"მთისა და ზღვის კურორტებზე საკუთრებაში უნებართვოდ შევარდნა აქსიომაა?"

საზოგადოება

"მთისა და ზღვის კურორტებზე საკუთრებაში უნებართვოდ შევარდნა აქსიომაა?"

8 ოქტ. 2019, 12:58:25

ოზურგეთის მუნიციპალიტეტის სოფელ ნატანებში მცხოვრებ მოქალაქეთა ჯგუფმა პეტიციით ოზურგეთის მუნიციპალიტეტის საკრებულოს მიმართა, რომლის შინაარსი ასეთია: "მესაკუთრეთა კუთვნილ მიწის ნაკვეთზე, რომელიც მდებარეობს ზღვასთან ახლოს, ნატანებთან, ტოპონიმიკით "კაპროვანად" წოდებულ ტერიტორიაზე, დაგეგმილია "ჩქაროსნული გზის" (გაზის მაგისტრალი) ერთ-ერთი მონაკვეთის გაყვანა. ამ მიზნით საგზაო დეპარტამენტმა აქ საკუთრებაში არსებული ნაკვეთების გარკვეული რაოდენობის გამოსყიდვა მოახდინა. 2019 წლის აგვისტოს დასაწყისში, მესაკუთრეთა ნაკვეთების საზღვარზე, გაზის კომპანიამ მაღალი წნევის მილები ყოველგვარი გაფრთხილების გარეშე განალაგა. მილსადენის მშენებლობა, პრაქტიკულად, ამცირებს ჩვენი კუთვნილი მიწის ნაკვეთის ფაქტობრივ ღირებულებას. ვინ უნდა აგოს პასუხი ჩვენთვის მოყენებულ ზარალზე? გთხოვთ, თქვენი კომპეტენციის ფარგლებში შეისწავლოთ ეს საკითხი და გვიპასუხოთ", _ ასეთია ნატანებელ მოქალაქეთა თხოვნა.

30 სექტემბერს, ოზურგეთის მუნიციპალიტეტის სივრცითი-ტერიტორიული დაგეგმარების და ინფრასტრუქტურის კომისიის სხდომაზე სწორედ ამ საკითხმა მიიპყრო კომისიის წევრთა ყურადღება. კომისიას ნატანებელი მოქალაქეებიც ესწრებოდნენ.

კომისიის თავმჯდომარემ, ლავრენტი ბიგვავამ განაცხადა, რომ მოქალაქეთა ჯგუფის მიერ შემოტანილ ასეთი სახის პეტიციას უყურადღებოდ ვერ დატოვებს საკრებულო:

_ ეს არის ინფრასტრუქტურული პროექტი, რომელსაც სახელმწიფო ახორციელებს და ეხება მოქალაქეთა საკუთარ ნაკვეთზე გაზის მაგისტრალის გავლას. ეს ადამიანები თანამშრომლობენ სამხარაულის ბიუროსთან. საკითხი სცილდება ჩვენი კომპეტენციის ფარგლებს. საკრებულოს ამჯერად გააჩნია კომპრომისული წინადადება, რომ არ დავწეროთ ეს დასკვნაში და დაველოდოთ სამხარაულის ბიუროს პასუხს. თუმცა, არსებობს და მოვიძიეთ ნებართვა, რომ იქ მილების გაყვანა კანონიერია და დარღვევები არ იკვეთება. თუმცა, არის სხვა საკითხები, რომელზეც ბატონ ვასო ჯიოშვილს და მის თანამოაზრეებს აქვთ პრეტენზიები კონკრეტულ პროექტთან დაკავშირებით. პროექტის განხილვას და ანალიზს ჩვენ ვერ შევძლებთ. გამოვითხოვეთ ის, რაც ჩვენს კომპეტენციაში თავსდება _ ნებართვა, რომელიც არსებობს, 23 იანვარსაა გაცემული და შესაბამისი ბრძანებაც 23 იანვარს არის დაწერილი. ეს ადამიანები ჩვენი ამომრჩევლები არიან და უნდა დავუდგეთ გვერდით, თუმცა, დაველოდოთ კვლევის შედეგებს. სამხარაულის ბიუროს აქედან ჩვენ ვერ მივმართავთ _ მას უნდა მიმართოს ზედამხედველობის სამსახურმა. მხოლოდ იქედან მიღებული დასკვნის შემდეგ მივიღებთ კონკრეტულ გადაწყვეტილებას. საკრებულო მერე დადებს თავის დასკვნას, არის თუ არა ეს ქმედება კანონიერი, _ თქვა ბიგვავამ.

