, მაგრამ არ ვიყავი მე იმის ღირსი, რომ ბავშვების დედას გაველანძღე და ჩირქმოცხებული დავეტოვებინე. 

მართლა ვერ ვხვდები, ასე მოულოდნელად რატომ მიიღო ეს გადაწყვეტილება. სახლში რაღაცეები გავაკეთე და ხედავდა ამას ბავშვების დედა. ეტყობა, იფიქრა, რომ ჩემი შვილების ფულით აკეთებს ამასო, მაგრამ ჩვენ _ მეც, ჩემი მეუღლეც, შვილებიც დასაქმებულები ვართ. მართლა დღე და ღამე ვშრომობთ. თან ახლა ბავშვების დახმარების თანხა რომ გაიზარდა, ალბათ, იფიქრა, მრავალშვილიანი ვარ და ამ თანხას გამოვიყენებო. თან პატარა ჰყავს სახლში, მე მომანათლინა; იმის მოვლაში დამეხმარებიანო, შეიძლება ესეც იფიქრა. რა ვიცი, რა გითხრათ?! თქვენსავით ბევრი ადამიანი მხვდება და მეუბნება, რა გაგიჭირდათ ისეთი, ბავშვი ბაზარში რომ დააყენეთ და ამუშავებთო. თქვენსავით ბევრმა არ იცის, რომ ის ბავშვები უკვე სამი თვეა, ჩემთან აღარ ცხოვრობენ.

მხვდება ადამიანი და მეუბნება, შენი გოგონები აქ ვნახე, შენი გოგონებია იქ შემხვდა, ბაზარში იყვნენ და ასე შემდეგ...

შუა ფარცხმაში მეგობართან იყო სტუმრად, ღამე დარჩა. მე ერთი წუთით თვალს არ ვაცილებდი ბავშვებს. მათი ყოველი ნაბიჯი ვიცოდი.

არაფერს ვაკლებდი ბავშვებს. არც მატერიალურად აკლდათ რამე და არც _ სულიერად. სხვადასხვა წრეზე დამყავდა. დღესასწაულებს და მათ დაბადების დღეებს ტორტისა და აღნიშვნის გარეშე არასდროს ჩაუვლია. 2 ტორტი ჰქონდათ ყოველთვის _ ერთი სკოლაში ან ბაღში და მეორე _ სახლში..

უამრავი ტანსაცმელი გავატანე რომ წავიდნენ. სოციალური სამსახურის თანამშრომლებს ვთხოვე, მოსულიყვნენ და დასწრებოდნენ ბავშვების გამგზავრებას.

პანდემიის პირობებში შეზღუდვები რომ იყო, მაშინ მოვიდნენ წასაყვანად. 3 მანქანით იყვნენ. სამივე მანქანა ავავსე მათი ნივთებით და ტანსაცმლით. პატარა ლიზიკომ თავისი ქვეშაგების და თეთრეულის გატანება მთხოვა, ისიც გავატანე. სულს არ ვიშურებდი მაგ ბავშვებისთვის და ბოლოს ისე შემომიბრუნდა, რომ ბრალი დამდეს და ჩირქი მომცხეს. ჩემი სამი წლის და 2 თვის შრომა წყალში ჩამიყარა ბავშვების დედამ.

არადა, ისეთი ურთიერთობა ჰქონდა ჩვენთან, ბავშვის მონათვლა რომ მთხოვა, უარს როგორ ვეტყოდი?! გვესტუმრებოდა და თუ კი ოჯახში რამე მქონდა, არაფერი მენანებოდა. როგორც ოჯახის წევრი, ისე გვყავდა. სახლიდან რამდენი რამ გავატანე, სანამ ბავშვებს წაიყვანდა. ჯერ საკუთარი სახლი სად აქვთ, სხვის სახლში არიან შეხიზნულები, მაგრამ ბავშვებმა მითხრეს, სახლში არაფერი დგასო და ავეჯიც გავატანე სახლიდან, ქვეშაგებიც. პატარა რომ გაუჩნდა და ბავშვებმა ნახეს, მითხრეს, ჟანგიან ტაშტზე დაბანა დედამ და არც თეთრეული აქვსო. გავიქეცით მაშინვე და ვუყიდეთ აბაზანისთვის მთელი კომპლექტი, თეთრეული და ჩავუტანეთ. არ მქონდა ამის ვალდებულება, მაგრამ ადამიანური მომენტი იყო.

