ბათუმში განვითარებულ მოვლენებს არასამთავრობო ორგანიზაციები ეხმაურებიან

საზოგადოება

ბათუმში განვითარებულ მოვლენებს არასამთავრობო ორგანიზაციები ეხმაურებიან

13 მარ. 2017, 11:10:51

ბათუმში განვითარებულ მოვლენებს არასამთავრობო ორგანიზაციები: საქართველოს ახალგაზრდა იურისტთა ასოციაცია, საერთაშორისო გამჭვირვალობა - საქართველო, სამართლიანი არჩევნების და დემოკრატიის საერთაშორისო საზოგადოება, ადამიანის უფლებათა ცენტრი და სამოქალაქო განვიტარების სააგენტო - სიდა განცხადებით ეხმაურებიან.

ისინი გმობენ ქალაქ ბათუმში მომხდარი ძალადობისა და ვანდალიზმის გამოვლინებებს და ხელისუფლებას მომხდარის სწრაფი, სრულყოფილი და მიუკერძოებელი გამოძიებისაკენ მოუწოდებენ:

"ხელმომწერი ორგანიზაციები ვგმობთ 2017 წლის 11-12 მარტის ღამეს ქალაქ ბათუმში მომხდარი ძალადობისა და ვანდალიზმის გამოვლინებებს, რა საფუძვლითაც არ უნდა ყოფილიყო აღნიშნული ჩადენილი, და ხელისუფლებას მომხდარის სწრაფი, სრულყოფილი და მიუკერძოებელი გამოძიებისაკენ მოვუწოდებთ. 

11 მარტს, პროტესტის ნიშნად ბათუმში მოქალაქეების ნაწილმა ერთ-ერთი ცენტრალური ქუჩა გადაკეტა. პროტესტის მიზეზი საპატრულო პოლიციის თანამშრომლის მიერ, მოქალაქის დაჯარიმება გახდა. პროტესტის მონაწილეები აღნიშნავდნენ, რომ საპატრულო პოლიცია ჯარიმებს უსაფუძვლოდ უწერს, რაც მათ მძიმე ეკონომიკურ ტვირთად აწვებათ. მოქალაქეები პოლიციის სამმართველოს უფროსს შეურაცხმყოფელი განცხადების გაკეთებაშიც ადანაშაულებდნენ, თუმცა, ამ დრომდე შეუძლებელია ამ უკანასკნელი ბრალდების სარწმუნოდ დადასტურება. პოლიციის შენობასთან შეკრებილ მოქალაქეებს შეუერთდნენ რამდენიმე ოპოზიციური პარტიის წარმომადგენლები, რომელთაც მხარდაჭერა გამოუცხადეს შეკრებილებს.

აქციის მიმდინარეობის დროს, პოლიციამ გზის გახსნა სცადა და რამდენიმე პირიც დააკავა, რაც პოლიციასა და აქციის მონაწილეებს შორის დაპირისპირების მიზეზი გახდა. შემდგომ აქციის მონაწილეების ნაწილმა აჭარის პოლიციის სამმართველოში შეჭრა სცადა. ღამის საათებში, აქციამ ძალადობრივი ხასიათი მიიღო - აქციის მონაწილეები არ ემორჩილებოდნენ სამართალდამცავების მოთხოვნებს და გადავიდნენ ვანდალური ქმედებების განხორციელებაზე. აქციის მონაწილეებმა დააზიანეს და დაწვეს ავტომობილები, იწვოდა ხეები და ნაგებობებიც. დაპირისპირების დროს დაშავდნენ აქციის მონაწილეები და პოლიციელები.

მდგომარეობის დაძაბვის მომენტიდან საპატრულო პოლიციასთან არაერთი სამართალდამცველი იდგა. მიუხედავად ამისა, პოლიცია მიმდინარე არეულობის აღსაკვეთად აქტიურ ქმედებებს არ მიმართავდა და ძირითადად თავდაცვით რეჟიმში იმყოფებოდა.

აქციის მონაწილემ, "ერთიანი ნაციონალური მოძრაობის” მხარდამჭერმა და „თავისუფალი ზონის” წევრმა ირაკლი ჩხვირკვიამ, აგრესიულად განწყობილ ახალგაზრდებთან ერთად, მათივე სახელით, ხელისუფლებას ულტიმატუმი წაუყენა. ჩხვირკვია ითხოვდა აჭარის საპატრულო პოლიციის უფროსის გადადგომას საათ-ნახევრის განმავლობაში, შინაგან საქმეთა მინისტრთან შეხვედრას და ახალგაზრდებისთვის ხელშეუხებლობის გარანტიას.