მან, ასევე, აღნიშნა, რომ 2013 წლის კანონში, პირიქით, ის წერია, რომ მოქალაქე თუ განახორცილებს რაიმე აქტივობას კუთვნილ მიწაზე, მან თავად უნდა აიღოს ნებართვა, სახლის მშენებლობა იქნება, აუზის მშენებლობა თუ სხვა რამ.

სოფელ ნატანების მკვიდრმა ვასო ჯიოშვილმა თქვა, რომ გაზის მილების ჩაწყობა, პრაქტიკულად, სხვაგან იყო განსაზღვრული. ბრძანება გასცეს სხვაგან და დაალაგეს კიდევ უფრო სხვაგან:

_ ჩვენ მივმართეთ სამხარაულის ბიუროს და პასუხს ველოდებით, თუმცა, დახმარებას და თანადგომას ველით თქვენგანაც. 700 ამომრჩეველია სოფელში _ მარტო ჩვენი აზრი არაა ეს. თქვენი ამომრჩევლები ვართ და უნდა დაგვეხმაროთ, _ თქვა ჯიოშვილმა და ასევე, აღნიშნა, რომ დაინტერესდნენ, თუ წერია სადმე რომელი კატეგორიის ნებართვა აქვთ მიცემული და განმარტა, რომ აქ აუცილებლად უნდა იყოს გაცემული მეოთხე კატეგორიის ნებართვა.

_ თუ ეს ასეა, უნდა დადასტურდეს ბიუროს პასუხით. შემდეგ კი თქვენ უნდა მიმართოთ სასამართლოს, რომ იქ უკანონო მშენებლობა ხდება. საგზაო დეპარტამენტს მოწერილი აქვს, რომ ნორმატივების დაცვით ხდება ყველაფერი. აქ საეჭვო არის ის, რომ მილები არ არის დაყრილი იქ, სადაც უნდა იყოს დაყრილი. სხვა არგუმენტები ჩვენ არ გვაქვს. იყო ასეთი პასუხიც, რომ იმ მილს გადაიტანდნენ მუშაობის პროცესში იქ, სადაც საჭიროა, _ თქვა ლავრენტი ბიგვავამ.

_ ეს სიტყვიერად გითხრეს, თუმცა, დღეისთვის ისევ იქ არიან და მშენებარე კომპანია სამი მეტრის მანძილითაც არ არის დაშორებული ჩვენი საკუთრებიდან, როცა მათ არ აქვთ უფლება 70 მეტრ მანძილზე მოგვიახლოვდნენ, _ თქვა ჯიოშვილმა.

კომისიის სხდომაზე შეთანხმდნენ, რომ უნდა დაელოდონ სამხარაულის ექსპერტიზის ბიუროს დასკვნას.