კიდევ ერთხელ ვიმეორებ, დედა უნდა შვილებს და არა მგონია, რომელიმე დედასაც, რომელიც ოდნავ საღად კი აზროვნებს, არ უნდოდეს შვილი მასთან ჰყავდეს, მაგრამ აქ სოციალური სამსახურის როლი მაინტერესებს _ თუ თავიდან, როცა ოჯახიდან გამოიყვანა ბავშვები, მაშინ არ იყო მიზანშეწონილი ამ ბავშვების ბიოლოგიურ ოჯახში ცხოვრება, ახლა როგორ მიიღო გადაწყვეტილება და როგორ დააბრუნა ბავშვები ან ასე გაუმჯობესდა მათი საცხოვრებელი პირობები?! ძალიან მაინტერესებს სოციალური სამსახურიდან ამ კითხვებზე პასუხი. დედა და შვილები ერთად უნდა იყვნენ, მაგრამ მე ასე ჩირქმოცხებული არ უნდა დავეტოვიბინე, _ გვეუბნება ქეთევან ბერძენიშვილი.

კითხვით _ რამდენად ხშირად ამოწმებდა მიმღებ ოჯახში ბავშვების მდგომარეობას _ სსიპ "სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს" ჩოხატაურის სერვისცენტრის წარმომადგენელს ნესტან თოლორდავას მივმართეთ.

თოლორდავას თქმით, ჩიგოგიძეების ოჯახი ერთ-ერთი გამორჩეული ოჯახია მიმღებ ოჯახთა შორის, სადაც ბავშვები დაცულები და ყოველნაირად უზრუნველყოფილები იყვნენ, თუმცა, სხვა კითხვებზე პასუხისგან ნესტან თოლორდავამ თავი შეიკავა და რეგიონული სამსახურის უფროსთან, მაია ჯაშთან გადაგვამისამართა. როგორც მაია ჯაშმა გვითხრა, მას არ ჰქონდა ინფორმაცია, მოზარდების სხვა მუნიციპალიტეტში გადაადგილების შესახებ:

"არ ვიცოდი, თუ ბავშვები ჩოხატაურში დადიოდნენ. პირველად მესმის, ბაზარში მუშაობის შესახებაც. კარგია, რომ მოგვაწოდეთ ინფორმაცია. აუცილებლად გადავამოწმებთ", _ გვითხრა ჯაშმა და იმის გასარკვევად, როგორ გაუმჯობესდა ბიოლოგიური ოჯახის მდგომარეობა, რომ სოციალურმა სამსახურმა ნება დართო ბავშვები მინდობით აღზრდიდან გამოეყვანა, სააგენტოს ხელმძღვანელთან, მერი მაღლაფერიძესთან გადაგვამისამართა. თუმცა, მაღლაკელიძისგან აღნიშნულ საკითხზე პასუხი ვერ მივიღეთ _ მან ჩვენს ზარს არ უპასუხა, ხოლო სმს-ს შეტყობინებაზე მოგვწერა, რომ იმყოფებოდა შეხვედრაზე და კითხვით სამინისტროს პრესსამსახურისთვის მიგვემართა.

