"ხიდჩატეხილობის" თანამედროვე პრობლემა სილაურში

საზოგადოება

"ხიდჩატეხილობის" თანამედროვე პრობლემა სილაურში

10 ივლ. 2011, 10:16:45
ოზურგეთის მუნიციპალიტეტის სოფელ სილაურის მცხოვრებლები სოფლის ცენტრალურ გზასთან დამაკავშირებელი ერთადერთი ხიდის სასწრაფოდ აღდგენას მოითხოვენ. როგორც ისინი "გურია ნიუსთან" საუბრისას აღნიშნავენ, ეს ხიდი ერთი წელია, რაც სავალალო მდგომარეობაშია, მაგრამ ახლა სტიქიამ სრულიად გაანადგურა და მიწასთან გაასწორა.

_ ათი დღეა, ვწვალობთ _ წრე უნდა დაარტყა და ისე შემოხვიდე სოფელში, _ ამბობენ სამარშრუტო ტაქსის მძღოლები.

_ საარჩევნოდ ასფალტს დაგიგებთო, დაგვპირდნენ. დაპირებით ყველაფერს გპირდებიან, გაკეთებული კი არაფერი ჩანს, _ ამბობენ სოფლის მცხოვრებლები.

დარეჯან ქილიფთარი: _ ეს ხიდი, ერთი წელია, ასეთ მდგომარეობაშია. მდინარე ეზოში შემოვარდება და ისე აგრძელებს დინებას. ვის უნდა მივმართოთ? სოფელს პატრონი არ ჰყავს. მოვლენ, დახედავენ და წავლენ. გამგეობიდან იყვნენ მოსული. კოტე სარიშვილმა, რომელიც წარმოშობით სილაურიდანაა და ჩვენი მეზობელია, იცის, რა მდგომარეობაცაა აქ. დახმარება ვთხოვეთ, თან ვკითხეთ, არჩევნები როდის მოვა,-თქო? არ ვიცი, პოლიტიკაში ვერ ვერკვევიო, _ გვიპასუხა. ამით იმის თქმა მინდოდა, იქნებ, მაშინ მაინც გაგვიკეთოთ,-მეთქი. ადრე მანქანები როგორ დადიოდნენ ამ ხიდზე, გვიკვირს. კიდევ კარგი, ღმერთის წყალობით, მდინარეში არ ჩაცვივდნენ. ახლა აქაურმა კაცმა ჩააწყო აკაციის სარები ხიდზე, იქნებ, ცხენიანი ურიკა მაინც გავიდეს ზედო. ავტობუსი ნახევარ გზაზე მოდის. მეორე მხარეს რომ ხალხი ცხოვრობს, იმათ რა ქნან? ეს გზა მარტო ამ სოფლის არაა _ მამათის, ჯუმათის, იანეთის, ლანჩხუთის, გულიანის დამაკავშირებელი გზაა. ლარის მაგივრად შვიდი ლარი გადავიხადე, რომ სახლამდე ტვირთი მიმეტანა.

76 წლის შუშანა ლეჟავა მიიჩნევს, რომ ხიდი უნდა გაკეთდეს, თორემ შესაძლოა, ტრაგედია დატრიალდეს:

_ ადრე ახალგაზრდა კაცი გადავარდა და მოკვდა. ახლაც შეიწირავს ვიღაცას. ჩვენ, მოხუცებულებს, განსაკუთრებულად გვიჭირს. გთხოვთ, დაგვეხმარეთ და გააგებინეთ სააკაშვილს ჩვენი სოფლის გაჭირვება. იქნებ, მოგვაქციოს ყურადღება. ნასვამი ადამიანი რომ გამოვიდეს ამ ხიდზე, უბედურება მოხდება. ჩემი გასაჭირის შესახებაც დაწერეთ _ წამლები მჭირდება, არც ქმარი მყავს, შვილმკვდარი დედა ვარ. ხან შაქარს დავაყრი პურზე და იმით ვარ მთელი დღე. რა იქნება, 30 ლარის წამალი მაინც რომ გაიმეტონ ჩემთვის? რაფერ არ აქვთ იმის ფონდი, გაჭირვებულებს რომ მიეხმარნონ?