სპეცრაზმის გამოჩენისთანავე შეკრებილთა უმეტესობა მიმდებარე ტერიტორიიდან გაიქცა, რეალურად პოლიციელებსა და შეკრებილებს შორის ფიზიკურ დაპირისპირება აღარ მომხდარა. პოლიციის ქმედებები აქციაზე დამკვირვებელი პირებისთვის არ ტოვებდა არაპროპორციული ქმედებების შთაბეჭდილებას. პოლიციამ დემონსტრაციის რამდენიმე მონაწილე დააკავა და პოლიციის სხვადასხვა განყოფილებაში გადაიყვანა.

გავრცელებული ინფორმაციით, გუშინდელი მოვლენების შედეგად წინასწარი დაკავების იზოლატორში გადაყვანილი პირები სახალხო დამცველის აპარატის აჭარა-გურიის სამმართველოს იურისტმა მოინახულა და არც ერთმა მათგანმა არ დაადასტურა პოლიციელთა მიმართ გავრცელებული ბრალდება, რომ ფიზიკურად გაუსწორდნენ და მათ მიმართ შეურაცხმყოფელ, დისკრიმინაციულ გამონათქვამებს იყენებდნენ რელიგიური ან ეთნიკური ნიშნით.

 ნიშანდობლივია ისიც, რომ ბათუმში, აჭარის საპატრულო პოლიციის უფროსის კახა ბუხრაძის გადადგომის მოთხოვნით, აქცია არასამთავრობო ორგანიზაციის ,,კორუფციასთან ბრძოლის ცენტრის” ხელმძღვანელმა, მერაბ ღოღობერიძემ, 4 თანამოაზრესთან ერთად 9 მარტს გამართა. აქციაზე მერაბ ღოღობერიძე ამბობდა, რომ კახა ბუხრაძემ სამმართველოში ადგილობრივი კადრები მასთან დაკავშირებული პირებით ჩაანაცვლა. მცირერიცხოვან აქციაზე მისულებს ხელში ეკავათ ტრანსფარანტები ტექსტით - „აჭარელი თათარი არ არის”, აპელირებდნენ რა, რომ საპატრულო პოლიციის ახალი ხელმძღვანელი ადგილობრივ მოსახლეობას ეთნიკური და რელიგიური ნიშნით დისკრიმინაციულად ექცეოდა და ასეთივე ქმედებისკენ მოუწოდებდა ბათუმში სამსახურებრივი მივლინებით მყოფ სხვა სამართალდამცველებსაც. აქციაზე მისული ერთ-ერთი მძღოლი ამბობდა, რომ საპატრულო პოლიციის თანამშრომლებმა ორჯერ უსამართლოდ, ყოველგვარი დასაბუთების გარეშე დააჯარიმეს. გასული პერიოდის განმავლობაში ღოღობერიძე ცნობილი იყო თავისი აგრესიული აქციებით საქართველოს საკონსტიტუციო სასამართლოს მოსამართლეებისა და ოპოზიციური პარტიის წარმომადგენლების წინააღმდეგ.

 საქართველოს კონსტიტუციით გარანტირებულია მშვიდობიანი შეკრების უფლება. თუმცა, როდესაც შეკრების მონაწილეების ქცევა კარგავს მშვიდობიან ხასიათს, ისინი გადიან შეკრების თავისუფლებით დაცული სფეროდან და ამ პირობებში პოლიციას ეკისრება საზოგადოებრივი წესრიგის დაცვისა და ძალადობრივი ქმედების პროპორციული ზომებით აღკვეთის ვალდებულება. როგორც გუშინ გამართულ აქციებთან დაკავშირებული ფაქტობრივი გარემოებები აჩვენებს, აქციის მონაწილეების ნაწილი რაღაც ეტაპზე შეკრების თავისუფლებით დაცული სფეროდან გავიდა და მათმა ქცევამ უკანონო და ძალადობრივი ბუნება შეიძინა. მეტიც, დღის ბოლოს შეკრების ადგილზე გამოჩენილი ორგანიზებული ჯგუფები დემონსტრაციულად ჩადიოდნენ ვანდალურ აქტებს და სიტუაციის განზრახ ესკალაციას უწყობდნენ ხელს. ამასთან შეკრების ადგილზე მყოფი პირების მხრიდან საჯაროდ გაჟღერდა ეროვნული, რელიგიური და კუთხურ ნიადაგზე შეუწყნარებლობის სულისკვეთების მქონე განცხადებები. მომხდარზე სიმართლის დადგენის, სამოქალაქო მშვიდობის უზრუნველყოფისა და პროცესის სათანადო პოლიტიკური და სოციალური გააზრებისთვის, არსებითია, სახელმწიფომ გამოიკვლიოს ძალადობრივი ორგანიზებული ჯგუფების განზრახვები, მათ შორის, მათი პოლიტიკური მიკუთვნებულობის საკითხი.