საბოლოოდ, პასუხი სააგენტოს დირექტორის მოადგილის, ლაშა ჯინჯიხაძისგან მივიღეთ. ჯინჯიხაძის თქმით, ოჯახის მატერიალური მდგომარეობა გაუმჯობესდა:

„რეინტეგრაცია ოჯახში გახორციელებული იქნა პირველი მაისიდან, ანუ ბავშვები დაბრუნდნენ დედასთან. ისინი ამ დროისთვის, როგორც რეგიონიდან მომაწოდეს ინფორმაცია, მოწესრიგებულ გარემოში ცხოვრობენ _ ოჯახს საცხოვრებლად სახლი ნათესავმა დაუთმო. დედას, მარინა ჭანიკიძეს ამჟამად ჰყავს მეუღლე. ოჯახი იღებს თანხას რეინტეგრირებულ ყოველ ბავშვზე, ასევე, ეძლევათ სოციალურ დახმარება; კოვიდ 19-ის ფარგლებში არსებული სახელმწიფო დახმარება; მრავალშვილიანი ოჯახებისთვის განკუთვნილი დახმარება. ჭანიკიძის მეუღლე სეზონურ სამუშაოებს ასრულებს და დედაც მიზნობრივად განკარგავს შემოსავალს.

სოციალურმა აგენტმა, დედის განცხადების საფუძველზე, შეაფასა ოჯახის მდგომარეობა და გადაწყვიტა, რომ ოჯახი მზად იყო ბავშვები დასაბრუნებლად. უკვე, თითქმის, სამი თვეა, რაც, როგორც გითხარით, რეინტეგრაცია გახორციელდა და ბავშვები ცხოვრობენ ბიოლოგიურ ოჯახში", _ გვითხრა ლაშა ჯინჯიხაძემ.

ჩვენ გოგონების ბიოლოგიურ დედას მარინე ჭანიკიძესაც ვესაუბრეთ. ჭანიკიძის თქმით, ერთ-ერთი გოგონა ჩოხატაურის სამხატვრო სკოლის მოსწავლეა და გამოფენაზე იყო მისული:

_ სამხატვრო სკოლაში სწავლობს. გამოფენა ჰქონდა და მთხოვა, წავალო. ძალიან უნდოდა მონაწილეობის მიღება და ემზადებოდა ამ დღისთვის. უარი არ ვუთხარი და გავუშვი. შემდეგ, რადგან არ მინდოდა, გზაზე შემოღამებოდა, ნება დავრთე, მეგობართან დარჩენილიყო. რაც შეეხება ბაზარში მაიას ყოფნას, კაბის ყიდვა უნდოდა და წამოვიდა. 2 კაბა შეიძინა იმ დღეს, შემიძლია, გაჩვენოთ კიდეც. რა მუშაობა?! ბავშვებს, მიმღები ოჯახისგან განსხვავებით, სახლში ცოცხსაც არ ვაძლევ ხელში. მინდა, ბავშვებს ბავშვობა ჰქონდეთ. ვიცი, საიდანაც მოდის ეგ ყველაფერი და ჯობს, არ ამალაპარაკონ, _ გვითხრა მარინა ჭანიკიძემ, თუმცა, რას იტყოდა თუ "ალაპარაკდებოდა", ამაზე არ გვიპასუხა.

"გურია ნიუსი" ისევ მიადევნებს თვალს მინდობით აღსაზრდელთა და მიმღებ ოჯახებს შორის ურთიერთობას. მანამდე კი იმედს ვიტოვებთ, რომ ოთხი და, რომლებიც ამჟამად დედასთან, მამობილთან და უმცროს ძმასთან ერთად სოფელ ბოხვაურში ცხოვრობენ, უსაფრთხოდ და დაცულები არიან, სახელმწიფო ზრუნვის სააგენტო კი უფრო საფუძვლიანად შეისწავლის ბენეფიციართა საჭიროებებს და მათი საუკეთესო ინტერესების გათვალისწინებით მიიღებს გადაწყვეტილებას.