_ ხელისუფლებამ ხიდის ავარიულობის შესახებ იცოდა?

_ კი, აბა, არ იცოდა? ჩვენი სოფლის ხელმძღვანელობა ნამეტანი კაი ბიჭები არიან _ მაჟორიტარიც და რწმუნებულიც, მაგრამ პატარა ჩვენკენ არ უნდა მეიხედონ? იყო ხელისუფლება, მაგრამ ჯერ არაფერია გაკეთებული.

_ მთავრობა არსებობს? _ კითხულობს 84 წლის ნევრო დარჩია და პასუხსაც თავად სცემს: _ არ არსებობს. ერთ კვირაზე მეტია, ქალაქში დავდივარ და ვერსად _ ვერც საკრებულოში, ვერც გუბერნატორთან, ვერც არასამთავრობოში, ვერც საგადასახადოში, სიმართლე ვერ დავადგინე. პენსია დაკავებული მაქვს. სასამართლომდე მაქვს საქმე მიტანილი, მაგრამ სამართალი ვერ ვიპოვე. ბახმაროში მქონდა მიწა გაფორმებული 2000 წელს. გამიუქმა გამგეობამ, მაგრამ არსად არ გაუფორმებიათ. წელს მომივიდა გაფრთხილება, შენ სახელზე მიწა ირიცხება ბახმაროში და გადასახადი უნდა გადაიხადო, გარდა ამისა, ბიუჯეტი ჯარიმას გახდევინებსო _ 750 ლარი მაქვს გასახდელი. საგადასახადომ პენსიას ყადაღა დაადო და მართმევს. ვერსად სიმართლე ვერ ვნახე, იქნებ, დამეხმაროთ სიმართლის გარკვევაში. წავალ თბილისში, პარლამენტის წინ, კიბეზე დავჯდები პროტესტის ნიშნად _ აბა, რა ვქნა? მარტო ვცხოვრობ, მეუღლე გარდაცვლილი მყავს, პენსიაა ჩემი შემოსავალი, მეტი არაფერი. ყანა დავთესე და ახლა ვეღარ ვპატრონობ _ სასუქი 46 ლარი ღირს. არჩევნები რომ მოვა, მაშინ ხომ დაიწყებენ წრიალს, ხმა მომეციო?! დაანგრიეს ჩაის ფაბრიკები და ახალგაზრდობა ჩაის საკრეფად თურქეთში დადის. ჩვენთან რატომ არ უნდა იყოს ჩაი?

73 წლის ნათელა სარიშვილი: _ ერთი წელია, ეს ხიდი ასეა და ახლა მთლად ჩავარდა. "ნაქცევი" ჩამოდის ჩემ ეზოში და ლამისაა, ჩამიტანოს. დავიჯერო, სააკაშვილთან რომ მივიდეთ, ყურადღებას არ მოგვაქცევს? სოფელს პატრონი არავინ ჰყავს. საკუთარ თავს ყველა კარგად პატრონობს და გაჭირვებულის განმკითხავი არავინაა. გაცლილია სოფელი ახალგაზრდობისგან _ თურქეთში დაწანწალებენ!

სილაურის მაჟორიტარი დეპუტატი ხვიჩა კილაძე განმარტავს, რომ აღნიშნული ხიდის პრობლემის შესახებ ხელისუფლება საქმის კურსშია:

_ ხიდის მშენებლობა უნდა დაფინანსდეს ცენტრალური ბიუჯეტიდან, რადგან ძვირი ჯდება _ 30 000 ლარი სჭირდება და ადგილობრივ ბიუჯეტს ამის საშუალება არ აქვს. ამ საკითხთან დაკავშირებით ზომები მიღებულია. თბილისმა განიხილა და ველოდებით თანხის გადმორიცხვას. სოფლის მხარდაჭერის პროგრამით გამოყოფილი თანხა არ ყოფნის, რადგან უკვე დაწყებულია სოფლის პროექტები და თანხა, ფაქტობრივად, გაწერილია.