 კონკრეტული ჯგუფების ძალადობრივი ქცევის მიღმა, მნიშვნელოვანია, სახელმწიფომ სათანადოდ შეისწავლოს ბათუმში მოსახლეობის მიერ გამოხატული უკმაყოფილების რეალური მიზეზები და მათზე სისტემური რეაგირება მოახდინოს.

ამავდროულად ხაზი უნდა გაესვას იმ გარემოებას, რომ შინაგან საქმეთა სამინისტროს არ გააჩნდა შეკრების დროს უსაფრთხოების უზრუნველყოფის ეფექტიანი სტრატეგია და კონკრეტული ჯგუფების ვანდალურმა ქცევამ სრულიად უკონტროლო და მასშტაბური ხასიათი მიიღო. თუმცა, პოზიტიურად უნდა აღინიშნოს ის გარემოება, რომ ამ დროისთვის ჩვენს ხელთ არსებული ინფორმაციით, არ დასტურდება პოლიციის თანამშრომლების მხრიდან დაკავებული პირების მიმართ არაპროპორციული ძალის გამოყენების ფაქტები.

ყოველივე ზემოაღნიშნულიდან გამომდინარე, ფაქტობრივი გარემოებების სწრაფი, ეფექტური და სრულყოფილი შესწავლის, შესაძლო კანონდარღვევებზე შესაბამისი რეაგირებისა და მომავალში მსგავსი ფაქტების პრევენციის მიზნით, მოვუწოდებთ:

საქართველოს ხელისუფლებას:

- სწრაფად და მიუკერძოებლად იქნეს შესწავლილი გუშინ შექმნილ მდგომარეობაზე სახელმწიფოს რეაგირების დროულობა და კანონიერება, შედეგების საფუძველზე გადაიდგას ზომები გამოვლენილი ხარვეზებისა და გამოწვევების აღმოსაფხვრელად;

- სრულყოფილად იქნეს გამოკვლეული, რა გახდა საზოგადოებრივი პროტესტის საფუძველი. მიუხედავად იმისა, რა ფორმები მიიღო დემონსტრანტების მიერ პროტესტის დაფიქსირებამ, აუცილებელია, ხელისუფლებამ შეისწავლოს მართლაც ჰქონდა თუ არა ადგილი არასამართლიანი საჯარიმო პოლიტიკის გატარებას ან შეურაცხმყოფელი განცხადებების გაკეთებას პოლიციის მხრიდან და აღნიშნულის დადასტურების შემთხვევაში, განახორციელოს ადეკვატური სამართლებრივი რეაგირება;

- ასევე, მიუკერძოებლად უნდა იქნეს შესწავლილი განვითარებული მოვლენების შესაძლო მართული ხასიათი.

სამართალდამცავ ორგანოებს:

 - განახორციელონ მომხდარის დროული და ყოველმხრივი გამოძიება, კანონით გათვალისწინებული ზომების გატარება და შესაბამისი პირების მიმართ პასუხისმგებლობის ზომების გამოყენება;

- აქვე უმნიშვნელოვანესია, დაცულ იქნეს დაკავებული პირების კანონით გარანტირებული უფლებები, ხოლო მათ მიერ ჩადენილი ქმედებების შესახებ გადაწყვეტილება საბოლოოდ მიღებულ იქნეს სამართლიანი სასამართლოს უფლების უზრუნველყოფით.