 ახალი ამბები
  • თუ ჭკუა აქვს, არ უნდა მოვიდეს _ მეუფე იაკობი გიორგი გახარიაზეჩემთვის გიორგი გახარია მესამე ძალა არ არის. მითხარით, დადებითი რა გააკეთა? თუ ჭკუა აქვს, არ უნდა მოვიდეს. შეიძლება „ლელოსა“ და „სტრატეგია აღმაშენებლის“ კონკურენტი გახდეს, - ამის შესახებ ჟურნალისტებს ბოდბელმა მთავარეპისკოპოსმა, იაკობმა განუცხადა. „ვის დავუჭერთ მხარს? ვის ვგულისხმობ, ნახავთ. ისეთები იქნებიან, გაიმარჯვებენ, ნახავთ. მთავრობას ყოველთვის აქვს საშუალება, არჩევნებში მინიმუმ 30% აიღოს, დანარჩენი რამდენს აიღებს, დაუთვალონ ხმები. თუ არ მოისვენებენ, მიიღებენ მაგას, იმიტომ, რომ ძალიან აურიეს ქვეყანა. ვის რა გაუკეთებია, რა გმირები ეგენი არიან, ომში იბრძოდნენ თუ 2008-ში არ გარბოდნენ ქვეყნიდან? რაც ერი ვართ, იმას ვირჩევთ ხოლმე. რაც შეეხება გახარიას, ჩემთვის გიორგი გახარია მესამე ძალა არ არის. მითხარით, დადებითი რა გააკეთა? თუ ჭკუა აქვს, არ უნდა მოვიდეს. შეიძლება „ლელოსა“ და „სტრატეგია აღმაშენებლის“ კონკურენტი გახდეს. დაბალრეიტინგული პოლიტიკოსია. 200 ათას „ლაიქს“ ვინც უკეთებდა, კარგად ნახეთ, ზურგს უკან ვინ ედგა“, - განაცხადა მეუფე ... ...
  • საქართველოს პრეზიდენტმა 8 მსჯავრდებული შეიწყალასალომე ზურაბიშვილმა 8 თავისუფლებააღკვეთილი მსჯავრდებული შეიწყალა, - ამის შესახებ ინფორმაციას პრეზიდენტის პრესსამსახური ავრცელებს. „საქართველოს პრეზიდენტმა 8 თავისუფლებააღკვეთილი მსჯავრდებული შეიწყალა, აქედან 3 მსჯავრდებული სრულად გათავისუფლდა თავისუფლების აღკვეთის შემდგომი მოხდისაგან, ხოლო 5 მსჯავრდებულს (მათ შორის, 1 ქალ მსჯავრდებულს) დარჩენილი მოსახდელი სასჯელის ვადა გაუნახევრდა. საქართველოს პრეზიდენტმა შეწყალების აქტი დღეს, 2021 წლის 6 მაისს გამოსცა“, - აცხადებენ ... ...
  • ჩოხატაურის საკრებულოს თავმჯდომარე კორონავირუსზე აიცრაჩოხატაურის მუნიციპალიტეტის საკრებულოს თავმჯდომარე მეუღლესთან ერთად კორონავირუსის საწინააღმდეგო ვაქცინით აიცრა. როგორც ზაალ მამალაძის მიერ ფეისბუქ გვერდზე გამოქვეყნებული ფოტოთი ირკვევა, მათ ვაქცინა ჩოხატაურში, კლინიკა „მედალფაში“ გაიკეთეს. ცნობისთვის, კორონავირუსზე ვაქცინაციის პროცესი ჩოხატაურში 2 დღის წინ განახლდა.  აცრის  გაკეთება ჩინური ვაქცინა „სინოფარმით“ არის ... ...
  • "თუ გაგიგეს ქართულად საუბრობ, პრობლემები შეგექმნება" _ ახალგაზრდა ოკუპირებული აფხაზეთიდანსაქართველოს ოკუპირებულ ტერიტორიებზე ცხოვრება სულ უფრო რთულდება ყველასთვის განსაკუთრებით, ახალგაზრდებისთვის. ისინი ძალიან რთულ გზას გადიან საქართველოს მიერ კონტროლირებად ტერიტორიაზე მოსახვედრად. „გურია ნიუსთან“ საუბრისას რესპონდენტმა ვინაობის გამხელა არ ისურვა, რადგან აფხაზეთში მისი ოჯახის წევრები არიან დარჩენილი და შეეშინდა, საფრთხე არ შეექმნა მათთვის. იგი ჩვენთან საუბრისას იხსენებს, როგორია საქართველოს ოკუპირებულ  აფხაზეთში ცხოვრება... _ ჩემი აფხაზეთთან კავშირი დაიწყო ბავშვობიდან. მეშვიდე კლასში ვიყავი, როცა მამასთან, გალში მომიწია საცხოვრებლად გადასვლა. სრული ქაოსი დამხვდა იქ... იყო ბევრი პრობლემა, მაგრამ, საბოლოოდ, გავართვი