"გურია ნიუსი" ვასილ ჯიოშვილს და მის თანამოაზრეებს ესაუბრა _ ისინი აკონკრეტებენ საკუთარი პრობლემის არსს, რაც საკუთრებაში არსებული ფართობის გვერდით გაზის მილების ჩაყრას ეხება:

_ საქმე იმაშია, რომ ჩვენ საკუთრებაში არსებული მიწის ფართობიდან 2 მ-ის მანძილის დაშორებით მყოფი მილები ზღუდავს ჩვენს უფლებებს, ჩვენს საკუთრებას, რადგან მილების უარყოფითი ზემოქმედების არეალი 70 მეტრ მანძილამდე ვრცელდება. რა ხდება ამ დროს? ჩვენი კუთვნილი მიწის ფართი, ერთი კვ.მმ თუ ღირს 40 ლარი, უმალ ეცემა ფასი და ხდება 50 თეთრი. ეს საქმეა? დღემდე ვერ მივაღწიეთ სერიოზულ საუბარს. არის ასეთი პრობლემაც _ ახლა ამ მილსადენის ხაზს სხვა ტერიტორიაზე ვერ გადაიტანენ. ჩვენ კი ვზარალდებით. ამიტომ მოვითხოვთ კონსტიტუციაში რაც წერია, იმის ასრულებას _ როცა მოქალაქეს აზარალებენ, მას უნდა გადაეცეს კომპენსაცია. იყო დაპირება, რომ სხვა ადგილზე გადაიტანდნენ, თუმცა, ეს უფრო ჩვენს გასაჩუმებლად თქვეს, თორემ აქ სირბილი არ დაგვჭირდებოდა. ყველა რომ ჩაერევა, იქნებ, მერე გახდნენ იძულებულები, ადამიანურად დაგველაპარაკონ, _ ამბობენ ჯიოშვილი და მისი თანამოაზრეები, რომლებიც თავს დაზარალებულად თვლიან.

აქვე შევნიშნავთ, რომ "გურია ნიუსი" ახლახან წერდა კურორტ ბახმაროში მომხდარი მსგავსი ფაქტის შესახებ, კერძოდ, მოქალაქეს საკუთარ მიწის ფართობზე დაუკითხავად დაუდგეს ელექტრომრიცხველი. ახლახან შევიტყვეთ, რომ "გურია ნიუსში" გასული სტატიის შემდეგ, მრიცხველი გადაიტანეს სხვა ადგილზე, ანუ კერძო საკუთრება, სადაც უნებართვოდ შევიდნენ, დატოვეს.

ისმის კითხვა _ რა ხდება დღევანდელ გურიაში? ზღვისპირა თუ მთის კურორტებზე არსებულ კერძო საკუთრებაში შესვლა კი არა, როგორც დაზარალებულები ამბობენ, "შევარდნა აქსიომად იქცა?"

"გურია ნიუსი" თვალს მიადევნებს "კაპროვანში" მდებარე კერძო საკუთრების მფლობელთა უფლებების დარღვევების ირგვლივ განვითარებულ მოვლენებს და თანმიმდევრულად ვაცნობებთ ჩვენს მკითხველებს.