პოლიტიკურ პარტიებს

- განსაკუთრებული პასუხისმგებლობით მოეკიდონ საკუთარ ქმედებებს, თავი შეიკავონ დაპირისპირებებისა და ძალადობის პირდაპირი თუ არაპირდაპირი წახალისებისაგან. მივიჩნევთ, რომ ნებისმიერმა განცხადებამ, რომელიც თუნდაც არაპირდაპირ მიანიშნებს ძალადობის გამართლებაზე, შესაძლოა გაზარდოს ძალადობრივი დაპირისპირების რისკი;

- თავი შეიკავონ ქსენოფობიური, ეთნიკურ და რელიგიურ შეუწყნარებლობასა და შუღლზე დაფუძნებული საჯარო განცხადებებისგან.

საქართველოს მოქალაქეებს

- აღსანიშნავია, რომ მოქალაქეებს აკისრიათ ვალდებულება, დაემორჩილონ და პატივი სცენ კანონს, ხოლო თუ მისი აღსრულების შედეგები უსამართლოდ მიაჩნიათ, გამოსავალი უპირველეს ყოვლისა ეძიონ სამართლებრივი მექანიზმების გამოყენებით და არ გაიყვანონ პროცესები სამართლებრივი ჩარჩოს მიღმა. აღნიშნული აზიანებს როგორც კონკრეტული მოქალაქეების, ასევე სახელმწიფოს და საზოგადოების ინტერესებს", _ აღნიშნულია განცხადებაში.