თავი ჩემი იქაური მეგობრების წყალობით. _ აფხაზეთის  სკოლებში რა ენაზე ასწავლიან ბავშვებს? _ ომის შემდეგ პერიოდში სწავლა მთლიანად რუსულ ენაზე იყო. რომელ სკოლაშიც მე დავდიოდი, იქ მხოლოდ ერთი საგანი იყო ქართულ ენაზე _ ქართული ენა და ლიტერატურა, რომელსაც კვირაში ორი დღე ეთმობოდა. სხვა ყველა საგანს რუსულად  გავდიოდით. ძალიან აგდებული დამოკიდებულება იყო. იმდენად, რომ სურვილი გეკარგებოდა ქართული ენის სწავლის. _ იქ მცხოვრებლებს რამდენად მიგიწვდებოდათ ხელი  მედიკამენტებსა და ჯანდაცვის სერვისებზე? _ სიმართლე რომ გითხრათ, როცა მე ან ჩემს ოჯახს რამე წამალი დაგვჭირვებია და გავსულვართ, ნებისმიერი წამალი გვიყიდია. თუ გალში არ იყო, სოხუმიდან ან გაგრიდან მოჰქონდათ. ცუდია, რომ ზოგი იქ მცხოვრები ახალგაზრდა ამბობს, თითქოს არ მიგვიწვდებოდა ხელი წამლებზე ან არ იყო, ასე არ ყოფილა, რადგან მე რამდენჯერაც დამჭირვებია წამლები თუ საავადმყოფო, ყოველთვის მქონდა საკმარისი ყურადღება. როცა მე ან ჩემს ოჯახს რამე დახმარება დაგვჭირვებია, ყოველთვის აღმოუჩენიათ დახმარება. _ თუ ასხვავებდნენ ქართველებს იქაური აფხაზებისგან? _ მსგავსი მაგალითი არ ყოფილა. უბრალოდ, თუ მე ვდგავარ რიგში და ჩემს შემდეგ ვინმე „წონიანი ტიპი“ მოვიდა იმას გაატარებენ ურიგოდ და მე ისევ ჩემს რიგში მომიწევს დგომა. ეს მემგონი აქაც ასეა. დეზინფორმაცია ვრცელდება აფხაზეთზე და ძალიან მწყინს. _ როგორ ხდება საქართველოს დანარჩენ ტერიტორიაზე გადმოსვლა  და თქვენ რამდენად მარტივად შეგეძლოთ გადაადგილება ეგრეთწოდებულ საზღვარზე? _ 14-წლამდე მამას საბუთი ჰქონდა, რომ მე მისი არასრულწლოვანი შვილი ვიყავი და შეეძლო გადმოვეყვანე ეგრეთწოდებულ საზღვარზე. 15 წლისას მომიწია ოფიციალური საბუთის აღება, რითიც შევძლებდი მამასთან ერთად გადამელახა „საზღვარი“. ძალიან ბევრჯერ ყოფილა, რომ ჩუმად გადავპარულვარ ან ჩემს ოჯახს ფული გადაუხდია, რადგან ან გამოცდა მქონდა ან ჯანმრთელობის მდგომარეობის და ექიმთან ვიზიტის საჭიროების გამო უნდა გადავსულიყავი. ყოველთვის ჯერ ენგურის ხიდზე მივდიოდით, რომ გვეცადა ოფიციალურად გადმოსვლა. რა თქმა უნდა, არ გვიშვებდნენ, მიზეზად არასაკმარის დოკუმენტებს ამბობდნენ. მამას არ ჰქონდა იქაური მაცხოვრებლის სტატუსი. ხალხს იძულებულს ხდიდნენ, იქ მაცხოვრებლის სტატუსი აეღოთ. წინააღმდეგ შემთხვევაში, „შავი გზით“ გვიწევდა გადასვლა და ხშირად გვიჭედრნენ, ზოგს  კი ფიზიკურადაც უსწორდებოდნენ. მახსოვს, გამოცდების პერიოდი მქონდა და „საზღვარზე“ არ მიშვებდნენ. მაშინ მამამ 5000 რუბლი გადაიხადა, რომ მე გადმოვსულიყავი საქართველოს მიერ კონტროლირებად ტერიტორიაზე. _ რა ხდება ეგრეთწოდებულ საზღვარზე დაჭერის შემდეგ? _ „საზღვარზე“ დაჭერისას მივყავდით პოლიციას და გვართმევდნენ ყველა სახის საბუთს _  პირადობა იქნებოდა თუ ნებისმიერი სხვა. არა მხოლოდ ქართულს, არამედ ყველას. შემდეგ, რაღაც თანხის სანაცვლოდ გვიშვებდნენ, მაგრამ საბუთებს იტოვებდნენ. _ როგორ შეაფასებთ იქ ცხოვრებას? _ ძალიან მიყვარს იქაურობა, მაგრამ იქ ცხოვრება ურთულესია, როცა შენ ხარ ქართველი და უფლება არ გაქვს შენს ენაზე