 ახალი ამბები
  • ლანჩხუთში ლენინის ბიუსტი მოიპარესლანჩხუთის მუნიციპალიტეტის ვალდოია წულაძის სახლ-მუზეუმში მოპარულია რეკვიზიტად გამოყენებული ლენინის სპილენძის დიდი ბიუსტი. ბიუსტი კვარცხლბეკის გარეშე იდგა ვალოდია წულაძის მუზეუმის უკანა ეზოში. როგორც ლანჩხუთის მუნიციპალიტეტის მერიაში “გურია ნიუსს“ განუცხადეს საქმე გადაცემულია შინაგან საქმეთა ... ...
  • არასამთავრობო ორგანიზაციები შშმ პირთა შესახებ კანონის აღსრულების შეფერხებას ეხმაურებიანარასამთავრობო ორგანიზაციები და შშმ აქტივისტები „შეზღუდული შესაძლებლობის მქონე პირთა უფლებების შესახებ“ საქართველოს კანონის აღსრულების შეფერხების პროცესს ეხმაურებიან და მთავრობას კანონით ნაკისრი ვადაგადაცილებული ვალდებულებების შესრულებისკენ მოუწოდებენ, _ ერთობლივ განცხადებას ორგანიზაცია „პარტნიორობა ადამიანის უფლებებისთვის“ ავრცელებს. შშმ პირთა უფლებების შესახებ კანონი , რომელიც პარლამენტმა გასული წლის ივლისში მიიღო, ამოქმედების პირველ ეტაპზე, 2020-2021 წლებში აღმასრულებელი ხელისუფლების უმთავრეს ვალდებულებად   პოლიტიკის დაგეგმვის და განხორციელებისთვის მნიშვნელოვანი ინსტრუმენტების შემუშავებას ითვალისწინებდა, თუმცა ეს დროულად ვერ მოხერხდა. „საგანგაშოდ მიგვაჩნია, რომ იმ ვალდებულებების მნიშვნელოვანი ნაწილი, რომელთა განხორციელების ბოლო ვადად მიმდინარე წლის პირველი იანვარი იყო განსაზღვრული, საერთოდ არ შესრულებულა. ამ პერიოდში მხოლოდ ორი აქტივობის განხორციელება გახდა შესაძლებელი - იუსტიციის მინისტრის ბრძანებით, შშმ პირთა უფლებების დამცველი ორგანიზაციებისთვის დამტკიცდა სპეციალური მოსარჩელის სტატუსის  მიღების  პროცედურები, ხოლო განათლებისა და მეცნიერების სამინისტრომ  ნახევარი წლის დაგვიანებით შეიმუშავა და დაამტკიცა სურდო თარჯიმნების სერტიფიცირების პროგრამა. აღნიშნული ინსტრუმენტების არსებობა უდავოდ მნიშვნელოვანია შშმ პირთა თემისთვის, თუმცა ისინი ვერ ანაცვლებს კანონით გათვალისწინებულ სხვა ძირეულ ვალდებულებებს“ - ნათქვამია არასამთავრობო ორგანიზაციების საერთო განცხადებაში. ისინი მთავრობას მოუწოდებენ შეიმუშაოს და დაამტკიცოს 2021-2035 წლების ერთიანი სტრატეგია და სამოქმედო გეგმა, რომელმაც უნდა განსაზღვროს მომდევნო წლების განმავლობაში შშმ პირთა მიმართ სახელმწიფოს მოკლევადიანი და გრძელვადიანი  პრიორიტეტები, რომელიც თავის მხრივ მომავალში გატარებული პოლიტიკის საფუძველი იქნება. გარდა ამისა, არასამთავრობო ორგანიზაციები მთავრობას შშმ პირთა უფლებების შესახებ გაეროს კონვენციის იმპლემენტაციისთვის პასუხისმგებელი უწყებათაშორისი საკოორდინაციო ორგანოს შექმნას სთხოვენ, რომლის ვალდებულება იქნება, განსაზღვროს  და დააკოორდინიროს ქვეყანაში კონვენციის აღსრულება და უზრუნველყოს შშმ თემისა და სახელმწიფო უწყებების ეფექტიანი მონაწილეობა ამ პროცესში: „საქართველოს მთავრობას: უმოკლეს ვადებში უზრუნველყოს შშმ პირთა ეროვნული სტრატეგიისა და სამოქმედო გეგმის შემუშავება და ამ პროცესში შშმ თემის წევრების აქტიური ჩარ-თულობა; უმოკლეს ვადებში შექმნას კონვენციის იმპლემენტაციისა და კოორდინაციის მექანიზმი, რომელიც იქნება კონვენციის სტანდარტების