 ახალი ამბები
  • ლანჩხუთში ლენინის ბიუსტი მოიპარესლანჩხუთის მუნიციპალიტეტის ვალდოია წულაძის სახლ-მუზეუმში მოპარულია რეკვიზიტად გამოყენებული ლენინის სპილენძის დიდი ბიუსტი. ბიუსტი კვარცხლბეკის გარეშე იდგა ვალოდია წულაძის მუზეუმის უკანა ეზოში. როგორც ლანჩხუთის მუნიციპალიტეტის მერიაში “გურია ნიუსს“ განუცხადეს საქმე გადაცემულია შინაგან საქმეთა ... ...
  • არასამთავრობო ორგანიზაციები შშმ პირთა შესახებ კანონის აღსრულების შეფერხებას ეხმაურებიანარასამთავრობო ორგანიზაციები და შშმ აქტივისტები „შეზღუდული შესაძლებლობის მქონე პირთა უფლებების შესახებ“ საქართველოს კანონის აღსრულების შეფერხების პროცესს ეხმაურებიან და მთავრობას კანონით ნაკისრი ვადაგადაცილებული ვალდებულებების შესრულებისკენ მოუწოდებენ, _ ერთობლივ განცხადებას ორგანიზაცია „პარტნიორობა ადამიანის უფლებებისთვის“ ავრცელებს. შშმ პირთა უფლებების შესახებ კანონი , რომელიც პარლამენტმა გასული წლის ივლისში მიიღო, ამოქმედების პირველ ეტაპზე, 2020-2021 წლებში აღმასრულებელი ხელისუფლების უმთავრეს ვალდებულებად   პოლიტიკის დაგეგმვის და განხორციელებისთვის მნიშვნელოვანი ინსტრუმენტების შემუშავებას ითვალისწინებდა, თუმცა ეს დროულად ვერ მოხერხდა. „საგანგაშოდ მიგვაჩნია, რომ იმ ვალდებულებების მნიშვნელოვანი ნაწილი, რომელთა განხორციელების ბოლო ვადად მიმდინარე წლის პირველი იანვარი იყო განსაზღვრული, საერთოდ არ შესრულებულა. ამ პერიოდში მხოლოდ ორი აქტივობის განხორციელება გახდა შესაძლებელი - იუსტიციის მინისტრის ბრძანებით, შშმ პირთა უფლებების დამცველი ორგანიზაციებისთვის დამტკიცდა სპეციალური მოსარჩელის სტატუსის  მიღების  პროცედურები, ხოლო განათლებისა და მეცნიერების სამინისტრომ  ნახევარი წლის დაგვიანებით შეიმუშავა და დაამტკიცა სურდო თარჯიმნების სერტიფიცირების პროგრამა. აღნიშნული ინსტრუმენტების არსებობა უდავოდ მნიშვნელოვანია შშმ პირთა თემისთვის, თუმცა ისინი ვერ ანაცვლებს კანონით გათვალისწინებულ სხვა ძირეულ ვალდებულებებს“ - ნათქვამია არასამთავრობო ორგანიზაციების საერთო განცხადებაში. ისინი მთავრობას მოუწოდებენ შეიმუშაოს და დაამტკიცოს 2021-2035 წლების ერთიანი სტრატეგია და სამოქმედო გეგმა, რომელმაც უნდა განსაზღვროს მომდევნო წლების განმავლობაში შშმ პირთა მიმართ სახელმწიფოს მოკლევადიანი და გრძელვადიანი  პრიორიტეტები, რომელიც თავის მხრივ მომავალში გატარებული პოლიტიკის საფუძველი იქნება. გარდა ამისა, არასამთავრობო ორგანიზაციები მთავრობას შშმ პირთა უფლებების შესახებ გაეროს კონვენციის იმპლემენტაციისთვის პასუხისმგებელი უწყებათაშორისი საკოორდინაციო ორგანოს შექმნას სთხოვენ, რომლის ვალდებულება იქნება, განსაზღვროს  და დააკოორდინიროს ქვეყანაში კონვენციის აღსრულება და უზრუნველყოს შშმ თემისა და სახელმწიფო უწყებების ეფექტიანი მონაწილეობა ამ პროცესში: „საქართველოს მთავრობას: უმოკლეს ვადებში უზრუნველყოს შშმ პირთა ეროვნული სტრატეგიისა და სამოქმედო გეგმის შემუშავება და ამ პროცესში შშმ თემის წევრების აქტიური ჩარ-თულობა; უმოკლეს ვადებში შექმნას კონვენციის იმპლემენტაციისა და კოორდინაციის მექანიზმი, რომელიც იქნება კონვენციის სტანდარტების სრულ შესაბამისობაში და, მათ შორის, გაითვალისწინებს შშმ თემის ეფექტიან მონაწილეობას გადაწყვეტილების მიღების პროცესში; შშმ თემის ჩართულობით უზრუნველყოფილი იყოს ყველა უწყების მიერ წლიური სამოქმედო გეგმების მიღება, რომელიც შინაარსობრივად დაეფუძნება შშმ პირთა რეალურ საჭიროებებსა და გამოწვევებს; შემუშავდეს შშმ თემისა და ორგანიზაციების ჩართულობის სტანდარტი, რომლითაც იხელმძღვანელებს ცენტრალური და მუნიციპალური ხელისუფლება ნებისმიერი ტიპის საქმიანობის განხორციელების დროს; განხორციელდეს ცენტრალური და ადგილობრივი ხელისუფლების ორგანოების აქტიური და სიღრმისეული ინფორმირება კონვენციითა და შშმ პირთა უფლებების შესახებ კანონით გათვალისწინებული ვალდებულებების შესახებ. საქართველოს პარლამენტს: შშმ პირთა უფლებების შესახებ კანონის აღსრულებაზე განახორციელოს აქტიური და ეფექტიანი საპარლამენტო ზედამხედველობა და ამ პროცესში უზრუნველყოს შშმ თემის აქტიური ჩართულობა და მათი პოზიციების პრიორიტეტიზაცია“, _ ნათქვამია განცხადებაში, რომელსაც ხელს აწერენ: სოციალური სამართლიანობის ცენტრი (ყოფილი EMC); პარტნიორობა ადამიანის უფლებებისთვის (PHR); პლატფორმა ახალი შესაძლებლობებისთვის (PNO); ფსიქიატრიის სერვის მომხმარებელთა და გადარჩენილთა საქართველოს ქსელი (GNUSP); გლობალური ინიციატივა ფსიქიატრიაში - თბილისი; ააიპ თანაბარი ჩართულობის შესაძლებლობის ცენტრი (EPC); ასოციაცია დეა; პლატფორმა სალამი; ააიპ საჩხერის შეზღუდული შესაძლებლობის მქონე პირთა რეგისტრირებული კავშირი; მარიკო კობახიძე; ესმა გუმბერიძე; გიორგი ... ...