ისაუბრო. არავინ გიკრძალავს, მაგრამ იცი, რომ თუ გაგიგეს ქართულად საუბრობ, პრობლემები შეგექმნება. იქ მე სულ ქართულად ვსაუბრობდი. ერთხელ, როდესაც პარკში მეგობრებთან ერთად ვიყავი, ერთი პიროვნება მოვიდა და მითხრა, რომ პატივი მეცა მათთვის და ქართულად არ მესაუბრა... _ ოკუპირებულ აფხაზეთში ქართველებისადმი უარყოფითი დამოკიდებულება აქვთ? _ კი. სულ სხვანაირად გვიყურებენ და ეს დამოკიდებულება ყოველთვის იგრძნობოდა. იქიდან ყველა ახალგაზრდა მოდის, რადგან არ არის იქ არანაირი პერსპექტივა, განვითარების შანსი... თუმცა, ბოლო პერიოდში ბევრი რამ გალამაზდა და შეიქმნა... მინდა, რომ იქაც იგივენაირად შეეძლოთ განვითარება ახალგაზრდებს, როგორც აქეთ...  _ ამბობს ახალგაზრდა ოკუპირებული აფხაზეთიდან, რომელიც უკვე რამდენიმე წელია, აფხაზეთში არ ... ...
  • "ვარლამ გოლეთიანს სოლიდარობაც კი არ გამოუცხადებია მათთვის" _ ანა იოსავანამახვანჰესის აქციაზე მომხდარი სიტყვიარი შელაპარაკების შემდეგ, როგორც "გურია ნიუსთან" საუბრისას აქციის ერთ-ერთმა მონაწილემ, ანა იოსავამ თქვა, 16 აპრილს დააკავეს ფირუზ და რეზო წულუკიძეები და ძმები ჭელიძეები. "ჭელიძეებთან, რომლებსაც სახლში შშმ მამა ჰყავთ, შევარდა სპეცრაზმი და ძალის გამოყენებით დააკავეს ძმები. ისინი არიან ჩვეულებრივი ბათუმელი ბიჭები, რომლებსაც ჰყავს მეგობრები და ახლობლები. იმის გამო, რომ "ნაციონალურ მოძრაობას" უჭერენ მხარს, არ შეიძლება ესე მოექცნენ". დაკავებების სერია გაგრძელდა _ 23 აპრილს ხონის გზაზე დააკავეს ელდარ ანთაძე. „არც მტკიცებულება და კადრები არ არსებობს მათი დანაშაულის დამამტკიცებელი. უნდათ, ეს ბიჭები ჩასვან ციხეში, მხოლოდ იმიტომ, რომ ისინი ძალიან აქტიურობენ", _ ამბობს ანა იოსავა. მისი თქმით, ვარლამ გოლეთიანმა იცოდა აქციაზე მომხდარი ინციდენტის შესახებ, თუმცა ხელისუფლებასთან მოლაპარაკებაზე ყოფნის დროს არ უსაუბრია ამ თამაზე. "ვარლამ გოლეთიანს სოლიდარობაც კი არ გამოუცხადებია მათთვის. არადა, ეს ბიჭები მხარდასაჭერად ჩავიდნენ". "გურია ნიუსი" ესაუბრა ელდარ ანთაძის ადვოკატს გიორგი ფანცულაიას. ადვოკატის თქმით, ის საქმის შესწავლის პროცესშია, რის შემდეგაც შეძლებს კომენტარის გაკეთებას. რა ედებათ წულუკიძეებსა და ჭელიძეებს ბრალად, რა მუხლით მიმდინარეობს გამოძიება მათ საქმეზე და რას ითვალისწინებს სასჯელი, ამის გასარკვევად "გურია ნიუსი" შსს-ს პრესსამსახურს დაუკავშირდა.  შინაგან საქმეთა სამინისტროს განცხადებით, 15 და 23 აპრილს დააკავეს შვიდი პირი, რომლებსაც ბრალად ედებათ გუმათჰესის დასახლებაში ნამახვანჰესის მშენებლობასთან დაკავშირებით მიმდინარე საპროტესტო აქციაზე  ჯგუფური ძალადობა. როგორც შსს-ში გვითხრეს, მათ ფიზიკური დაზიანებები მიაყენეს აქციაზე მყოფ სამ პირს. ასევე, დააზიანეს ერთ-ერთი დაზარალებულის კუთვნილი ავტომანქანა. შსს-ს ინფორმაციით, საქმეზე გამოძიება მიმდინარეობს 225 მუხლით, რომელიც გულისხმობს ჯგუფური ძალადობის ორგანიზებას, ხელმძღვანელობას ან მასში მონაწილეობას. უწყების განცხადებით, შვიდივე დაკავებულის დანაშაული 4-დან 6 წლამდე ვადით თავისუფლების აღკვეთას ... ...