სრულ შესაბამისობაში და, მათ შორის, გაითვალისწინებს შშმ თემის ეფექტიან მონაწილეობას გადაწყვეტილების მიღების პროცესში; შშმ თემის ჩართულობით უზრუნველყოფილი იყოს ყველა უწყების მიერ წლიური სამოქმედო გეგმების მიღება, რომელიც შინაარსობრივად დაეფუძნება შშმ პირთა რეალურ საჭიროებებსა და გამოწვევებს; შემუშავდეს შშმ თემისა და ორგანიზაციების ჩართულობის სტანდარტი, რომლითაც იხელმძღვანელებს ცენტრალური და მუნიციპალური ხელისუფლება ნებისმიერი ტიპის საქმიანობის განხორციელების დროს; განხორციელდეს ცენტრალური და ადგილობრივი ხელისუფლების ორგანოების აქტიური და სიღრმისეული ინფორმირება კონვენციითა და შშმ პირთა უფლებების შესახებ კანონით გათვალისწინებული ვალდებულებების შესახებ. საქართველოს პარლამენტს: შშმ პირთა უფლებების შესახებ კანონის აღსრულებაზე განახორციელოს აქტიური და ეფექტიანი საპარლამენტო ზედამხედველობა და ამ პროცესში უზრუნველყოს შშმ თემის აქტიური ჩართულობა და მათი პოზიციების პრიორიტეტიზაცია“, _ ნათქვამია განცხადებაში, რომელსაც ხელს აწერენ: სოციალური სამართლიანობის ცენტრი (ყოფილი EMC); პარტნიორობა ადამიანის უფლებებისთვის (PHR); პლატფორმა ახალი შესაძლებლობებისთვის (PNO); ფსიქიატრიის სერვის მომხმარებელთა და გადარჩენილთა საქართველოს ქსელი (GNUSP); გლობალური ინიციატივა ფსიქიატრიაში - თბილისი; ააიპ თანაბარი ჩართულობის შესაძლებლობის ცენტრი (EPC); ასოციაცია დეა; პლატფორმა სალამი; ააიპ საჩხერის შეზღუდული შესაძლებლობის მქონე პირთა რეგისტრირებული კავშირი; მარიკო კობახიძე; ესმა გუმბერიძე; გიორგი ... ...
  • საქსტატის მონაცემებით, საშუალო თვიური ხელფასი 1256 ლარამდე გაიზარდა2021 წლის I კვარტალში საქართველოში საშუალო თვიური ნომინალური ხელფასი გასული წლის შესაბამის პერიოდთან შედარებით 4.4 პროცენტით (53.5 ლარით) გაიზარდა და 1 256.2 ლარი შეადგინა. საქმიანობების სახეების მიხედვით შედარებით მაღალი ხელფასი დაფიქსირდა შემდეგ დარგებში: საფინანსო და სადაზღვევო საქმიანობები – 2 448.5 ლარი (წინა წლის შესაბამის პერიოდთან შედარებით შემცირდა 5.7 პროცენტით); ინფორმაცია და კომუნიკაცია – 2 159.8 (გაიზარდა 14.4 პროცენტით); პროფესიული, სამეცნიერო და ტექნიკური საქმიანობები – 1 798.9 ლარი (გაიზარდა 0.2 პროცენტით); მშენებლობა – 1 664.5 ლარი (შემცირდა 2.3 პროცენტით); 2021 წლის I კვარტალში ქალების საშუალო ხელფასი 1 022.9 ლარით, ხოლო კაცების - 1 473.4 ლარით განისაზღვრა. ხელფასების წლიურმა ზრდამ ქალებში 62.5 ლარი შეადგინა, ხოლო კაცებში - 49.5 ლარი. საქმიანობის სახეების მიხედვით კაცების ხელფასი თითქმის ყველა სექტორში აღემატებოდა ქალების ... ...
  • თანხები რეგფონდიდან, წინსწრებით დაგებული გზები და უკმაყოფილო სოფლის დეპუტატებიმერიის წინადადების საფუძველზე ლანჩხუთის საკრებულოში დეპუტატებს რიგგარეშედ მოუწიათ შეკრება და სხდომის გამართვა. სხდომას საკრებულოს თავმჯდომარე ბესიკ ტაბიძე უძღვებოდა. სხდომის დღის წესრიგი კი  ორი საკითხისგან შედგებოდა. პირველი საკითხი  2021 წლის ბიუჯეტის დამტკიცების შესახებ  ლანჩხუთის  საკრებულოს 2020 წლის 25 დეკემბრის დადგენილებაში ცვლილების შეტანას ეხებოდა