  • საქსტატის მონაცემებით, საშუალო თვიური ხელფასი 1256 ლარამდე გაიზარდა2021 წლის I კვარტალში საქართველოში საშუალო თვიური ნომინალური ხელფასი გასული წლის შესაბამის პერიოდთან შედარებით 4.4 პროცენტით (53.5 ლარით) გაიზარდა და 1 256.2 ლარი შეადგინა. საქმიანობების სახეების მიხედვით შედარებით მაღალი ხელფასი დაფიქსირდა შემდეგ დარგებში: საფინანსო და სადაზღვევო საქმიანობები – 2 448.5 ლარი (წინა წლის შესაბამის პერიოდთან შედარებით შემცირდა 5.7 პროცენტით); ინფორმაცია და კომუნიკაცია – 2 159.8 (გაიზარდა 14.4 პროცენტით); პროფესიული, სამეცნიერო და ტექნიკური საქმიანობები – 1 798.9 ლარი (გაიზარდა 0.2 პროცენტით); მშენებლობა – 1 664.5 ლარი (შემცირდა 2.3 პროცენტით); 2021 წლის I კვარტალში ქალების საშუალო ხელფასი 1 022.9 ლარით, ხოლო კაცების - 1 473.4 ლარით განისაზღვრა. ხელფასების წლიურმა ზრდამ ქალებში 62.5 ლარი შეადგინა, ხოლო კაცებში - 49.5 ლარი. საქმიანობის სახეების მიხედვით კაცების ხელფასი თითქმის ყველა სექტორში აღემატებოდა ქალების ... ...
  • თანხები რეგფონდიდან, წინსწრებით დაგებული გზები და უკმაყოფილო სოფლის დეპუტატებიმერიის წინადადების საფუძველზე ლანჩხუთის საკრებულოში დეპუტატებს რიგგარეშედ მოუწიათ შეკრება და სხდომის გამართვა. სხდომას საკრებულოს თავმჯდომარე ბესიკ ტაბიძე უძღვებოდა. სხდომის დღის წესრიგი კი  ორი საკითხისგან შედგებოდა. პირველი საკითხი  2021 წლის ბიუჯეტის დამტკიცების შესახებ  ლანჩხუთის  საკრებულოს 2020 წლის 25 დეკემბრის დადგენილებაში ცვლილების შეტანას ეხებოდა და ის დეპუტატებს მერის მოადგილემ ბიძინა იმნაიშვილმა გააცნო. მეორე საკითხის შესაბამისად კი საკრებულოს წევრებმა განკარგულება დაამტკიცეს და  „ევროპის მუნიციპალიტეტთა და რეგიონთა საბჭოს მიერ მიღებულ -„ევროპული ქარტია ადგილობრივ ცხოვრებაში ქალთა და მამაკაცთა თანასწორობის შესახებ“ შეთანხმების ხელმოწერაზე ლანჩხუთის მუნიციპალიტეტის მერიას თანხმობის მიცეს. როგორც პირველი საკითხის მომხსენებელმა ბიძინა იმნაიშვილმა აღნიშნა, რეგიონებში განსახორციელებელი ფონდიდან ლანჩხუთის მუნიციპალიტეტს 2719106 ლარი გამოეყო, საიდანაც 48315 ლარი ნიგვზიანის ადმინისტრაციულ ერთეულში შიდა სასოფლო გზების რეაბილიტაციას უნდა მოხმარდეს. დარჩენილი თანხა, მერიის მხრიდან გაჟღერებული განმარტებების მიხედვით, მუნიციპალიტეტის რიგ ადმინისტრაციულ ერთეულებზე გადანაწილდება და ისიც შიდა გზების რეაბილიტაციისთვის გაიხარჯება. სწორედ ბიუჯეტში  შესაბამისი ცვლილების ასახვის მიზნით დაიწყო საკითხთან დაკავშირებით ადმინისტრაციული წარმოება. თუმცა, მანამ  საკითხს დასტურს მისცემდნენ, დეპუტატებმა საკუთარი მოსაზრებებიც დააფიქსირეს. უმრავლესობის წევრმა და „ოცნების“ ფრაქციის თავმჯდომარის მოადგილემ,  ციცი ჩხაიძემ აქცენტი სანახევროდ რეაბილიტირებულ, განსაკუთრებით კი ქალაქის ტერიტორიაზე,  გააკეთა და ინფრასტრუქტურის სამსახურისგან ამასთან დაკავშირებთ განმარტებებიც მოითხოვა. „მაინტერესებს ერთი რამ ამ გზებთან დაკავშირებით, ქალაქში გადმოსასვლელი რომ არის, იქ სულ მოუწესრიგებელია, ჩიბათში მივდივარ-გზა სოფელში შეწყვეტილია, გვიმბალაურში თუ აგარაკში ავდივარ, გზა ბოლომდე მიყვანილი არაა, თამარ მეფის ქუჩაზე გავდივარ-საშინელი მდგომარეობაა. ერთხელ და სამუდამოდ რა აფერხებს ამის დასრულებას, რა ხდება ან რატომ?! თანხა არყოფნის?! გათვალისწინებული არაა პროექტში თუ რატომ ვაწყდებით ასეთ პრობლემებს?!“- აღნიშნა „ოცნების“ ფრაქციის თავმჯდომარის მოადგილემ.  კითხვები სხვა დეპუტატებსაც გაუჩინა წარმოდგენილმა საკითხმა. მათი არგუმენტით, ზემონახსენები დაფინანსება რამდენიმე  ადმინისტრაციულ ერთეულს არ მოიცავს და მათთვის გაუგებარი რჩება თუ რატომ. „ლესა სად არის? გვიმბალაური სადაა? სხვა რამდენიმე  ადმინისტრაციული ერთეული სადაა? თუ იქ არ არის შიდა გზების პრობლემები?!