არქივი

ტესტები

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ დიდი აღმოჩენები და ასტრონომია

დიდი გეოგრაფიული აღმოჩენების პერიოდში ვის...

ტესტი _ ყველაზე, ყველაზე...

იცი თუ არა გეოგრაფია

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

კარმიდამო ჩემი

"ქართული თექა ჩემი გატაცებაა!"

ქართულ თექაზე მუშაობას, უმეტესად, ჩვენი...

გავაშენოთ საადრეო ჯიშის მანდარინი

დასავლეთ საქართველოს სუბტროპიკული ზონის კლიმატი,...

თხილის წამლობა აპრილის შუა რიცხვებიდან

აპრილის დასაწყისიდან, როცა თანდათან მატულობს...

როგორ გამოვკვებოთ და გამოვზარდოთ ქათმის წიწილები

საქართველოში ქათმის და, ზოგადად, შინაური...

დავთესოთ ბოსტნეული და გამოვიყვანოთ ჩითილები

წლევანდელი გაზაფხული,  გურიაში, განსაკუთრებით, საკმაოდ...

საგაზაფხულო ფხალეული კვერცხით და ნედლი სანელებლებით

საქართველოს სამზარეულო კულტურა ფხალეულის ორასამდე...

"კალისტო 1920 "_ გურიაში "გემოვანის" პური გამოჩნდა

პური ერთ-ერთი უძველესი საკვებია და...

ერთი ნაჩუქარი ბაჭიით დაწყებული საქმე: "ბოცვრის მოშენება ყველა ოჯახმა უნდა შეძლოს"

ჩოხატაურის მუნიციპალიტეტის სოფელ შუაამაღლებაში მცხოვრები,...

ზღმარტლი _ მცენარე, რომელიც იმსახურებს ყურადღებას

მუშმულას და უნაბის შემდეგ, ჩვენს...

გავამზეუროთ ქოთნის ყვავილები

ახლა, ადრიან გაზაფხულზე, მზიან, თბილ...

ქათმის მხალეული

მრგვალად მოხარშული (და არა შემწვარი)...