და ის დეპუტატებს მერის მოადგილემ ბიძინა იმნაიშვილმა გააცნო. მეორე საკითხის შესაბამისად კი საკრებულოს წევრებმა განკარგულება დაამტკიცეს და  „ევროპის მუნიციპალიტეტთა და რეგიონთა საბჭოს მიერ მიღებულ -„ევროპული ქარტია ადგილობრივ ცხოვრებაში ქალთა და მამაკაცთა თანასწორობის შესახებ“ შეთანხმების ხელმოწერაზე ლანჩხუთის მუნიციპალიტეტის მერიას თანხმობის მიცეს. როგორც პირველი საკითხის მომხსენებელმა ბიძინა იმნაიშვილმა აღნიშნა, რეგიონებში განსახორციელებელი ფონდიდან ლანჩხუთის მუნიციპალიტეტს 2719106 ლარი გამოეყო, საიდანაც 48315 ლარი ნიგვზიანის ადმინისტრაციულ ერთეულში შიდა სასოფლო გზების რეაბილიტაციას უნდა მოხმარდეს. დარჩენილი თანხა, მერიის მხრიდან გაჟღერებული განმარტებების მიხედვით, მუნიციპალიტეტის რიგ ადმინისტრაციულ ერთეულებზე გადანაწილდება და ისიც შიდა გზების რეაბილიტაციისთვის გაიხარჯება. სწორედ ბიუჯეტში  შესაბამისი ცვლილების ასახვის მიზნით დაიწყო საკითხთან დაკავშირებით ადმინისტრაციული წარმოება. თუმცა, მანამ  საკითხს დასტურს მისცემდნენ, დეპუტატებმა საკუთარი მოსაზრებებიც დააფიქსირეს. უმრავლესობის წევრმა და „ოცნების“ ფრაქციის თავმჯდომარის მოადგილემ,  ციცი ჩხაიძემ აქცენტი სანახევროდ რეაბილიტირებულ, განსაკუთრებით კი ქალაქის ტერიტორიაზე,  გააკეთა და ინფრასტრუქტურის სამსახურისგან ამასთან დაკავშირებთ განმარტებებიც მოითხოვა. „მაინტერესებს ერთი რამ ამ გზებთან დაკავშირებით, ქალაქში გადმოსასვლელი რომ არის, იქ სულ მოუწესრიგებელია, ჩიბათში მივდივარ-გზა სოფელში შეწყვეტილია, გვიმბალაურში თუ აგარაკში ავდივარ, გზა ბოლომდე მიყვანილი არაა, თამარ მეფის ქუჩაზე გავდივარ-საშინელი მდგომარეობაა. ერთხელ და სამუდამოდ რა აფერხებს ამის დასრულებას, რა ხდება ან რატომ?! თანხა არყოფნის?! გათვალისწინებული არაა პროექტში თუ რატომ ვაწყდებით ასეთ პრობლემებს?!“- აღნიშნა „ოცნების“ ფრაქციის თავმჯდომარის მოადგილემ.  კითხვები სხვა დეპუტატებსაც გაუჩინა წარმოდგენილმა საკითხმა. მათი არგუმენტით, ზემონახსენები დაფინანსება რამდენიმე  ადმინისტრაციულ ერთეულს არ მოიცავს და მათთვის გაუგებარი რჩება თუ რატომ. „ლესა სად არის? გვიმბალაური სადაა? სხვა რამდენიმე  ადმინისტრაციული ერთეული სადაა? თუ იქ არ არის შიდა გზების პრობლემები?!“-  იკითხა დეპუტატმა ამირან გიგინეიშვილმა.  პასუხად კი საკითხის მომხსენებლისგან მიიღო, რომ ზემონახსენები თანხა იქ გამოიყო, სადაც უკვე მზა პროექტები არსებობდა. ლესის მაჟორიტარის, ელისო ჭიჭინაძისთვის პრიორიტეტების შერჩევამ შექმნა ბუნდოვანება. „საინტერესოა როგორ შეირჩა პრიორიტეტები. სულ გზას ვიძახით და ვინ უნდა გაამზადოს ეს პროექტები?! ჩვენ თავად თუ რა ხდება?! ვერ გავიგე! ხომ ამბობენ, რომ ეს წინასწარ გამზადებული პროექტებიაო, გვაჩვენონ ინფრასტრუქტურის სამსახურში ვის რამდენი განცხადება აქვს შენატანი გზების თაობაზე. თუ არ ვცდები სულ 16 ადმინისტრაციული ერთეულია და აქ 11-ია ასახული, ანუ 11 უკიდურესად მძიმე მდგომარეობაში მყოფი და ის დანარჩენი ხუთი უკეთეს მდგომარეობაშია?! “ საფინანსო კომისიის ხელმძღვანელმა ალექსანდრე მახათაძემ კი მერიის ინფრასტრუქტურული სამსახურიდან სრული ჩამონათვალი მოითხოვა თუ რომელ ადმინისტრაციულ ერთეულში რეგფონდიდან  რა თანხა გაიხარჯა2017 მოყოლებული დღემდე.  „მომავალი საკრებულოს  სხდომისთვის, როცა ეს წარმოდგენილი ბიუჯეტში ცვლილება უნდა დავამტკიცოთ, მერიის ინფრასტრუქტურის სამსახურმა წარმოგვიდგინოს 2017 წლიდან დღემდე ადმინისტრაციული ერთეულების მიხედვით რეგიონალური განვითარების ფონდიდან რა თანხებია გახარჯული. გზა იქნება, პარკი იქნება თუ რაც იქნება“, _ საკუთარი მოთხოვნა დააყენა საფინანსო კომისიის თავმჯდომარემ.    დეპუტატთა მხრიდან გაჟღერებული პრეტენზიების საპასუხოდ განმარტებების გაკეთება  მერიის ინფრასტრუქტურის სამსახურის პირველ პირს ლევან ჩხაიძეს მოუწია. მისი თქმით, ლესაში გზა წინსწრებით დაიგო და ამიტომაც ვერ მოხვდა ის ახლანდელ ჩამონათვალში: ლესაში წელს გასაკეთებელი გზა  შარშან,  წინსწრებით დაიგო. 2020 წელს ლესაში 250 ათასი ლარი დაიხარჯა. იგივე მოხდა გვიმბალაურში. აქედან გამომდინარე, თანხები იმდენი არაა, რომ ყველა ადმინისტრაციულ ერთეულს  ეყოს, ამიტომ გავათანაბრეთ. ღრმაღელეში რეგფონდიდან უკვე მიმდინარეობს გზის დაგება. მაჩხვარეთში კი მომზადებულია საპროექტო დოკუმენტაცია და გამოცხადდება ტენდერი“, -განმარტა ჩხაიძემ.  რაც შეეხება სანახევროდ გაკეთებულ ქუჩებს, ლევან ჩხაიძის თქმით, ინფრასტრუქტურული პროექტების განხორციელებისას პრიორიტეტი ისეთ ქუჩებს ენიჭება, სადაც ინტენსიური მოძრაობაა.  ინფრასტრუქტურის სამსახურის უფროსის მიერ გაკეთებულმა განმარტებებმა ლესის მაჟორიტარის უკმაყოფილება კიდევ უფრო გაზარდა. „სულ საუბარია, რომ ლესაში კეთდება სკოლა, გაკეთდა საბავშვო ბაღი, გაზი, მაგრამ მე ვკითხულობ ამ ფონდის თანხებიდან რა გაკეთდა ჩემს სოფელში?! რატომ მიდებთ საპირწონედ სკოლა და ასე შემდეგ. არ უნდა გაკეთებულიყო?!  რაც არ გაკეთდა ის რატომ არ გახსოვთ და არასწორად რომ შეირჩა პრიორიტეტები. საექიმო უბანი რომ არაა სოფელში და ადამიანები ოჯახში აკითხავენ ექიმს. არასწორად იყო შერჩეული პრიორიტეტები და ახლაც არასწორადაა.  მე ამ საკითხს მხარს დავუჭერ სხვა სოფლების განვითარებისთვის, მაგრამ  არასწორად გაქვთ პრიორიტეტები!“ დასძინა ელისო ჭიჭინაძემ. ცხარე დებატების შემდეგ ჯერი საკითხის  კენჭისყრაზეც მიდგა და ბიუჯეტში ცვლილების განხორციელების თაობაზე ადმინისტრაციული წარმოების დაწყებას სხდომაზე მყოფებმა ერთსულოვნად დაუჭირეს მხარი, მიუხედავად აზრთა ... ...
  • "ეს სურების წმინდა გიორგის სახელობის ხის იავარქმნილი ეკლესიაა" _ ვახუშტი მენაბდეკონსტიტუციონალისტი ვახუშტი მენაბდე სოციალურ ქსელში ჩოხატაურის მუნიციპალიტეტის სოფელ სურებში მდებარე წმინდა გიორგის სახელობის უძველესი ხის ეკლესიის ფოტოს აქვეყნებს. "ეს წმინდა გიორგის სახელობის ხის ეკლესიაა გურიის სოფელ სურებში. სამწუხაროდ, იავარქმნილი - დასანანია, რომ ასეთ კულტურულ მემკვიდრეობას სახელმწიფო სათანადო ყურადღებას არ აქცევს. ხის ეკლესიები აქა იქ თუ შემორჩა ჩვენში, არადა, ერთ დროს ძირითადად ასეთებს აშენებდნენ. ძალიან სპეციფიურია მისი არქიტექტურა და საინტერესო. სოფელი მდინარე სუფსის მისტიურ ხეობაშია მდებარეობს და ძველი დროიდანაა ცნობილი", _ წერს ვახუშტი ... ...