“-  იკითხა დეპუტატმა ამირან გიგინეიშვილმა.  პასუხად კი საკითხის მომხსენებლისგან მიიღო, რომ ზემონახსენები თანხა იქ გამოიყო, სადაც უკვე მზა პროექტები არსებობდა. ლესის მაჟორიტარის, ელისო ჭიჭინაძისთვის პრიორიტეტების შერჩევამ შექმნა ბუნდოვანება. „საინტერესოა როგორ შეირჩა პრიორიტეტები. სულ გზას ვიძახით და ვინ უნდა გაამზადოს ეს პროექტები?! ჩვენ თავად თუ რა ხდება?! ვერ გავიგე! ხომ ამბობენ, რომ ეს წინასწარ გამზადებული პროექტებიაო, გვაჩვენონ ინფრასტრუქტურის სამსახურში ვის რამდენი განცხადება აქვს შენატანი გზების თაობაზე. თუ არ ვცდები სულ 16 ადმინისტრაციული ერთეულია და აქ 11-ია ასახული, ანუ 11 უკიდურესად მძიმე მდგომარეობაში მყოფი და ის დანარჩენი ხუთი უკეთეს მდგომარეობაშია?! “ საფინანსო კომისიის ხელმძღვანელმა ალექსანდრე მახათაძემ კი მერიის ინფრასტრუქტურული სამსახურიდან სრული ჩამონათვალი მოითხოვა თუ რომელ ადმინისტრაციულ ერთეულში რეგფონდიდან  რა თანხა გაიხარჯა2017 მოყოლებული დღემდე.  „მომავალი საკრებულოს  სხდომისთვის, როცა ეს წარმოდგენილი ბიუჯეტში ცვლილება უნდა დავამტკიცოთ, მერიის ინფრასტრუქტურის სამსახურმა წარმოგვიდგინოს 2017 წლიდან დღემდე ადმინისტრაციული ერთეულების მიხედვით რეგიონალური განვითარების ფონდიდან რა თანხებია გახარჯული. გზა იქნება, პარკი იქნება თუ რაც იქნება“, _ საკუთარი მოთხოვნა დააყენა საფინანსო კომისიის თავმჯდომარემ.    დეპუტატთა მხრიდან გაჟღერებული პრეტენზიების საპასუხოდ განმარტებების გაკეთება  მერიის ინფრასტრუქტურის სამსახურის პირველ პირს ლევან ჩხაიძეს მოუწია. მისი თქმით, ლესაში გზა წინსწრებით დაიგო და ამიტომაც ვერ მოხვდა ის ახლანდელ ჩამონათვალში: ლესაში წელს გასაკეთებელი გზა  შარშან,  წინსწრებით დაიგო. 2020 წელს ლესაში 250 ათასი ლარი დაიხარჯა. იგივე მოხდა გვიმბალაურში. აქედან გამომდინარე, თანხები იმდენი არაა, რომ ყველა ადმინისტრაციულ ერთეულს  ეყოს, ამიტომ გავათანაბრეთ. ღრმაღელეში რეგფონდიდან უკვე მიმდინარეობს გზის დაგება. მაჩხვარეთში კი მომზადებულია საპროექტო დოკუმენტაცია და გამოცხადდება ტენდერი“, -განმარტა ჩხაიძემ.  რაც შეეხება სანახევროდ გაკეთებულ ქუჩებს, ლევან ჩხაიძის თქმით, ინფრასტრუქტურული პროექტების განხორციელებისას პრიორიტეტი ისეთ ქუჩებს ენიჭება, სადაც ინტენსიური მოძრაობაა.  ინფრასტრუქტურის სამსახურის უფროსის მიერ გაკეთებულმა განმარტებებმა ლესის მაჟორიტარის უკმაყოფილება კიდევ უფრო გაზარდა. „სულ საუბარია, რომ ლესაში კეთდება სკოლა, გაკეთდა საბავშვო ბაღი, გაზი, მაგრამ მე ვკითხულობ ამ ფონდის თანხებიდან რა გაკეთდა ჩემს სოფელში?! რატომ მიდებთ საპირწონედ სკოლა და ასე შემდეგ. არ უნდა გაკეთებულიყო?!  რაც არ გაკეთდა ის რატომ არ გახსოვთ და არასწორად რომ შეირჩა პრიორიტეტები. საექიმო უბანი რომ არაა სოფელში და ადამიანები ოჯახში აკითხავენ ექიმს. არასწორად იყო შერჩეული პრიორიტეტები და ახლაც არასწორადაა.  მე ამ საკითხს მხარს დავუჭერ სხვა სოფლების განვითარებისთვის, მაგრამ  არასწორად გაქვთ პრიორიტეტები!“ დასძინა ელისო ჭიჭინაძემ. ცხარე დებატების შემდეგ ჯერი საკითხის  კენჭისყრაზეც მიდგა და ბიუჯეტში ცვლილების განხორციელების თაობაზე ადმინისტრაციული წარმოების დაწყებას სხდომაზე მყოფებმა ერთსულოვნად დაუჭირეს მხარი, მიუხედავად აზრთა ... ...
  • "ეს სურების წმინდა გიორგის სახელობის ხის იავარქმნილი ეკლესიაა" _ ვახუშტი მენაბდეკონსტიტუციონალისტი ვახუშტი მენაბდე სოციალურ ქსელში ჩოხატაურის მუნიციპალიტეტის სოფელ სურებში მდებარე წმინდა გიორგის სახელობის უძველესი ხის ეკლესიის ფოტოს აქვეყნებს. "ეს წმინდა გიორგის სახელობის ხის ეკლესიაა გურიის სოფელ სურებში. სამწუხაროდ, იავარქმნილი - დასანანია, რომ ასეთ კულტურულ მემკვიდრეობას სახელმწიფო სათანადო ყურადღებას არ აქცევს. ხის ეკლესიები აქა იქ თუ შემორჩა ჩვენში, არადა, ერთ დროს ძირითადად ასეთებს აშენებდნენ. ძალიან სპეციფიურია მისი არქიტექტურა და საინტერესო. სოფელი მდინარე სუფსის მისტიურ ხეობაშია მდებარეობს და ძველი დროიდანაა ცნობილი", _ წერს ვახუშტი ... ...