გურიის გუბერნატორი ვალერი ჩიტაიშვილი ადასტურებს პრობლემის არსებობას და ამბობს, რომ ამ ეტაპზე ადგენენ, თუ რამდენი ლარია საჭირო ხიდის რეაბილიტაციისთვის, თუმცა, გაუგებარია, თუ თბილისმა უკვე განიხილა, თანხის რაოდენობას ახლა როგორღა ადგენენ?!





 ახალი ამბები
  • სოფელ გუმათთან რკინის ჯებირები აიღესსოფელ გუმათთან რკინის ჯებირები აიღეს. ევროკავშირის ჩართულობით გამართულ შეხვედრაზე გაჟღერებული მოთხოვნებიდან სამი უკვე შესრულდა. ხეობაში აღარ არის რკინის ჯებირები, ხეობას დატოვებს პოლიციის ნაწილი და აქტივისტებს სოფელ ნამოხვანში გადაადგილება შეეძლებათ. „ნამახვანჰესის“ მოწინააღმდეგეების თქმით, ხეობაში ხვალიდან შევლენ. რაც შეეხება გრძელვადიან მოთხოვნებს, ისინი ჰესის მოსამზადებელი სამუშაოები შეჩერებას მოითხოვენ, რისთვისაც მედიაციის პროცესს გააგრძელებენ. "რიონის ხეობის მცველები" იმედოვნებენ, რომ მათი სხვა მოთხოვნებიც დაკმაყოფილდება. ვარლამ გოლეთიანის თქმით, მათი მომდევნო მოთხოვნა, გუმათის ხეობიდან საპოლიციო ძალების გაყვანაა. "რიონის ხეობის მცველი" მაკა სულაძე აცხადებს, რომ ნამახვანჰესის წინააღმდეგ აქტივისტების ბრძოლამ შედეგი გამოიღო. სულაძის თქმით, გუმათის ხეობაში ბარიკადების აღებასთან დაკავშირებით, შსს-ს გადაწყვეტილება, მთლიანად საზოგადოების დამსახურებაა. "ბრძოლამ გამოიღო შედეგი და ეს მთლიანად ქართული საზოგადოებისა და იმ ხმაურის დამსახურებაა, რომელიც დიალოგის ფორმით ყოველ საღამოს ხელისუფლებასთან გვქონდა. როგორც ჩანს ხელისუფლება დიალოგის ამ ფორმამ შეაწუხა და გააცნობიერა, რომ ცივილიზებულ, დემოკრატიულ და თავისუფალ ქვეყანაში ასეთი დიალოგი არ უნდა გამართოს საკუთარ მოსახლეობასთან", _ თქვა მაკა სულაძემ. შსს-ში აცხადებს, რომ "პოლიციის თანამშრომლები გუმათჰესთან და რიონის ხეობაში, უსაფრთხოების ზომებიდან გამომდინარე, კვლავ დარჩებიან, სამართალდარღვევის ნებისმიერი ფაქტის გამოვლენის შემთხვევაში, პოლიცია იმოქმედებს კანონმდებლობის შესაბამისად და თითოეულ ასეთ ფაქტზე თანმიმდევრულ რეაგირებას მოახდენს. "პოლიციის თანამშრომლები გუმათჰესთან და რიონის ხეობაში, უსაფრთხოების ზომებიდან გამომდინარე, კვლავ დარჩებიან და საზოგადოებრივ წესრიგს დაიცავენ", _ წერია უწყების განცხადებაში. უწყება მოუწოდებს ნამახვანჰესის მშენებლობის მოწინააღმდეგე მოქალაქეებს, შეკრებისა და გამოხატვის დროს დაიცვან კანონის მოთხოვნები და დაემორჩილონ პოლიციელთა კანონიერ ... ...
  • „ენკა“ - მივესალმებით პროცესის დეესკალაციისკენ გადადგმულ ნებისმიერ ნაბიჯს (R)მივესალმებით პროცესის დეესკალაციისკენ გადადგმულ ნებისმიერ ნაბიჯს. მნიშვნელოვანია, რომ რიონის ხეობაში, ადგილზე, არ იყოს დაძაბულობის კერები და მოვლენები წარიმართოს მშვიდ ვითარებაში, - ამის შესახებ „ინტერპრესნიუსს“ კომპანია „ენკაში“ განუცხადეს. კომპანიაში იმედს გამოთქვამენ, რომ აქტივისტები აიღებენ პასუხისმგებლობას, პროტესტის მშვიდობიანად და კანონის ფარგლებში წარმართვაზე და არ შეზღუდავენ ხეობაში თავისუფლად გადაადგილების უფლებას. „მნიშვნელოვანია, მათ დაიცვან კანონი, ყველა ფუნდამენტური, მათ შორის საკუთრების, უფლება“, - აცხადებენ კომპანიაში. ცნობისთვის, შინაგან საქმეთა სამინისტრო წყალტუბოს მუნიციპალიტეტის სოფელ გუმათთან, უსაფრთხოების მიზნით განთავსებული რკინის ჯებირების დემონტაჟს იწყებს.  წყარო: https://www.interpressnews.ge/ka/article/661428-enka-mivesalmebit-procesis-deeskalaciisken-gadadgmul-nebismier-nabijs-mnishvnelovania-rom-rionis-xeobashi-ar-iqos-dazabulobis-kerebi ... ...