არქივი

ტესტები

ტესტი _ იცი თუ არა ყველაფერი?

როგორ უნდა გაარკვიოთ მხარეები ტყეში...

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ ყველაზე, ყველაზე...

იცი თუ არა გეოგრაფია

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

კარმიდამო ჩემი

ტრადიციად ქცეული მავნე ჩვევა

სასოფლო-სამეურნეო სავარგულების გადაწვა სახიფათო და...

"ქართული თექა ჩემი გატაცებაა!"

ქართულ თექაზე მუშაობას, უმეტესად, ჩვენი...

გავაშენოთ საადრეო ჯიშის მანდარინი

დასავლეთ საქართველოს სუბტროპიკული ზონის კლიმატი,...

თხილის წამლობა აპრილის შუა რიცხვებიდან

აპრილის დასაწყისიდან, როცა თანდათან მატულობს...

როგორ გამოვკვებოთ და გამოვზარდოთ ქათმის წიწილები

საქართველოში ქათმის და, ზოგადად, შინაური...

დავთესოთ ბოსტნეული და გამოვიყვანოთ ჩითილები

წლევანდელი გაზაფხული,  გურიაში, განსაკუთრებით, საკმაოდ...

საგაზაფხულო ფხალეული კვერცხით და ნედლი სანელებლებით

საქართველოს სამზარეულო კულტურა ფხალეულის ორასამდე...

"კალისტო 1920 "_ გურიაში "გემოვანის" პური გამოჩნდა

პური ერთ-ერთი უძველესი საკვებია და...

ერთი ნაჩუქარი ბაჭიით დაწყებული საქმე: "ბოცვრის მოშენება ყველა ოჯახმა უნდა შეძლოს"

ჩოხატაურის მუნიციპალიტეტის სოფელ შუაამაღლებაში მცხოვრები,...

ზღმარტლი _ მცენარე, რომელიც იმსახურებს ყურადღებას

მუშმულას და უნაბის შემდეგ, ჩვენს...