არქივი

ტესტები

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

კარმიდამო ჩემი

ტრადიციად ქცეული მავნე ჩვევა

სასოფლო-სამეურნეო სავარგულების გადაწვა სახიფათო და...

"ქართული თექა ჩემი გატაცებაა!"

ქართულ თექაზე მუშაობას, უმეტესად, ჩვენი...

გავაშენოთ საადრეო ჯიშის მანდარინი

დასავლეთ საქართველოს სუბტროპიკული ზონის კლიმატი,...

თხილის წამლობა აპრილის შუა რიცხვებიდან

აპრილის დასაწყისიდან, როცა თანდათან მატულობს...

როგორ გამოვკვებოთ და გამოვზარდოთ ქათმის წიწილები

საქართველოში ქათმის და, ზოგადად, შინაური...

დავთესოთ ბოსტნეული და გამოვიყვანოთ ჩითილები

წლევანდელი გაზაფხული,  გურიაში, განსაკუთრებით, საკმაოდ...

საგაზაფხულო ფხალეული კვერცხით და ნედლი სანელებლებით

საქართველოს სამზარეულო კულტურა ფხალეულის ორასამდე...

"კალისტო 1920 "_ გურიაში "გემოვანის" პური გამოჩნდა

პური ერთ-ერთი უძველესი საკვებია და...

ერთი ნაჩუქარი ბაჭიით დაწყებული საქმე: "ბოცვრის მოშენება ყველა ოჯახმა უნდა შეძლოს"

ჩოხატაურის მუნიციპალიტეტის სოფელ შუაამაღლებაში მცხოვრები,...

ზღმარტლი _ მცენარე, რომელიც იმსახურებს ყურადღებას

მუშმულას და უნაბის შემდეგ, ჩვენს...