  • „ვუყურე შეჯახებას და უცებ დავრეკე სამაშველოში“ _ კიდევ ერთი ავარია ბაილეთშიდღეს, ოზურგეთის მუნიციპალიტეტის სოფელ ბაილეთში, კიდევ ერთი ავტოავარია მოხდა. ორი ტვირთმზიდი  ერთმანეთს შეეჯახა. _ ადგილზე შემთხვევით მოვხვდი. ჩემს სახლთან ახლოს მოხდა. აღმართზე მიმავალ ხრეშით დატვირთულ სატვირთოს,  მეორე სატვირთომ  კაბინა წაჰკრა. ტვირთიანი უცებ გადაყირავდა გვერდზე. როგორც  მანქანა გადავარდა გვერდზე, მაშინვე სამაშველოში და სასწრაფოში დავრეკე. ადგილზე მოსულმა სამაშველო სამსახურის წარმომადგენლებმა მანქანის ძარა  და კაბინა გაჭრეს და ისე ამოიყვანეს მძღოლი. როგორც თქვეს, ფეხები ჰქონდა დაზიანებული და „მედალფაში“ წაიყვანეს მაშინვე, _ გვითხრა ოზურგეთის მუნიციპალიტეტის მერის წარმომადგენელმა ბაილეთში,  ზურაბ დარჩიამ. ჩვენი ინფორმაციით, მძღოლი ახლა საავადმყოფოშია და სიცოცხლისთვის საშიში დაზიანება არ ... ...
  • დეპუტატი გრიგოლ ვაშაძე პარლამენტში მივიდაფრაქცია "შარლ მიშელის რეფორმების" ჯგუფის წევრი და დამოუკიდებელი დეპუტატი, გრიგოლ ვაშაძე პარლამენტში მივიდა. როგორც მან ჟურნალისტებს სხდომაზე შესვლამდე განუცხადა, საკანონმდებლო საქმიანობაში აქტიურად ჩაერთვება. რაც შეეხება შარლ მიშელის დოკუმენტს, ვაშაძემ თქვა, რომ დეკემბერში დოკუმენტის უკეთესი ვარიანტის გამოტანა შეიძლებოდა. მისივე თქმით, "ქართული ოცნების" ამნისტიის ვერსია მავნებლობაა. „სიმართლე გითხრათ, სია რომ არ ჩაეხსნათ ჩვენი ბლოკის, პარლამენტში შემოსვლას არც ვაპირებდი, მაგრამ რადგან შემოვედი, ამომრჩევლის ამ ნდობას გამართლება უნდა. ვითანამშრომლებ ყველასთან, უპირველეს ყოვლისა ფრაქციის წევრებთან. ეს არის ტექნიკური ფრაქცია, ფრაქციაში ადამიანებს ერთმანეთთან აკავშირებთ მხოლოდ ერთი მიზანი - 19 აპრილის შეთანხმების სრულფასოვანი რეალიზაცია და საქართველოს პოლიტიკაში ახალი ატმოსფეროს დამკვიდრება", _ განაცხადა ვაშაძემ. ცნობისთვის, გრიგოლ ვაშაძე ახლა საგარეო ურთიერთობათა კომიტეტის სხდომას ესწრება. შეგახსენებთ, რომ  გრიგოლ ვაშაძე ფრაქცია "შარლ მიშელის რეფორმების ჯგუფის" წევრია.   ... ...
  • ლუკ კოფი: დაუჯერებელია, რომ საქართველო ერთხელაც არ იყო ნახსენები პუტინის და ბაიდენის პრესკონფერენციაზე,,დაუჯერებელია, რომ საქართველო ერთხელაც ნახსენები არ იყო არც პუტინის და არც ბაიდენის პრესკონფერენციაზე", _ ასე გამოეხმაურა ბაიდენის და პუტინის შეხვედრას  საქართველოს საკითხზე,  The Heritage Foundation-ის საგარეო პოლიტიკის ცენტრის დირექტორი, ლუკ კოფი  Twitter-ზე. მან,  ასევე, აღნიშნა, რომ დასავლეთში საქართველოს მეგობრებმა მეტი უნდა იმუშაონ, რომ საქართველოს ოკუპაციის საკითხი საერთაშორისო დღის წესრიგში დაბრუნდეს. "დასავლეთში საქართველოს მეგობრებმა მეტი უნდა იმუშაონ, რომ რუსეთის მხრიდან აფხაზეთისა და ცხინვალის ოკუპაცია საერთაშორისო დღის წესრიგში დაბრუნდეს. საქართველოს 20% ოკუპირებულია. თითქმის დაუჯერებელია, რომ საქართველო ერთხელაც ნახსენები არ იყო არც პუტინის და არც ბაიდენის პრესკონფერენციაზე", _  წერს ლუკ ... ...

არქივი

ტესტები

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

კარმიდამო ჩემი

ტრადიციად ქცეული მავნე ჩვევა

სასოფლო-სამეურნეო სავარგულების გადაწვა სახიფათო და...

"ქართული თექა ჩემი გატაცებაა!"

ქართულ თექაზე მუშაობას, უმეტესად, ჩვენი...

გავაშენოთ საადრეო ჯიშის მანდარინი

დასავლეთ საქართველოს სუბტროპიკული ზონის კლიმატი,...

თხილის წამლობა აპრილის შუა რიცხვებიდან

აპრილის დასაწყისიდან, როცა თანდათან მატულობს...

როგორ გამოვკვებოთ და გამოვზარდოთ ქათმის წიწილები

საქართველოში ქათმის და, ზოგადად, შინაური...

დავთესოთ ბოსტნეული და გამოვიყვანოთ ჩითილები

წლევანდელი გაზაფხული,  გურიაში, განსაკუთრებით, საკმაოდ...

საგაზაფხულო ფხალეული კვერცხით და ნედლი სანელებლებით

საქართველოს სამზარეულო კულტურა ფხალეულის ორასამდე...

"კალისტო 1920 "_ გურიაში "გემოვანის" პური გამოჩნდა

პური ერთ-ერთი უძველესი საკვებია და...

ერთი ნაჩუქარი ბაჭიით დაწყებული საქმე: "ბოცვრის მოშენება ყველა ოჯახმა უნდა შეძლოს"

ჩოხატაურის მუნიციპალიტეტის სოფელ შუაამაღლებაში მცხოვრები,...

ზღმარტლი _ მცენარე, რომელიც იმსახურებს ყურადღებას

მუშმულას და უნაბის შემდეგ, ჩვენს...